Flokkur: Uncategorized

Í dag var spurt um hver væri ástæðan fyrir því að ég er í þessari lífsstílsbreygingu minni!

Og vitiði ég hef ekki hugmynd um það!

Ég gæti sagt þetta og fundist það ýmist eiga við mig eða ekki – allt eru þetta ástæður sem maður fær úr umhverfi sínu en ekki endilega innra með mér:

Af því einhverjum öðrum en mér var það svo ,,mikið hjartans mál?“

Af því að það er hið eina gáfulega í stöðunni?

Afþví samfélagið viðurkennir ekki feitt fólk – það er litið niður á feitt fólk og ég vil ekki að það sé litið niður á mig?

Afþví mig langar til að lifa lengur?

Afþví mig langar til að vera hraustari?

Afþví ég var búin að fá nóg af mér?

Afþví ég var komin að endamörkum hins mögulega?

Ég hef enga ástæðu til að gera þetta – verður maður ekki að hafa ástæðu? En víst finnst mér þetta gáfulegt ráðslag.

En ég er á köflum alveg búin að fá nóg af mér. T.d. kvöldmatnum í kvöld og nammiafgöngum sem ég át nú rétt í þessu! Ég er totally lost yfir mér stundum. Kannski þarf ég að finna mér ástæðu og setja mér markmið ha? Það hljómar amk þannig að það sé gáfulegt!

Ég meina þarf að vera ástæða fyrir öllu?

En nú er ég farin að sofa, var vöknuð fyrir sex í morgun, hvað svo sem svoleiðis ráðslag á að þýða!

Er sko í nettu kasti yfir þessu með vigtina. Fannst eins og ég hefði verið að fækka sentimetrum í liðinni viku – en ég er líka að reyna að muna þetta:

Og nú ætla ég að líta á kvíðalistann minn og gá hvernig mér gengur:

En ég er að fá nett kvíðakast yfir öllu því sem ég á eftir ógert:

Námsmat í mörgum liðum = vinna alla helgina
Ég hlakka bara til – gaman að sökkva sér niður í eitthvað – borða bara svolítið af norgesic og voltaren og þá er ég góð 11. nóv 19:20 Allt búið nema stærðfræðin

Gera drög að einstaklingsáherslum í stærðfræði
Byrjaði á því í dag og get áreiðanlega haft gaman af því á sunnudag ef vel gengur með námsmatið á morgun!

Lestrarprófa
Búin að því Enn búið

Útbúa gátlista í stærðfræði
Á það nú alveg eftir en er komin vel á veg í huganum. Verkefni sunnudagsins

Undirbúa smiðjur með einstaklingsáherslur
Verð að gera það fyrir fimmtudag annars lendi ég í vandræðum

Aðalverkefni í námskrárfræðum
Ingvar sagði mér að vera róleg – hef til áramóta og rúmlega það en vil klára það fyrir jólafárið.

Þvottur
Sigh

Útbúa tvo stutt málfundarinnlegg sem ég held ég eigi að flytja í næstu viku!
Tvö? Ég man bara eftir einu… Ah já man hitt – úps Er farin að hugsa um annað! Geri það á mánudagskvöld enda ekki seinna vænna – flyt það á þriðjudag!

Fara í bæinn á mánudag til sála og í dekur tíhíhí því ég er svona næstum því búin að missa 20 kg
Ég er nú ekki alveg viss um þessi 20 kg – vigtin í dag var leiðinleg en á ég ekki samt gott skilið?

Fara svo aftur í bæinn á þriðjudag að tala við kennara í Grandaskóla
Iss það er nú ekki til að hafa áhyggjur af

Elda góðan og hollan mat
Annað umræðuefni takk

Hugsa um Aðalstein
Gengur vel

Vera góð við Ragnheiði
Hef nú bara eiginlega ekkert séð hana eða heyrt þessa viku en allt gott sem hefur verið

Labba með Bjart en það hefur legið niðri
Mið næsta vika

Stunda líkamsrækt – ekki sem best – en ekki alslæmt samt. sem minnir mig á það að ef ég fer í bæinn á þriðjudag þá get ég ekki farið í styrk né í spinning þann dag Jú ég verð komin heim – hvíli mig í klst og fer svo spræk, má ekki geyma það of lengi að fara aftur þá vex mér það í augum! – og það er foreldradagur á fimmtudaginn sem er u.þ.b. erfiðustu dagar ever í skólanum, er þá engin líkamsrækt eiginlega í næstu viku? Júbbs, á morgnana og á sunnudag, þriðjudag og föstudag – you can do it girl! ha hu hummmmm

Klárlega eitthvað fleira sem ég man ekki… eða kýs að gleyma


11.nóv sko – það lítur ekki út fyrir að það sé mikið búið en það er samt ógeðslega mikið búið þegar maður er búinn að prenta út og meta það sem ég er búin að meta. Var ótrúlega dugleg í dag, kom út í skóla rúmlega 8 og er búin að vera svo dugleg að ég dáist að mér upphátt og í hljóði! Á morgun er það sem sagt stærðfræði – mat, gátlistar og áætlun.

Já og svo Styrkur nátttúrulega! Kl 12 til að vera nákvæm og skráning í spinning á þriðjudag – Sigurlín er GAME.

God hvað ég er svöng….

Kannski svoldið eins og að vera í þessum skóm í frostrigningu – þeir eru áreiðanlega ekki betri en Puma skór Sigurlín heldurðu það 😉

Ég er í sjálfstæðisbaráttu – tilvistarkreppu – sjálfstyrkingarátaki um leið, sem svo aftur veldur því að ég lendi í svolitlum vandræðum með sjálfa mig á köflum 😉 En það eru svo sem ekki slæm vandræði – meira svona huglægt stormviðri og eiginlega er það of fínt orð!

Nú ég fór á Mýrina í gær – svona líka þrusufín mynd maður! Fór ein því ég þekki engan nógu klikkaðan til að vilja frekar fara með mér en manninum sínum. Ég hef alltaf rekist svo illa í svona giftum vinahóp – ein alltaf með karlinn á sjó eða í Færeyjum og þá þegar hann er heima þá á ég ekki neitt sérlega erfitt með að skilja hann eftir heima. Enda fer hann nú sjálfur ófáa skreppitúrana sem geta tekið svoítinn tíma, já jafnvel daga ;-). Gullaldar tíminn var kannski þegar ég og Arnrún vorum saman á Bakkanum í gamla daga. Við vorum nú góðar saman. Ég sakna oft Arnrúnar – hún sendi mér tölvupóst um daginn en ég glopraði niður netfanginu svo ég get ekki svarað henni!

Þetta var mjög skemmtileg bíóferð. Ég nefnilega passa orðið í bíósætið með þó nokkrum ágætum. Ég vatt upp á mig til vinstri og svo vatt ég upp á mig til hægri og setti meira að segja fæturnar upp á stólinn fyrir framan mig og svo setti ég fæturna í kross og ég veit ekki hvað og hvað. Og svo var bara hálf leiðinlegt eftir hlé þegar einhverjir tveir karlar gátu fundið sig í því að setjast við hliðina á mér – þá einhvern veginn kunni ég ekki eins við að vera að fetta mig þetta og bretta! Tíhíhí. Voða gaman að passa amk næstum því í bíósæti!!!! Oh yeah

Nú svo er ég búin að hafa samband við hann Ingvar minn – hina karlhetjuna í mínu lífi. Það var nú afrek í sjálfu sér að hafa sig í að skrifa honum á ný – en hann tekur mér alltaf svo vel að það er bara nærandi fyrir sálina að heyra í honum. Hringi kannski í hann í kvöld til að ræða um skólamál við hann. Já og svo á ég að vera með litla tölu í Grandaskóla einhvern tímann á næstunni – 14. nóv held ég. Hélt það hefði dottið upp fyrir. En ég kem mér nú að því vonandi.

Nú svo er námsmat í skólanum og það er aftur verra með það því ég get alls ekki unnið niður í borðið eins og ég kalla það – þe að halla hausnum niður og fram. Ég get setið og horft á tölvuskjá og pikkað því ég þarf ekkert að horfa á lyklaborðið en um leið og ég þarf að rýna eitthvað niður þá er ég búin á því. Veit ekki alveg hvernig ég á að komast í gegnum verkefnabunkann en það reddast!

Fór í vinnuna í dag og var alveg til fimm en ég gerði ekki margt – nemarnir sáu um kennsluna nema í síðasta tíma og þá svona rembdist ég við að haga mér mannalega. Er sem sagt ekki orðin góð en miklu betri samt. Við skulum sjá hvernig gengur á morgun – annað hvort lagast það eða versnar hef ég grun um 😀

Ég fór ekki í brennslu í morgun og ég er ekki ánægð með mig varðandi það – ætlaði skoho en ég svaf svo ótrúlega illa og fór alltof seint að sofa þar að auki – Mýrin sjáiði til kl 22. Þannig að ég hef ekkert hreyft mig í dag – en ég hef heldur ekki látið mjög asnalega í matarmálum nema að ég hef eiginlega ekkert borðað – sem er náttúrulega svolítið asnalegt í sjálfu sér. Og ekki vænlegt til árangurs. Huhmmm en það er ekki á allt kosið – alltaf og ekki heldur stundum 😉

Á morgun skal ég fara í brennslu árla morguns og nálar í hádeginu og spinning kl 18 – ein. Ég hef ekki þrek til að plata neinn með mér í þetta. Er ekki heldur viss um að ég komist í gegnum þetta fullan tíma en þá bara hætti ég eða fer hægar eða eitthvað – amk er þetta áreiðanlega fín brennsla og ég ætla að einbeita mér að henni þessa dagana ekki satt?

Já það er svo sannarlega margt í mörgu.

Helsta markmið mitt þessa dagana er að standa á eigin fótum. Ég hef mestar áhyggjur af því að ég geri Baldur vitlausan á mér – ég sá Fatal attractions í gær og mér varð hugsað til mín, nema þar væri scenið :skjólstæðingurinn sem ofsækir sjúkraþjálfarann í vinnunni – hmmm þetta er nú kannski hæpin viðlíking – a.m.k. mætti misskilja hana! En það gerið þið náttúrulega ekki því þið vitið svo vel hvað ég meina! Ég held ég sé eins og heftiplástur. Fæ einhvers konar ofsaáhuga á einhverju og verð þá að deila því með einhverjum. Það hefur t.d. áreiðanlega enginn skrifað Ingvari fleiri pósta en ég á námskeiðinu, Vilborg fékk ekki að eiga sér neitt líf nema með mér þegar við byrjuðum í ræktinni – enda er hún búin að gefast upp á mér og þykist alltaf vera að læra! Björk situr uppi með endalausar umræður um sömu hlutina varðandi líkamsræktina og aumingja Palli verður gjöra svo vel að hafa áhuga á öllu því sem ég hef áhuga á – allt frá bútasaumi til Bridge – og honum er það misvel gefið satt að segja 🙂 Ásta Björk fékk að kenna á golfinu o.s.f.v. Eina sem ég get huggað mig við að þeir Ingvar og Baldur eru að sinna mér í vinnunni – og fá jafnvel greitt fyrir það líka :-).

En fyrir vikið – þar sem ég er að reyna að vera sjálfstæð og ábyrg kona en ekki molbúi sem þykist ekki eiga sér nein áhugamál og vera félagsfælin með einhverfan áhuga á sinni eigin líkamsrækt, þá verð ég svoldið óttaslegin og einmana. En þá er bara að dreifa álaginu af því að þekkja mig á fleiri og láta bloggið finna fyrir því.

Eina sem ég skelfist svolítið er að opinbera mig svona á netinu. Fólk getur komið hingað inn sem hefur annarlegar hvatir s.s. eins og sýndi sig í DV um helgina. Það er hægt að mæta í viðtal og segja hvað sem er og nota allt gegn manni – segja bara hálfan söguna og illa það. Hér á þessu bloggi er áreiðanlega margt sem slíta má úr samhengi, rangtúlka og snúa upp í fína fyrirsögn. Mér var amk brugðið að sjá að einhver af fréttablaðinu var hér að snusa vikuna áður en viðtalið birtist þar sem ýmsu var snúið á hvolf nú um helgina. Það er ekki auðvelt að vera kennari með munninn fyrir neðan nefið. Nú á tímum er best að segja sem minnst og láta hlutina bara hafa sinn gang því þegar upp er staðið er hver sjálfur sér næstur og hægt er að bera upp á mann hvað sem er því ekki fara kennararnir í blöðin og segja sína hlið á málinu. Enda er það ekki til neins.