Flokkur: Uncategorized

Kæri nafnlausi auglýsandi!

Hér á þessari síðu rausa ég um mig og mitt og öllum er velkomið að tjá sig um það, hafa skoðanir á því þar sem ég hef kostið að birta það á almennum miðli. Þeim almennasta sem til er – internetinu sjálfu. Jafnvel þó efnið sé í meira lagi persónulegt eins og t.d. myndin hér að neðan.

Ég hef unnið við vefmiðil og þekki óritaðar og ritaðar reglur þess ágætlega – ég þekki einnig almenna kurteisi ágætlega – þó hver skilgreini hana fyrir sig.

Ég set tengla inn á aðrar síður sem ég vitja oft og hef áhuga á og er því þar með e.t.v. að auglýsa þær um leið. Fólk lítur hér við, sumir skrifa eitthvað notalegt handa mér í baráttunni við sjálfa mig á meðan enn fleiri lesa bara og hafa vonandi eitthvað gaman af að fylgjast með mér vegna tenglsa þeirra við mig eða þekkja einhver viðfangsefni sem ég fæst við. Ég hef ekki sett tengla inn á magaminnkunarsíður hversu ágætar sem þær aðgerðir reynast öðrum. Ég fæst hins vegar við hlutina á annan hátt. Útfrá því að breyta um lífsstíl, -með því að hugsa um þessa þætti: hreyfingu, mataræði og hvíld.

E.t.v. á þessi síða sem vísað er í, í tvígang í ,,commentum“ hér eftir að vekja áhuga minn og vonandi á hún eftir að ganga vel og öllum þeim sem velja þá leið sem titill hennar vísa til. Ég biðst hins vegar undan auglýsingum um þessa síðu í nafnlausum commentum hér á mínu bloggi.

Þú myndir hvort sem er ná betri árangri kæri auglýsandi ef þú segðir frá þér, kynntir þig og segðir hvað ræki þig hér inn á þessa síðu annað en leitarorðið magaminnkun á google þaðan sem þú komst hér inn fyrst.

Það er óviðeigandi að nota aðrar síður en sína eigin til auglýsinga sig nema með gjaldi eða leyfi og ég frábið mér þær nafnlausar í tengslum við bloggfærslur sem eru runnar undan einhverjum allt öðrum rifjum en þess að fara í magaminnkun.

Þér er hins vegar velkomið að kynna þig með formlegum hætti og síðuna þína og vísa til þess hvernig þú álítur hana geta tengst og hjálpað fjölskyldu minni og vinum sem fæstir þurfa þó á nokkurri magaminnkun að halda.

Vonandi lítur þú hér við þér til ánægju á nýju ári – en lætur auglýsingaherferð þinni hér með lokið.

Bestu kveðjur Ingveldur

Ég er bara algjörlega heilluð af jólatrénu mínu :-). Fékk mér nýtt jólatrésskraut núna fyrir jólin og ég er svooo ánægð með það að það er gasalegt. Verð að leyfa ykkur að njóta! Já svo ekki sé nú minnst á það hve ánægð ég er með að það er komin stafræn myndavél á heimilið á ný! Aðalsteinn er svo góður að leyfa mér að nýta hana með sér :-).

Iss ég held að áætlanir séu bara svona mest til þess að gera ekkert með þær – gæti maður ekki sagt að þær væru svona til viðmiðunar? Jólaundirbúningsáætlunin mín er nú svoldið öðruvísi í verki en á bloggi en það er allt í lagi :-).

Hér er allt í hæfilegri vitleysu en:

Jólakveðjur óma
Hangikjöt mallar við suðumark
Jólagjafir lúra hér og þar um húsið
Kertin loga innan um ókunnulega hluti sem eru á vitlausum stað 🙂
Bjartur er úti á bletti að rífast við gesti og gangandi 😉 og keyrandi
Úti er yndislegt veður
Jólatréð virðist vera alveg tilbúið fyrir skautið sem er nú mikill munur!

verið að ég væri með svona ofsaþreytu? Það væri fín afsökun fyrir því að nenna ekki í sund, göngu eða svona almennt að hreyfa sig, er það ekki?

Það finnst mér

…að sinni að minnsta kosti!

…en ekki í Khí heldur í lífinu sjálfu!

Ég er búin að læra eitt. Það eru engin tímamörk á því hvenær ég VERÐ að vera orðin svona góð á ógeðstækinu, eða hvenær ég verð orðin ákveðin kíló! Ég hef nógan tíma til þess að ná þeim markmiðum sem ég set mér. Hið eina sem ég hef nóg af er tími (og kíló!). Tíminn skiptir ekki máli í þessu dæmi hjá mér heldur það að ég er að breyta, gera og upplifa.

Ég er búin að læra tvennt! Í dýpstu niðursveiflu síðari tíma hjá Ingveldi, þunglyndi, blankheitum, unglingaárekstrum, vinnuóþoli, ægiþreytu þyngdist stúlkan ekki neitt heldur hélt fengnum hlut! Ég vildi óska að ég hefði lést síðasta mánuðinn en ég er svakalega glöð að ég hef ekki bætt á mig mörgum kílóum. Fyrst ég komst í gegnum þennan tíma þá má ég líklega bara vera sátt við mig því síðustu vikur hafa ekki verið þær auðveldustu það get ég svarið!

Ég er búin að læra þrennt! Maður þarf að halda vel á spilunum til að léttast. Kúrsinn þarf kannski ekki að vera þráðbeinn en maður verður að halda honum. Mín leið til að halda honum er hreyfingin og á hana ætla ég að leggja áherslu á næstu vikurnar – í gegnum jólin og reyna að halda fengnum hlut. Fram að jólum ætla ég að reyna að sækja á smjörfjallið. Hreyfingin verður að koma inn til þess. Ég er nokkuð góð af hælsporanum, hálsinn er þokkalegur þannig að ég ætti að geta spriklað smá neti lífsstílsbreytingarinnar!

Smá seinna – mundi þetta ekki alveg í morgun sko – erfitt að læra svona margt í einu :-):

Ég er búin að læra fernt! Mér leiðist í Styrk á morgnana. Það er svo mikið einhvern veginn, já best að móðga engan, en það er sem sagt svoldill ys og þys og ekki alveg mín stemmning. Og ég bara fann það þegar ég fór í Styrk í gær hvað það var dásamlegt og dásamlegt að vera í þriðjudagsrólegheitunum! Og þess vegna á ég svoldið erfitt í spinning um þessar mundir þar sem ég þoli ekki vel ys og læti! Því ætla ég að geyma spinning til næsta árs og fara aftur á þriðjudaginn í Styrk – og á sunnudaginn náttúrulega svo ekki sé minnst á föstudaginn (hlýt að komast þá for fanden). Jamm þetta er ég nú búin að læra. Viðbrögð við þessum númer fjögur er sem sagt auk þess að mæta á miðjum degi á þriðjudegi er að huga að því að labba á morgnana frekar en fara í lætin í Styrk.

En að minnsta kosti þarf ég að vera dugleg að hreyfa mig. Sækja á, á ný!

Veit samt ekki hvort ég hef verið nógu stillt í ár til að eiga hana skilið

Heyrið ði – hún fæst í Hreysti! Ja hérna hér!

Ég er adrenalínsfíkill. Ekki bara ofátsfíkill (á nú eftir að kaupa það skoho) frekar síátsfíkill, ja hvað um það amk fíkill og svo er ég vinnufíkill og svo elska ég að gera allt á síðustu stundu og bara nýt mín ekki fyrr 🙂

Markmið númer eitt er að fara eftir þeim markmiðum sem ég set mér!

Gott markmið ekki satt.

Nú hef ég opinberlega eitt markmið – sofa
annað markmið er að meina eitthvað með því þegar ég segist borða gáfulega!
þriðja er að vinna að svolitlu í vinnunni minni og
fjórða er að fara amk 2 í Styrk í viku og 2 sinnum út að ganga þar til svefninn er kominn í lag en þá verður víst mataræðið að vera í þeim mun betri farvegi…

ja það væri það…

Er með höfuðverk dauðans!

Inga sem setur sér markmið en ætlar sér ekki endilega að standa við þau – fyrr en núna!

huhummmm

…að fara í spinning!

Ég afber ekki að afbera ekki að fara í spinning.

En ég held ég bara geti það ekki….

Og þá þarf maður að hafa umburðarlyndi og þolinmæði –
og nú hentar það mér vel að búa það til og nota!

Sigh – I tell you – ég er meistari í umburðarlyndi og aumingjaskap í senn – when I go on the roll