Flokkur: Uncategorized

Nú jæja – ég er sem sagt að flýja allt það sem ég ætti mögulega að vera að gera þessa helgina og þvælists því bara um veraldarvefinn og blogga þess á milli. Ég þarf að fá mér einhver viðfangsefni ég viðurkenni það en ég er bara í svona útvötnun núna.

En ég er búin að fatta eitt. Þar sem ég er komin með þá dellu að stunda líkamsrækt þar ég að teygja það einu skrefi lengra og fara að snúa mér að einhverri íþróttaiðkun annarri en þeirri sem ég stunda. Einhverri svona almennilegri íþrótt þar sem hægt er að telja og vesenast svoldið. Einhverja íþrótt sem ég yrði að stunda með öðru fólki. Ég er að verða óþarflega mikill einfari held ég.

Ég hef stundað og haft áhuga á:

Badminton – spilaði mikið badminton á Þingvöllum í logninu á næturna. Eins kíkti ég á flugu á Ljósafossi einhvern tímann. Þetta er ákaflega fín og skemmtileg íþrótt. Ég gæti stundað hana á Ljósuborg með samkennurum mínum eða einhverju öðrum sem eru til.

Borðtennis – er gjörsamlega brjáluð í borðtennis já eða var…. Ótrúlega skemmtile íþrótt og ég var meira að segja pínu góð í henni. Keppti einu sinni eða tvisvar – ein örfárra íþróttagreina sem hefur komið mér svo langt.

Golf – golf er gaman að stunda og ég geri það áreiðanlega í sumar. Er ekki viss um að hún uppfylli þessa löngun mína í einhverja íþróttaiðkun aðra.

Bridge – gott fyrir heilann. Þarf að kíkja á hann næsta vetur.

Blak – aleina íþróttin sem ég hef orðið skólameistar í ;-). Aleina íþróttin sem ég hef keppt í heilan vetur. Frábærlega skemmtileg íþrótt – nema þegar maður þarf að horfa á hana – jukk.

Sund – nú það stunda ég nú eftir fremsta megni. Er að leita að einhverju öðru

Ganga – hún er líka svona bara ég og náttúran og Bjartur kannski. Ekki almennileg íþrótt.

Sem sagt mig vantar æfingafélaga í.

A: Borðtennis

B: Blaki
C: Badminton

Það eru sem sagt béin þrjú sem mér hugnast. Það verður áreiðanlega æfingaaðstaða í íþróttahúsinu á Ljósuborg.

Hér með auglýsi ég eftir æfingafélaga næsta vetur – þið megið velja grein – eina tvær eða allar.

Kannski er nú ekki auðvelt að vera bara tvær eða tvö í blaki… Ætli það sé ekki bara hægt að stofna lið híhíhí

En sem sagt mig langar að spila borðtennis hið fyrsta. Eða badminton… Já eða Blak þó ég haldi að það sé svoldið flóknara…

Hafið samband

og hana nú

Það undarlega hefur gerst nú á allra síðustu árum – kannski bara síðustu tveimur að ég þoli ekki breytingar á plani. Ég hef í gegnum tíðina bara ætt í gegnum lífið og verið slétt sama hvort ég geri þetta eða hitt á morgun eða hinn, eða í hvaða röð ég geri hlutina. En það er ekki lengur svo. Allar breytingar fara alveg með mig og ég þarf gríðarlangan tíma til þess að aðlagast öllum breytingum. Ég þykist nefnilega hafa einhvern rythma í kaosinu í mínu lífi.

Eitt sem ég afber ekki er forfallakennsla. Ég bara ræð ekki við breytingarnar sem felast í því að gera ekki það sem ég ætlaði að gera í götunum og svo í ofaná lag að kenna þegar ég ætlaði mér alls ekki að gera það. Enda er bara of mikið að kenna 36 tíma á viku. Þess vegna hef ég beðið um að vera aldrei beðin um að taka forfallakennslu. Samt verð ég að gera það í dag. Það þýðir að allar námskrárnar, símtölin og bréf heim verða annað hvort ekki gerð – eða gerð í frímínútum – fyrir nú utan að það sem ég hef hlakkað til alla vikuna – föstudagsins er allt í einu bara eins og hver annar dagur – hlaðinn of mörgum verkefnum sem ég ræð varla við.

Mig langar mest að fá taugaáfall bara – ef maður gæti fengið svoleiðis af löngun… Sigh!

En það dugir ekki að vola og væla – einu sinni vann ég í öllum mínum götum, tók tvöfalda hópa og ég veit ekki hvað og hvað. Ekki vandamálið. Ég get þetta vel 😉

Ég fór út með Bjart í morgun – það var svei mér fínt. Lengdi gönguna aðeins en ég fór ekki á hjólinu í skólann í dag – þarf nefnilega að skjótast og ná í íþróttafötin áður en ég fer í styrk og þar sem ég ætla í nudd kl hálf fjögur er ekki gott að vera að gaufa neitt eftir hádegið. Það verður bara gott að taka svolítið á eftir hádegið – hugsa bara um peningana sem ég fæ fyrir þetta.

sigh sigh

Veit um einn sem segði að það væri ekki nema von að mér brygði við að vinna ;-). Já eða jafnvel tvo eða þrjá.

…það var ég skoho í morgun :-). Vaknaði kl 6 og velti því fyrir mér afhverju ég væri svona syfjuð. Nú lét sem ekkert væri – hespaði mér í göngugallann og dreif Bjart út í bíl – en sá snúður var alveg jafn aldeilis undrandi á þessar nýbreytni að vera hreyfður og hvorki æmti né skræmti heldur fór stilltur og prúðu í búrið sitt.

Óð síðan eins og vitlaus manneskja um stígana okkar Bjarts og þarf að lengja 22 mín hringinn frá því í haust því ég er ekki nema 17 mín með hann 🙂 híhí.

Þegar ég kom heim setti ég í þvottavélina, brytjaði grænmeti mjög fínt niður og eldaði taco rétt til að hafa með í vinnuna, pakkaði þessu öllu eftir kúnstarinnar reglum. Við Ásta og Dísa nutum síðan góðs af öllu saman í hádeginu :-). Ekki var nú nóg með það heldur fór ég upp á hjólhestinn og brunaði í skólann. Að þessu öllu var ég búin fyrir klukkan 7:30.

…og nú hef ég pantað mér tíma í nudd því voila um leið og ég byrja að ganga þá stífnar allt upp en nú ætla ég að vera á undan bólgunni slæmu og reyna að mýkja draslið upp áður en allt verður um seinan.

Og nú er föstudagur á morgun. Kannski fer ég í pottana á eftir – er samt ekki viss. Langar eiginlega bara mest í dvd og afslappelsi :ö)

Þar sem stormviðri hugans ræður ríkjum hjá undirritaðri er rétt að einbeita sér að því sem maður hefur fast í hendi og einhverja stjórn á; hreyfingunni.

Ég og Bjartur fórum í morgun í göngferð stutta í Hellisskógi bara svona uppúr sex held ég. Bjartur var afskaplega ánægður með þetta ráðslag og eiginlega svo glaður að hann trúði ekki sínum eigin augum. Var síðan bara eins og lítið ljós því hann var svo ánægður með þetta allt saman.

Uppi eru mikil áform um að endurtaka leikinn á morgun enda fuku þarna 300 hitaeiningar fyrir lítið. Og vísast hjálpað til með brennsluna allan daginn ef eitthvað er að marka Baldur sem í sjálfu sér er ekki víst ;-).

Nú svo ætlaði mín að hjóla í skólann og rigndi þá ekki eldi og brennisteini og ég bara lagði ekki í ófögnuðinn. Var svo óánægð með það í allan dag – svo óánægð að ég lét mig hafa það að fara í Styrk eftir kl 16 og var í 24 mínútur á stigvélinni á því sama prógrammi. Oh yeah – ég man nú þegar ég átti verulega erfitt með að vera í 10 mín. Nú bara hviss búmm og mér finnst það ekki einu sinni sérlega leiðinlegt. Nú svo fór ég í smá meiri brennslu og hef því brennt 1100 hitaeiningum í dag sem er um 500 meira en á venjulegum sundleikfimisdegi – sem ég sem sagt ætla að frysta því ég vil frekar reyna að gleðja hundinn amk á meðan hælarnir á mér leyfa.

Á morgun stefni ég svo á að hjóla í skólann og heim og eitthvað fleira – gott væri að ná um 600 hitaeiningum flesta daga vikunnar með göngunni og smá hjóleríi.

Ég hlýt að fara að hressast… Verða frísk og bjartsýn, einbeitt og afkastamikil. Ég man þegar ég var afkastamikil. Það er einhvern veginn ekki lengur. En það er amk gott að vakna í björtu alltaf hreint og um að gera að fara snemma í bólið – þannig vakna ég hvíld og tilbúnari í daginn. Og svo er nú frí á þriðjudaginn – og stuttur dagur á föstudaginn.

Vera jákvæð, bjartsýn og glöð yfir því góða sem gerist og er. Og svo fer ég bráðum að geta farið í útilegu – það verður nú gaman.

Hafið það gott – reynið líka að vera jákvæð, bjartsýn…. já o g það allt saman 😉

Ings

Jæja þá hefur náðst lending í vangaveltum varðandi framtíð mína. Ég fer aðvinna á Ljósuborg næsta vetur og hætti þar með í Sunnulæk eins og gefur að skilja.

Þetta er búin að vera óskapleg fæðing alveg hreint. En niðurstaðan er sem sagt komin. Og ég er sátt um sinn amk.

Nánari rökstuðningur og pælingar um þetta síðar.

Ég held ég hætti líka í sundleikfiminni í bili amk og ætla að labba í hellisskógi með Bjart vin minn snemma í fyrramálið. Hann er ekkert hreyfður – Ragnheiður hefur algjörlega brugðist honum þar og ég verð að taka mig á enda hælsporarnir með besta móti. Svo ætla ég að vera duglega að hjóla í skólann og í Styrk nú í vor og sumar. Það er ótrúlega mikil hreyfing og brennsla sem maður fær út úr hjólreiðunum.

Over and out

Inga uppgefna

Ja ég segi nú bara svona – það var partý hjá mér á föstudaginn, ég var að halda upp á eins árs afmæli þess að ég hef verið í líkamsrækt. Helstu þolendum þess var boðið til mín í léttar veitingar og hyggelighed. Það komu rúmlega 20 manns og það var voða gaman að minnsta kosti hjá mér. Vonandi fleirum.

Nú jæja en það þarf nú ýmislegt til, svo ég geti haldið partý. Það þarf að taka til og skreyta ef það er eitthvað svona þema – hjá mér vara bara einfalt litaþema með fjórum litum og ég hafði keypt svolítið af ílátum og kertastjökum, dúkum og kertum í fjórum litum sem allir settu svip sinn á heimilið. Og svo þarf maður að finna mat sem hæfir svona partýi -ekki mikið að skera því fólk er svolítið að borða á hnjánum eða standandi einhvers staðar og ekki mikið vesen fyrir mig að búa það til (því eins og ég kem að á eftir þá er ég alltaf svolítið á síðustu stundu), maturinn verður að vera þannig að hann geti staðið á borði lengi lengi og verið góður og svo átti hann náttúrulega líka að vera heilsusamlegur. Partýið var jú í tilefni af lífsstílsbreytingunni.

Nú voru því góð ráð dýr – ég ekki eldað góðan mat og frumlegan (það voru nefnilega nokkrir matgæðingar á leiðinni og maður verður að halda andlitinu!) lengi lengi lengi og það var því mikið hugsi hugs. Og mundi ég þá eftir einhverri salatbók sem ég hafði keypt hér um árið og þótt alveg frámunalega illa til þess fallin að nota þegar á reyndi (enda ég í algjörri afneitun, blindni og vitleysu varðandi lífsstílsbreytingar og vissi ekkert hvað til míns friðar heyrði í þeim málum). Og viti menn allt í einu voru bara þessi ókjörin öll af spennandi salötum í þessari bók – og ég átti bara í vandræðum með að velja! Merkilegt hvað bækur geta breyst upp í hillu.

En þar sem ég hef lært að af öllu því góða í heiminum er eitt sem er ekki mjög óhollt – þ.e. salsa og mexíkóskar flögur í litlum mæli eru ekki nærri eins óhollar og margt annað, valdi ég þessa uppskrift:

Mexíkósalat á hlaðborðið fyrir 8 – 10 manns

2 Avakadó (afhýdd og steinninn tekinn úr)
1 krukka þykk salsasósa (medium)
1 haus rauð salatblöð
700 gr kjúklinga eða kalkúnakjöt í ræmum
fajitakrydd
1 poki tortilla flögur brotnar í litla bita
2 dósir svartar baunir (skolaðar og sigtaðar)
4 vorlaukar
1 græn paprika
100 gr cheddar ostur (rifinn)
salt og nýmalaður pipar.

Með þessu fylgdu þessar leiðbeiningar:

Afhýðið aavókadó, skerið í tvennt og fjarlægði stein. Setjið kjötið í skál og merjið með gaffli. Bætið 1/3 af salsasósunni saman við og hrærið saman. Saltið og piprið. Kryddið kjúklingaræmurnar með fajita kryddinu og steikið á pönnu í örlítilli olíu.

Rífið salaltblöðin gróft og setjið helminginn af þeim í skálina sem bera á salatið fram í. Því næst fer helmingurinn af kjötinu í skálina, tortillaflögur, baunir, vorlaukur, papríka og ostur. Helmingurinn af avókadamaukinu og helmingurinn af salsasósunni er sett ofan á. Þetta er því næst endurtekið í sömu röð og áður með hinum helmingnum af öllu saman. Salatið má laga 3 klst. áður en það er borið fram. Geymið í kæli. Berið gjarnan fram með sýrðum rjóma.

Nú jæja – sjaldnast er nú lífið samt eins einfalt og uppskriftir þannig að minn réttur varð smá öðruvísi en þessi og þó það hefði verið sagt að hægt væri að gera hann þremur tímum ÁÐUR en hann væri borinn fram væri það mjög úr karakter við Ingveldi. Það er ekkert gaman að gera hlutina nema alveg algjörlega á síðustu stundu auk þess sem rétturinn varð að standa lengi á borðinu.

Mexíkósalat á hlaðborðið fyrir 8 – 10 manns – sem sagt það var byrjað að fara í Bónus eftir ísskápsþrif og vinnu (þegar það er partý þá er mjög mikilvægt að vera búinn að taka allar hillur úr ísskápnum, taka alla ramma utan af hillum, fara með eyrnapinnum í alla króka og kima og þrifa þetta mjög vel, skola og fægja. Veislan verður bara öll önnur!) En eins og allir vita þá eru Bónusferðir ekki mitt uppáhald og ég á bara svolítið erfitt með að versla og halda sönsum um leið. Sem betur fór var Ragnheiður með mér.

2 Avakadó (afhýdd og steinninn tekinn úr) Úff hvernig lítur Avakadó aftur út? Hvort var nú Avakadó eða Mangó? Hmmm stressið farið að segja til sín og dómgrindin farin að bila strax í A-inu. Sem betur fór eru myndir af ávöxtum upp á vegg í Bónus og úr þessu rættist.

1 krukka þykk salsasósa (medium) Krukka – hvernig krukka – stór lítil, mjó – christ erða nú leiðbeiningar – kaupi eina stóra stóra stóra og hef hana Hot – þetta átti að vera svo hot partý líka.
1 haus rauð salatblöð Bíðum nú við rautt kál – er það rauðkál? Eða hvað er þetta eiginlega???? Hmmmm kaupi bara Bónus salatblöndu – það leit vel út og kál er gott hvort sem það er rautt eða grænt – bara svo lengi sem það er ekki blátt.
700 gr kjúklinga eða kalkúnakjöt í ræmum Best að kaupa bringur – þær eru svo fitulitlar og þægilegar. Voru meira að segja til!

fajitakrydd – Hmmm hvað er nú það – er það ekki svona einhver blanda sem maður kaupir – júmm hélt það – fann það samt hvergi. Enginn vissi heldur neitt um slíkt. Sleppi því bara – fer í Samkaup og gái þar bara.

1 poki tortilla flögur brotnar í litla bita Það hlaut nú að geta beðið að brjóta þær þar til heim væri komið – keypti stóra poka bæði kryddaða og ókryddaða. Sjáum bara til hvort er betra.

2 dósir svartar baunir (skolaðar og sigtaðar) Ekki til – kíki á þær í Samkaup – sem ég svo gleymdi (Ragnheiður var mjög glöð með það – henni finnst baunir ekki góðar).

4 vorlaukar – vorlaukur, gaukur, staukur, hvað í fjandanum var nú aftur vorlaukur – hann var amk ekki til svo ég fékk mér nú bara rauðlauk enda finnst mér hann bara bestur hvort sem er.

1 græn paprika Mér finnst nú rauð betri svo ég keypti hana bara.

100 gr cheddar ostur (rifinn) Hmmm fann hann nú ekki heldur svo ég keypti bara pastaost tilbúinn í pokum.

salt og nýmalaður pipar.

Sem sagt komin heim – með sumt af því sem átti að vera í þessu 😉 klukkan að verða sjö og allt eins og það átti að vera. Ég get því vottað að það er vel hægt að búa til þrefalda svona uppskrift, bollu og kveikja á kertum og taka svoldið til á þessum klukkutíma með svolítilli hjálp frá góðum unglingum. En það þurfti að hafa hraðar hendur og því fóru leiðbeiningarnar nú svolítið fyrir ofan garð og neðan :-).

Með þessu fylgdu þessar leiðbeiningar sem ég svo þurfti að þrefalda – sem er náttúrulega heilmikið mál undir álagi…

Afhýðið aavókadó, skerið í tvennt og fjarlægði stein. Roger – skil það. Geri það – ekki nema eðlilegt að taka þennan hlussustein – hver vill svo sem borða h ann? Setjið kjötið í skál og merjið með gaffli. Hmmm ég brytjaði þetta í teninga – fannst það líklegra til að virka þegar ég færi að merja það – nennti því svo ekki neitt og setti bara gumsið í hæfilegum skömmtum í Kitchen aidið mitt sem bara hviss bang gerði úr þessu ægilega fínt mauk! Bætði 1/3 af salsasósunni saman við og hrærið saman. Gerði það – þessa hot – umm lítur vel út. En á kennarastofunni er sagt að Avakadó sé ægilega feitur ávöxtur svo þetta var kannski eins hollt og ég hélt… En fj… hafi það ávextir eru nú bara hollir svo skítt með það. Saltið og piprið. Sleppti því nú alveg – krydda bara kjúklingin og blandan var jú líka hot. Kryddið kjúklingaræmurnar eð fajita kryddinu og steikið á pönnu í örlítilli olíu.Ég hafði nú ekki tíma til að standa og steikja svo ég setti þetta bara í ofn og svona næstum sauð þetta, kryddaði með einhverju kryddi sem ég átti og þótti gott og engin olía kom nálægt þessum fínheitum. Ég skar þett líka í teninga 😉 Rífið salaltblöðin gróft og setjið helminginn af þeim í skálina sem bera á salatið fram í. Blöðin voru niðurrifin hvort sem var og það sparaði nú tíma og fyrirhöfn 😉 Klukkan alveg að verða átta. Því næst fer helmingurinn af kjötinu í skálina, tortillaflögur, baunir, vorlaukur, papríka og ostur. Helmingurinn af avókadamaukinu og helmingurinn af salsasósunni er sett ofan á. Þetta er því næst endurtekið í sömu röð og áður með hinum helmingnum af öllu saman. Úps svoldið erfitt að gera allt í réttri röð ;-). Gleymdi t.d. að setja meiri salsasósu sem ég held að hafi verið mjög gott því annars hefði þetta orðið of blautt – hana setti ég bara í skál með og gleymdi að setja sýrða rjómann með – sigh. En svona er þetta. Ég braut nú bara flögurnar eins og mér sýndist – sumar smátt og aðrar ekki neitt. Ég notaði þessar krydduðu en bæði er áreiðanlega gott. Salatið má laga 3 klst. áður en það er borið fram. Geymið í kæli. Berið gjarnan fram með sýrðum rjóma. Salatið stóð á borðinu til þrjú og var alltaf jafn gott fannst mér – og hollt :-).

Gríðarlega fljótlegt – ógó gott og flott á borði líka.


Holý molí fann þessa síðu um ætar gjafir jarðarinnar á netinu – ótrúlega flott sýnist mér!

Ég var síðan með bollu sem ég fann á netinu – hún er mjög góð – einföld og áhrifarík sérstaklega með 50 prósent vodka.

Klaki
1 líter vodki –
3 til 4 lítrar sprite (sódavatn dugar svosem)
2 dollur magic
2 appelsínur (skornar í sneiðar)
2 sítrónur (skornar í sneiðar)
1 lime (lítill grænn ávöxtur, svipaður sítrónu, náttúrulega skorið í sneiðar)
Vatnsmelónubitar
1 og hálfur til 2 bollar appelsínuþykkni
Slatti sykur (fer eftir því hvað bollan á að vera sæt)
1 poki perubrjóstsykur (gott er að mylja hann)

Ég setti vel af ávöxtum – bætti við jarðaberjum og bláberjum bara af því mér finnst það svo gott. Setti engan sykur en var með sykraðan djús – setti perubrjóstsykurinn (hvað spritið var með zero sykri) og hann gaf rosalega gott bragð. Það hefði alveg mátt hafa ósætan djús eða þykkni. Þetta var mjög góð blanda – fór vel í maga – hef reyndar aldrei drukkið bollu sem fór eins vel í maga. Hún var kannski aðeins of dauf hjá mér – enda fór enginn maður á hvolf :-).

Nú svo voru bollurnar mínar sem ég baka og baka og get eiginlega bara bakað. Verða alltaf góðar alveg sama hvað.

Smábrauð

1 poki perluger
100 gr smjörlíki eða smjör (ég nota alltaf olíu)
5 dl mjólk
1 tsk salt
2 tsk sykur
1,3 lítri hveiti

1 egg til penslunar
Birki eða sesamfræ, kúmen eða eitthvað annað til að strá yfir.

Gott er að setja hveitiklíð útí – gerir þetta allt saman hollara. Alls konar fræ saman við deigið er líka gott s.s. eins og sólblómafræ – ég er vitlaus í þau þessa dagana nú eða bara hörfræ.

Ég hita mjólkina og olíuna í rúmlega 37 gráður og set ger, salt og sykur saman við og leysi upp. Bæti við helmingnum af hveitinu og hræri vel saman. Læt hefast eins lengi og ég vil en aldrei skemur en þarf. Því lengur sem degið hefast því betri verða bollurnar.

Svo set ég afganginn af hveitinu saman við og hnoða. Best er að hæfa degið pínu blautt – þó það klessist ekki við fingurnar. Læt svo hefast aftur eins lengi og ég vil og get. Það má svo alveg hnoða aftur og láta hefast á ný en það er ekki nauðsynlegt. Þetta deig þarf bara sama hefingartíma og annað gerdeig.

Ég setti svolítið af hveitiklíð útí bollurnar núna – áreiðanlega sem nam 1 – 2 dl í hverja uppskrift – það er mjög trefjaríkt og gerir það að verkum að bollurnar verða hollari og fara betur í maga þó svo að hveitiklíð í sjálfu sér sé ekki einhver ofboðsleg hollusta. Vatnsupptakan verður bara meiri og því eru bollurnar auðmeltari og voila hollari. Hveiti er náttúrulega hálfgert eitur en ef maður notar heilveiti verða bollurnar svolítið þyngri. Eitthvað er til sem heitir trefjamjög gaman væri að prófa það líka.

Ég nota síðan lítið glas til þess að búa til bollurnar, hef aðeins hveiti á borðinu. Síðan er gaman að klippa mynstur í bollurnar með skærum til þess að láta þær fá skemmtilega lögun, búa til snúningslengjur og hvað eina sem ykkur dettur í hug.

Þær eru góðar nýbakaðar en það er líka hægt að frysta þær nýjar, hita þær svo í ofni við vægan hita í 20 mín frosnar og þá verða þær eins og nýjar á borðinu og ægilega góðar alltaf hreint og klikka ekki.

Það var bjartur og fallegur dagur sem tók á móti okkur Bjarti árla morguns. Kalt en vissulega bjart þannig að það hefur klárlega frosið saman sumar og vetur hér í Heimahaganum. Kannski að það verði eitthvað annað en rigning í sumar.

Hvunndagslegar og e.t.v. innihaldsrírar hugleiðingar mínar hér á blogginu virðast veigalitlar nú í upphafi dags þegar ég fylgist með útsendingu NBC á efni sem morðinginn i Virginíu sendi þeim. Þetta er nú meira hörmungarnar. Maður getur ekki annað en verið miður sín yfir því að fyrst drepur hann tvo – fer svo á pósthús og hvur veit hvað og fer svo aftur af stað og drepur30 í viðbót. Sorglegt að það hafi ekki verið hægt að stöðva manninn.

Þvílíkar hörmungar…

…fór ekki í sundleikfimi!!!

Borðaði nokkra nammimola í ofanálag….

Skil ekki enn hvers vegna

En ég ætla að hjóla um allt í dag… Svo mikið er víst