Author: ingveldureiriks

Fótbolti

Váhá hvað ég er að verða spennt fyrir leikinn á eftir Tékkar Danir. Sjúbídúa.

Forseti og gjár

Bara eitt sem ég var að hugsa á leiðinni til Reykjavíkur að kaupa fleiri kassa. Dabbi dós segir að djúp gjá sé á milli forsetans og þjóðarinnar – og vasabúarnir hans, lögmaðurinn með gleraugun og steinninn sem býr á hólminum eru náttúrulega alveg sammála og segja Óla hafa mistekist að sameina þjóðina. Veit nú svo sem ekki hvort það sé verk forsetans – við vissum öll hvað við gerðum þegar við kusum hann hér um árið – hmmm held reyndar að ég hafi ekki kosið hann – en amk þeir sem gerðu það vissu hvað þeir gerðu.

Ég held að Dabbi og vasaklútarnir hans og annað ryk sem þar safnast fyrir ættu að einbeita sér að því að sameina þjóðina að baki forsetanum í staðinn fyrir að vera rífast þetta. Og að lokum þó 40% af þjóðinni hafi ekki farið á kjörstað þýðir það ekki að þeir allir hafi verið á móti Óla – þvert á móti – frækt er að þeir sem eru ósammála fari frekar á kjörstað.

EM er það heillin

Ég er enn svoldið miður mín yfir því að hafa ekki getað séð Þorstein J í gærkveldi – líklega hefði ég ekki getað það hvort sem væri en ég hefði áreiðanlega reynt! Hann var víst ekki með þáttinn – ótrúlegt kæruleysi af hálfu manns sem ber nánast ábyrgð á endurmenntun minni í fótbolta. En sem sagt hann var ekki með þáttinn og ég sofnaði fyrir allar aldir í gærkveldi – þó ég hefði svo vaknað aftur og legið allnokkra stund og velt forsetakosningunum fyrir mér.

Ég hef vísast sofnað svona snemma þar sem leikur Hollands og Svíþjóðar var þvílíkt mega dæmi – fyrir utan náttúrulega Adolf Inga sem ég held að hljóti að vera jafn leiðinlegasti íþróttafréttamaður fyrir utan hann þarna Arnar á Stöð 2 og ónefndan F1 – veit ekki hvað á að kalla hann – fréttamann er einum of, kynnir er orðum aukið því hann býr til flest sem hann segir og sér svo ekki afganginn, kannski bara þýðanda gulupressunnar í F1 heimum RUV. En sem sagt Adolf gjörsamlega eyðilagði fyrir mér leikinn. ÉG held hann haldi að í hvert sinn sem hann opni munninn í útsendingu að hann þurfi að koma öllu að sem hann hugsanlega veit. Ásthildur stóð sig hins vegar vel og bjargaði því sem bjargað var. Ég veit svo sem ekki alveg hvurslags sky high væntingar þau höfðu til leiksins – þar sem Adolf tuðaði og tuðaði um að þetta væri nú leiðinlegur leikur. Mér fannst þetta sko dúndur leikur – þó hann hafi kannski ekki verið eins og England-Portúgal eða Tékkar – Holland, þess vegna fóru þeir leikir á spjöld sögunnar – met leikir náttúrulega og við getum ekki búist við svona leikjum oft í viku.

Annars hefur EM verið ógeðslega skemmtilegt. Hrein unun – svoldið tímafrekt hobbý en þetta er nú allt að lagast – fer a verða búið 🙂

Annars eru flutningar að komast hér í algjört hámark – gengur náttúrulega ekki neitt. Gengur aldrei neitt fyrr en á síðustu stundu. þannig er það nú hér á bæ – eftir tilheyrandi fjölda rifrilda og geðvonskukasta. En þetta er nú allt ákveðið ferli sem enginn kippir sér uppvið orðið lengur nema þá kannski Aðalsteinn greyið.

En nú ætla ég að fara að setja niður föt sem verða ekki notuð fyrr en í ágúst og einnig rúmföt og handklæði.

Það er jú dásamlegt að vera til – sumarið úti og sólin bak við skýin. Já og Óli stóð sig bara vel í kosningunum. Skil samt ekki alveg þessi 10% sem kusu fýlupokann atarna, það finnst mér alveg makalaust uppátæki.

Draslaríis kveðjur

Inga

Morgunstund gefur gull í mund

Jæja það var nú meiri dagurinn í gær. Mér liggur við að segja að leikurinn á milli Englands og Portúgals liggi þyngst á mér – sigh. En það væri nú einum of ekki satt?

Palli klemmdi sig nefnilega í gær og missti framan af löngutöng vinstri handar svona eins og einn sm eða svo. Hann verður því frá vinnu í sex vikur og kemur í fyrirframákveðið frí nú í dag. Hann átti síðan að fara 5. júlí en hann fer þess í stað út 5. ágúst. Tekjatap hans er nokkurt þar sem hann fær ekki dagpeningana sem eru í samningnum hans heldur einungis tímakaupið – sem er nú allverulegt samt – vona að hann fái yfirvinnuna líka. Það þarf líka að athuga hvort hann eigi rétt á launum í stoppinu. Þetta eru nú meiri vandræðin. ég hef ekki guðmund um hvernig ég eigi að flytja. Svo er svo óþægilegt að fá ekki húsið fyrr en svona seint því annars hefði verið hægt að biðja fólk að koma og hjálpa um helgina 3. – 5. júli en þess í stað verður maður að gera þetta þann 1. júlí og það með sterka manninn minn handlama. Ég vona að hann verði góður sem fyrst – það er svo leiðinlegt að hafa bara aðra höndina. Ég vona svo sannarlega líka að hann haldi vinnunni. Ekki gott að byrja á því að slasa sig. Fuss og svei, karlanginn. En hvað um það – ég verð bara að vera þeim mun duglegri.

Ég ætla að fara að taka til í eldhúsinu litla og líta svo niður og sjá hvernig ástandið er í geymslunni. Það er nú áreiðanlega hægt að fara að stússast eitthvað í kjallaranum og svo er háaloftið eftir. Dísa kemur eftir helgina og þá verður nú strax hægt að skipuleggja hvað hún getur tekið með sér og hvað ekki.

Ætli við verðum ekki að hringja í Guðrúnu og athuga með hvenær hún getur tæmt húsið. Það væri best að geta gert þetta allt í einu en ekki svona í einhverjum bútum – þá er næstum eins gott að setja bara allt inn í skúr hjá Hildi – en hún er búin að bjóðast til þess að lána okkur pláss þar.

Æ þetta eru nú meiri vandræðin.

Annars langar mig að gifsklæða herbergið hjá Aðalsteini og hann ætlar að kaupa sér parket þar inn. Hver veit nema það verði hægt. Ætla að tala við Grím um það. Svo er það innréttingin – ég er alveg að verða búin að ná lendingu þar.

Kveðja Inga

Fótbolti er fólskufíkn

ég hef ekki heilsu í það að vera fótboltafan. Eyði öllum þessum voðalega tíma í að horfa á leik 110 mínútur eða eitthvað og svo bara klúðrar krúttið mitt öllu saman strax í upphafi – þetta er óskaplegur ávani að fylgjast með þessu. Púff. Gott að EM er ekki lengra en til 2. júlí. Gasalegt – það er ekki hægt að flytja fyrir þessu, já eða njóta lífsins jafnvel. Ætli ég verði ekki að horfa á Þorstein J analísera þessi ósköp hjá Portúgölum og Englendingum. Sigh….

Þá er bara eiginlega spurning hversu lengi það varir áður en næsta árás ríður yfir…

Jább það bara virðist vera – þá er bara defragmenta og vona það besta 🙂

Prufa – skyldi tölvan hennar Ragnheiðar vera farin að virka…

Trjójudrasl og annað vírustengt dót

hefur mjög mótað líf mitt undanfarinn sólarhring – það er nú meira vesenið að vera með svona tölvur – hrmpf – fullt af einhverju drasli og dóti sem tekur marga daga að losna við svo ekki sé nú talað um einhverja þekkingu sem ég bara hreinlega hef ekki.

Annars er þetta dagurinn sem ég ætla að vera ógeðslega dugleg – ógeðslega. Taka til í húsinu og guð má vita hvað. Verð að létta á yfirborðsdraslinu svo það sjáist í það sem er fyrir neðan :-D. Annars er Palli karlinn að koma heim á morgun sæll og glaður eftir fyrstu lotuna í Færeyjum. Já hann skemmtir sér hið besta. Mér finnst þetta bara voða þægilegt – minnir mig á gamla tíð þegar hann var ekki heima nema í fríum. Ég hugsa þetta eigi bara vel við okkur bæði.

Tiltektarkveðjur

Inga

Góðan daginn

Þá eru blessuð börnin komin í sína vinnu. Þau eru ótrúlega drjúg við þau verkefni sem þeim hefur verið falin. Vakna nánast sæl með sitt þó oft sé farið of seint að sofa ;-). Gott að geta unnið sér inn aura svo mikið er víst.

Palli kemur heim á föstudaginn og ég held ég hafi ætlað að vera búin að gera miklu meira en ég hef ég gert. Ég þarf að fara í bæinn í dag og hitta Hlín vegna eldhúshönnunar, við ætlum að líta inn til Ikea og sjá hvað þar er í boði. Ég verð að muna eftir því að kaupa blómaker fyrir stjúpurnar – ég er alveg að verða búin að stúta þeim.

Ekkert golf núna í morgunsárið – hefði nú kannski átt að láta mig vaða en ég tók svo firnagóða törn seinnipartinn í gær og ætla svo að láta mig vaða aftur seinni partinn í dag þannig að ég læt þar við sitja. Maður verður víst að passa að fara ekki of geyst. Annars er ég ótrúlega spræk í þessu og það er makalaust hvað golf reynir á fjölbreytta vöðva ;-).

Ég hef annars verið í þvotti undanfarna daga, það verður eiginlega að fara að pakka niður þessum fötum svo þau séu ekki að þvælast þetta alltaf í þvottahúsinu 😀 Annars ætti ég að fara í geymsluna og gá hvort þar sé ekki eitthvað sem hægt sé að henda og pakka.

En sem sagt allt við það sama – húsmóðurstarfið er yndislegt sem sumarfrí.

Kveðja IE