Flokkur: Uncategorized

Er það ekki bara.

Vaknaði svona hroðalega hress í morgun kátari en Bjartur jafnvel.

Er komin með í lungun og hósta upp einhverju sérkennilegu, sárt fyrir brjóstinu

Námsmat er í fullum gangi og ég hef á því skoðun (hlekkur)

Keppnisskapið hélt í dag

Borðaði 5 ostsneiðar í dag og 1 kex og tvo pizzusnúða

Það er kveikt á 15 kertum í stofunni minni

Ég er aum í báðum hælum en miklu skárri í þeim verri

Ég er með ofnæmi fyrir Bjarti

Ég ætti að vera að taka til í föndurherberginu þar sem þetta er fyrsti dagurinn lengi sem ég get staðið í lappirnar!

Oh my god það er frost á morgun og ég er ekki komin á vetrardekk!

Það er nizza í veskinu mínu og það á fimm daga afmæli í dag 😉

Kannski kemst ég ekki í blak á morgun!!!!!

Tribbití tí! Ég fór í blak í gær – og við vorum skoho mættar 7 – og það var náttúrulega og að sjálfsögðu alveg svakalega skemmtilegt ;-). ÉG var svona ægilega glöð að vera óhölt í gær – og því lét ég nú til mín taka í blakinu þó ég fyndi nú smá til. Ég synti fyrst 600 metrana í upphitun og þar sem ég var svona óskaplega hress þá hentist ég í af stað og bamm það var eins og hællinn væri rifinn undan mér. Síðan hef ég nú eiginlega ekki getað gengið. Og á köflum alls ekki ;-).

En ég á hauk í horni þar sem Baldur er og voila ég er sko búin að fara í laser og vera teipuð – eins og alvöru íþróttamaður skoho!

Þetta er náttúrulega bara snilld. Ég meina hversu mörg ykkar hafa verið teipuð af sjúkraþjálfara vegna meiðsla!? híhíhí.

Gott fyrir egóið en nú vil ég líka hætta að vera hölt. Spurning um að fara ekki í blak næst og ekki fara á háa hæla heldur – þetta tvennt getur hleypt öllu af stað aftur. Nú svo ætla ég ekki að fara í Styrk í næstu viku heldur taka sundspretti helst á hverjum degi og svo hjóla – það reynir ekki á hælinn minn.

Um helgina ætla ég að vinna – námsmat framundan og ný stöðvabók í burðarliðnum og þetta allt saman 😉 Ef ég get gengið og tala nú ekki um staðið þá tek ég líka til. Og hvíli mig ponsu pons…

Og í dag man ég eftir því hvað ég er heppin að eiga ykkur öll að, þennan makalausa sjúkraþjálfara sem nennir að sinna mér út í eitt, mann og börn, hund en blessunarlega engan kött. Skítt með það þó það gangi ekki allt eins og það eigi að gera.

Nú er bara að fylgja mjóa silkiþræðinum sem liggur þarna innan um hörinn og er oft svo lítt sjáanlegur. Í fullkominni vissu þess að ég er að gera það sem í mínu valdi stendur – svona mestan part, kveð ég að sinni 😉

Jibbí nú er ég alveg að komast í vetrarfrí – mánudag, þriðjudag og miðvikudag. Ég ætla að föndra mig vitlausa. Það er nú ekki mjög leiðinlegt – nema kannski þegar ég fæ vöðvabólguna 😉 af öllu saman.

Ég er skárri í hælnum, komin með kvef og þetta fína slím í lungun amk er nógu gaman þegar ég hósta því upp ;-). Hafði líklega ekki nema hæfilega gott af sundsprettinum í gær. Aumingja litlu lungun mín. Jæja þau eru nú bara heilbrigð svo við hristum þetta af okkur!

Er enn að reyna að ákveða mig hvað ég eigi að gera í ræktinni í dag… Eða hvort ég fari yfirleitt…. Nú eða hvort ég syndi… Eða bara hviss bang ekki neitt – pakki bara og fari í bústaðinn….

Úff hvað lífið er flókið og snúið og margar ákvarðanir sem þarf að taka 😉

Life is good

,,Mér líður eins og í bíómynd“ sagði blessað barnið í Reykholtskirkju um helgina. Og er það nema von. Þetta var svo fallegt allt saman að ég grét allan tímann.

Systurnar Hlín Helga og Rannveig voru að skíra litlu drengina sína tvo, þá Bjart Þór sem fæddist sex vikum fyrir tímann og Anton Mána sem er hálf danskur og heimsins meista krútt að föður hann Thomas sem var til í að tala við mig um min madpakke hele dagen hvis jeg vil. En það er nú önnur saga (sú að ég kenni dönsku, kann ekkert í dönsku en læri um leið og börnin og kann því að tala svolítið om min madpakke ;-)).

Dagurinn byrjaði nú svona allavega, konan hæfilega geðvond og það allt saman og búin að vera að paufast við að gera skírnargjafirnar – eyðilagði svo aðra og reyndi að bjarga málunum en þá var ég orðin allt of sein. Við hentumst af stað, og gleymdum kortunum en urðum samt að fara göngin því við vorum svo sein – og föttuðum þetta ekki með kortin fyrr en of seint líka. Nú jæja, fólkið beið og beið í athöfninni því það vissi að ég væri að koma – oh my god en ég vissi það nú sem betur fór ekki fyrr en eftir á ;-).

Það er svo fallegt að horfa á lítil börn, þeirra bíður allt lífið og maður getur einskis óskað nema þess að lífið farið mildum höndum um þau og að hvert áfall verði þeim til góðs því styrkur þeirra og þor verður slíkt. Ég varð einhvern veginn yfirkominn af þessu öllu saman og þeir svona sætir, annar lítill og hinn stór og báðir svo myndarlegir. Og okkur veitti bara hreint ekki neitt af liðsinni Guðs og ég held við höfum öll lagst á bæn með prestinum og óskað snáðunum og foreldrum þeirra allrar guðsblessunar. Það er gott að hafa Guð með sér í liði.

Nú þegar ég var nú búin að skæla svolítið yfir þessari fegurð allri og óttanum við vonsku heimsins, dópsala og mannvonsku alla reyndi ég nú að jafna mig og hugsa eitthvað fallegt – maður má nú ekki láta hörmungarhyggjuna ná tökum á sér!

Og þar sem ég þurrkaði tárin og reyndi að lappa upp á maskarann spratt þá ekki Thomas fram á gólf og bað Rannveigar. Ja hérna hér – hann hefur lag á að toppa allt það sem gott er drengurinn. Í giftingunni hennar Hlínar flutti hann svo fallega ræðu – á íslensku Daninn sá að ég get enn skælt úr mér augun og við láum öll kylliflöt fyrir honum. Og nú var það skírnin sem varð enn eftirminnilegri en ella. Gott að Rannveig sagði já ;-). Æ þau eru svo sæt saman.

Ég grét nú vel og lengi yfir þessu öllu saman. Oh my god! En sætt og fallegt og einlægt og allt.

Að þessu loknu fórum við í veislu í nýjum goflskála í Nesi og þar sem þar hafði aldrei verið mannfögnuður áður var húsið blessað af presti og gestum og það var svo fallegt að ég gat volað svoldið yfir því. Ég held ég vilji láta blessa húsið mitt – mikið er þetta fallegt. Guð er góður.

Afi og amma gáfu strákunum sínum svo fallega og sniðuga gjöf, nýju Biblíuþýðinguna og passíusálmana í flutningi Megasar og barnakórsins hans Hilmars í Skálholti. Sigh allt svo fallegt og fínt.

Og við Palli stukkum til og frá að horfa á Kimi vinna og Hamilton gera í buxurnar og í lokin varð bara Kimi minn heimsmeistari, blessaður drengurinn. Og ég átti eftir að fagna því með Ferrari. Ja hérna hér!

Drengirnir fengu sem sagt nöfnin sín daginn sem Kimi varð í fyrsta sinn heimsmeistari ;-).

Góður dagur og yndislegur í alla staði.

…ég ætla aðeins að bíða með upphlaupið og gleðina. Þar til þeir þarna hjá Williams og BMW hafa hreinsað til hjá sér – lítur víst eitthvað illa út með þetta allt saman í augnablikinu hjá þeim og þar með Kimi því ef þeir verða dæmdir úr leik þá er Hamilton orðinn fjórði og hviss bang – meistari.

Þeim ber víst ekki saman hitamælunum í Sao Paolo. Franska veðurstofan sem liðin nota við mælingar segir hitann hafa verið nokkrum gráðum lægri en keppnishaldarinn en þeir segja hitann hafa verið 37°en bensínið var um 23 – 25°hjá þessum liðum. Það er hins vegar ekki sérlega auðvelt að refsa þeim ef þeir nota upplýsingar sem segja að bensínið þeirra hafi verið innan þeirra marka að vera 10°c lægra en lofthitinn.

McLaren ætlar nú að stympast við og áfrýjar úrskurðinum en ég held að þeim sé ekki stætt á að dæma þeim í vil því það stendur hvergi að hitamælingar keppnishaldara séu opinberar og liðunum beri skylda til að miða við þær.

En það væri svo sem eftir öðru – dramað það. Bíðum og sjáum til