Flokkur: sundleikfimi

heilsa, lífsstílsbreyting, Sund, sundleikfimi, Upprisa 2

Bjargir

12495148_10205875965995361_618195820622227219_nÞað hef ég lært að ég þarf stuðning til þess að stíga upp. Og hann hef ég svo sannarlega.

Af öllum þeim sem áttu sinn þátt í því að ég náði árangri frá 2006 til 2012, var það sjúkraþjálfarinn sem skipti þar mestu – að öllum öðrum ólöstuðum. Og þó niðursveiflan hafi verið kröpp, lúrði það sem ég hafði lært og þjálfað og beið þess að vera nýtt á ný.

Það þurfti mikið til að leita til hans á ný, þyngri og þrekminni en þegar hann hafði mig síðast í meðferð. Miklu…. Um tíma gat ég hreinlega ekki hugsað mér að horfast í augu við hann – og þar með ósigur minn. En slíkur heigulsháttur dugir ekki. Til þess að sigur vinnist þarf að horfast í augu við sigur jafnt sem ósigur – og nú er ég komin undir hans hendur á ný. Og það finnst mér gott.

Fjölskyldan er mér líka stuðningur og hvatning. Hver vill ekki vera fær um að sinna barnabörnum sínum, ganga með þeim og sýna þeim náttúruna, kenna þeim um dásemdir náttúru, gróðurs sem staða? Minnka áhyggjur barna og maka? Það er íþyngjandi að hafa alvarlega offitusjúkling í fjölskyldunni – gleðin og stoltið sem sést í augum þeirra, þegar kerla kemur úr sundi eða ræktinni er umbun engri lík.

Vinir og kunningjar. Það er ótrúlegt hve mikil áhrif þetta fólk getur haft – líka kunningjarnir. Nú eftir að ég kom suður hafa margir komið að  máli við mig, og marga hef ég hitt – oftast í sundinu – og þeir muna eftir dugnaðinum og eljunni og eru vissir um að ég muni upp rísa – sannfærðir því hugmyndir þeirra um mig eru þær. Dásamlegt að finna þetta – því það að vera innan um fólk sem hefur þekkt mig og þekkir mig er góð tilfinning. Virðir mig vegna þess sem ég er og geri. Ómetanlegt.

Góð íþróttaaðstaða. Nú er ég komin í áskrift hjá WorldClass og í sundlaugina. Það er algjörlega nauðsynlegt og aðstaðan hér á Selfossi er hreint frábær. Ég vonast til þess að komast í vatnsleikfimi í haust og vetur – ég mun keyra frá Laugalandi og aftur til baka með glöðu geði  – tímanum frá sex að morgni vel varið!

matardagbók, sundleikfimi

Matardagbókarskrif eru merkileg iðja!

Forsendur
Ég

Aðalsteinn að skera út laufabrauð að norðlenskum sið

32 stig (1600 kal) á dag miðað við 40 – 60 mín hreyfingu á dag 5 daga vikunnar = – 0,5 kg pr.  viku.

Nú jæja – lykillinn að því að léttast er að vita hvað maður etur. Til þess að vita það er mikilvægt að vigta matinn og skrá hjá sér. Nú jæja. Vigtun er nokkuð komin inn í augun mín – en sumt vigta ég nú. Reykjalundur lét mér í té kaloríuhefti mikið sem byggir á sama gagnagrunni og matarvefurinn.is. Bókin er týnd svo ég nota matarvefinn og færi svo inn í excel í lok hvers dags – eða eftir 2 -3 daga það sem ég hef etið og reikna vísindalega út.

Talningin – vigtunin er samt ekki aðalmálið heldur þessi meðvitund. Vinna með það sem maður borðar – alveg eins og maður vinnur með hreyfinguna sína: þyngir, gerir hraðar, er lengur að, o.s.f.v. En sem sagt.

Nokkur atriði eru mjög merkileg
 1 konfektmoli er 1 stig – njótið hans því vel – en vel að merkja – hann er þó ekki meira! Epli er líka 1 stig. Þitt er valið.

En vissuð þið að laufabrauð – þetta fis – er um 4 stig? Svoldið mikið verð ég að segja!

Agnarögn af kartöflusalati (e.t.v. ein msk) er 3 stig? Jamm – kannski er nú bara ekkert erfitt að sleppa því! Tvær vænar kartöflur eru 2 stig!

Og magurt hangikjöt eða magurt svínakjöt er bara snilld sem álegg á t.d. sólkjarnabrauð – má meira að segja vera þykk og væn sneið – alveg um 100 gr. til þess að jafnast á við 1 heimilsbrauðsneið með smjöri og osti – og þó létt og laggott sé!  Jamm það skiptir máli hvað maður velur krakkar mínir!

Og svakalega er nú gott að rifja þetta allt saman upp!

Ég fór í sundleikfimina í morgun þó ég væri algjörlega viss um að ég myndi ekki vakna og ef ég myndi vakna þá yrði ég svo þreytt og syfjuð og allt  – að þetta yrði tómur skandall – öðru nær. Þetta var yndislegt  – en erfiaðar en mig minnit – hnéð ekki til neinna sérstakra stórræða þarna – þá er bara að vera svoldið í djúpu – það er ágætt líka. En mikið er þetta yndislegt.

Blak á eftir – og eitthvað þarf ég að gera á morgun… laugardag og sunnudag – svoldið mikið plan í gangi. Samkvæmt áætlun er það sund tvo þessara daga – hlé einn daginn.

Sem sagt allt á áætlun – eða flest!

sundleikfimi

Það er nú meiri óþverrinn þessi geðvonska

Ég er svo geðvond að ég gæti sprungið. Ég er með tannpínu! Þoli ekki að vera með tannpínu og þori ekki til tannlæknis þó ég auðvitað fari þangað á endanum. veit ekki hvað það á að fyrirstilla að vera með svoleiðis ógeð – tannpínu þeas. Æ mig auma. Óttast ekkert í veröldinni meira en tannlækna.

Er ógeðslega illt í hælnum og alveg draghölt. Hrmpf… Hausverkur alveg viðvarandi – en ég ét nú svo mikið af verkjatöflum að ég veit ekki alltaf af honum. Svo er ég komin með í lungun á ný og af þessu öllu lítur bluesinn inn og það þoli ég nú alls ekki.

Reyni að vera hress og góð við fólkið í kringum mig en það gengur nú ekki sérlega vel. Sagði held ég Baldri að þegja áðan… Svoldið í gríni sko 😉 en samt. Maður náttúrulega segir ekki fólki að þegja sem er að reyna að hjálpa manni… þó hann hafi nú svoldið verið að tuða.

Ég fékk nudd dauðans – er svo aum í liðböndunum og neðanvert í kálfanum innanverðum að það er ógeðslegt! Fékk eitthvað rafmagn og verð vonandi betri. Verð amk ekki verri. Fór annars í pottinn í gærkveldi og lagaðist svolítið við það.

Fór svo í sundleikfimi í morgun og nú er ég búin að fatta að ég verð bara að vera lóðalaus um fætur og hreyfa mig eins hratt og ég get – ég næ ekki nokkrum púlsi með því að rembast þetta með fótlóðin. Hreyfa mig hraðar er málið ef ég ætla að ná upp púlsi – þó ég taki það með í reikninginn að hann er lægri í vatni en utan þess. En hún gerir mér áreiðanlega gott og í henni er ekki eins mikið álag á liði og fæturnar – og ef ég passa að gefa mér góðan tíma til að teygja þá er ég bara góð.

Og það er í sjálfu sér ekkert að mér nema geðvonska en hún er ansi þaulsetin og virðist síst vera á undanhaldi. Maður þarf bara að hafa hægt um sig og reyna að hemja sig – horfast í augu við bluesinn, gefa aðeins eftir og rísa svo upp.

Jamm það er það sem maður þarf að gera – allt og sumt 😉

Já og svo fór ég á vigtina áðan – hélt ég væri kannski að léttast – en já nei – það hlýtur að styttast í það…

Inga geðvonda sem hefur áhyggjur af því að komast ekki í blak á morgun

stigvél, sundleikfimi

Jibbí jibbí og ég veit ekki hvað og hvað!

Ef ég væri þunglynd þá væri í oflæti núna. Maníu. En ég held ég sé ekkert þunglynd. Ekki meira en hverjum manni er hollt ;-). Ég held að ég sé að endurheimta líf mitt svei mér þá. Það hefur bara verið á hold í 5 vikur svei mér þá. Og my life is good. Jamm
Jæja þar sem notkun á pústi og meira pústi, pencilíni og slímlosandi drykk, hefur skilað ágætum árangri þá fór nú mín í sundleikfimi í morgun. En eitt af einkennum þess að vera með þennan astma og lungnaógeð er að ég get sofið ótrúlega lengi frameftir. Ég var svo glöð í sumar man ég að ég gat bara sofið í 18 tíma svona með litlum hléum – alveg þangað til ég fattaði að ég væri náttúrulega bara fárveik! En sem sagt (manískt ástand veldur því að ég á erfitt með að halda þræði) þar sem ég hef ekki treyst mér í sundleikfimi – réttilega if I might add! … þá já – nákvæmlega hef ég ekki farið í hana þann hálfa mánuð sem hún hefur staðið! Og mér hefur liðið eins og skrópusjúklingi. Bar meira að segja Sigurlín um að koma því til skila að ég væri virkilega og raunverulega afskaplega lasin ;-).

Og var skemmtileg í sundleikfimi eða hvað! Alltof margar kerlur og það allt saman en það var nú bara allt í lagi. Ég brenndi skoho 1000 kal og náði fínum púlsi OG ALLT. Geðveikt. Ógó skemmtilegt. Og mér hefur liðið eins og Randaflugu á sterum í allan dag! Hviss bang. Nema ég var held ég kannski ekki mjög æst – en svona víruð myndi ég segja…
Gerði allt mögulegt í vinnunni. Afskaplega gáfulegt allt saman náttúrulega – og veit meira að segja hvað ég ætla að gera á morgun ;-). Fór svo í nudd – því mín er orðin svo meðvitið að hún tók eftir því að höfuðverkur og stirður háls er farinn að gera vart við sig á ný – og þá er nú gott að gera eitthvað í því – áður en vandræði hljótast af. Því ég er svooooo heppin að eiga marga marga tíma frá TR til þess að hugsa vel um mig og láta hlúa að mér og ALLT.
Ég opinberaði í þeim nuddtíma – þeir eru nefnilega svolítil ormahreinsun um leið – Baldur er svona eitthvað að skipta sér af og reyna að fá mig til að vera eins og manneskja en ekki himipigimpi :-), já sem sagt opinberaði það að hjá mér er sko allt í fínu með mataræðið.
Ég borða reglulega og oft fyrri partinn og allt alveg dásamlega gáfulegt. Kem svo heim og borða líka voðalega gáfulegt reglulega og fínt. En…. á hverjum degi þá fæ ég meir eitthvað mjög sérkennilegt. Í nótt þá t.d. sat ég hér við eldhúsborðið og borðaði 1 kalda pylsu (finnst þær sko sjúklega góðar- ekki stríða mér) og eitthvað fleira sem ég nú eiginlega bara man ekki hvað var – það var EKKI gáfulegt I promis you…. Já BANANI Reyndi nú að fá mér peru en hún var svo óþroskuð. Sko það er nefnilega svo leiðinlegt með þennan hósta að maður verður svo þurr í hálsinum og það er svo vont bragð í munninum af astmapústinu og þá er svooo freistandi að fá sér eitthvað svona til að mýkja hálsinn….

Sigh…

Og UNDANLÁTSSEMIN er nú alltaf söm við sig hjá mér. Nú ef ég er ekki að borða á næturnar þá kannski fæ ég mér franskar! Eða kex og undanrennu – og mér finnst kex ekki einu sinni gott. Nú eða einhver önnur sérkennileg heit – snakk kannski. Úffiti púff! En Baldur þetta ljós hefur nú ráð undir rifi hverju. Nú er ég sem sagt búin að brytja niður snyrtilega og fínt vatnsmelónu og setja á disk ásamt jarðaberjum og setja í ísskápinn og þetta á ég sem sagt að fá mér þegar ég missi vitið. Sniðugt ekki satt – bara ready inni í ísskáp. Enga pulsu eða neitt svoleiðis í nótt – onei. Híhí!
Nú svo er vinnudagur á morgun – í lengri kantinum en engin hreyfing. Á miðvikudag er sundleikfimi og vonandi blak á fimmtudag þó það sé kennaraþing…. ætla að heyra í stelpunum með það. AMK væri hægt að spila badminton ef við erum fáar.

En jæja – sannarlega góður dagur að baki –
ykkar Inga víraða
p.s. Palli mældi mig í gær. 1 sm farinn eða svo síðan í vor ;-). Held það sé rétt að fara að gera eitthvað í sínum málum sem sagt.
sundleikfimi

Ástandsskýrsla

Það að hætta í líkamsrækt hefur ekki gefið sérlega góða raun. -Þess ber þó að geta að ég fór í sundleikfimi í gær þrátt fyrir gríðarlega syfju og vesaldóm.

En sem sagt mér er illt í ristunum, hælunum báðum, í hnésbótunum og mjöðmunum og ég veit ekki hvar og hvar. Þetta hreyfingarleysi mitt sóðan á föstudaginn var hefur því ekki skilað mér neinni alsælu nema síður væri. Spurning er hvort önnur aðgerðarlaus vika myndi gera það. Ég ætla ekki að láta reyna á það að sinni.

Ég keypti mér nýja Asics skó – appelsínugula meira að segja – sumarlega og fína því hinir gömlu eru sprungnir enda ekki nema von ég hef verið í þeim alla daga utan aðfangadag held ég að ég megi segja. Ég fékk mér líka klossa til að reyna að nota hér í skólanum, þeir eru líka býsna mjúkir en ég reikna nú með að Asics og hælsporapúðarnir þurfi að koma nokkuð við sögu einnig.

Ég var að hugsa hvort það væri sundleikfimin sem þreytti mig svona í fótunum því ég hef ekki fundið svona til í þeim áður og ég hef nú verið í 2 mánuði eða svo í sundfiminni. Ég djöflast þar náttúrulega eins og óð manneskja og auðvitað er það álag fyrir fæturnar þó vatnið létti undir? Mér eiginlega létti þegar mér datt það í hug því ég var svo fúl að vera búin að vera í æfingum í heilt ár og finna aldrei til í fótunum fyrir en á 11. mánuði. En auðvitað er þetta bara álag að koma þessum skrokki mínum úr stað.

En hvað um það – ekkert að frétta – allt hið sama. Gott að færa ástandið til bókar við og við þá man ég það frekar og held þessu öllul til haga. 🙂

sundleikfimi

Guð er góður

Eins og ég hef einhvern tímann áður sagt þá leita stjörnfræðingar mig fyrst uppi og skrifa svo um Hrútinn og finna svo út úr dagsspánni hverju sinni. Þetta er bara ekki einleikið ;-):

Your mood is most likely excellent today, Inga, and you will find that you have an added boost of self-confidence that will help you along in just about any project you undertake. While the last couple days may have felt slow and a bit stagnant, today you are ready to take action. The cosmos has just hit the pilot light and now you are ready to take off again.

Ég fór í stundfimina í morgun og það er svo geggjað í henni að það er alveg dásemd. Brenndi 560 kaloríum og náði púlsinum upp í 80% af hámarkspúls sem er nú bara ágætt er mér sagt – en hann var svo sem ekki lengi þar.

Þarf að virkja betur stóru vöðvana og hreyfa mig hraðar – það er þessi hraði sem ég á erfiðast með – úthaldið er ágætt og ég þreytist ekki svo mjög. En þetta er hin ágætasta æfing. Og svo er það Styrkur á eftir, nudd og partý.

Já lífið er gott í dag.

sundleikfimi

Og enn held ég haus

Þetta er náttúrulega alveg að verða makalaust :-).
Svaf í nót – haldið þið að svefnleysið hafi tengst coffeini? Nah varla – heldur verkjum og vanlíðan! Ég er nefnilega ekki svo ægilega illa haldin af því og þó seiðingurinn sé í herðunum og smellir, klikk og brestir í hálsinum við hraðan snúning þá er heilinn farinn að snúast. Og það er nú meiri sælan að eiga heila sem gerir það :-).
Fór í sundleikfimi í morgun og í gærkveldi fann ég að ég hafði magavöðva! Ég er sko farin að finna allt mögulegt. oh yeah…
Verst að vera samsett úr tvennu misvel samanofnu, fitu og vöðvum. Þetta tvennt er einhvern veginn að skilja að skiptum og það hefur ekki alltaf heppilegar útlitslegar afleiðingar – já og ég held ég sé að slappast í húðinni í andlitinu! Og ég sem er ekki einu sinni að eldast 😉
Jamm fæ mér bara botox og fer svo í aðgerð með allt heila klabbið
Yeah right
Tíhíhí
Púls, Polli, sundleikfimi

Föstudagar eru æði

Það liggur við að mig langi að detta í það. En það bráir nú vísast af mér innan tíðar enda hef ég svo sem engan til þess að leyfa að njóta snilli minnar og fyndni – sem aftur er svo náttúrulega bara spreðsla á góðum húmor :-). Geymi það því um sinn.
Ég er hvort sem er of uppgefin. Púlsinn minn hefur verið svo hraður í dag að aumingja hjartað mitt hlýtur að taka bakföll – erfitt að vera suma daga að slá 40 slög meðan aðra þarf það að slá 90. Þarf eitthvað að athuga með þessi fyrirbyggjandi blóðþrýstingslyf sem ég er að taka! En það er nú önnur pæling sem ég kem síðar inn á.
Tók til í vinnunni í dag og fram eftir kvöldi í gær – mjög skemmtilegt. Sem svo aftur þýðir að Strympa er heldur að hressast. Illa við að viðurkenna það en ég held að sundið geri mér ekki sérlega gott – en kannski get ég farið 1 sinni í viku – Baldur leggur það amk til svona til að byrja með. Ég er farin að geta litið til hægri og vinstri án þess að finna stórkostlega til en er jafn þreytt og uppgefin og venjan er.
Fer ekki bara bráðum að vora? Hjól og ganga úti, sólbað í lauginni og svo videre! Nammi namm
Sem minnir mig á það – opinber nammidagur í dag (huhummm) best að njóta hans og borða heldur fyrr en seinna. Var að fatta að það sem maður borðar fyrir svefninn eða að kvöldi er óskapar fæði – maður brennir því bara alls ekki neitt og þá er ekkert betra að vera búin að svelta sig allan daginn!
Fór annars í Styrk í dag og var ógeðslega dugleg og sundleikfimi í morgun. Komnar þrjár æfingar þessa vikuna – þarf að fara á morgun og sunnudag þá verður Polli ánægður.
Ykkar Inga sem hugsar bara um púls og aftur púls!
Þrastarskógur, Þyngd, Ganga, hælspori, markmið, Polli, Sund, sundleikfimi

Margt í mörgu

Sko ég elska samt Óla Stefáns -eða kannski einmitt vegna þess!

Ekki orð meira um handbolta.

Ég er ekki nógu dugleg í mataræðinu. Ég er hins vegar mjög duglega í hreyfingunni þó ég sé ekki eins yfirnáttúrulega dugleg og í sumar og haust en það á nú sér sína eðlilegu skýringu. Ég er í mjög erfiðri vinnu sem tekur út á mér.

Ég þoli ekki að ég sé að borða of margar hitaeiningar!

Af ofansögðu má sjá að ég steig á vigtina í gær! Það eru alltaf mjög slæmir dagar sem fylgja í kjölfarið. Það er alveg sama hvernig mér gengur mér finnst mér aldrei ganga nógu vel. Og þá skiptir engu máli að ég sé með hælspora dauðans og háls sem ber ekki uppi höfuðið. Set það ekki í nokkurt samhengi. Ef ég væri ekki að hreyfa mig svona mikið þá væri ég að þyngjast hugsa ég! Og samt þykist ég vera í einhverju aðhaldi – ja eða ekki…

Er líklega ekki í neinu aðhaldi því ég borða bara næstum það sem mér sýnist!

Ég bjó mér til matardagbók um daginn – sem náði yfir um 10 daga held ég. Þegar ég byrjaði að skrifa í hana ætlaði ég bara að skrifa niður allt það sem ég borðaði en ekki vera að breyta neinu til að fegra hana. Svo átti að hefja gáfulegt át með nýrri bók. Nú er komið að því.

Ekki í dag samt og ekki í gær- fuss og svei! Á morgun fer ég í Bónus og versla gáfulega inn og verð eins og manneskja í febrúar – reyni að taka þetta með trukki.

Baldur var svo sem ekki svo óánægður með bókarskrifið – finnst reyndar að hann hefði átt að vera óánægðari – held hann sé með aumingjagæsku í garð mín! Enda er ég svo sem ekki í neinum firna góðum gír.

Háls og herðar stífari en um langa hríð. Ég fékk nálar í gær og ég á alltaf góðan dag í kjölfarið. En þær virka svo sem ekki mikið lengur en það. En ég svaf fyrir vikið algjörlega dásamlega í nótt með smá hjálp lyfja að auki :-).

Ég fór svo í fínan göngutúr í Þrastarskóg í morgun og brenndi næstum 600 kal – fín ganga það. Sökk og rann og skautaði og því reyndi vel á kálfana. Hælsporinn bara þokkalegur. Við eigum eftir þrjú skipti í nálameðferðinni varðandi hann.

Baldur vill ég hætti að synda og sjái til hvort hálsinn lagist.

Ég fer þá í sundleikfimi, oftar í salinn (veit ekki alveg hvenær ég á að hafa tíma eða orku í það – sundið er nefnilega miklu meira slakandi en helv… salurinn).

Mér finnst ægilegt að hætta að synda. Það er svo gott að fara um kvöldmatarleytið… en það er kannski bara hreinlega ekki gáfulegt…

Ég svo sem hætti því í sumar þegar ég fékk í hálsinn og lagaðist en ég var ekki í sundi í haust þegar ég fékk í hálsinn síðast -en það er kannski ekki til að bæta ástandið.

En ég átti góðan dag í gær – fínan fram að þessu í dag.

Nú fer ég að hvíla mig og kannski get ég lært á morgun. Það væri frábært.

Það væri bara frábært ef mér gæti liðið svolítið betur punktur!

Og svo er ég búin að læra á ownzone hjá Polla. Polli er hins vegar með leiðindi við mig og skilur ekki að brennslupúlsinn minn er frá 96 eða svo – hann er með rugluna varðandi það og ég verð að reyna að koma vitinu fyrir hann.

annars vill hann stundum að ég sé á moderate hjartslætti en ég er alltaf í light að hans mati. Það er eiginlega þar sem okkur greinir á. En ætli mér takist ekki að gera hann meðvirkan eins og alla!

hælspori, Polli, sundleikfimi

Hrökkva úr hálslið

…haldið þið að það sé mögulegt? Haldið þið að það sé hægt að leggjast útaf og geta svo aldrei hreyft sig meir? Haldið þið að það sé mögulegt að liggja útaf og hausinn detti af manni? Eða maður snúi sig úr hálslið í skriðsundi? Eða hausinn detti af þegar maður syndir baksund – pompi bara niður á botn?

Allt þetta er ég að íhuga seinni hluta dags og fram á nótt. Því meira sem líður á kvöldið því líklegra finnst mér að eitthvað af þessu gerist. Mér finnst það raunverulega að eitthvað af þessu geti gerst.

Við Polli fórum í sundleikfimi í morgun og brenndum okkar rétt rúmlega 300 hitaeiningum. Ég náði bara að eyða rúmlega 200 í sundi í gær enda var ég með hörmungarhyggjuna mjög virka útaf hálsinum. Gat bara eiginlega ekki hreyft mig en ég hef komist að því að mér líður betur þegar ég syndi – það er eins og það mýki mig upp.

En það munar um 500 hitaeiningar – kannski er það kökusneiðin sem ég borðaði áðan :-s. Jamm og já.

Fer í Styrk á eftir, næ mér í nýjan skammt af verkjatöflum og læt svo bara eins og ekkert sé! Alveg þangað til í kvöld þegar ég óttast að ég sé að missa höfuðið af.

En glerbrotið úr tánni held ég að hún Ragnheiður mín hafi losað mig við blessunin. Það var eiginlega svona eins og punkturinn yfir i-ið, sá fjári. Afskapleg skemmtilg viðbót við hælsporann og hálsinn náttúrulega.

En jæja – best að ljúka deginum með kennslu í tvo tíma. Föstudagar eru laun erfiðisins alla vikuna. Þeir eru til að njóta.