Author: ingveldureiriks

Jæja mitt í öllum hátíðahöldunum þá er nú nóg að gera. Hér verður haldin 50 ára brúðkaupsafmæli á morgun! Hvorki meira né minna – það eru tengdaforeldrarnir sjálfir! Hér verður hádegisverðarpartý – og svo er áframhaldandi dagskrá út daginn eins og vera ber.

Og nú í augnablikinu er ég bara of löt til að gera nokkuð af því sem ég á að gera – en það lagast nú eftir að hafa horft á Despó smávegis. Endurnærist maður ekki við það 🙂

Jæja en ég er stolt af mér að hafa farið í blak á milli hátíða! Það er þó alltaf það!

Ég þarf að æfa spretti á næsta ári – koma mér úr sporunum! Standa ekki eins og klessa og það allt saman. Auk hins gamalkunna – léttast. Það er allt eins og það á að vera barasta.

Sjálfstjórn er málið líka – má ekki gleyma því – er svoldið fljót til þess 🙂

Það er ekki rismikið líf mitt um þessar mundir – en það er ekki heldur neitt rislágt. Það eru þó greinilega einhverjar breytingar í farvatninu.
Ég hef t.d. fengið námsleyfi næsta haust – sem er algjörlega með ólíkindum, því þó mér hafi fundist ég eiga það mest í heimi skilið þá trúði ég því ekki nema hæfilega að slík undur gætu gerst að ég fengi slíkan happdrættisvinning! En ævintýrin gerast enn. En á móti kemur ýmislegt á debet hliðina svo debit og kredit jafnast út á núllið vænti ég – en ekki mikið undir það:-)

Ég hef verið dugleg að hreyfa mig í desemer. Ég lyfti 2 sinnum í viku og fer á blakæfingar tvisvar. Minn kæri sjúkraþjálfari telur þó að ég eigi að hreyfa mig ögn meira en ég geri – brenna eitthvað svolítið flesta daga vikunnar – ég get deilt þeirri skoðun með honum en nenni því ekki… En ég er alveg ákveðin í því að fara aftur með moggann í mars ef Guð lofar með Páli mínum og hundunum. Ég tala nú ekki um ef ég verð svona góð í fótunum eins og ég er núna þá verður það ekki mikið mál í sjálfu sér.

Mjaðmirnar á mér eru með besta móti – hafa lagast gríðarlega eftir síðustu meðferðarlotu hjá Baldri og átak af minni hálfu að sitja ekki endalaust við  og ef ég fell í þann fúla pytt þá verð ég að hreyfa mig á móti. Setur eru sá verknaðu sem fer allra verst með mjaðmirnar á mér. Ristar, beinhimnubólga, hné og slíkt og þvílíkt hefur allt skánað mikið og er á tíðum alveg til fyrirmyndar. Fyrir það er ég mjög þakklát.

Ég stóð í stað í þyngd í desember og léttist jafnvel svolítið – kannski um kg. Það finnst mér sigur. Nú um hátíðar syng og ég hamra á hinu klassíska orði sjálfstjórn, um það snýst mitt líf um þessar mundir. Það er lykillinn að því að minnka átið. Ég kæri mig nú ekki um að hafa enga sjálfstjórn – það er náttúrulega ekki flott :-).

ég hef haft það dásamlegt á aðventunni, börnin mín tvö voru hér um jólin og ég fíla það alveg að vera miðaldra með tvennt fullorðið sem ég kalla þó börn mín með mér í liði. Ekki amalegt. Aðalsteinn hjálaði mér heilmikið með hluti sem Palli hefur ekki getað gert og Ragnheiður mín er alltaf drjúg blessunin. Saman eru þau mergur míns lífs náttúrulega :-). Páll beininn líklega híhí.

Á morgun er það leikur í salnum – líf og fjör í blakinu – og áðan fór ég í göngu með báða hundana og það gekk vel – og ég fékk úlpukorn í jólakorn og ég hef ekki átt úlpu síðan rauða ullarúlpan mín var og hét! En hún var nú líka æði!

Nú fer að halla í áramótaáheitin – það verður gaman að sjá hver þau voru fyrir 2010 – en amk veit ég að ég náði því ekki að léttast um 12 þetta árið – ónei!  Úpsi púps en annað hefur nú verið á uppleið svei mér þá!

Jæja lífið heldur víst áfram -í raunheimi sem á fésbókinni þó bloggið fái ekki miklar fréttir þar um eða af;-). En það þýðir nú ekki að mín hafi gefist upp öðru nær. Hvunndagurinn minn er þannig að ég vinn og fer svo í hreyfingu 4 daga vikunnar – massalyftingar þannig að ég er farin að vippa hér til húsgögnum sem voru ill færanleg áður. Eða það segir Palli a.m.k. :-). Blakið er firna skemmtilegt og við erum svo heppnar að fá til okkar 2 ,,stráka“ til að þjálfa okkur tvisvar í mánuði -það hefur ótrúlega mikið að segja náttúrulega – reyndar ekkert ótrúlegt við það ;-). Hver veit nema maður geti tekið á móti bolta einn daginn á sómasamlegan hátt.

Mataræði er í þokkalegu standi – ekki nægilega góðu til að léttast en nokkurn veginn til þess að halda þeim fjórum kg sem hafa farið síðan í sept. Markmiðið nú er að þyngjast ekki um jólin og stunda mikla hreyfingu þessa daga svo ekkert fari nú úr skorðum. Áramótaheitið er svo fullmótað – og það tengist vissulega blaki og maí 🙂 svo það þarf að bretta upp ermarnar.

Annars er ég í tónlist.is alsælu því ég er áskrifandi þar – bara að íslensku efni reyndar sem er nú svoldið leiðinlegt en það hefur eitthvað með símann minn að gera :-).

En sem sagt, jólaundirbúningur á fulluskriði, með hógværð og sparnað í huga náttúrulega.

JÁ OG ÞAÐ FRÁBÆRASTA ER NÁTTÚRULEGA AÐ ÉG FÉKK NÁMSLEYFI NÆSTA VETUR!!!

…í kringum setbeinið. Og það þýðir að allir þessir verkir sem ég hef eru ekki bara vegna mjaðmanna heldur vegna festinganna á aftanlærisvöðvanna sem eru allar marðar í klessu út af þessu púða leysi mínu! Og nú ætti ég að fá mér kút til að sitja á! Hann kemur til landsins í lok mánaðarins. Gaman að prófa það. A.m.k. er ekki hægt að vera svona sigh!

Eftir að hafa misst af lyftingaæfingum í síðustu viku þá fórum við Alice í dag og vó vorum við duglegar!  Annars á ég afleitar nætur núna eftir að hafa einhvern veginn rifið upp þessa festu þarna í rassinum Mínum – í blaki á mánudaginn. Ég sat líka allt of mikið um helgina við sörugerð og sláturgerð ein magnaðasta blanda allra tíma!

Og nú er bara að vona að ég verði sæmileg á morgun.

Já og sjúkraþjálfarinn minn er æði! oftast ja amk stundum 😉

Já já stýrisdæla og stýrismótor bara farið – dautt búið ekki nema svona um 250 þús sem kostar að gera við það smáræði! Bjartur með sykingu í auganu og af þessu leiðir að ég er gjörsamlega á bömmer. Kem heldur litlu í verk þykir mér og eyði of miklum tíma í tölvunni. Þarf að minnka það. Þarf maður ekki líka að fara í jólaskap. Mér sýnist að ef það verði gefnar jólagjafir á þessu heimili þá verði það heimagert svei mér þá! 

Ég er nú eiginlega í klessu yfir þessum bíl…. já og svona fjármálunum yfirleitt. Greiðslubyrðin helst til mikil miðað við tekjur satt að segja.

Æ það þýðir ekkert að væla yfir því. Gleðjast bara yfir því hvað var svakalega gaman í blaki og að maður er að hressast í fótunum. Já og svo gengur svona ljómandi vel að skrifa matardagbók – og stigin ekki alltof mörg – þó þau séu mörg sem í hana rata.

Hreyfingin gengur bærilega – fór í dag þó ég væri svakalega sein af stað. Bara fínt.

…að það er rosalegt! Og ekki skemmir það þegar þjálfari er á staðnum! Við getum náttúrulega ekki mikið en það er allt í lagi – því við erum í framför :-). Og það er bara kominn dágóður hópur í kringum þetta! Við vorum 11 í dag og samt vantaði 3 sem eru alveg gallharðar og alltaf með. Þannig að þetta var nú barasta frábært og svaka gaman – þó ég rífist nú helst til mikið  en það er nú bara ég :-).

Ég er að skrifa matardagbók og það gengur vel ég hef lært að pítubrauð eru svakaleg og hrísgrjón gjörsamlega hræðileg. Þannig að þetta er farið út for good. Ótrúlega sem maður er fljótur að skrökva að sér með þessi stig – eða hitaeiningarnar. Dísussss maður er náttúrulega ekki í lagi.

Ég er í mjaðmameðferð, fer 2x í viku að lyfta og geri þá heilmiklar mjaðmaæfingar og svo hef ég uppgötvað að vöðvarnar aftan í lærunum eru nú ekki sérlega sterkir og þá sérstaklega  sá í hægra lærinu – úff púff. Þarf að æfa hann líka.  Will dó.

Og svo þyrfti ég helst að vinna eitthvað líka…

…að ég er farin að skrifa matardagbók!  Hreina satt! Öðruvísi gengur þetta ekki!

Eftir notalega fjölskyldustund með systkinum og mökum þeirra í gær hjá Hildi nenni ég engu í dag – þvæ bara þvotta því þvottavélin mín kom úr viðgerð – það er svakalegt að vera þvottavélalaus maður minn -úff púff. Þá á eftir að þurrka en þetta hús mitt er nú ekki sérlega vel gert til þess arna.

Það er kalt úti en bjart – ég held ég ætti kannski bara að gera einmitt ekki neitt og hvíla mig bara fyrir átök vikunnar. Kannski smá handavinnu – tiltekt í dótinu mínu sem gæti nú alveg heitið drasl um þessar mundir ;-).

En allra best er nú bara að þurfa ekki að gera nokkurn skapaðn hlut nema bara það sem manni sýnist – og reyna að éta ekki mjög mikið á meðan hehehe 🙂

Jæja er ekki rétt að setja inn smá stöðumat nú í lok mánaðar og upphafs nóvember. Ég hef lést um tæp 4 kg síðan um miðjan ágúst – sem mér finnst lítið en veit hins vegar að er öldungiságætt – og ég saxa hægt og bítandi á það sem ég hef bætt á mig síðan um páska eða svo. Já svona er þetta – það eru ekki öll ár til fjár greinilega. Þýðir ekki að dvelja endalaust við það heldur hysja upp um sig brækurnar.

Ég spila blak tvisvar í viku í 90mínútur í senn – ýmsar æfingar með þar náttúrulega. Ég er farin að fara í salinn á Borg. Ég hafði nú aldrei trú á því að ég gæti notað þessa græju sem þar er – svona sambyggð lyftingagræja en þessi dásemdar sjúkraþjálfari minn – sem þjálfar líka hið ofurskemmtilega blaklið Hvatar við annan mann kom snemma einn daginn og kenndi mér á tækið og setti upp æfingahring sem við Alice kennari förum tvisvar sinnum í viku og erum 60 mín með hringinn og svo bætist upphitun við þann tíma.

Ég er algjörlega himinlifandi að vera byrjuð að lyfta þvílík sæla – það á svo vel við minn þunga skrokk. Það liggur við að ég finni mun eftir 3 skipti en þar spilar nú blakið inn í – það eru ansi góðar æfingar í upphitun þar líka. Þetta gera fjórar langar æfingar í viku og ég fer í pottinn á eftir og myki mig upp.
Bara dásamlegt.

Hið eina slæma sem hjáir mig er mín hægri mjöðm – hún er svakalega aum – ég get lyft meira en helmingi minni þyngd með henni en þeirri vinstri og er hún þó ekki alveg góð heldur. Úff – og ég finn í blakinu að þetta háir mér þvílíkt – næ ekki að spyrna mér af stað í hlaupum og svo er bara stundum eins og löppin ætli undan mér – en nú er ég farin í meðferð til Baldurs og æfingaprógrammið mitt tekur verulega á mjöðmnunum svo það er bara gott.

Annars er bara gott – næ engan veginn að halda heimilinu hreinu, vinn ekki nóg þó ég vinni rúmlega minn vinnutíma – vil helst alltaf vera í vinnunni en það má nú ekki. Ekki ef maður ætlar að hreyfa sig og eiga heimili…

Annars er einn stór vandi í mínu lífi – kvöldsvengd. Ég borða alltof mikið þegar ég kem heim eftir langar æfingar – er alveg botnlaus en ég tek á því með sjálfsaga og ákvarðanir að vopni 🙂

…og er til tómra vandræða! Djöf… Nú er ég farin að lyfta á ný og ég gerði fullt af fótaæfingum í gær með henni Alice, og viti menn eftir stöðvar á blakæfingunni í dag þá bara bwamm var ég búin að vera og komin með staurfót. Sem sagt heldur skart farið af stað!

Oh ég sem hélt ég væri orðin þokkaleg – ég held reyndar að Baldur eigi að sjá til þess að mér hætti að vera illt í mjjöðminni…