Month: september 2009

…kvenfélagsfundur í kvöld – á einhvern undraverðan hátt tókst mér að bjóða mig fram sem fundarstjóra… kann það nú ekki nema semi vel sko…

Nú svo eru það tvö verkefni og eitt svolítið stærra sem þarf að gera fyrir 12. okt.  Svo er það að kenna og undirbúa blessuð börnin sem best… væri í sjálfu sér aðdáunarvert verkefni ef ég gæti bara alltaf verið í vinnunni.  Svo bara verð ég að koma skikki á þessi æfingamál mín…. maturinn er að mestu í lagi – en með sínar glompur samt. 

Maginn er í lagi ef ég man eftir að taka ÖLL lyfin sem ég á að taka við hinum ýmsu verkjum þar – ég hef ekki borðað mjólkurvörur nema í algjöru lágmarki heldur.

Bráðum kemur heilmikil staðlota í náminu – 2 vikur í hana eða svo og svo ætla ég að fara að kalla foreldra inn svona eitt og eitt í stutt spjall.  Það verður gaman en tekur líka tíma.  Nú svo þarf ég að gera maaaaaaargt fleira eins og að klára teppið hennar Þórunnar, þrífa heima hjá mér mjög marga köngulóarvefi…

en ég er sko ótrúlega góð í fótunum og hleyp við fót með blöðin ef ekki er hálkan og svo.  Bara svona smá stingir hér og þar en miklu miklu betri en ég hef verið ever held ég bara.  Nú er það bara að léttast – 500 gr á viku með fullri hreyfingu er það sem ég stefni að sætti mig við kg á mánuði – allt umfram það er bara æði.

Hljóp svolítið með blöðin í morgun.  Púslinn hviss bang upp og ég miklu fljótari og nú þarf ég að fara að lengja rúntinn því ég er ekki nema innan við korter á ferðinni :-).  Vitiði – það er smá kraftaverk að ég geti skokkað – ég bara meina það….

…ef einhver er ósáttur við mig og vill ekki leita sátta þá er það hans mál en ekki mitt. 

Ég fór í sund í morgun og telst til tíðinda.  Ágæt í rist þó ég vissi af henni verri í öxl.  ekki búin að borða neinn tiltakanlegan skandal í dag og stefni á að hafa magann jafn lítinn og hann er orðinn núna eftir veikindi undanfarnar vikur.

Ekki viss um að það takist samt.  Veit heldur ekki alveg hvað ég á að gera í þessum ræktarmálum – er ekki allt geðveikt að gera í þessari Nautilíus rækt í sundlauginni….

Nú þar sem ég er náttúrulega bara orðin hlaupari þar sem ég hljóp við og við í nokkrar mínútur í dag þá er rétt að líta vel á þessa áætlun!

Það gerist ekkert ef maður er í eilífum Pollýönnuleik

Nákvæmlega það sem ég hef alltaf hugsað nema bara ekki alveg komið orðum að því…. Þessi eilífa bjartsýni og allt reddast og allt er í lagi og allir eiga að vera góðir – iss það er bara ópíum fólksins í dag.  Kjaftæði bara.  Rífumst bara og verum óssammála, verum svo bara sammála um að vera það en ekki á bömmer yfir því og hvurn ands… ætli maður þurfi alltaf að kunna vel við allt sem gerist!  Öðru nær!  Maður má bara alveg sjá dökku hliðarnar og reyna að bregðast við þeim í tíma.  Hörmungarhyggja getur víst verið nytsöm!

Og ég hljóp með blöðin – alveg fullt oh yeah svona skokk sko… en ég ætla ekki að gera lítið úr því – því ég hef ekki hlaupið árum ef ekki áratugum saman!  ég var 8 mínútum fljótari með blöðin í morgun en vanalega vegna þessa – ég hef aðeins verið að prófa þetta sko… hlaupa á milli ljósastaura og ganga svo en ekki verið nægilega vel skóuð – en ég fór í hlaupaskóna mína í dag sem hafa meira verið notaðir í innanhússsport og hviss bang ég hljóp fullt og var ótrúlega dugleg fannst mér bara!  Gaman líka… Fór samt ekki í sund eins og ég ætlaði – né hef ég heldur tekið mikið til og þá ekki lært mikið en þvílíkt slappað af og gert ekki neitt og allt… mjög nauðsynlegt.  Gríðarlega síðarlega bleah – lyfin eru að virka á magann á mér ef ég borða helst ekki neitt – og þegar maður borðar helst ekki neitt þá setur maður gjarnan eitthvað slæmt upp í sig – svona fitandi eitthvað.  En ég er alveg að borða lítið enda hef ég ekki verið léttari um ævina síðan Ragnheiður mín fæddist blessunin.  Oh yeah.

Góðar þessar magakveisur maður!

p.s ég er sveitt og allt!

p.s.s.  Dísuss þetta gæti nú alveg passað við mig!Mjólkuróþol

Ég er alveg búin að vera frá undanfarið í maganum og oftar en ekki verið alveg á því að gefast upp bara á þessu líffæri mínu.  Ég fór í gallgangna eða eitthvað ómskoðun og þar kom nú allt hið best í ljós, ósæð, bris, lifur og gallið allt saman er sem nýtt.  Ekki slæmt það… Svo er ég komin með alls konar meðöl, kenningar og ég veit ekki hvað og hvað til þess að reyna að gera gott úr þessu.

Ég hef líka verið að reyna að komast til botns í skólanum og vinnunni þar – átta mig á hvað það er sem ég þarf að gera og hvernig ég geri það. Sit heima á kvöldin og reikna ýmiskonar dæmi allt frá léttu og uppí níðþungar úkraínskar jöfnur sem ég bara man ekki alveg hvernig virka 😉

Nú svo hef ég bara verið of önnum kafin og vansældin ríkt í  mínum kroppi af of mikilli ákefð til að ég hafi hreyft mig nokkuð nema bara bera út moggann – sem mig langar vel að merkja helst til að hætta að gera en það má ég nú alls ekki – alltof góð hreyfing til þess.

En nú finn ég að ég væri alveg til í að íhuga hreyfingu – svona eitthvað sund gutl og den slags.  Það hefur ekki gengið vel með mataræðið síðustu viku – hef verið mikið að vinna og læra og þá er enginn hér heima til að elda neitt fyrir mig en miklu hefur nú bjargað að matarlystin er nærri engin svo – en hitaeiningar hafa gjarnan verið allnokkrar í því litla sem ég hef etið.

Æ það er bara svolítið of mikið að gera, of mikið drasl  og of mikill skítur sem ég einhvern veginn næ ekki að vinna mig niður úr.  Páll þarf líka að átta sig á því að ef ég á að vera að gera allt það sem ég á að vera að gera þá bara verður hann að koma inn í heimilisstörfin að öðru leyti en því að setja í uppþvottavélina.  Ég ræð ekki við líf mitt og það sem því fylgir alveg upp á mitt einsdæmi….

Ekki alveg…

En kosturinn við þessar annir eru þær að þyngd mín er með ágætum og vonandi næ ég að kíla hana enn frekar niður – ég er heldur léttari en þegar ég kom frá Reykjalundi – ekki mikið en smá og það er gott því það er nú ekkert smá mál að halda þessum fína ramma sem var þar hér heima. 

Að vísu hef ég algjörlega fengið yfir mig nóg af hreyfingu þar og þurfti bara hreinlega að pústa aðeins – ég var alveg komin með gubbuna bara tilhugsunin vakti mér vanlíðan.  En nú fer ég að kaupa mér kort í tækjasal og synda – ég finn að ég er að verða alveg tilbúin í það og ef snjóa festir ekki þá hjóla ég líka eitthvað smá 🙂

Finnst varla í mínum huga…

Ég nenni ekki neinu og finnst ég þurfi í verkfall til að andmæla því hve margir hafa skoðun á því hvað ég ætti að vera að gera…  sigh!

Ég er að horfa á iðjuþjálfunartækin min og reyni og reyni og reyni að fá botn í það hvernig líf mitt getur fallið saman eins og púsl.

Ég bara verð að hreyfa mig… borða elda vinna hreyfa mig meira hugsa ekki um of af mat en vera alltaf að hugsa um mat samt því annars hefst ekki að breyta yfir í að elda alltaf hollt og gott og vera almennt ógó gáfuleg…

en amk veit ég hvernig stundaskráin mín lítur út!

Ég held ég sé komin með nóg af netlífi. Ég held það sé ekki gott að hafa allt svona á netinu liggjandi fyrir hunda og manna fótum…

Þarf aðeins að hugsa um þetta meira…

En hvað um það þá er ég amk algjörlega á kafi í vinnu og veseni…

Á að fara í staðlotu á morgun en ég kemst alls ekki – hringdi í kennarann og fæ að vinna daginn upp – ég hef aldrei vitað annað eins – hausinn á mér er fullur af mosa…

Ef ég man hvað ég heiti og hvað þá aðrir þá er það nú bara heppni.

…og hún veit nú eiginlega ekkert í sinn haus – Sigmar sér um þetta bara í fyrramálið því ekki veit ég neitt í minn haus – ekki einu sinni að ég muni stundaskrána mína! En ég verð nú ekki lengi að finna út úr því.

Við erum búin, hjónin að færa hér til húsgögn og raða og gera svolítið heimilislegra en var það er afskalega kærkomið þó hreingerningin og svona tiltekt hafi setið á hakanum. Ég kemst nú frekar út úr því ein en að færa öll húsgögnin til.

Svo erum við líka búin að vera að hugsa um mataræðið og virðumst vera að ganga í takt það er frábært – gaman að vera með einhverjum í því að hugsa um mataræðið og heilsuna en ekki einhvern sem er eins og sé verið að drepa með heilsusamlegu fæði 🙂

Ég er ekki alveg búin að koma saman æfingaáætlun – en það liggur nú nærri:

ganga með mbl alla morgna – en hún er farin að taka um 25 – 30 mín á meðan hún tók bara um 15 mín í vor – svo lengist tíminn í vetur í hálkunni.

Badminton á þriðjudögum, blak á fimmtudögum. Gæti synt líka þá smávegis til að liðka.

Svo langar mig í tækjasal 2 – 3 sinnum í viku og það væri þá mán- mið og föstudagur. Við sjáum til með það.

Það þarf að finna taktinn í vinnunni líka.

En ég er ánægð með mataræðið síðan ég koma af Reykjalundi -skrifa matardagbókina og hún er ekki svo mjög galin.

En kertin sem ég keypti í Rúmfatalagernum – sprittkertin þeas eru óóóóótrúlega léleg…

Þegar ég hef lokið verkefnum tengdum heislubót minni þá þarf ég:

Taka til í húsinu og þá meina ég alls staðar og um allt
Það vantar bókahillur og borðstofuborð…
hvítt lakk á gólflista á klósettinu og á skápinn sem er þar…
klósettrúlluhaldara og meiri peninga…

…og nennu.

Ég sem sagt ætlaði að hafa rosalega hreingerningu hér í húsinu eftir í dag þegar dagskrá lýkur – það er sem sagt markmiðið…

Hausthreingerning dauðans 😉