Helgin í Reykjavík

Sæl verið þið

Ég á nýja sko – víhí – wave line jóhó frá Mizuno ógó mikil pæja

Við systurnar höfum dvalið í Reykjavík um helgina. Nú sit ég og bíð eftir Palla og það er alveg eins og ég hafi einhvern tímann gert nákvæmlega þetta sem ég er að gera – áður – heitir það ekki deja vú?

En þetta hefur verið fín helgi – mér hefur að vísu lærst að ég er ekki í húsum hæf og á eitthvað í land í samskiptum við mína nánustu. Þarf svona eitthvað að skilgreina og redirekta því í annan og betri farveg. Það hlýtur að koma.

Mataræði var með ýmsu mót og ekki sérlega gott en ekki heldur sérlega slæmt. Ég stefni á að vera einbeitt og öguð, viljasterk og víðsýn í næstu viku og taka vel á í hreyfingu og mataræði.

Áherlsan verður vonandi á að vera jákvæðari og sjálfsaðgerða miðaðri og hætta að gera vesen úr öllu – endalaust. Bind nú ekki vonir við að mér takist að hætta að gera vesen úr einföldum hlutum. Svo þarf náttúrulega að taka á ýmsum málum sem liggja á minni áður líður mér líklega ekki sérlega vel.

Verkefnalisti sem gæti litið sennilega út með hæfilegu ofmati:

Mála klósettið
Henda skáp út í forstofu og mála hana líka
Minnka inntöku fæðu um miðjan daginn nema í formi 1 ávaxtar og grænmetis
Borða ekki seinna en 19:00 öll kvöld vikunnar
Ekki fara í blak
Taka til í Ragnheiðar herbergi og setja þar upp verkstæði jólasveinsins
Námsmat – foreldraviðtöl – náttúrufyrirbæri eru verkefni næstu viku í skólanum.
Styrkur á þriðjudag og fimmtudag, sundleikfimi á mánudag, miðvikudag og föstudag.

Já annars var nú stórvirki aldarinnar fræmkvæmt í gær: Við systkinin eigum ættingja í San Diego Usa – systkini til hálf föður okkar, sem okkur langar að vitja en það hefur ekkert samband verið við þau að nokkru ráði í gegnum tíðina. Okkur langar út um páskana en höfum verið ótrúlega rög við að hringja nema sú stutta gerði það náttúrulega í gær og talaði við bróður pabba í næstum hálftíma og það var afskaplega gaman. Við ætlum svo að tölvusambandast og vonandi verður bara eitthvað úr þessu öllu saman.

En nú er það pottferð á Selfossi og matarboð hjá Ástu Björk og Halla – gaman gaman.