Jæja nú er ég bara heima þessa helgina og hef fullan hug á því að gera eitthvað í þessum blessuðu heimilsstörfum – það eru ýmis verkefnin sem ég þarf að leysa – ég er búin að vera svo ótrúlega lítið dugleg í júlí – og á áreiðanlega fram að því. Kannski get ég paufast eitthvað núna um helgina. Ég er amk með nokkur verkefni sem þarf að leysa.
Ekki gengur nú vel að léttast þrátt fyrir ágætar tilraunir í þá átt, og nóg sprikla ég – þó það hafi vel að merkja verið minna í síðustu viku en allar aðrar vikur sumarsins en ég held það hafi reyndar skilað sér í aðeins hvíldari Ingu.
Ég fór ein í Styrk í gær og var ótrúlega dugleg – tók létt í salnum en var dugleg í brennslutækjunum – það er frábært – ætla að reyna að fara að lengja þann tíma. Ég verð svo að vera einbeittari í matarræðinu og svindla ekki vísvitandi. Ég hef svo sem fulla trú á að það geri sig – mér finnst mér ganga vel að breyta hugsanagangi gagnvart matarræðinu – verst að mér tekst ekki eins vel að breyta honum gagnvart tiltekt – en nú er ég farin að gera eitthvað í henni 😀
Þörf - Vani - Líðan 
Hæhæ, aðeins að senda smá kveðju, er í tölvunni hjá Ömmu og þessi síða opnaðist. Sá þig í sundi áðan, ég lá í pottinum en þið Ragnheiður sáuð mig ekki!KveðjurHildur og Hergeir
Líkar viðLíkar við
Sé ekki neitt – segi það satt. Enda voru svo margir að reyna að ylja sér í þessum pottum að það sást ekki hver var hvar eða hvur var hvurs.
Líkar viðLíkar við