Flokkur: vinna

vinna

Og enn er ég hér

Það er svo sem skemmtilegt til þess að hugsa að ég skuli eiga mér líf – meira að segja svo innihaldsríkt að ég blogga sjaldnar ;-). En ég er ekki viss um að það sé gott að minnka það. Mér veitir í raun ekkert af því að halda hugsunum mínum til haga – og geyma þær á einhverjum þeim stað að ég geti rifjað þær upp þegar ég man ekki eftir þeim lengur – ég held nefnilega stundum að ég sé alveg í fyrsta skipti að upplifa hluti. Hef bara aldrei lent í neinu svipuðu um ævina.

Það hjálpar líka að sjá heildarmyndina. Þetta er ferðalag og það er gott að doka við og íhuga, velta fyrir sér og svo jafnvel bregðast við.

Ég hef nú ákveðið að taka mataræðið svolítið föstum tökum. Það eru ýmsir í fjölskyldunni sem hafa náð frábærum árangri í því að léttast á síðustu vikum og þó það sé algjörlega borðliggjandi að mér sé ekki hollt að léttast meira en um 500 – 750 gr á viku langar mig nú að léttast um kannski heldur meira en ég hef gert. Kannski er það bara rangt af mér.

Kannski langar mig bara meira að vera með hreina samvisku. ,,Svindla“ með opin augun, borða hollt og hámarka þar með árangurinn – kannski ekkert endilega léttast um svo miklu meira – heldur ná því sem ég get. Rétt eins og Polli – púlsmælirinn minn heldur mér við efnið í æfingunum. Mér leiðist að erfiða og ná ekki þeim árangri sem ég ætti að gera.

Vinna

Ég er líka að hugsa um vinnuna mína. Ég get ekki unnið annan vetur svona mikið eins og í vetur og þar með er ég með um 156 þús útborgaðar næsta vetur. Töluvert minna en ég hef í dag – en ég vinn líka allt of mikið og ég ætla aldrei að vinna svona mikið – svona erfiði get ég ekki upplifað eftir.

Ég hef ákveðnar hugmyndir um þau laun sem Palli þarf að hafa en ég hef einhvern veginn aldrei gert þær launakröfur til mín – litið meira á mín laun sem náttúrulögmál. En nú er ég að hugsa um þetta. Ég held í raun að ég ætti að hætta að kenna og þá kemur nýtt starf til mín. Ég ætla þó ekki að gera það næsta vetur – en ég ætla í alvöru að íhuga þetta. Ég er kona með ágæta greind, fína hæfileika á ýmsum sviðum og afhverju ætti ég ekki að reyna að fá meira út úr þeirri blöndu?

Jamm ég ætla að hugsa þetta svolítið meira. Kennslan er hvort sem algjörlega að drepa mig – ræð ekki sérstaklega vel við álagið orðið… En þetta er nú ekkert að gerast á morgun eða hinn. Bara svona að gerjast…

Ég held ég sé komin með hælspora hægra megin líka – amk er ég að drepast undir hælnum – en þó grunsamlega mikið til hliðar….

Kannski er þetta bara sinin að pípa. Ég er eiginlega öll úr lagi gengin en þetta jafnar sig nú allt saman á endanum. Kannski þarf ég bara að drífa mig að léttast meira – til að minnka álagið sem er víst ærið að koma sér í form í mínum þyngdarflokk.

Þegar ég verð orðin 99,9 kg þá held ég að ég geti ekki skilið hvernig ég gat þetta! Ég held þetta sé svolítið erfitt…

En svona ljómandi skemmtilegt 😉

Þriðjudagur, miðvikudagur og fimmtudagur framundan. Skyldi ég lifa þá af?

vinna

Tilbreytingaleysi hvunndagsins

Ekki að það sé nokkur skapaður hlutur hversdaglegur við rósir – ekki eina einustu. En tilbreytingaleysi er ekki alltaf hinu illu. Það getur verið býsna kærkomið og full ástæða til þess að umvefja það og njóta.

Ég hef verið að vinna þessa viku – alsæl ef ég fæ að vinna svona eins og þrjá daga í viku 12-13 tíma – það er ekkert sem slær það út 🙂 Engar gleðipillur veraldarinnar.

Ég hef nú á þessum tímapunkti brennt 2300 hitaeiningum þessa vikuna. Ég ætla að mæta á allar æfingar þó svo að það sé fjölskyldugathering á Minni Borgum og svoldið leiðinlegt að þurfa alltaf að rjúka eitthvað í burtu – en Polli leyfir ekkert svindl. Nóg verður vísast um rauðvínið og slíkt þó ekki verði slegið slöku við.

Palli kemur heim í dag blessaður grjónapungurinn :-). -Bara í stutt helgarfrí og svo kemur hann fyrr en varir í páskafrí því það er alveg að koma 🙂 oh yeah.

Sem sagt ekkert að frétta á Bullvöllum.

vinna

Ég vinn víst ekki neitt…

það heyrist amk vítt og breitt um samfélagið.

Ég var vísast ekki að vinna þó ég væri til hálf átta í gærkveldi hér úti í skóla. Ég hef svo sem vísast líka unnið lítið í gegnum tíðina.

Leti og vesaldómur er áreiðanlega ástæðan fyrir stöðu íslenskra kennara í dag. Þeir vita ekki hvað það er að vinna – þeir vita ekki heldur hvað þarf til, svo endar megi ná saman. Það er amk ekki ástæða til þess að ætla að þeir séu dómbærir um stöðu sína sjálfir. Pétur Blöndal og fleiri eru vísast miklu færari um það.

Langa sumarfríið er nú eitt…

Ég gæti skrifað langan pistil – og geri það kannski síðar. Svipaðar áhyggjur hef ég af sælgætismolunum 11 sem ég át í gærkveldi og ég hef á skoðunum Péturs Blöndal. Þetta tvennt er amk álíka leiðinlegt og vitlaust.

vinna

Árshátíð

Að baki er árshátíð – ég er á lífi og börnin stóðu sig frábærlega og það sem ég er að vona er að þau hafi skemmt sér vel. Eða amk eitthvað – þau voru frábær.

Ég samdi leikþátt um Snorra Sturluson en við erum búin að vera að vinna með hann. Þau stóðu sig svo vel að það var algjölega dásamlegt. Og öll sama í hvaða hóp þau voru. Voru sjálfum sér og öðrum algjörlega til sóma.

En að ég hafi náð að hafa áhyggjur af þessu er náttúrulega bara fáránlegt.
Og mikið er ég fegin að þetta er búið.

ég hins vegar borða það sem mér sýnist, þegar mér sýnist! Og finnst kannski bara að ég geti valsað um sælgætisframboðið, kökurnar og sætindi almennt! Fita hljómar heldur ekki illa. Matur hins vegar – jukk. Og engan hollan takk.

Púls, Sund, vinna

Af Polla og Ingu

Það tekur eitt æðið við af öðru! Nú er það Polli sem er æði. Hann sér um að halda utan um púlsinn minn á æfingum og telur samviskusamlega hitaeiningar sem ég brenn. Hann segir að á æfingum sé ég búin að brenna 2910 slíkar þessa viku. Ég er svo illa áttuð og vitlaus að ég veit ekki einu sinni hvað það merkir. Ég veit hins vegar að ég á að borða 3200 hitaeiningar á dag miðað við hreyfingu og þyngd og hæð og það þýðir að á æfingum hef ég næstum eytt dagsskammti af mat.

Og þá komum við að því sem er náttúrulega það sem er að pirra mig meira en ég kæri mig um að viðurkenna: Mataræðið. Ég náttúrulega verð að fara að skoða það ítarlega. Og það þýðir skráning og vesen alveg út í eitt og þá má hann Polli nú fara að vara sig – og gott ef ég tek yfirleitt eftir Kimi á rauða bílnum þegar að því kemur!

Í gær fór ég í afmæli hjá Árna á Bíldsfelli og það var svo skemmtilegt. Ég fór í pæjuskónum mínum og nýjum fötum með hárið mitt sérkennilega 😉 vel greitt – bara hugguleg. Og það var voða gaman að hitta alla vini mína þarna og þeir voru svo glaðir með mig og þótti ég líta svo vel út enda nokkuð um liðið síðan flestir þeirra sáu mig. Þetta var svona egóflipp kvöld – gott fyrir sálina vona ég. Virkilega skemmtilegt kvöld og gaman að hitta gömlu sveitungana.

Í dag fór ég í sund og gleymdi sundhettunni og gleraugunum og fannst þá bara rétt að fara í pottinn en hviss bamm þá fattaði ég að ég gæti hlaupið smá og synt á bakinu og ég gerði það og brenndi skoho helling af hitaeiningum og komst að því að ef ég syndi bakskrið þá næ ég púlsinum langbest upp og brenni þar af leiðandi meiru. Þannig að baksund here I come ;-).

Í fyrramálið er það sundleikfimi og þá kemur betur í ljós hvernig það kemur út. Ég veit að þetta er frábær tími að stunda hreyfingu en ég þarf að átta mig betur á því hvernig ég næ sem mestu út úr þessu. Ég þarf að sjá að þetta skili mér meiru heldur en t.d. 30 mín sund og hlaup í útilauginni en þá ber náttúrulega að hafa það í huga að ég er lengi að koma púslinum upp á morgnana. Ekki alveg sambærilegt.

Á morgun er sem sagt mánudagur og svo kemur hryllingsþrennan – þriðjudagur, miðvikudagur og fimmtudagur. Það er alltof mikið að kenna þrjá daga í röð frá 8 til 2 og þrjú. svona mörgum krökkum. Það ætti eiginlega að banna það!

lífsstílsbreyting, vinna

Yfirlit

Þriðjudagur – unnið til átta eða svo 😉
Matur að mestu í fínu lagi
Miðvikudagur – vatnsleikfimi – var að venjast fyrirbærinu. Sund um kvöldið, alls brenndi ég 600 hitaeiningum í vatninu yfir daginn. Matur í fínu lagi nema 2 smákökur og einn súkkulaðimoli og ég borðaði of seint eða 20:30. Fór í nudd og bylgjur á hælinn. Er mjög þreytt í hálsinum og komin með verki um 11 leytið alla virka daga. Geng hölt eftir setur. Er með seiðingshausverk alltaf hreint, gleymi honum stundum hann er orðinn svo viðvarandi.
Fimmtudagur. Besti morguninn varðandi hálsinn en var með dúndrandi hausverk þegar ég vaknaði. Keypti mér fínt nesti yfir daginn :-). Stefni á hvíld í dag nema kannski sund seinni partinn því ég er á fundi í kvöld- það yrði þá bara til að létta á spennunni sem er ynnra með mér.

Svo er það toppsport á morgun og það verður nú svolítið gaman að sjá hvað Polli vinur minn segir þá. Hann þverneitar að taka sundið í gærkveldi inn í kaloríur vikunnar – skil ekkert í því. Æfingin birtist í dagsyfirlitinu fyrir 10.01 en kemur ekki inn í vikuna. Verð að athuga þetta :-).

Við Polli, við erum annars góð saman ;-).

En best að leggja í daginn sem vísast verður með skrautlegasta móti.

vinna

Jahá ekkert að gerast

Það hefur stækkað svolítið grenitréð í kirkjugarðinum síðan ég var og hét á Þingvöllum og eitthvað hefur þeim fækkað þar líka. Annars mega grenitré helst ekki sjálst þar lengur. Ægilega hætturlegar og ljótar plöntur víst! Æ ætli ég sakni ekki bara Þingvalla þó þeir séu nú alltaf hluti af mér. Tekið með svolítið mikilli aðdráttunarlinsu – amk er Skjaldbreiður heldur vígalegri en hann á sér alla jafna.

Ég er búin að fatta það að þegar ég kem heim á daginn þá geri ég ekki neitt. Barasta ekki neitt. Ég hef ekki einu sinni almennilegan áhuga á því að glápa á sjónvarp. Nenni alls ekki að taka til. Þarf eiginlega að bíða eftir að Páll komi heim – ég þarf að breyta svolítið hérna á heimilaðinu áður en ég fæ einhverja ánægju af því að taka til hérna 😀 Þarf að fara að gera þetta eitthvað heimilislegt hjá mér. Veit ekki alveg hvort Páll minn viti hvað hann á að stússast mikið í fríinu sínu hérna heima :-). Ég er ekki einu sinni viss um að ég láti hann nokkuð vita af því 😀 tíhíhí.

En ég er að fá nett kvíðakast yfir öllu því sem ég á eftir ógert:

Námsmat í mörgum liðum = vinna alla helgina

Gera drög að einstaklingsáherslum í stærðfræði

Lestrarprófa

Útbúa gátlista í stærðfræði

Undirbúa smiðjur með einstaklingsáherslur

Aðalverkefni í námskrárfræðum

Þvottur

Útbúa tvo stutt málfundarinnlegg sem ég held ég eigi að flytja í næstu viku!

Fara í bæinn á mánudag til sála og í dekur tíhíhí því ég er svona næstum því búin að missa 20 kg

Fara svo aftur í bæinn á þriðjudag að tala við kennara í Grandaskóla

Elda góðan og hollan mat

Hugsa um Aðalstein

Vera góð við Ragnheiði

Labba með Bjart en það hefur legið niðri

Stunda líkamsrækt – sem minnir mig á það að ef ég fer í bæinn á þriðjudag þá get ég ekki farið í styrk né í spinning þann dag – og það er foreldradagur á fimmtudaginn sem er u.þ.b. erfiðustu dagar ever í skólanum, er þá engin líkamsrækt eiginlega í næstu viku? ha hu hummmmm

Klárlega eitthvað fleira sem ég man ekki… eða kýs að gleyma

Oh my god!

Og lausnin? Láta bara eins og idjót fíflast hægri vinstri og láta eins og ég þurfi ekkert að gera nema bara vera skemmtileg og hæfilega huppuleg við samstarfsfólkið! Mjög góð leið til að minnka kvíða – að gera ekki neitt af því sem maður þarf að gera.

En iss ég geri þetta bara allt um helgina- fæ mér bara Magic eða kaffi – kemur út á eitt!

En amk má ég ekki gleyma því að fara í Styrk á sunnudaginn – annars er ég nú í deep shit sko! Ætli ég þurfi ekkert að fara að fara á vigtina – hef svolitlar áhyggjur af þessu satt að segja!

En ég fór í brennslu í morgun ó yeah – voru nú sirka lengstu 20 mín Íslandssögunnar en ég kláraði þær 🙂 Fór með bílinn í dekkjaskipti á meðan. Sá mér eiginlega ekki fært að bjóða samferðarmönnum mínum upp á það að keyra hér um á 10 km hraða og samt ekki getað stoppað! Fuss og svei! Allt annað líf og kemur vel út í rigningunni sem nú ræður ríkjum

Annars er ég að hafa svolitlar áhyggjur af veðrinu sem á að geysa í fyrramálið. Ég vona að börnin komist heil í skólann – þetta lítur ekki vel út.

Ætti ég að fara að sofa? Svaf nú mjög lítið í nótt – fékk eitt major kvíðakast sem entist mér lungað úr nóttinni eftir að hafa farið alltof seint að sofa. Og svo vaknaði ég eldsnemma þar að auki!

Sem minnir mig á það að ég þarf að þvo íþróttafötin. Nei vitið þið það – líf mitt er bara stundum meira en ég ræð við!

Líkamsrækt, vinna

Hlusti hlusti hlust

Ég er ekki mjög góð í því…

Ég ætla ekki að segja að ég sé ekki góð í neinu samt…

Ég er nefnilega að æfa mig í því að vera jákvæð 🙂

Ég á sko svoldið í land!

Og ég er búin að finna amk eina ástæðu fyrir því.

Palli er farinn til Færeyja. Ojá og bíllinn minn er í Reykjavík – aleinn!

Ég fæ mjög mikinn aðskilnaðarkvíða við tilhugsunina eina saman (vegna bílsins þó fjarvera Páls sé í sjálfu sér afar heartbreaking).

Ég át eins og grís um helgina – drakk hins vegar eins og svín 😉 Nei nei bara djók – eða þannig!

Ég er svolítið í vandræðum með æfingarnar mínar og hreyfinguna. En þau eru alveg að fara! Gufa kannski upp!

En jæja ætla að hlusta smá – er svo sem að hlusta – hlusti hlusti hlust.

Fer í nudd á eftir. Er nú svooooldið slæm í hálsinum sko.

Meira síðar.

Líkamsrækt, Nudd, Skór, vinna

Inga uppgefna á sjálfri sér

Sko þetta gæti verið skór dagsins.

Ég er nú bara í nokkuð góðum gír nefnilega. Ég er nokkuð vel áttuð í skólanum – búin að senda 100 tölvupósta til ýmissa foreldra um hitt og þetta – bara gaman að því :-).

Ég svaf vel í nótt – það er nú ekki alveg á hverjum degi sem ég geri það. Er í nýjum fötum sem passa þokkalega.

Er bara betri af hælsporanum mínum og veit hvað ég á að hafa í kvöldmatinn og ALLT. Var á þrælskemmtilegum fundi um skólamál þar sem maður ræddi sín hjartansmál – líka gaman að því.Gaman ef maður fær að tala – það vantar nú ekki.

En svo er ég einhvern veginn svo glötuð líka – eins og þessi skór – sko hann gæti verið fín á öðrum en ekki MÉR. Þetta er svo erfitt líf á köflum að ég get dáið. Ekki dáið dáið en vorkennt mér dáið.
Það eru bara ákveðnir hlutir sem eru ekki að gera sig og mér finnst ég eiga óþarflega stóra sneið í þeim hlutum. Jukkiti jukk…
En það verður bara að bretta upp ermarnar og snúa helv… vesenið niður :-).
Ég hef ekkert hreyft mig í dag – fór ekki með Bjart heldur lá í bælinu eins lengi og ég gat því ég var svo þreytt og uppgefin. Ætla svo ekkert að gera í dag – kannski bara í heita pottinn en ég meira að segja efast um það. Ég geri heldur ekkert á morgun þó ég ætli nú að labba í fyrramálið.
Ég er bara svo uppgefin og þreytt. Ég var það nú líka í gær og það var eins og ég væri með heilt fjall í stærri kantinum á herðunum. Ég minnist þess bara ekki að það hafi verið svona erfitt að hjóla eins og í gær, úff. Fór nú samt í Styrk því annars hefði ég bara farið á föstudaginn næsta. Það er bara ekki nóg. Onei… Held samt að það hafi ekki verið sérlega gáfulegt ráðslag satt að segja. En ég beið svo sem engan skaða af því. Fór bara í hádegishléinu mínu eftir að hafa mætt út í skóla rúmlega sex.
Það er kannski hluti af þessu öllu, búin að mæta í vinnuna á milli sex og sjö síðustu tvo daga og vinna til að verða níu og er enn að vinna í dag. Kannski er það hluti þess að ég sé þreytt. En ég er líka ánægð með það því ég hef getað gert svo mikið og verið fókuseruð á það sem ég er að gera. Maður bara verður stundum að vinna. En maður verður náttúrulega líka að vera duglegur að hvíla sig og ég hef nú svo sem ekki verið fræg fyrir annað í gegnum tíðina.
Á morgun er fimmtudagur. Þá er stutt í föstudag og helgina! Ég þarf að vinna svolítið um helgina held ég – skila einhverju af mér og svo bara verð ég að fara að læra smá. Er ekki að gera sig að sleppa því lengur.
Ekki var nú vigtin skemmtileg við mig í gær. Stundum afber ég þetta ekki. Það eru margir sem segja við mig að þeir skilji ekki að ég léttist ekki meira miðað við hvað ég hreyfi mig mikið! Og ég sekk stundum í það að skilja það ekki heldur – þó ég viti að jafnaðar þyngdartap upp á 700 gr eða svo á viku sé ekki slæmt á hálfs árs basis. Það skilar fínu á ársgrundvelli. En ég sekk stundum alveg niður í þetta að vorkenna mér þessi ósköp og fæ nagandi sektarkennd því ég er náttúrulega viss um að ég sé í raun og veru ekki nógu dugleg og mataræðið sé allt í volli og ég þá þar með orðin aumingi. Stundum finnst mér eins og ég geti aldrei verið ánægð – þurfi alltaf að finna skuggahlið á allri gleði.
Sko – ég er í aumingja ég stuði – en samt er ég frekar hress bara – en það er einhver hóll sem skyggir á útsýnið!
En ég færist vonandi úr stað- nú eða hóllinn verði grafinn í burtu – sem væri náttúrulega best líka.

Bjartur, Ganga, hjól, Skór, vinna

Ég held ég fari að sofa

……

…er þetta ekki svefnlegur skór. En megaflottur mar! Ég er svo syfjuð að ég er að kafna.
Enda sef ég aldrei meira en 5 – 6 tíma á nóttu og ég þverneita að það sé nóg. Bara þverneita því. Enda bæti ég mér það oft um helgar sem er ekki minn stæll hingað til.
En sem sagt ég borðaði síðast kl 20 – og nú er bara að sjá hvað ég ét fram til miðnættis. Vonandi ekkert nema ibufen og vatn. Það væri óskastaðan…
Ég fór með Bjart í morgun og komst að því að ég vorkenni Eyjafjallajökli. Það er bara fínasta fjall – en hann býr við hliðina á þvílíkri dívu að ekkert annað kemst að. Hekla sjálf. Í morgun var sólin akkúrat á bak við Heklu þegar ég fór í hellisskóginn. Og vitið þið það – það var töfrum líkast. Appelsínugulur heimur og blá fjöll – blárri en allt. Mér fannst ég sjá inn um gluggan hjá þeim í Eyvík – svo vel sá ég Hestfjall.
Ég var alveg staðráðin í því að fara ekki að labba í morgun þegar ég fór að sofa í gær – ég var svo þreytt – en mér fannst ég ekki geta sjálfsvirðingar minnar vegna (já og sjálfrar mín) sleppt því. Og við Bjartur sáum ekki eftir því. Frábær stund.
Svo hjólaði ég í skólann og heim aftur – og ég snerti ekki bílinn nema allra fyrst á morgnana upp í skóg. Geðveikt.
Krakkarnir í skólanum eru svo stoltir af mér að það er yndislegt. Þau eru algjörlega bergnumin af dugnaðinum í mér og þeirri fáránlegu hugmynd að kona eins og ég hjóli um allt og sé með hjálm eins og þeirra. Yndisleg. Hreinlega. Og dagurinn í dag var svo yndislegur að það var ótrúlegt að maður væri að kenna í strikklotu frá 8:10 – að verða þrjú. Þetta eru bara meistarar. Var svo að vinna til rúmlega sjö og gat gert heilmikið. Ég er svo glöð með þetta sem ég kemst yfir í skólanum þó ég myndi vilja að það væri miklu meira. Maður getur alltaf gert betur – það er áreiðanlegt.
En jæjæ ef ég hendist ekki í að éta eitthvað eftir að ég ætti að vera sofnuð þá er þetta bara flottur dagur:
7 hafragrautur og 100 gr blóðmör – 9:30 ab og hafraflögur einhverjar – 11:30 appelsína 13 saltkjöt og rófa+uppstúfur. 19 rækjur, brauð og grænmeti og svo 6″ subway.
Góður hver dagurinn er það ekki?
Kveðja frá hjólreiðadísinni 🙂