Flokkur: Uncategorized

Jæja gott fólk!

Pæling dagsins er mataræði – ég er heilum 900 gr léttari en ég var á föstudaginn en þá var ég óþarflega þung verð ég að segja. Ég er 600 grömmum léttari en ég var fyrir viku síðan eða svo þannig að þetta er á réttri leið – og ekkert vonandi með það neitt.

Dagurinn í dag hefur verið afbragð. Ég kúrði í mínu bóli og hugsaði oft og mikið um það hvað ég ætti gott en það er mjög mikilvægt að muna eftir því.

Nú svo fékk ég mér TE í morgunmat, speltbrauð og lax, gúrku og 2 glös af hreinum appelsínusafi. Haldið þið að það hafi verið splendid!

Að því loknu strauk ég tölvunni ,,minni“ svolítið en þetta er svo flott tölva að það er rosalegt. Ég verð að vera dugleg að nýta mér það og huga að tölvumálum. Því…

Sko ég hef komið mér í vefumsjón hjá http://www.gogg.is/ og hjá http://www.ljosaborg.is/ – og vitiði – allt svona er töluvert meiri vinna en ég held svo mér á áreiðanlega ekki eftir að leiðast við þessi verkefni. Óttast eiginlega hitt frekar.

Nú svo fór ég í Styrk og brenndi þar 2100 hitaeiningum (samt ekki á hjólinu – hefði átt að gera það :0

:o( en það kemur sem sagt síðar. Fæturnir á mér eru að lagast og nú eru það eiginlega bara hnén og ristin sem eru verulega erfið – þessi fádæma þreyta, verkir alls staðar og stirðleiki er eiginlega bara úr sögunni í bili.

Nú er bara að koma reglu á þetta allt saman – mataræðið – hreyfinguna, helst að koma morgunhjóli inn 3 – 4 daga vikunnar og 2 stórum hjólatúrum upp á 1000 kal helst hvor.

Svo var ég með ipod í dag – og christ gellan! Ég er ofboð.

P.s: Fór í sund í kvöld – á hjóli og hjólaði svolítið um bæinn og brenndi við þetta dútl 1000 kal og hef því tekið út úr þeim bankanum 3200 kal. Góður dagur – alveg þangað til kemur að náttverðinum.

Er ekki rétt að fara að hugsa um markmið á ný – fyrst ég er orðin núllstillt?

Í dag:

Taka til í stofunni og hundahárahreinsa (búin vúhú)

Þvo og hengja út – þó það rigni smá þá þarf að viðra úr þessu öllu hin endalausu hundahár sem Bjartur sér heimilinu fyrir. (Búin að fara eina ferð út!)

Taka til í miðrýminu… (svoldið mikið eftir þar sigh)
Hreinsa hið sama miðrými af fleiri hundahárum
Viðra sæng, lak og rúmteppi (enn hundahár)

Skúra húsið (búin með stofuna oyeah)

Á morgun ætla ég svo að byrja að líta í skúffur og taka til þar og hugsa um vinnuherbergið…

Já og klára allt sem ég gerði ekki í dag – því alla jafna eru markmiðin mín fullbjartsýnisleg!

Já og svo þarf ég að hugsa um mat – sko ég er búin að fatta að ef maður er lífsstílssucker þá verður maður að hugsa um mat og matreiðslu. Ég er sko að verða svoleiðis kona.

Jamm

Það er svo gott að eiga góða að. Og sundum finnst mér mesta snilldin að ég skuli vera farin að nýta mér þá. En eftir stendur að það er svo sem bara ég sem þarf að haga mér eins og manneskja sem ætlar að léttast.

• Slá garðinn reglulega
• Hirða beðin í garðinum.
• Fá mér sumarblóm í potta
• Mála húsið rautt tralalalala
• (hér er ég komin með hættulega mikil markmið sem ég óttast að náist ekki. En ég meina þetta er nú ekki svo erfitt!)
• Fara þrisvar í viku í ræktina
• Fara þrisvar í viku hið minnsta í sund og mýkja mig upp
• Versla reglulega inn
• Elda gáfulegan mat
• Léttast um 6 kíló (hér fer hver að verða síðastur)
• Taka til í skúffum í þessu húsi
• Hugsa um hann Bjart og sjá hvort ég geti hreyft hann svolítið
• Fara í útilegur svona við og við
• Fara til Egilsstaða

Eins og sjá má eru þetta nokkuð háleit markmið en þau þurfa nú ekki að gerast á einum degi. Ef eitthvað gott er gert á hverjum degi þá mjakast þetta.

Ef ég ætti að forgangsraða þá væru það matarmálin og hreyfingin(sundmýkelsi líka) sem eru í forgangi.

Það gerist ekkert nema ég taki matarmálin alvarlega í gegn. Ég get það, hef gert það og ætla að gera það núna líka. Það er nóg komið af vitleysu.

Kannski dugar mér að hugsa til þess að hnjáliðirnir eru stífir og kannski farnir að slitna – kannski gæti hræðslan við það að vera veik í hnjám fengið mig til að létta mig hraðar. Ég verð að minnsta kosti að drífa mig í því að létta á liðunum mínum. Ég slít þeim margfalt hraðar en þið hin. Maður flýtur ekki endalaust á því að vera vel af guði gerður og misbjóða svo öllu saman.

Ég á hund sem er heimsins mesta krútt. Hann er svo mikil svefnpurka – enda þarf maður að vera það þegar maður er svona óþægur. En hann fór sem sagt að sofa kl 2 í nótt með húsmóður sinni og jú jú hann var svo sem til í að fara út að pissa í morgun en ekki meira en það. Og nú liggur hann á bakinu með alla skanka úti og steinsefur. Ægilega þreyttur og uppgefinn. Hann verður að fá 10 tímana sína og engar refjar :D. Litla ljósið. Sem ég held að hljóti að verða hárlaus bráðum – eins og hér er af flygsunum. Þarf að kemba hann aftur (ótrúlegt en satt ég er nýbúin að því!)

Síðustu dagar hafa verið svo annasamir að ég hef sjaldan vitað annað eins. Ég ætla ekki einu sinni að reyna að telja það upp – enda var ekkert af þessu sérlega merkilegt eða tilþrifamikið – en margt skemmtilegt og annað tímafrekt.

Nú sit ég í síðasta sinni (í bili að minnsta kosti) að sýsla í Sunnulæk og er komin með hugann í Grímsnesið. Þar á bæ hefur þeim tekist að koma mér í einhverja vefsíðu umsjón – hallelúja þannig að ég hugsa að mér þurfi ekkert að leiðast.

Mitt í öllum önnunum hef ég verið í útilegu frá því á miðvikudag – en líka verið að vinna, líkamsræktast og fara í sund á Borg.

Ég hef komist að því að sund er mikil bót fyrir fæturnar á mér – ekki sundið sjálft heldur vappið á milli pottanna. Ég skána líka við að hreyfa mig í Styrk – liðkast. Smám saman með því að hugsa um hvað ég er að gera, teygja og svamla held ég að þetta sé að koma en á köflum er ég algjörlega ógöngufær. Í fyrsta sinn á ævinni eru hnén að stríða mér og það eru miklar bólgur í kringum þau, en þetta liggur nú allt í vöðvunum og þá getur maður mýkt, strokið og klappað :-).

Brjáluð blíða – og ég sit í gluggalausri komu – alveg að komast að því að allt það sem mér þótti algjörlega nauðsynlegt að gera fyrir helgi má flest allt missa sig.