Uncategorized – Síða 76 – Þörf – Vani

Nýr dagur

Ég er að fara í klippingu í dag – afskaplega langþráð. Það er mánuður síðan ég átti að fara – en af einhverjum ótrúlega ástæðum hef ég ekki náð því. Ekkert er ljótara en úr sér vaxinn ,,stutt“klipptur kollur.

Ég er að hugsa um að fá mér svona klippingu. Til að byrja með þarf ég að hafa hana svolítið styttri hægra megin en hér er sýnt.

Svo er ég að hugsa um að hafa þetta allavegana á litinn. Svoldið mikið ljóst bara… Ljósar strípur með…súkkulaðibrúnu. Gylltar strípur frekar en ljósar… og ekki tröllastrípur nei nei.

Ég er skárri í lungunum og hóstinn hefur stórkostlega látið undan síg – það er frábært að taka sýklalyf sjaldan þá svínvirka þau þegar maður fer á þau! Nú er bara að sjá hvernig púlsinn er í dag

Uncategorized

ÆTLI ÞAÐ SÉ EKKI HÆGT AÐ NÝTA HUNDAHÁR Í EITTHVAÐ?!?

Uncategorized

Ég er í skralli

…I kid you not!

Ok maður getur sko verið glaður yfir því að fara út að hjóla og það allt saman en boy oh boy sit ég í súpunni. Annars held ég svo sem að ég hafi verið í henni áður.

En nú ætla ég að gefa það opinberlega út að ég sé veik og þurfi að jafna mig. Þannig er það nú bara. Ofnæmið mitt fína er sko komið í lungun og ég hósta upp úr mér þvílikum hroða að ég ætla ekki að orða það meira. Ég get skölt um í nokkrar mínútur og svo verð ég bara að fara að sofa aftur.

Til þess að bæta gráu ofan á svart þá hækka ofnæmislyf púlsinn og nýja fitubollulyfið mitt hækkar púls og blóðþrýsting. Ég veit ekki hvort ofnæmislyf hækka blóðþrýsting. En kannski sýking geri það og ég er skoho með svoleiðis í öndunarveginum.

En sem sagt fíni blóðþrýstingurinn minn er 100-120 núna – aldrei verið svona hár held ég og púlsinn er eins og í hræddri mús. Ef ég stend upp og fer á klóssettið fer hann upp í 145 sem er meira en mér hefur nokkurn tímann tekist að ná honum í pöllunum hvað þá annars staðar. í nótt var hann að meðaltali 92 – þannig að litla hjartað mitt er svo önnum kafið af öllum þessum lyfjahroða sem ég er að dæla í mig að ég get ekki annað en vorkennt því!

Ég var búin að gíra mig upp í að fara í Styrk og brenna í nokkrar mínútur en ég sá að í dag er dagurinn sem Ingveldur á bara að taka það rólega! Losa sig við slímið og hóstann, (komin á sýklalyf) og hvíla mig bara svolítið. Hundahárin verða bara að vera hér enn um sinn.

Annars er annað svona í hæfilega vondum farvegi líka – það gengur ekki allt eftir uppskriftinni í lífinu- það er óþarfi að láta eins og það sé sjálfsagt mál.

Uncategorized

Víhí

Ég fór út að hjóla!!!

Ligga ligga lá!!!

Ég brenndi næstum 2500 kaloríum og hjólaði í 80 mín maður minn!!!

Og ég fékk bikar frá Polla þó ég hafi ekkert gert alla vikuna nema synt smá, tjaldað einum tjaldvagni og þessi hjólaferð!!!

Ég er að vísu við dauðans dyr núna vegna hósta og almennrar andnauðar en skítt með það.

Ég fékk bikar!!!

Og gat farið út og hreyft mig – það er orðin stund síðan ég gat það skal ég segja ykkur

Skórinn þessi heitir smart cookie – rétt eins og ég.

Og Kimi vann!

Og ég fékk fleiri stig en Baldur í liðsstjóranum!

Uncategorized

Hósti hósti hóst

Það liggur við að ég haldi að ég sé með kvef frekar en ofnæmi – en hvort heldur sem er þá er ég að lagast þó ég hósti alveg jafn mikið og sé alveg jafn stífluð þá er ég ekki eins svakalega slöpp – bara svoldið slöpp. Og mér líður ekki eins og það sé að fara að blæða úr lungunum á mér þegar ég hósta. Þannig að þetta er nú allt á réttri leið.

Ragnheiður gaf mér svona skó á föstudaginn í tilefni sumarsins. Hann er ótrúlega sumarlegur og skemmtilegur. Mér líður eins og ég sé þarna á milli – undir hælnum og golíat sé í skónum. Mér líður eins og kramminni bjöllu með brakið úr World Trade center ofan á sér. Sigh….

En svo er það nú blessuð Formúlan. Þar sem ég hef skoðun á úrslitunum þá líður mér herfilega. Herping í maganum, svitna í lófunum og allt. Bara af því að ég vil að Kimi gangi vel í þessari keppni. ÉG vildi nú líka að Mika gengi vel þegar ég fór á Magny Cours hér um árið en hann sat nú alveg pikkfastur á ráslínu fyrir því! Ég held ég ætti að hætta að hafa skoðanir á þessum málum bara og vera alveg sama. Það er miklu þægilegra og átakaminna.

Ég finn ekki fyrir nokkurri svengd og finnst tilhugsunin um mat frekar óþægileg. Það þýðir að ég gríp eitthvað til að setja upp í mig sem er afleitt. Ég verð að huga mjög vel að eldamennsku og því hvað er til hér – næringaríkt og hollt, fljótlegt og þægilegt um leið.

En kannski er þetta bara ímyndun og þetta lyf á ekki að kikka inn svona fljótt. Sama hvort er – áhrifin eru ágæt. En ég finn að ég þarf að hafa mjög mikið eftirlit með sjálfri mér. Ég ætla að vanda mig sérlega mikið að halda matardagbókina núna. Skrá þetta vel niðu.

Uncategorized

F1 á morgun og allt…

Ég ætla enn að halda mig við að Kimi vinni á morgun – og fari amk einu sinni framúr einhverjum á gasalega flottan hátt! Það gæti rignt á morgun og Kimi er awsome í rigningu. Þessi drengur hefur ekki vit á því að óttast nokkurn skapaðan hlut! Það eru nokkrar líkur á rigningu en það hefur varla gerst á Magny Cours og færi allt í voða ef af yrði því brautin er svo gríðarlega hál fyrir.

Fór í Borgarnesið í dag – yndislegur dagur. Hóstaði gríðarlega en held ég sé að lagast.

Í dag hef ég ekki fundið til svengdar en ég get samt hugsað mér að borða eitthvað en ætla að láta það vera. Fyrst ég þarf þess ekki þá þarf ég bara að venja mig af því. Ekki að ég sé búin að vera mikið í því að borða á milli mála.

En sem sagt – held ég finni mun á því að vera á lyfinu – sjáum hvað gerist á morgun.

Ykkar Inga

Uncategorized

Inga að vakna til lífsins – samt svolítill Grettir í mér enn

Lyfin eru farin að virka -jibbí. Átti erfiða nótt – ákvað að fara fram og reyna að sofa sitjandi. Tók púst óleyfilega oft, drakka slakandi te og horfði á fallega dvd mynd. Færði mig um set og hrúgaði undir mig sængum og koddum og bruddi svolítið af verkjalyfjum. Svei mér ef ég svaf ekki bara nokkra tíma.

Fór svo í sund í morgun og ætlaði a að verða brún b að fara nokkrar ferðir á hlaupum í lauginni. Gerði eiginlega hvorugt. Ekki mér að kenna, ég var í andnauð allan tímann og sólin sinnti bara ekki sínu einhvern veginn. En voða notalegt.

Svo fór ég með Ragnheiði að kaupa kjól á hana, keypti ís handa öllum starfandi í Styrk – vorkenndi þeim þessi býsn að vera þar inni í 20 stiga hita. Hreyfði mig ekki neitt – enda ófær um það.

Fannst svo alveg ótrúlega sniðugt að kaupa blóm á pallinn – alveg þangað til ég stóð í Blómavali innan um blóm og runna – fékk mjög að finna fyrir því að ég væri í raun og veru með ofnæmi en ekki ímyndunarveik ;-).

Lagði svo garðborðið mitt sem var brotið, raðaði upp á pallinn, gróðursetti blómin og braut saman þvott og þvoði svolítið líka af slíkum varningi. Og ég er svo þreytt að þó það ætti að hengja mig til þerris hefði ég ekki þrek til að hanga þar!

Og þar sem ég var að setja upp gardínur í herberginu mínu – þá kom vilborg og víhí við drukkum eina litla ogguponsu blush og það var svo notalegt. Þó mér hefði nú fundist svolítið leiðinlegt hvað var mikið drasl. Skil ekki þetta drasl í kringum mig – en ég er að vinna í þvi. Ég hlýt amk að verða búin að þvo allan þvott hér í þessu húsi – sængur og kodda! Guðs blessun þessi þurrkur.

Í dag fékk ég megrunarpillur eingar ægilega. Þær eru svo eitraðar að ég má búast við ægilegum aukaverkunum. En þær eiga að hjálpa mér að léttast og vonandi gera þær það – ég vil ólm létta á liðunum mínum. Það er aðeins of mikið sem hvílir á þeim.

Ég er samt ekki alveg sátt við þessa ákvörðun mína – það er í raun ekkert að því hvernig mér hefur gengið þó það sé stopp búið að vera núna. Á meðan allt er á réttri leið. En við skulum sjá hvort þetta geti ekki hleypt í mig keppnisskapinu. Þetta á að virka með lífsstílsbreytingu. Og ég hef margt lært í þeim efnum á einu ári.

Ekkert heyrt í Palla mínum í kvöld – ég sakna hans svo mikið að ég er alveg hreint að deyja. Kannski fer ég að fara til Færeyja á ný. Það væri nú nógu gaman – en ætli það fari ekki að koma svefntími á litlu pilluætuna hana Ingveldi.

Já sem vel að merkja var með blóðþrýsting 70 – 123 á miðvikudaginn. Ekki slæmt.

Sumarkveðja

Uncategorized

Samviskan

Hversu mikið samviskubit á ég að hafa yfir því að vera ekki í Styrk núna að sprikla?

Á skalanum 1 – 10?

Nagandi seiðandi bit er um sex… ég nálgast jafnvel sjö…

Er samt nýkomin framúr og hreint ekki hin hressasta. Get þó talið mér trú um að ég hressist við að hreyfa mig – bara ef ég ætti ekki svona erfitt með að anda.

Ég held ég láti ógetið samviskubitanna sem ég get haft yfir öllu því sem ég á eftir ógert, uppeldinu á hundinum, hús, garður, börn, málning, viðgerð á borði, tiltekt.

Ég er næstum með samviskubit yfir öllu því sem viðkemur líf mitt…

Oj sen foj sen

Uncategorized

Þetta er eiginlega svolítið fyndið

Í fyrrasumar fyrir réttu ári fékk ég í hálsinn. Var með þá verki fram í mars apríl Afskaplega hvimleiðir og erfiðir. Hælspori bættist síðan við í ágúst og beinhimnubólga í október. Hvorugt gott og hælsporinn afskaplega þrálátur og lét ekki undan síga fyrr en um svipað leyti og hálsinn. Svo varð ég hæfilega þunglynd og það entist mér í fjóra mánuði eða svo ;-).

Um það leyti sem hællinn batnaði og hálsinn mýktist allur tóku við þessir ægilegu fótaverkir í maí. Mér var bókstaflega alls staðar illt. Ég gat ekki synt, ég gat ekki gengið og ég gat alls ekki setið. Ég fékk verki í hnén, mjaðmirnar, lærvöðvana og leið eins og allir vöðvar fótanna á mér væru amk 5 sm of stuttir. Nú við þetta hef ég svo verið að dunda við að leiðrétt. Hætti að ganga, fór að hjóla, fór á ógeðstækið að nýju og passaði að teygja vel og lengi.

Og nú í lok júní er þetta bara að lagast allt saman. Hahahaha, þá fæ ég svo mikið ofnæmi að ég get ekki verið úti (þó ég gæti bæði hjólað, gengið og synt), þá bara liggur mér við köfnun. Ég get alls ekki farið í Styrk því ég kemst varla framúr.

Þetta er alveg afbragð. I kid you not það tekur eitt við af öðru! En nú er ég komin með alls konar púst, töflur, krem og bakstra og þessi slím og hóstaverksmiðja sem rekin er í líkama mínum hlýtur að vera leyst upp innan tíðar.

Ég sé þó ekki fram á nokkra heilsurækt í dag eins og ástandið á mér er. Ég held ég taki Dr. House með mér upp í rúm og horfi á síðasta diskinn og óski mér þess að verða læknuð með þessum dásamlegu bláu augum… Þó persónuleikinn sé nú ekki nema svona og svona… En honum er nú alltaf illt og ég hef ákveðna samkennd með því – híhíhí.

Over and out – Inga kvartgjarna

Uncategorized

Frjókorn

…eru verkfæri þess sem ætlar að láta mig finna einhvers staðar til og ekki hætta fyrr en ég er hætt að væla yfir því :D. Ég hangi hér fram á borðið nýkomin á fætur eftir að hafa legið nær dauða en lífi af ofnæmi í morgun og nótt. Fuss og svei! En nú er ég líka farin til læknis og eins og heilsan er á mér núna tel ég töluverðar líkur á því að ég komist þangað ein og sjálf. Það hefði ég ekki gert í morgun. Ég meina það!

Ég hætti ekki að væla strax þú þarna!!!!

En mikið er ég fegin að ég borðaði bara 2 sneiðar af pizzunni í gær – þetta er nú meira áfallið! Það minnkar nú áreiðanlega strax ef ekkert er pepperoni-ið á pizzunni það er náttúrulega ekkert nema fita. Og svo svolítið meiri fita.

Úff púff.