Flokkur: Uncategorized

Ég held að sá sem hannaði skapsveiflur hafi einmitt haft geðvonsku eins og ég þjáist af í huga – ji minn eini. Kannski hefur það eitthvað með lyfjaskammta að gera – ég er að þurrka út sem flest lyf sem ég tek. En sé að ég verð samt að halda ofnæmistölfunum inni eitthvað áfram amk þangað til ég verð duglegri að þrífa og viðra hundahárin út úr mínu lífi 🙂

Ég fór á Reykjalund í gær og það voru alveg skelfilegar niðurstöður – eiginlega verri en ég hélt að væri mögulegar. Meira að segja vöðvamassinn hefur látið undan síga verulega. Enda kannski ekki skrítið – ég varð að draga úr hreyfingunni vegna verkja. Það átti líka að draga úr átinu en það hefur ekki verið gert. Það verður sem sagt gert núna. En þeir voru samt ánægðir með hreyfinguna og ég get…

Markmiðslistinn er eftirfarandi:
Útbúa stundaskrá og þar skal tiltekið

• Hvenær konan fer og verslar inn
• Hvenær konan eldar súpuna sem endist í 3 daga hið minnsta
• Matseðla
• Matardagbók
• Þrif – tímasetning
• Viðrun
• Fatauppröðun og flokkun
• almenn þrif á tilteknum herbergjum hússins
• Þvottur
• Nám
• Líkamsrækt 
• rope yoga
• sund
• ganga
• blak
• Aðrar tómstundir
• félagsmál
• heimsóknir
• Bútasaumur

Það er margt um að vera hjá Ingveldi og þykir henni sem hornunum fari síst fækkandi – þrátt fyrir góðan vilja:

Vera í þremur áfangum í masternámi í kennslufræði – það tekur tíma, sérstaklega þar sem allt fyrir neðan 9 telst vanvirðing við markmið mín!

Prjóna og bíða eftir ömmubarninu! – er eiginlega í fyrsta sæti….

Stjórnmálavafstur – hvernig í ósköpunum kom ég mér í það… óskiljanlegt

Hreyfing sem er auðveldlega hægt að missa út í námsleyfi – ójá – hafi afsakanir verið fyrir hendi áður þá hrúgast þær og hrannast upp nú og því var mér alveg hætt að standa á sama, skráði mig í rope yoga- maður verður þá að mæta á ákveðnum tíma – gefst vel. Svo er náttúrulega blakið og ein æfing – sund eða lyftingar – en þetta er ekki nóg. Ég finn það alveg. Ég fer ekki með moggann þar sem það var mér bara ofviða að vita að ég ætti alltaf að vakna svona snemma alveg sama hvernig ég svæfi og vera svo svellköld í náminu… Var mjög illt í fótum og hætti því… í bili amk 🙂 – fór nú samt í morgun í aldreifingu.

Blakið er nú alltaf allnokkurt umstang og fer ekki minnkandi því við erum á þvílíku flugi þar!

Samviskubit í mataræði – því það er jú hið eina sem ég geri í þeim málum. Gengur illa  -finnst ég þyngjast jafnt og þétt – amk ekki léttast neitt. Svakalega erfitt að vera heima alla daga og eiga að léttast um leið – námið hefur líka í för með sér miklar setur –  miklu meiri en í kennslunni…. Erfitt að vera í námsleyfi – en gaman :).

Kvenfélag – á stundum, ekki gríðarlega íþyngjandi nema þar og þá að eitthvað skellur á sem ég mundi alls ekki eftir…

Svo er áreiðanleg eitthvað sem ég man ekki – sem ég finn mér í að stússast í og við og allt um kring.

Já t.d. Facebook – ég meina hvar er sjálfsstjórnin þegar kemur að henni? Annars er ég nú að verða búin að ná tökum á því :).

Og fara svo ekki jólin að koma?

En annars er allt í góðu – ekki verið betri í skrokknum í áraraðir en er samt mjög slæm í hnénu sem er kannski meira hamlandi en verkirnir – en ristar eru að mestu góðar og mjaðmir eru mjög að lagast og svakalega sem robe yoga tekur þar á maður minn…

Og svo þarf bara að hætta að fá 8,5 fyrir verkefni og fá 9 – þetta fer svoldið í taugarnar á mér 🙂 en leiðsagnarmatið er til staðar svo ég ætti að geta bætt mig – vonandi.

Sjáumst hress – ætla að vera dugleg að blogga mig til heilsu á ný – það skiptir  mál.

Lifandi hús

Ég hef nú hafið námsleyfið mitt. Það geri ég með því að koma húsinu mínu í það ástand að þar sé hægt að hugsa – og læra. Þetta er umtalsverð vinna en þar sem stundaskrá er nú ekki almennilega tilbúin og flestir áfangarnir byrja í lok ágúst þá hef ég nokkra daga.

Ég vann líka upp smá svona skiterí sem er að þvælast fyrir mér – þannig að smá smuga sé á því að samviskan sé eins hrein og kostur er miðað við efni og aðstæður.

Ég er einnig byrjuð að losa mig við sumarskvapið sem virðist koma á tíföldum ljóshraða í ágúst. Nú ætlum við hjónin að ganga í takt og ná 100 kílóa markmiðinu – sem þarf að nást eftir 3 ár og still counting :).

Ég finn að ég þarf að aðskilja mig frá skólanum – og það var skrítin tilfinning að vera ekki með þeim að sýsla í dag. En ég á nú eftir að hitta á þau og nýta mér aðstöðuna eitthvað ef ég má.

En yfir og út, gólfin eru að þorna og nú er að þurrka af og skvera meira til hér frammi – veit ekki alveg hvað mér tekst að humma af mér vinnuherbergið lengi… huhummmm. Maður hefur svona mest verið útivið í sumar 😉

Mér hefur stundum verið sagt að ég sé meðvirk – víst er um að ég þekki nokkur einkenni hér í þeim pistil sem tengt er við hér að ofan…

Hvað maður gerir svo í því er annað mál

…eða eiginlega bara miðjumoði! Sumarið hefur verið fljótt að líða – mikið lifandis skelfing geta þessar vikur liðið hratt og ekki nær maður að klára eða gera nærri allt sem maður hafði í huga. Mig langaði til dæmis að vera duglegri við flest:

Allsherjar tiltekt innan dyra
Hreinsa beð og vinna aðeins í garðinum bakatil
Mála pallana
Ganga á 1 fjall á viku (lítið fjall mjög lítið)
Fara 3 -5 sinnum í golf á viku
Fara reglulega í sund
Þyngjast ekki – og helst léttast örlítið.

Í skemmstu máli má segja að ekkert af þessu hefur gengið eftir – en þó hef ég náð að fara í golf og fara upp á 2 fjöll þetta sumarið og stefni á Ingólfsfjall og Esjuna nú um og eftir miðjan ágúst, en hefði þá náttúrulega átt að vera búin að æfa mikið.

Í golf hef ég farið nokkuð reglulega og eins oft og ég hef komist, hef verið alveg daginn að jafna mig eftir 9 holurnar sem ég hef farið líklega fimm sinnum í júlí.
Sundið hef ég alveg svikið mig um – skil ekki afhverju ég nenni ekki í sund hér á Selfossi… Vil bara Borg og ekkert annað – fór svaka mikið í sund í júní samt – minna í júlí.

Eg hef líklega þyngst um 1 kg í sumar – og nú verður að passa sig í ágúst – það þarf að snúa við hjólinu og markmiðin eru klár. Ég fer í 2 vikna ferðalag eða svo á vagninum og þá er mikilvægt að hafa hollt og gott að borða enda ætti það nú ekki að vera erfitt með alla grænmetisuppskeru landsins á borðum.

Húsið hefur verið verra en það er langt frá því að vera nógu gott enda ákvað ég að láta útivistina og sumargleðina ráða – og láta heimilisverkin bíða haustsins.

Ég er afleit í skrokknum en viriðist hafa nokkuð góð tæki í höndunum til að vinna með það. Flogaveikislyfin – sem eru í raun vöðvaslakandi lyf gera kraftaverk á næturnar – verst hvað ég verð morgunsvæf af þeim – en allt í lagi – maður hýtur að getaa snúið því við. Verkjalyf þurfa að koma inn á löngum göngum, og ég verð að passa mig á því hvað ég borða – sykur virðist til dæmis fara mjög illa í mig hvort heldur í höfuð eða liðina.

Markmiðin hafa því líklega verið helst til metnaðarfull – flest þeirra hafa þó komið eitthvað við sögu :).

En nú er að huga að markmiðum ágústs mánaðar:

Borða skynsamlega á ferðalaginu og ganga nokkuð. Golf.
Undirbúa Þingvallaferðalag með skólanum.
Byrja að lesa í náminu – prenta út og setja í skipulag.
Og vinna að ýmsum ömmustörfum – það styttist óðum  ef Guð lofar.

Ég sigli inn í strembinn tíma núna – virðist vera búin að brjóta niður alla veggi og merki sem eiga að vísa mér veginn – borða of mikið og allt af vitlausri gerð. Þetta gerðist líka í fyrra – en nú gríp ég inn í – fyrr og alkunnu öryggi 🙂 Eina sem er að – er ,,frasinn á morgun…“

Ég er alveg búin að vera afleit – fór í golf í fyrradag og boy oh boy sit ég í súpunni af því volkinu. En ég er á réttri leið. Vinn mig niður úr þessari verkjasúpu…

Ég fór í sund í gær eftir RVK ferð þar sem við hjónin keyptum okkur helst skó… og smá útilegudót því við ætlum nú að taka nokkrar daga í útilegu eftir helgina. En þessi verslunarmannahelgi er með því undarlegra sem gerst hefur í þeim flokknum. Viðbjóðsleg rigningartíð, sund á föstudagskvöldi, hekl á laugardegi – jamm bara náðugt.

En ég verð að einbeita mér að mataræðinu og ábyrgjast það alveg sjálf þó spillingin sé hér um allt hús – borin inn af öðrum sem eru ekki alveg á sömu leið.

Þjálfa sjálfsstjórn segir Baldur – en ég veit ekki hvað ég get haldið áfram að stóla á eitthvað sem ég hef ekki – ég verð bara að taka málin í mínar hendur.  Segja mig úr samfélagi við aðra í mataræði einhvern veginn… og ákveða hvað ég ætla EKKI að borða… og skrifa dagbókin góðu. Jamm fer á morgun og næ mér í bók – ég gleymdi henni í vinnunni – get þá lokið ýmsu sem ég á eftir þar – svo nýr kennari komi að öllu tómu  og þá get ég líka synt í þeirri yndislegu laug sem er á Borg.

Einkenni

Einkenni vefjagigtar eru fjölmörg, en aukið verkjanæmi, svefntruflanir og þreyta eru þau algengustu. Einstaklingsbundið er hversu mörg og hvaða einkenni hver hefur. Hér fyrir neðan er listi yfir einkenni sem geta fylgt vefjagigt. Þessi einkenni geta verið fylgikvilli annarra sjúkdóma því er mikilvægt að leita til læknis til að fá úr því skorið hvort að um vefjagigt sé að ræða. 


Ég merkti við að gamni það sem passar við mig undanfarna 12 mánuði eða svo


• Verkir í vöðvum, vöðvafestum – sérstaklega festum
• Verkir í öllum líkamanum – þetta er að gera vart við sig af auknum karfti nú í sumar
• Óeðlileg þreyta 
• Svefntruflanir, vakna þreytt/ur 
• Stirðleiki – svakalegur
• Liðverkir – eiginlega undirlögð – veigra mér við flest orðið
• Iðraólga (órólegur ristill, ristilkrampar)  – já já – kannast aðeins við það!
• Viðkvæmni fyrir kulda – veigra mér meira að segja við að setja hundana út því ég kólna svo og finn þá svo til.
• Pirringur í fótum  – 
• Dauðir fingur (Reunaud´s phenomenon) 
• Þvagblöðrueinkenni 
• Kraftleysi, úthaldsleysi 
• Höfuðverkur 
• Dofi/þyngsli í útlimum 
• Þroti í höndum og/eða í fótum 
• Depurð 
• Óeðlilegur kvíði 
• Skortur á einbeitingu 
• Minnisleysi 
• Orðarugl, erfiðleikar með að finna rétt orð 
• Augnþurrkur, munnþurrkur 
• Ósjálfráðar hreyfingar, skjálfti í höndum, vöðvakippir 
• Hraður hvíldarpúls, stundum töluvert yfir 100 sl/mín – maður er nú í ofurþjálfun svo…
• Hjartsláttarköst 
• Kaldur sviti, svitakóf


Allt það sem ég merki hér við er viðvarandi og nánast daglegt brauð.
Ég tek orðið eftir því þegar ég á góða daga. Ég veit ekki hvort það er gangan sem fer svona ferlega með mig – en ég er bókstaflega undirlögð og vorkenni mér allar athafnir daglegs lífs….


Fékk flogaveikislyf til að sofa betur og það svín virkar og líðanin batnaði við það – þannig að ég get farið í golf og svona en ég er alveg að drepast á eftir í skrokknum og er ekki búin að súpa seyðið af golferð MIÐVIKUDAGSINS. – sem var samt bara lull…


Svoldið svekkt yfir þessari ááran…

Það tilkynnist hér með –  mér til minnis og áminningar að mjólkuróþolið er komið á ný – það að fá sér hrísgrjónagraut er ekki góð hugmynd! Hefur afar sársaukafullar afleiðingar í för með sér. Bilunin er að ég borðaði eitthvað í gær líka sem olli því að mér varð svo illt í maganum og laugardagurinn var nánast alveg ónýtur – en að ég muni þetta stundinni lengur – það er af og frá.

Ég var heldur óþreyjufull með þennan tannverk minn – sem var vel að merkja óbærielga vondur! Andlitið á mér varð tvöfalt og verkirnir voru þannig að ég var hætt að vita hvort ég stóð eða lá – og Páll þurfti orðið að sjá um lyfjagjafirnar – en nú er þetta allt á rétri leið. Ég hef ekki áhuga á að upplifa svona nokkuð aftur samt – omg – og ég er ekki að grínast sko… þetta var frá Helvíti!

Ég fór í golf í morgun – 9 holur (það er sko bara orðið klassík – fór líka á mánudaginn áður en ég missti vitið) og svo fór ég aftur í kvöld 6 holur. Spilamennskan var ekki nógu góð í kvöld en batnaði er leið á – það þarf að komast í gegnum slæmu kaflana líka og læra af þeim – ekki má bara gefast upp!.

Ég er bara mjög stolt af göngufærni minni – ég hefði líklega getað klárað seinni 9 – var svona heldur kalt bara.

En ekki er nú konan farin í útilegu – onei – en úr því rætist í næstu viku og svo munum við leggjast í víking í ágúst – alveg klárt!

Og svo er meira golf í fyrramálið – við skulum sjá hvað lappirnar duga!

Hef þyngst um kíló í sumar – enough of that!
Aldrei of seint að snúa því við!

Dugleg að elda og ekki borða með Páli…

Pétur læknir segir nei – ég er ekki eins viss! Og hvernig datt mér í hug að neita sterkustu verkjalyfjunum í morgun – já já það hefur vísast verið vegna þess að ég hélt ég væri að lagast nei nei – er þá ekki mín orðin tvöföld öðru megin og verkurinn sem aldrei fyrr. Þetta er svo vont að ég get ekki einu sinni vorkennt mér – heldur ligg hér í algjörri uppgjöf. Oh my god segi ég nú bara einu sinni enn. Golfferð morgunsins virðist síst hafa verið til þess að bæta ástandið – heldur hitt. Vissi ekki að golf væri hvetjandi fyrir tannpínur…

Og hvað er einhver krónujaxl að rífa kjaft! argh