Flokkur: Uncategorized

Á morgun er einhver ótrúleg lestrarkönnun sem á að leggja fyrir í skólanum. Það er nú í lagi fyrir blessuð börnin, en vesenið fyrir okkur kennarana. Dísuss. Það er 30 síðna leiðbeiningarbæklingur með þessu – segðu þetta – svo þetta og svo skaltu þegja í 30 mín og svo áttu að segja þetta þegar börnin þurfa að gera þetta. EF einhver þarf að fara á klósettið þarf að merkja það inn í heftið – hvaða spurningu hann var á og ég veit ekki hvað og hvað.

Ég hef ekki nokkrar áhyggjur af börnunum en ég er ekki eins viss um mig ;-). Verð lesari hjá 4. bekk – voða gaman. Hlakka til að hitta þau snúðana atarna.

Það styttist óðum í skólalokin. Ótrúlega fáir dagar eftir þegar frá eru taldir ferðadagar, íþróttadagar, vorhátíð og hvað þetta á allt saman að heita. Sem minnir mig á það – ég verð að fara að sinna lokaverkefninu í námskrárfræðunum. Það verður áreiðanlega mjög skemmtilegt.

Svo er það Formúlan sem ég er að hugsa um þessa dagana – þessi Imola braut er svo leiðinleg að ég gæti andast. Eina brautin sem ég hreinlega afber ekki. Ömurlega leiðinleg – Tramsam kæmist ekki fram úr traktor á þessu ógeði.

Hann Kimi minn fer nú klárlega að gefa sig í þetta – átti ekki góða keppni síðast svo mikið er víst og hanga svo fyrir aftan vitleysinginn hann MASSA. Oh my god.

En nú verður ekki lengur þagað um líkamsræktina.

Ég myndi vilja muna hvenær ég fór fyrst í nudd…… man það bara ekki. Hlýta að vera komin einhver 15 skipti samt – ef ég hef byrjað í febrúar – getur það verið? Dísuss hvað ég er vitlaus – þarf að komast að þessu. Það er rosalegur munur á manni – ég var held ég alveg komin í keng. Og gat hvorki horft til hægri eða vinstri. Það er nú munur þar á. Ég er samt ótrúlega aum í hálsinum og herðunum. Ég er með verki í hálsinum. Mér finnst mjög merkilegt að segja að maður sé með verki – hljómar eins og alvöru veikindi ;-). Miklu fínna en að finna bara til eða vera að drepast eins og ég orða það alla jafna. Verkir – flott orð (verra að vera með þá!).

Sem sagt ég var í stresskasti í allan dag held ég bara – ég er í einhverju flipp ástandi bara. Ég held ég þoli ekki svona líkamsræktarátak. Get ekkert einbeitt mér í vinnunni þegar krakkarnir eru farinir heim. Skondrast bara um og þykist vera að vinna eitthvað – er meira að segja hætt að reyna að vera gáfuleg á svipinn. En sem betur fer vakna ég snemma og byrja stundum að vinna rúmlega sex og þá næ ég smá einbeitingu og afköstum. En svona er þetta maður verður að breyta um stíl og það tekur á.

Gekk vel í Styrk samt:

Hjól 8 mín ca 62 kal á stillingu 7 og 8
Bretti 9 mín á 10% halla – en ekki eins miklum hraða 😉 80 kal (fyrir ekki svo löngu þá var þetta samtals á 100 kal)
Áskorun 16 mín á píramída – hill stillingu :D. Geðveikt.
Samtals 33 mínútur í brennslu

…því hann Baldur minn sem er aldrei ánægður sagði að ég skyldi stefna að því að vera 40 mín í brennslu en vera á mismunandi tækjum – það væri bæði skemmtilegra og reyndi svo á fleiri vöðva. Hljómar mjög gáfulegt. Svoldið spes hvað maðurinn er aldrei ánægður með það sem ég næ – dollan atarna. Tíhí

En það er svo sem í lagi. Maður hefur gott af því að einhver haldi manni á jörðinni. Aðalmálið er náttúrulega að halda þessu við og mæta áfram og halda út þessi ár sem þetta tekur. Það er nú eiginlega stóra málið.

Lítið mál að skondrast þetta í uppsveiflunni. Jább ég get fengið fínt kvíðakast yfir framtíðinni.

Ég verð að gera eitthvað í þessu stressi. Fyrsta er að hætta drekka kaffi – sem ég nú eiginlega geri ekki – ég er eins og á spítti þegar ég drekk það þessa dagana. Og öllu meira af einhverri örvun kemur sér ekki sérlega vel.

Tjú tjú tralla la. Fór sko í sund í dag – ummmmmm dásamlegt. Yndislegt að synda. Yndislegt að vera með gleraugun og sjá tærleikann í vatninu (látum hitt liggja á milli hluta). Bara þegar ég sting mér þá veit ég að ég er komin heim.

Heyrðu og ekki nóg með það – heldur fór ég í nudd og nálar í dag. Það var nú ekki amalegt. Ekkert major kvíðakast eða neitt – bara svoldið….. En hvar væri ég nú án kvíðans, stressins og andnauðarinnar? Bara ekki söm ;-). Rafstrauminn lagði um mig alla og ég er enn svolítið aum í höndunum – ég sver það að það er sama hvað sjúkri segir þá eru þetta GALDRAR. Ekki nema temmilega normalt ég segi það satt. En vonandi virkar þetta og hjálpar. Það er eins og það veiti ekki af….

Ég á eftir að komast að niðurstöðu um það hvað ég sé orðin góð í herðunum og hálsinum. En amk er ég að sálast í hálsinum eftir sundið í dag – hélt ég gæti ekki snúið til vinstri í skriðinu í dag. Miklu léttara að snúa til hægri. Annars synti ég bara 100 skrið í dag og 300 bringu. Ummmm ég elska sund. Gaman að vera komin út í aftur. Og það er meira að segja búið að tjasla upp á útiklefana. Ekki slæmt það.

Þeir eru búnir að fela blöðkurnar sem ég þarf að nota – nenni heldur ekki að vera að fá þetta lánað. Miklu betra að vera með sitt eigið bara. O já.

En sem sagt. Góður dagur í heilsuræktarátaki Ingveldar. Í skólanum er líka gott að vera – nema ég er bara ekki nóg þar. Verkefnin hlaðast upp – og já ég get vel fengið fínt stresskast yfir því. Ég verð bara að fara skipulega í að vinna þetta allt upp. Svoldið mikið að fara úr 60 + tímum á viku í eitthvað eins og heilmikið minna. Dísuss.

Jæja nú kveðjur Inga pinga sundgella auk hinnar víðáttu flottu brúsagellu :o)

Og hvernig get ég þakkað það að hafa ropað því upp úr mér á kaffistofunni við Vilborgu að koma með mér í ræktina – og þá ekki síður – að hún skyldi segja já!

Já það er margt sem maður getur verið þakklátur fyrir, ykkar Inga

P.s. Erla gaman að sjá þig hér – dásamelg tilfinning

Halló öll
Í ræktina fórum við Vilborg og djöfluðumst þar þannig að það bogaði af okkur svitinn að aftan fram og í öllum krikum. Gasalegt. Á morgun ætlum við í sund.

Ég komst á því á föstudaginn að tíminn kostar ekki 900 hjá sjúkraþjálfaranum heldur næstum 2000. Ég er því í engri smá skuld þar – dísuss. Svo þarf að kaupa kort í ræktina, í sund og ég veit ekki hvað og hvað. Bensín í akstur fyrir Aðalstein – þetta er að verða í meira lagi svæsin útgjöld allt saman.

Svoldill bömmer að halda að maður hafi verið að ná í skottið á sér í að greiða sjúkra þegar maður skuldar svo bara helminginn af öllum tímunum. OH MY GOD. Held ég leggist í þunglyndi….

Er á algjörum bömmer fyrir nú utan að þyngjast bara og þyngjat dag frá degi – skemmtilegur unaður það. Við Vilborg ætlum þó að hætta þegar 20 kg hafa bæst á okkur. Kannski fyrr ef ég verð á þessum bömmer nógu lengi.

Dísuss

Svo kemst ég ekki yfir neitt í vinnunni. Er bara eins og álfur út úr hól þar. Á ekki alveg við mig.

Halló elskurnar! – Ef einhverjir slysast hér inn þ.e.a.s. en skítt með það hvort sem er. Ég er mest að skrifa fyrir sjálfa mig.

Góð var dvölin á Höfðabrekku eftir að við fengum annað herbergi en það fyrra var ekki með skrifborði og allt í voða og vitleysu – við hliðina á setustofunni með angandi reykingarlykt. Var næstum farin heim í fússi en mundi þá eftir þeim möguleika að athuga með annað herbergi. Það gekk upp og við fengum voða fínt herbergi þar sem ég gat lært og ég kláraði nánast verkefnið – er komin hingað til að ljúka því og reyna að klúðra stöðvabókinni í gegn líka.

Ég hef nú ekki etið mikla vitleysu um helgina en ekki heldur hreyft mig neitt. Ég var nú svo uppgefin bara að ég notaði mest tímann til að hvíla mig svei mér þá. Og ekki virtist veita af einhvern veginn.

Ég er búin að ákveða að fara í sund þá daga sem ég fer ekki í ræktina. Þarf að kaupa mér blöðkur og kork og eiga bara sjálf – það er svo leiðinlegt að vera að fá þetta lánað alltaf í sundlauginni. Svo verð ég bara að reyna að labba smá líka svo hann Bjartur minn fái nú næga hreyfingu. Það er ekki sérlega gáfulegt að fara á morgnana í skólann þegar betra er að fara út og labba með hann þar sem hann er svo miklu hamingjusamari hundur þegar hann fær að fara út í svolítið góða göngu.

Sem sagt heilsurækt á morgun, nudd og sund á þriðjudag, Styrkur á miðvikudag nudd á fimmtudag og sund og svo er Styrkur á föstudag.

Sjúkraþjálfarinn fussaði bara og sveiaði þegar ég sagðist ekki gera neitt af viti hina fjóra dagana sem ég er ekki í salnum og sagði bara að það þýddi ekkert að halda áfram á sömu braut – það þyrfti bara að breyta lífsmynstrinu. Líklega er það alveg hárrétt hjá honum. Ég ætla að prófa það. Svoldið hrædd um vinnuna mína……

En ég verð víst ekki í vinnu ef ég kem mér ekki í stand svo…..

En nú klára ég 6. kaflann í námskrárfræðunum og dembi mér í annað sem bíður.

Fór í ræktina og var 14 mínútur á ógeðstækinu mínu ljúfa! Samtals var ég í 30 mínútur í brennslutækjunum. Ég fer svo labbandi í vinnuna á þriðjudag og fimmtudag – þá daga sem ég fer ekki ræktina – hljómar það ekki vel?

Svoldið langt labb……………..

sjáum til

já og ég þyngist og þyngist þó ummálið minnki – svoldið spes líka. Ég einhverja óhollustu um helgina á einhverju rigningarhóteli en svo verð ég líka að fara í grænmetið eftir helgina – ojá.

Inga

Dísuss kræst!

Minn elskulegi sjúkraþjálfari verður náttúrulega ekki ánægður fyrr en hann verður búinn að ganga svo fram af mér að ég verð annað hvort orðið mesta líkamsræktartröll norðan Alpafjalla eða hálfu meiri vesalingur en ég er! SIGH

Ó mig auma!

Ég fór sem sagt í nálastungur í gær. Hélt að þar og þá væri runnin upp mín síðasta stund. Var nú eitthvað stressuð í aðdragandanum – hafði hálf stokkið út úr skólanum í miðju samtali og hálfkláruðu máli fyrir nú utan það að Styrku og minn títtnefndi sjúkraþjálari stressar mig alltaf svolítið í aðdragandanum (sem þýðir vel að merkja að stresslevellinn er einhvern veginn allur að aukast þar sem ég er nokkuð tíður gestur þarna innan dyra (kannski er það frekar vigtin, ógeðstækið og göngubrettið sem stressar mig – ja það væri það)).

Sem sagt ég fékk smá nudd – afar langþráð því ég var orðin eins og herptur kjúklingu. Nú jæja svo tók maðurinn upp nálar sínar og stakk mig alla í ökkla, hendur og herðar og háls. Og það var ekki nein smá aðkenning að ,,ég held ég sé að deyja úr einhverju“ sem ég fékk þá (sem er mjög vinsælt viðfangsefni hjá mér þegar ég er í stress og kvíðakasti – óttast það greinilega mjög að deyja þegar kvíðinn er kominn). Já já nálar í sársaukapunktinn í hendurnar ollu því að ég fékk þennan rosavöðvakipring í hægri hendina – eins og sinadrátt, varð öll meira en lítið undarleg og enn meira kvíðin (sem kallar á enn meiri undarlegheit) og ofan á allt saman fékk ég stingandi verk í bakið þar sem hryggurinn er skemmdur.

Oh jááááá
Sko það er ekki nóg með að ég hafi farið í í salinn í gær – HELDUR LÍKA Í DAG. Við Vilborg tættum og trylltum af stað í dag eins og ekkert var (þ.e. þangað til við komum í Styrk, þá hægðist nú svoldið á :D) Allt útpælt sko- það má ekki missa úr dag og við komumst að því að við áttum bara ekki lausa stund nema í dag og svo á föstudaginn náttúrulega.

En sem sagt þetta var greinilega svoldið bratt hjá okkur kerlingunum. Ég mátti nú ekki mæla á hjólinu eftir nokkrar mínútur svei mér þá. Fannst því rétt að ég færi á helv… göngubrettið og prófaði það þar sem Ásta Björk gjörsamlega sannfærði mig um að ég bara yrði að stilla á brekku á því og æfa mig fyrir golfið.

Ég fór sem sagt á kvikindið – var næstum lent út í verk og aumingja Vilborgu brá svo mikið að hún var næstum lent í veggnum líka! Það er þá ekki eftir…..

Stillti á 10% halla og vappaði þetta í 7 mínútur og var næstum sprungin – mæðin lét ekki á sér standa. Fór svo eftir tækjasalinn í aðrar 7 mín á 8% halla og heldur hægar – það gekk rosa vel. Ég var að vísu svoldið lerkuð í tækjunum en svo jafnaði það sig á seinni hring- maður dokaði bara aðeins við á milli en óð þetta ekki á 100 eins og venjulega. VAr sem sagt í 25 mín í brennslu og fór svo tvo hringi í tækjunum og teygði vel og lengi. Það var svo frábært því það voru svo rosalega fáir – maður hafði bara sviðið alveg útaf fyrir sig! Það er víst mjög rólegt á þriðjudögum.

Eins og þið sjáið þá skipti ég mér ekki af vinnunni hér á blogginu og þá ekki náminu en það drattast nú þarna með líka :D. Meira að segja bútasaumurinn fær að láta ljós sitt skína.

kveðja frá fríkinu

Halló elskurnar – tækjagellan hér 😀

Ég fór sko í ræktina á laugardag og í dag – ég segi ykkur það hreina satt. Ógeðstækið – áskorunin fékk sko að finna fyrir því í dag – ég var í 13 mínútur á þrælerfiðri stillingu og 12 á laugardaginn. Ég nálgast 30 mínúturnar í brennslu óðfluga. Er í 12 mín á hjólinu – hey sem sagt ég var lengur á áskoruninni en hjólinu – og það í lok lotunnar. Ég er sko góð mar!

Ég er alveg rúman klukkutíma með öllu – teygjum og þessu öllu saman og mér finnst þetta svo æðilegt. Það er sko farið að móta fyrir upphandsleggsvöððvum og ALLT. Ég hef farið alls sex sinnum. Tíhíhí

Ég var annars búin að útbúa ræðu í kollinum sem ég ætlaði að flytja fyrir Baldur sjúkraþjálfara á miðvikudaginn. Innihaldið átti að vera í þá veruna að þrátt fyrir langa veru mína í Styrk um helgina hefði ég ekkert séð hann. …. Var þá ekki bara minn maður að puða á fullu í morgun – þar fór sá hrekkurinn. Hann varð hins vegar bæði undrandi og bit á að sjá mig – sem ég sagðist nú ekkert skilja í því hann hefði sagt mér að fara tvisvar í ræktina í páskafríinu -. Hann sagðist nú eiginlega ekki hafa búist við því að ég myndi hlýða! Lái honum hver sem vill :-S .

Ég fer með Vilborgu og það er svo yndislegt að hafa einhvern með sér. Við erum svo montnar að við náum ekki andanum. Ég held ég verði að fara að kaupa mér kort í Styrk – hefðuð þið trúað þessu?

Ég lái ykkur það ekki heldur…….

En ekkert kíló farið…..