Flokkur: Uncategorized

Jæja elskurnar, nú er mín í góðum gír eins og sjá má!

Ég vaknaði bara svona ægilega vel upplögð. Var svo glöð að sjá krakkana í skólanum og fannst þau enn sætari í dag en í gær. Hvernig getur dagur sem byrjar þannig verið annað en góður? Svo er maður með æfingafélaga eins og Vilborgu sem er þar að auki vina mín. Sigurlín kom með í Styrk og hvur veit hvað!

Þó skórinn sé nú svoldið svona ekki ég – kannski einum of gylltur og steinum prýddur þá bara stóðst ég ekki mátið. Ég er svo ótrúlega happý eitthvað og ánægð með mig – eins og þessi skór. Hann er alveg að springa úr ánægju með sjálfan sig!

Ég hef komist að því að ég hef tapað 5,5 kg frá 24. apríl og það bara getur ekki talist slæmt! Ég get gert ýmislegt þegar ég kem heim – bara svona ef ég almennt nenni því 😀 þannig að þrekið er að aukast til mikilla muna.

Ég er í 40 mín í brennslutækjunum – þar af 20 mín í hvert sinn í ógeðstækinu á þokkalega erfiðri stillingu, tek spretti á göngubrettinu og hjóla hraðar en nokkru sinni. Þyngdin eykst í salnum og ég syndi 2 daga í viku og er komin upp í 900 metra rúmlega þar og fer 3 daga í ræktina. Ég meina getur þetta verið betra? Næsta skref er að halda áfram auk þess að næsta vetur verð ég að koma þessu inn í vinnutímann minn einhvern veginn. Annars kemur þetta ekki til með að ganga.

Ég fékk í mig grilljón nálar í dag – lokahnykkurinn á hálsverknum sem ég er alltaf með – hann hefur nú lagast en mér er alltaf illt. Er ótrúlega aum. Baldur segir samt að ég sé orðin góð og útskrifuð í bili (amk næstu 3 vikurnar). Ég segist alveg vera tilbúin til að trúa honum svo lengi sem hann yfirgefi mig ekki og fylgist með mér þegar hann kemur til baka. Hann er til í það. Og mikið er ég fegin. Frelsuð og létt sem fiðrildi.

Nú paufast ég við að borða morgunmat en gengur verr að láta ekki líða langt á milli máltíða – miðjan á deginum er svoldið erfið – og fyrir vikið er ég hálf biluð úr hungri á kvöldin.

Já og vitið þið hvað – Amarillo líkjör ku vera frábær með kakói, – en Ameretto er ekki síðri 🙂 Að því komst ég að í dag. Amarillo er skyldur Baylies en Amaretto er mönlulíkjör. Mæli með honum sérstaklega í útilegurnar í kakóið 😀


Og ætla ég ekki að tala um F1. Það væri bara of mikið á svo góðum degi sem þessum.

Ykkar ævarandi þakkláta Inga fyrir að koma hinga og líta við. There is a God

…sem önnur tré.

Ég var búin að skrifa ógnarlangan pistil um daginn í dag og pælingar mínar varðandi hitt og þetta og pramm allt horfið og ég man ekki helminginn af rausinu í mér.

En amk var syntir 900 m í dag – undir kvöld. Undirbúið svolítið ævintýri fyrir morgundaginn og hvur veit hvað.

Ræktin á morgun, Baldur að fara í frí og ég alein í heiminum. Ja ég hef nú hana Vilborgu mína sem er svo sannarlega miklu meira en ekki neitt – hún er eiginlega allt. Manni veitir ekki af ykkur öllum í þessu stússi – þetta er bara ekki eins manns verk 😀 Takk fyrir að lesa elskurnar og vera til. Þið eruð demantarnir sem skreyta líf mitt. Og svo er bara kominn föstudagur á morgun…

Enginn nuddari næstu þrjár vikurnar – held ég eigi eftir að sakna hans á röltinu, það er gott að fá smá kigg eða bros – þá veit maður að allt er á réttri leið… En mikið er það löng leið.

Það var íþróttadagur í skólanum i dag. Tókst frábærlega held ég að megi segja. Var með Sigurlín í sundlauginni. Það var rosa gaman. Fínir krakkar sem komu þangað.

Svo stormuðum við Vilborg – og Sigurlín kom með í Styrk og gerðum þar víðreist. Við Villa vorum 40 mín. í brennslutækjunum og þar af 20 mín á ógeðstækinu góða. Ég fór nú ekki létt með það en ég hélt ég myndi ekki ná því eftir sundið í gær – en svona kemur þetta allt saman.

Lét Baldur hafa matardagbókina – fékk næstum kvíðakast og stresskast. Komst í gegnum þetta enda var þetta ekkert slæm matardagbók – bara svoldið svona eitthvað berskjaldaður – er það ekki orðið yfir tilfinninguna.

Baldur sagði að þetta væri allt í mínum höndum – ég vil miklu frekar að þetta sé í hans höndum. Ég held ég ráði ekkert við verkefnið. Ég hef bara ekki trú á sjálfa mig í þetta verkefni……

Sorglegt en satt

Halló öll! Hér er áreiðanlega að koma heimsendir það er svo heitt en það er svo sem ekki verra að deyja í hlýju veðri en hinu kaldara. Það er sama líklega – kannski bara notalegra.

En í dag var bara annar góður dagur. Þó svo að líklega hafi aldrei verið fleiri í sundi en akkúrat í dag. Það var nú meira kraðakið – en náttúrulega sárafáir að synda.

Ég synti 800 metra. 600 skrið og bringa og svo 150 með blöðkum og fótskriði og svo rosasprettur 50 með blöðkum og höndum. Það var voða gaman að komast svona hratt – en það reynir svolítið á bæði kálfana og herðarnar sundið.

Ég reyndi að teygja eins og ég get og ég finn svo sem ekki sérlega mikið í kálfunum en ég er helaum í krippunni minni.

Verður gaman að sjá hvað ég get í Styrk á morgun. Ég hlakka rosalega til að fara í nudd….. Það er dásamlegt í nuddi. Veit ekki alveg hvað ég á að gera nuddaralaus….

Og ég á að skrila matardagbókinni og vitiði ég fékk næstum taugaáfall þegar stelpurnar fóru að tala um þau skil í hádeginu í dag. Og svo aftur áðan – ég er ekki frá því ég fari bara að vola… Ég ræð ekki við svona mikið í einu ég segi það satt…

….það vona ég.

Engar sperrur eftir ógeðstækið, blöðkur og korkur komið í bílinn. Sunddótið tilbúið og allt í lukkunnar velstandi. Eigum við ekki bara að hafa góðan dag í dag.

…það jafnvel þó matardagbókin sé svoldið svona…..

Jæja komið þið nú sæl dúllurnar mínar!

Hér er nú allt í góðum gír skal ég segja ykkur – þannig lagað. Ég enn í sæluvímu vegna ballsins. það er nú meira hvað er gaman að fara á gott ball á 15 ára fresti eða svo. Næst er þá þegar ég er 56 eða svo….

Guð hvað ég er að verða öldruð…..

En það er svo sem ekki komið að næsta balli alveg strax.

En sem sagt staðan er þessi:

4 sm farnir af mittinu síðan um síðustu helgi og annað eins af mjöðmum.

3 kg farin klárlega

Matardagbók útfyllt daglega – heldur minni hremmingar en í upphafi en ég reikna ekki með endalausri sælu þar og ég hef svo sem ekki nema hæfilegan áhuga á að afhenda hana….

Kílóin eru eitthvað færrí en ég át svo mikið í hádeginu eftir svelti síðustu vigtunardaga í hádeginu þannig að það er ekki fyrr en á miðvikudag sem má vænta einhverra tíðinda ;-). Ég hef þó amk ekki þyngst þrátt fyrir mikla orkuinnbyrðingu um helgina.

Það gekk ótrúlega vel í Styrk í dag þrátt fyrir ítrekaðar tilraunir Vilborgar til þess að koma sér undan því að koma með – en ég sagði henni bara að ég færi ein ef hún vildi frekar fara í sund (það var svoldið gott veður í dag og hún var eitthvað að sverma fyrir sundi blessunin).

Það gengur hins vegar ekki neitt því um leið og ég fer að finna mér afsakanir þá á ég þær í lööööngum bunum. Vilborg átti sér enga undankomu og fór í Styrk og það voru ánægðar konur sem fóru þaðan út eftir 90 mínútna vinnu – og ekki nóg með það:

Ógeðstækið var svínlagt – 20 mínútur þar, ó yeah.

Það er ólýsanlega miklu meira heldur en mínúturnar þrjár sem Baldur píndi mig til að vera á því hér fyrir mánuði síðan eða svo. Yes oh what a difference á month makes…..

Ótrúlegt verð ég að segja.

Ég er meira að segja búin að taka til í Eldhúsinu og allt

Ástarkveðjur frá líkamsræktartröllinu ykkar 🙂

Ég held ég láti F1 ekki halda mér heima við framar. Það er þá hægt að ýta á upptöku ef mann hreinlega langar það þá.

Ég nenni ekki þessu FerrariFári og ég nenni ekki að horfa á þessar hjólbörur hringsnúast sigh…

Og svo á ég eftir að þurfa að hlusta á einhvern lofsöng um Ferrari á morgun – já næstu viku… OH my god.

Er hér annars kófsveitt að þrífa og þvo þvotta – ætlaði út í garð og útbúa sléttlendi hér bak við hús en er alvarlega að hugsa um að nenna því ekki.

Er steinhætt við að læra og vinna – nenni því ekki heldur. Veit ekki hvursu latur maður getur verið – einhvern veginn hefur mér alltaf tekist að bæta um betur,

ykkar Inga

Halló halló – nú gerast hlutirnir hratt skal ég segja ykkur. Ég og minn eiginmaður fórum á BALL á Selfossi í gær með Todmobile. Hann Palli minn er ægilegur áhugamaður um þau – ég heyri hins vegar bara hávaða þegar ég hlusta á þá – hvað þá í græjum eins og þeim sem voru þarna í gær – ég gjörsamlega missti heyrnina og bara heyrði ekki neitt. Svoldið leiðinlegt fyrir fólk sem var að reyna að tala við mig þarna undir það síðasta en svona er þetta bara – ég var bara farin að heyra ískur og sarg. Ég held að þetta geti ekki verið hollt.

Ég var nú eiginlega alveg búin að gleyma að ég ætlaði á þetta ball þartil í gær að mig rámaði eitthvað í það – auk þess sem einhver minntist á að ballið væri. Ég fór nú í að reyna að finna einhverja til að fara með mér en það gekk nú illa – (auk Palla náttúrulega) og var svo eiginlega bara alveg hætt við þegar Sædís tók af skarið og við bara dembdum (er þetta skrifað svona!!!) okkur í skrallið.

Ég læt nú alveg liggja á milli hluta að tala um ástandið á konunni á ballinu en hún var hress og skemmti sér svona óskaplega vel – rifjaðist upp bara gamli góði ball fílingurinn frá því í Inghól og víðar. Það kom mér á óvart hvað ég þekkti marga þarna og svo dansaði ég og dansaði – ég dansaði reyndar svo mikið að ég hefði þurft að gera teygjuæfingar fyrir kálfana þegar ég kom heim – sýp seyðið af því núna.

En þetta var frábært – bara hress í dag – komin út í skóla að gera allt annað en það sem ég ætti að vera að gera – er að hugsa um að hringja í hann Ingvar og fara aðeins yfir loka – eða aðalverkefnið hvort heldur sem það nú heitir í kúrsunum (get bara ekki lært það!) og sjá svo til hvort ég hafi tíma til að sinna náminu í næstu viku fyrir bókhaldsvinnu tengdri líkamsræktinni og sjálfum ferðunum.