Author: ingveldureiriks

F1, lífsstílsbreyting, markmið

Aðgerðaáætlun 1 – uppfærð 11:30

Nú þarf að grípa til breiðu spjótanna:
Borða páskaegg hratt og vel og eiga ekkert eftir á morgun!
Reyna að ákveða hvort það var gott eða slæmt að McLaren vann 1-2 í Malasíu!
Enn engin niðurstaða þar.
Fara a.m.k. 2 sinnum út að hjóla í dag.
Oh yeah – fór Votmúlahringinn og hann er skoho langur og við hjóluðum stanslaust í klst. 1000 hitaeiningar þar í yndislegu veðri, úða og logni. Hæfilega aum í rassinum en í mun betra standi en aumingja Pallarass ;-).
Þvo margar margar margar þvottavélar og það sem er ekki minna um vert – hengja upp úr þeim (held ég ætti kannski að safna mér fyrir þurrkara – það er ekki hemja að vera hvorki með þurrkaðstöðu né þurrkara!).
1 búin
Finnast alveg æðislegt að vera í fríi.
Gengur vel.
Hugsa sem fallegast um þriðjudaginn!
ohhhh vil ekki af honum vita!!!!
Halda áfram að taka til í geymslunni sem á að verða skrifstofa…
Bjóða tengdó í svínslæri ala Helga Sigurðar!
Mallar í ofninum
Hmm þetta er kannski fullmikið verkefni fyrir einn dag…
Sjáum til sjáum til það þarf víst ekki að ná öllum markmiðum – alltaf, strax…
En þetta með hjólið stendur!!!!
Sund

Betrumbætur

Jæja – sá að mig langaði svo rosalega mikið í bikar frá Polla að ég ákvað að drífa mig í sund. Þar eyddi ég 1000 kaloríum – ég synti eins og brjálæðingur, gerði armlyftur á stökkpallinum alveg áreiðanlega 100 50 m skrið og svo 20 lyftur nokkrum sinnum. Svaka púls sem fékkst út úr því – næstum eins og á pöllunum, svo hljóp ég eins og fjandinn væri og tjú tjú 1000 kallar fuku – og ég er ekki nærri eins viss um að ég sé letihaugur eins og ég var fyrir stundu! Tjú tjú trallala.

Það gengur náttúrulega ekki að liggja bara og vera latur – eins og hún lata Stína á lækjarbakka!

Það var samt leiðinleg margt fólk í sundi. En maður lætur sig hafa það. Nú ætla ég að hugsa um hvort ég ætti að fá mér svolítinn vodka, vínber og ost eða bara vín – bara vínber eða eitthvað.

Ég gæti líka tekið til í geymslunni… Úff púff – er ekki viss um að Palli nenni því samt…

Sigh

En lífið er samt býsna gott. Oh yeah

F1

Úff páskar

Ja hérna hér – það er ekkert mál að vera í jólafríi miðað við að vera í páskafríi! Úff púff og þrjár fermingaveislur, mega letikast og sérkennilega mikil þörf til að éta allt sem tönn á festir er bara meira en ég ræð við!

Það gengur ekkert hjá mér með neitt. Skrifstofuaðstaðan er alveg jafn glötuð og hún var fyrir 4 dögum. Draslið hér í kringum mig eykst heldur en hitt. Ég hef hvorki hjólað, synt, gengið eða farið í Styrk og hef ekki nein áform uppi um það! Gæti ákveðið að njóta lífsins og verið nett sama um allt það sem ég ætti að vera að gera – og er að hugsa um að gera það. Er of tímafrekt að gera eitthvað af því sem ég ætti að gera ;-).

Iss piss – ég er áreiðanlega bara svo þreytt að mér veitir ekkert af að hvíla mig og maður þarf ekkert alltaf að vera að hreyfa sig! Geri það bara í næstu viku og vikunni þar á eftir – já alveg fram að næstu páskum bara.

Ferrari sprækir í Malasíu og McLaren ótrúlega flottir. Ætla að ákveða með hverjum ég held eftir keppnina – híhí.

Vigtaði mig fyrir páskana – er hrædd um að gleðileg tala þá verði eitthvað svartari eftir helgina. Sigh en svona er lífið – og maður verður bara að takast á við verkefnin og þroska með sér skynsemi og sjálfsaga um leið. Ja það væri það!

Ég held að Polli gefi mér ekki bikar þessa viku nema ég taki mig á. Hve mikið langar mig í bikar?

Uncategorized

Úff hvað er mikið að gera :-)

Það er nú svei mér margt sem þarf að gera í páskafríi. Í dag er samt fyrsti dagurinn sem ég er í fríi – það hefur verið svo mikið að gera í því að baka 6 hæða fermingatertu og skreyta hana- fara í fermingaveislu og stússast þar svolítið, taka til í geymslunni og undirbúa 20. apríl og ég veit ekki hvað og hvað. Skil ekki að ég megi vera að því að vinna svei mér þá. En í dag ætla ég ekki að gera neitt nema hugsa svolítið um frelsara vorn og þjáningu hans og frelsun okkar hinna.

Svo er ég að reyna að koma vitinu fyrir tölvur heimilisins sem er ætíð tímafrekt starf.

Svo er ég að hugsa um hvort ég ætti ekki að borða páskaeggið mitt í dag frekar en á sunnudaginn – finnst eitthvað svo geggjað að gera það þá og ná ekki að brenna því af mér fyrr en einhvern tímann þegar langt er liðið á næstu viku því það er svo önnur veisla á mánudaginn og þá fer Páll líka aftur til heimilis færeyska folans! Annars finnst Palli Jogvan vera alltof mikill trítill til að geta kallast foli og álitur sig vera miklu meiri fola en hann og hefur því ákveðið að kalla sig héreftir færeyska folann! Ég uni honum þess alveg.

Þetta með páskaeggið lítur þó ekki vel út – ef ég opna það núna er ég að eta það alla helgina í staðinn fyrir að líklega hef ég nú ekki samvisku til að borða það allt á virkum dögum – kannski hef ég þrek til að frysta það og borða það svo á föstudaginn kemur ;-).

Geðveikt góður dagur í Styrk á miðvikudaginn + mikið stapp í bakstri og ferð í Borgarfjörðinn. Ekkert gert í gær nema skreytt þessi kaka sem var í rauninni eins og að skreyta 5 kökur minnst. Komum svo heim í nótt og ég byrjaði fríið í dag :-). Mjög gott en búin að borða óþarflega marga kanelsnúða finnst mér – og ekki nenni ég fyrir mitt litla líf út að hreyfa mig en kannski fer ég í hjólatúr í kvöld – huhummm…. not….

En hva það kemur alltaf dagur eftir þennan dag – kíló eftir þetta kíló – í hvora áttina sem er.

hjól, markmið

Morgunstund gefur gull í mund

Góðan daginn

Nú er fyrsti í fríi :-).

Ekki leiðinlegt. Ég er vöknuð og svellfín árla morguns – það er nú ekki leiðinlegt heldur. Það verður nú að segjast ;-).

Þegar Palli er heima er alltaf ákveðin hætta á því að allt fari í vitleysu. Það er allt í einu ekki nærri eins einfalt að halda einstrengingslega áætlun mína þegar maður þarf að taka tillit til (eða ætti amk að gera það) annars. Ég þarf meira að segja að vera svolítið notaleg okkar allra vegna. Það er nú ekki gaman að koma heim til fúllar kerlu – eða fá fúlan karl heim. Annars er það náttúrulega ekki sérlega erfitt því ég er svo notaleg manneskja eins og þið vitið, híhíhí.

En sem sagt – mataræði, hreyfing, svefn gengur allt nokkuð úr lagi og ég má hafa mig alla við að halda áætlun. Annars á Páll ekki marga úrkosti blessaður. Hann getur jú verið heima á meðan ég sprikla eða komið með. Um helgina hefur hann komið með. Eiginlega alveg undrandi á því að rassinn á sér skuli enn halda eftir hjólreiðar helgarinnar.

Þegar nýtt hjól kemur í hús er náttúrulega ekki annað að gera en nota það og það hefur verið gert. Hún Þórunn elskuleg lánaði mér hjólið sitt í haust og Páll hefur verið að nota það – það er eins hjól og mitt. Frábærir gripir báðir tveir, takk Þórunn mín. Kannski get ég einhvern tímann launað þér greiðann.

Þar sem einu mjúki göngustígarnir sem mér hugnast hér í nágreninu eru í hinum blauta Þrastarskógi fer ég ekki þangað né annað því hælsporarnir mínir bjóða ekki upp á göngur. Á laugardaginn fórum við því í hjólreiðatúr og í gær var stefnan tekin á upphitun á hjólum og svo Styrkur.

Það fór hins vegar svo að eftir að við hjóluðum vítt og breitt um Selfoss, Laugardæli og nærliggjandi þjóðvegi í um 40 mín vorum við svo hrakin og köld að við sáum okkur ekki annað fært en fara í heitan pott. Sem við og gerðum og ég synti svolítið og hljóp í lauginni. Brennslan var þó ekki sambærileg á við Styrk – þ.e. eftir því sem Polli sagði en ég þarf að stilla hann þannig að hann taki mið að lækkuðum púls í vatni.

Eftir ferminguna hans Ingþórs var komið þetta ofsalega góða veður og fullur vilji til þess að hjóla svolítið meira og þá bættist við allnokkuð af kaloríubrennslu þannig að dagurinn í gær var mjög góður. Það er svo gaman að hjóla! Ég ætla svo að hjóla í dag og fara svo í Styrk – gaman að breyta aðeins til og sleppa við ógeðstækið við og við :-). Mér sýnist vera hið ágætasta veður – en það má svo sem alveg vera leiðinlegt – þá brennir maður bara meira – ef vindurinn blæs manni í fang.

Framundan bíður svo sex hæða fermingarterta fyrir Kristínu, Borgarfjarðar ferð en áður en það allt saman gerist þarf að taka til í eins og einni geymslu – sem klárlega verður allnokkur brennsla ;-).

Inga mælir með að allir fái sér Swhinn hjól og komi með út að hjóla. Munið bara eftir hjálminum því of seint er að byrgja brunninn þegar barnið er dottið ofan í :-).

p.s. Þess bera að geta að markmið síðustu viku náðist ekki varðandi þyngdina nema þá til hálfs… Nú tekur bara við damage conrol og hörku brennsla alla daga. Það er eiginlega ekki hægt að léttast um páska…

hjól

Það er kominn apríl!!!!

Það er búið að vera svo mikið að gera hjá mér að ég hef nú ekki einu sinni farið til þess að blogga! Sem er slæmt því ég vil halda sem nákvæmastar skýrslur yfir sjálfa mig því annars hugsa ég þegar ég upplifi eitthvað – ó þetta er alveg einstakt, svona hefur þetta aldrei verið áður! En þá hef ég bara alveg óvart hagað mér á sama hátt eða liðið alveg eins! Ég er svo mikið aparassgat að það er óskaplegt.

Tiltekt í húsinu er hafin.

Ég er komin með mitt eigið hjól sem er algjörlega stórkostlegt. Ég mæli með Schwinn hjólum, algjörlega til botns. Ógeðslega gott hjól Sierra týpa – handföngin, gírarnir og stýrið – frábærlega hannað fyrir konu eins og mig og fleiri reyndar.

Fór í frábæran hjólatúr í gær – þol og brennsluæfing og með púlsinn í hærri kantinum hele tiden því það var svo mikið rok – einhvern veginn úr öllum áttum. 37 mínútur og næstum 700 hitaeiningar. Held reyndar bara að það sé næstum met hjá mér. Ah kannski svipað og á ógeðstækinu en ég héldi aldrei út á því á sama púls svona lengi. Svo fór ég í Styrk á föstudaginn og átti mjög góðan dag þó brennslan væri ekki alveg 1400 hitaeiningar en það sat svolítil þreyta í mér eftir sundleikfimina um morguninn.

Mataræðið er ekki nógu gott en nú verður bara að líta á þetta sem damage control yfir hátíðarnar – vera sem duglegust þangað til. Það er bara um að gera!

Er samt hrædd um að það sé óþarflega mikið af hitaeiningum í HEILUM poka af þurrkuðum bönunum! En grænmetisskammturinn er etinn dag hvern og það er gott.

lífsstílsbreyting

Slugs og vitleysa

Kannski vil ég ekkert hætta að vera kennari – eða kannski vil ég ekki hætt að vera í vinnu þar sem ég get hagrætt vinnutímanum mínum! Klárlega ekki.

Það er þemavika í skólanum í dag og það er eins og meðalvertíð. Segi það satt. Í tilefni á þvi hvernig mér leið í lok dags í gær gær þá ákvað ég að hætta ekki á neitt og fara ekki í sundleikfimina í morgun fyrir utan það að ég hefði varla náð að skera pappír og borða morgunmat áður en ballið byrjaði.

Ég fór því í Styrk eftir kennslu, því það er svo mikill kaloríubúskapur hjá okkur Polla að það má ekki detta út æfing. Og þar sem ég er orðinn svona merkilegur áskrifandi þá þarf maður ekki að vera að hugsa um hvenær maður er í sjúkraþjálfun(sem ég er hætt í skoho- nuddþættinum amk! – Alveg þangað til næst!) eða eyða stökum skiptum. Ég skuldaði sem sagt 600 frá því um morguninn og svo át ég kökusneið þó hún væri ekki mjög mikil þá var hún þess sætari og með meiri rjóma, Þannig að ég ákvað að brenna 1000 – hm einhver fugl sagði mér nú að kaka sem þessi væri 730 hitaeiningavirði og ég skulda því einn 330 en ég brenndi nú svolitlu að elta Bjart hér úti sem var uppi með áform um að drepa svartan kött – og það liggur við að ég skilji hann. Mikið er mér farið að leiðast kettir eins og ég var hrifin af þeim hér í den.

Annars eyddi ég seinni partinum í sundi og þótti það ekki slæmt í sólinni og blíðunni. Fór í heita pottinn í gærkveldi – ég er að rembast við að teygja og mýkja upp sinina undir fótunum svo ég verði nú göngufær einn daginn. Það gengur ekki afleitlega.

Gengur annars vel í danska fyrir utan kökuna sem jafnast bara út í brennslunni. Híhí.

Og páskafríið nálgast óðum og ég þarf ekki að læra í því – hóhíhí.

Einn munur á mér frá því fyrir ári síðan: Ég borða ótrúlega mikið fyrir kl 14 á daginn!

Þyngd

Er komið vor?

Ja amk í augnablikinu þó það hafi ekki verið vorlegt í morgun!

Ég massaði Styrk – sem ég er með áskrift í – munið þið ;-).

Var í 20 mín alls á stigvélinni 2×10 mín.

Ég tók 15 – 12 – 10 í Smith – í fyrsta skipti ever. Mest getað 12-10-8 ojá rassinn á mér er svolítið þungur en lærin eru farin að ráða við hann 😉

Palli kemur heim á föstudaginn!

Ég er að fara að elda.

Ásta fór í ræktina í dag – til hamingju með það ÁSTA! Hún á Polla junior

Ég hef ekki borðað neina vitleysu í dag og stefni á að láta það vera í dag.

Ég stefni á að borða ekki neitt eftir 8 í kvöld nema þá í besta falli grænmeti!

Ég stefni á að vera 400 gr léttari á föstudaginn en ég er núna og hana nú er það orðið opinbert og ég get illa svikið það!

Ég bara verð að fara að breyta tölunni á vigtinni eitthvað smá;-)

En munið – ég er ánægð með að léttast um 20 kg á ári. Það er bara mín leið.

Hæstánægð.

Og ég er hætt í nuddi – fór ekki í dag og ekki á föstudaginn – jamm.

Alveg þangað til næst híhí.

Í þessu bloggi eru allnokkur markmið – tókuð þið eftir því!?!

hælspori, Púls, tiltekt

Hið daglega líf

hva

Það er merkilegt með veröldina – hviss bang helgin bara búin og hún sem bauð upp á svo marga klukkutíma til ýmissa verka nýttist ekki til neins annars en þess að vera einfaldlega til. Já finnast það ágætt 😉

Í sundi í gær var ég næstum drukknuð en ég ákvað að fara í sund frekar en ganga vegna veðurs. Ég held að niðurstaðan hefði orðið sú sama í hvoru tilfelli fyrir sig – ég hefði nærri drukknað á hvorn veginn sem var. Flúði inn vegna ágjafar og hljóp í innilauginni til þess að ná brennslunni fyrir þann daginn. Komst að því í morgun að það er ekki átakalaust fyrir vöðvana í fótunum að hlaupa í vatni. Var mjöööööööööööööög þreytt í þeim og hreint að drepast á köflum. Lá því lengi morgun í rúminu – hafði kannski eitthvað með Blushið sem ég og Dísa drukkum í gærkveld. Allt saman mjög skemmtilegt. Hringdi í hinn og þennan og sendi afgangnum sms held ég svei mér þá ;-). Jamm Blush er gott.

Í dag fór ég svo í styrk og varð áskrifandi í ræktinni – mæ god hefðuð þið trúað því? Ekki ég aldrei. Áskrifandi í líkamsræktarstöð. Sigh… Nú þar sem ég er ,,hætt“ í nuddi þá er þetta áreiðanlega hagkvæmast. Kaloríureikningur var hins vegar ekki sérlega hagstæður í dag. Það var saman hvað ég remdist og djöflaðist aldrei fór púlsinn upp – þetta hefur eitthvað með þessi helv.. lyf að gera. þarf að fara að mæla þennan blóðþrýsting – vil heldur vera með minn eigin púls en einhvern frá einhverju atanólóli. Í febrúar fyrir ári síðan var púlsinn hjá mér um 90, í sumar var hann 65 og nú er hann 48 og þá er ég ekki að tala um hvíldarpúls heldur bara svona læknisheimsóknar púls ;-). Hjartað mitt þarf því að dæla helmingi sjaldnar í dag en fyrir ári síðan. Það er nú dágóður sparnaður á vöðvahreyfingum. Vonandi endist það betur fyrir vikið.

En sem sagt mjög lélegur dagur í ræktinni en ég reyndi mitt besta. Fór svo í massíve þrif sem skiluðu nánast engu í dag nema 300 hitaeiningum ;-). Mældi að gamni. Meðalpúls í nettum þrifum og tiltekt er 72. Fór svo í pottinn og reyndi að ná þreytunni úr kroppnum. Hef svo setið síðan með mína hælspora (góð síða um kvikindið!)að ibba sig, staulast um og hugsa enn, er þetta þess virði að djöflast svona – já er þetta nokkuð vit?


Svarið er enn já og áskriftin gott dæmi um það!
En engu að síður – dj… er ég að verða þreytt á þessum sporum, eymslum hér og þar og því öllu saman. En það var svo sem ekki af engu sem þessu var líkt við ferð á Olympíuleikana hér um árið – þessu líkamsræktarferðalagi mínu. En ég er ekki að væla – bara að kvarta ;-), því ég held áfram og hef gaman af. Svo bara verður maður að hvíla sig ef ekki vill betur. Já og kaupa sér nýjan kælipoka – sá sem ég átti er einhvern veginn algjörlega horfinn! Ég held að frystikistan hafi étið hann!!!!

Ég vild að ég væri stuttorður og hnitmiðaður penni en það er víst alveg tómt mál að tala um…