Það er mjög margt að gerast í kolli mínum sem síðar verður sagt frá. Það er reyndar þess eðlis að það tekur allan minn tíma og orku – og ég hef ekki við að fylgjast með hugsanaferlinu mínu.
Læt ykkur vita síðar 😉
Author: ingveldureiriks
Ok ok ég get illa haldið með Ferrari og alls ekki með Massa. Erfitt að þola Alonso. Svag fyrir Kimi og finnst Hamilton yndislega breskur – yfirvegaður og svo er hann íðalfagur náttúrulega.
Þessi urðu úrslitin í keppninni. – Sem þýðir að ég VERÐ að gera eitthvað í þessum ökumönnum mínum í liðsstjóraleiknum…
Er að hugsa um að stela Palla liði og gera það að mínu 😉 Sniðugt ekki satt. Sem minnir mig á það að Palli er kominn í netsamband í Færeyjum. Til hamingju með það!
Það er nú meira klúðrið með Styrk og Formúlu 1 á sunnudögum! En F1 verður að herða sig ef hún ætlar ekki að bíða lægri hlut fyrir líkamsræktinni því satt að segja finnst mér það sem ég lagði á mig í morgun ekki alveg vera að gera sig fyrir þessa druslu Bahrain braut. Málið er nefnilega það að það er búið að búa til tvær ,,stórglæsilegar“ brautir á síðustu árum – Kína og Bahrain en að það sé hægt að taka þar fram úr – svo ekki sé minnst á Malasíu sem kom litlu áður – ég bara skil ekki afhverju það má ekki búa til braut sem býður upp á framúrakstur – það er ekki glæta að fara út úr aksturslínunni á þessum brautum og beygjurnar svo ólíkar að þetta er allt í einhverju málamiðlunar fári – þá vil ég nú bara fá brautir eins og Spa takk fyrir.
En sem sagt til þess að ég næði ræsingunni kl 11:30 varð ég að fara í styrk kl 10 í stað 12. Nú til þess að ná að gera allan æfingahringinn þá þurfti ég líka að fara út að hjóla og taka upphitunina þannig svo þetta yrði nú allt í góðum gír.
Veðrið var viðbjóður, frekar kalt, haglél á köflum og rok eftir því! Þannig að þegar ég kom í Styrk var ég hundblaut og hrakin og varð að koma yl í skrokkinn á mér með því að bæta aðeins við upphitunina. En það var nú voða gaman í æfingunum sem voru fyrir efri hlutann í þetta sinnið – sem þýðir að þær eru léttari. Ég tók svo 24 mín á Stigvélinni á programmi oh yeah – voða gaman, híhí.
Jamm svo þurfti ég að drífa mig heim – fara í rennblautann hjólagallann – hroll hroll… sitja svo í svitastorknum ógeðsfötunum og horfa á kimi hanga fyrir aftan McLaren bíl, Massa með forystu og hver hefur nú á huga á að hann vinni? Ekki ég svo mikið er víst og mér leiðist Alonso líka svei mér þá. Þannig að í raun er mér slétt sama hvort liðið vinnur – fer bara eftir því hvað ég er með í liðsstjóranum svei mér þá.
En hvernig sem allt fer er ég búin að baka bollurnar 😉 og ég ætla líka í sundpottana á eftir. Veitir ekki af að fara í sturtu það get ég svarið!
En sem sagt F1 verður að bæta sig – gera eins og Heidfeld þegar hann fór fram á Alonso!!!! Það var skoho flott. Er að hugsa um að halda með Sauber bara.
Annars var ég að lesa bloggið mitt og þar er æði oft talað um að ég verði að taka mig á í mataræðinu. Nú held ég að það sé komið að því að hætta að tala um það og gera eitthvað í því.
Haldið þið ekki að ég hafi gleymt Polla þegar ég fór í sund áðan! Versti ótti minn varð að veruleika!!!! Lá við að ég keyrði heim á sundbolnum þegar þetta uppgötvaðist. Holy Shit!
Er bara að vona að ég hafi brennt 370 hitaeiningum – á 30 mín sundi og hlaupi – ætti að vera um 500 en ég fann alveg að maður keyrir sig meira áfram þegar maður er með Polla með í liði. Sigh…
Vona samt að ég fái bikar.
Og nú er að halda haus í mataræðinu.
Ég held ég verði bara að viðurkenna að ég þurfi eitthvað aðhald þar líka. Ætla að byrja á fínu matardagbókinni sem ég bjó til í vetur – hún skilaði mér helling þegar ég notaði hana.
Svo þarf ég að búa til 120 bollur í kvöld eða morgun… Ætli gerdeig geymist ekki fínt ef ég kem ekki öllu deiginu í kringlótt form….
Ég og Bjartur vöknuðum árla í morgun en í gærkveldi bjó ég til lista yfir allt það sem ég þarf að gera næstu 7 dagana – hefur vísast valdið því hve snemma ég vaknaði. Það er ýmislegt- húslegt og garðlegt. Hér í garðinum er mikið rusl saman komið – jukkiti júkk bara – bæði frá okkur og svo fýkur mikið hingað inn líka – mjög sóðalegt og ég verð að gera eitthvað í þessu í algjöru snarhasti. Ja kannski ekki algjöru snarhasti en svona nokkru snarhasti….
Nú en það sem ríður mest á er að komast í taktinn í lífinu sjálfu aftur eftir hálf einbeitingarlausa viku síðast. Það dugir ekki að horfa bara á það sem betur má fara og gera ekkert í því heldur barasta koma sér í gírinn á ný.
Gærdagurinn var afleitur matarlega séð – en ég var mjög dugleg í ræktinni en fór ekki sundleikfimina. Var bara einfaldlega of þreytt – en það er nokkuð sem einkenndi mig í liðinni viku. Svo erfitt að vera í páskafríi ;-).
En þar sem ég var minnt á það að ég ætti hjól í gær og að ég ætti að nota það brá ég undir mig betri fætinum og hjólaði í morgun til að koma brennslunni af stað. Það var nú ekki sérlega gott veður og rigningin æði köld á köflum en ég náði að hjóla góðan spotta á móti vindi sem er sérlega æskilegt því annars næ ég ekki púlsinum upp nema með mikilli langkeyrslu. Ég hjólaði í um 25 mínútur og er bara ánægð með það nú þegar ég hlusta á nauðið í vindinum og sé dropana falla skáhalt hér fyrir utan.
Í dag ætla ég að horfa á tímatökur í F1, baka bollur, taka til í ,,skrifstofugeymslunni“ minni og slappa svo vel af inn á milli. Stefni á svolítið hlaup í lauginni um fjögur leytið – þarf enn að brenna um 400 hitaeiningum til að vera á áætlun dagsins. Vantar umtalsvert upp á að bæta hreyfingaleysi mánudags en þar sem ég fer í Styrk á morgun þá lítur jafnan ekki afleitlega út og ég hef snúið vörn í sókn.
Nú er bara að huga vel að mataræðinu og taka sig í gegn þar sem því er ábótavant. Auka grænmetisátið, minnka brauðát – helst setja það alveg út og borða ekki neitt nema grænmeti eftir kl 20 á kvöldin. Þá er ég í góðum málum.
Bless í bili
Var annars að skoða myndir af skólalífi í Færeyjum því mér fannst kannski og e.t.v. að ég ætti bara að kenna þar næsta vetur og vera ekki að vesenast þetta en mér leist ekki alveg á vettvangsferðirnar sem þeir skólar fóru í sem ég sá til í myndasafni…
Svoldið mikið bratt og margar hengibrýr yfir svona alls konar ógeðsgjá og gilja fyrirbæri.
Oh my god… En kannski ef maður er enskukennari þá þarf maður nú ekki að fara mikið í vettvangsferðir…
Þarf að hugsa þetta aðeins. En þetta er sem sagt mynd frá Austurey í Færeyjum. Christ þetta er svo krúttlegt.
Það virðist annars ekki vera sérlega mikil áhersla á að konur stjórni þarna í Færeyjum – bæjarstjórnin í Rúnavík er amk ansi karlleg… og svarthvít
Sögulegu hámarki hefur verið náð í þyngdaraukningu en það var svo sem við því að búast eftir páskana – það er nú meiri hátíðin og fermingaveislurnar voru síst til þess að bæta úr. Páskaeggið ekki heldur…. og allt sem því fylgdi. Og því ætlaði ég að spýta í lófana þessa viku en það hefur nú ekki tekist:
Mánudagur: Engin hreyfing
Þriðjudagur: Engin hreyfing
Miðvikudagur: Brennsla í 45 mín – hey og ég var í 25 mín samfleytt á stigvélinni – oh yeah
Fimmtudagur: Ekkert
Föstudagur: Ja það er sko eins gott – það er þó ekki sundleikfimi því í hana fór ég sko bara ekki neitt.
Mataræði: Gott en með alvarlegum misbrestum þó! Einbeitingin ekki í lagi.
Afraksturinn bullandi hálsverkir – sem líklega komu á undan hreyfingaleysinu og ég virðist ætla að láta þá stoppa mig að þessu sinni. Svefnleysi hefur verið viðvarandi þessa viku og alls konar böggl á næturnar enda þarf ég að setjast upp í hvert skipti sem ég sný mér þar sem ég get ekki snúið herðum og hálsi.
Ég man núna hvað var leiðinlegt að finna til í hálsinum!
Og nú þarf að spýta í lófana. Ég þarf helst að léttast um 2 kg þessa vikuna…
…og er ekki viss um hvort ég sé vinnufær – er nú samt komin hingað í skólann. Sé ekki nema hæfilega vel, töluverður höfuðverkur og hálsinn stífur sem fjöður.
Kunnugleg einkenni verð ég að segja. Það er samt ekki hægt að segja að ég hafi ekki verið að mýkja mig upp í gær – held ég hafi verið 2 tíma í heitu pottunum! Ásamt 800 Frökkum eða gvöð má vita hvað!
Holy crap sagði einhver – einhvern tímann. Ég geri þau orð að mínum. Sofnaði klukkan rúmlega tvö í nótt en það var ótrúlega mikið að gera hjá syni mínum í símanum fram eftir nóttu. Ásta Björk sagði mér einu sinni að aðferðin sú að vekja fólk með stuttu millibili rétt þegar það væri að festa svefninn væri pyntingaraðferð. Ég var algjörlega sammála því þarna um tvö leytið og langaði mest að vola bara svolítið.
En í skólann er ég komin – kennsla til þrjú í dag og Reykjavíkurferð seinni partinn. Þyrfti eiginlega að fara í Styrk og brenna svolítið. En ég er nú ekki viss um að ég nenni því…
Ykkar Inga ofurþreytta
Það er nú svei mér skemmtilegt – hef ekki haft neina afmælistilburði uppi í dag – mundi ekki eftir því að ég ætti afmæli í morgun. Ég er bara mjög fegin að ég er ekki 40 ára lengur það var mjög leiðinlegt ár – úff púff.
Ég er búin að fara í þrjár yndislegar fermingaveislur í páskafríinu. Glæsileg börn og ljúfar veitingar. Borðaði minnst 300 gr af grænmeti í tveimur þeirra en einnig nokkra konfektmola og kökur.
Ég hef farið tvo 40 mín hjólatúra og einn 60 mín langan auk nokkurra 20 mínútna.
Ég hef farið tvisvar sinnum í sund til að synda – miklu oftar í pottana :-).
Ég hef farið tvisvar sinnum í Styrk – frekar en þrisvar sinnum…
Þetta voru alls 6:30 klst. og 6970 þús hitaeiningar.
Ég ætla bara að vera ánægð með þennan hluta. Ef ég hef bætt á mig tveimur kílóum um páskana þá ætla ég – og hvort heldur sem er að taka verulega á í næstu viku og brenna 600 hitaeiningum dag hvern hið minnsta fram á sunnudag. Það þýðir að það verður ekki pása á morgun né fimmtudag. Ég verð líka að vera dugleg því ég hef ekkert gert í dag. Vera svo að daðra við danska þess á milli.
Palli er farinn til Færeyja blessuð litla lúsin mín. Aðalsteinn skoðar möguleika á Eyjum um verslunarmannahelgina – hugsar svolítið mikið í djammi drengurinn sá!
Ég hugsa um að mála húsið mitt í sumar og um mynstursteypu. Kannski verð ég einhvern tímann rík eða séð í fjármálum – þá get ég allt mögulegt.
Afmælisbarnið kveður
Þörf - Vani - Líðan 
