Author: ingveldureiriks

…það er alveg að verða ljóst. Er með svoldið fínar ástæður:
Sigurlín kemst ekki
Mjög þreytt í fótunum eftir dúndur sundleikfimi
þarf að gera jólakort svo ég verði ekki dead stressuð
…svo áreiðanlega einhverjar fleiri!

Er sem sagt að fara að klára kortin og stefni á hreyfingu á morgun eftir skóla. Þarf að vinna þessar 1800 kal sem ég missi ekki í kvöld í spinning. Hef það í bakhöndinni að fara á miðvikudaginn.

Verð bara ótrúlega dugleg í mataræðinu þessa viku líka – stefni á hálft kíló þessa vikuna – er það ekki bara?

Helv… lélegt að missa bara 12 kg í ár en svona er þetta. Stress og yfirkeyrsla í vinnu, fótafúi dauðans frá í mars, astmi og lungnakvef hægri vinstri meiri fótafúi og meiri astmi og fótafúi extreme – og hér er ég samt enn – svo við minnumst nú ekki á þennan helv… nóvember 😉

Ykkar Inga jólakort

Jahá! Mín fór nú bara í Borgarnesið í andlega upplyftingu og sörubakstur – svaf þar í nótt og allt! Páll og Ragnheiður keyptu jólatré og allt í þessu fína – alveg þar til ég sé jólatréð að minnsta kosti ;-).

Einu sinni fóru Ragnheiður og Páll að kaupa jólatré. Það eru 17 ár síðan. Síðan hefur þeim ekki verið treyst til þess arna.

Jólatréð var keypt í 19 stiga frosti þegar konan var að dást að litla drengnum sínu á fæðingardeildinni. Þegar tréð var tekið inn á Háeyrarvellina þá var það nákvæmlega eins og handsprengja. Alveg kringlótt með sprengjuþræði upp úr. Jamm og svona eins og 80 cm hátt ef honum var sleppt. Afskaplega lítið fallegt jólatré verð ég að segja. Það verður spennandi að sjá hvernig það verður í ár – kannski hafa þau eitthvað lært á þessum 17. árum 😉

Jólaglöggið fór afskaplega vel fram á föstudaginn fyrir Ljósuborginga – ægilega fínt of flott og prútt fólk í meira lagi náttúrulega – enda erum við búin að fatta að þar eru tómir snillingar á ferð ;-).

Nú er að taka á honum stóra sínum, ljúka jólagjöfum og jólakortum og vera svo hæfilega slök yfir öllu saman.

Það eru ekki nema fjórir dagar eftir af skólanum – og það þýðir að það eru ekki nema eitt – vika til jóla eða svo.

Úff púff

og 30 lauf komin á vegginn!

2 kg á þremur síðustu vikum

Konan getur víst lést eins og annað fólk

Já og ég keypti Bjögga alla jóladiskana -þeir voru allir orðnir ónýtir þeir gömlu og sá nýi er nú heldur hátíðlegur þykir mér og svo fékk ég mér líka Guðrúnu og Friðrik. En líklega ætti ég ekki að vera að kaupa þessa jóladiska – frekar einhverja aðra tónlist..

Ég er bara svo ótrúlega mikið jólafrík.

… fer nú samt í sundleikfimi og blak og spinning. En hann borðar óþarflega mikið nammi….

En hann er sko búinn að ákveða að ef hann heldur þyngdinni en þyngist ekki í desember þá er það í sjálfu sér sigur….

Nú ætla ég barasta að njóta lífsins og aðventunnar. Fer í Borgarnes til Ástu á laugardag og hef jólaglögg fyrir Ljósuborg á morgun.

Og ég ætla í Styrk á morgun – það er ég búin að ákveða og er rosalega ánægð með þá ákvörðun.

Bless þar til Bloggletinginn fer af stað á ný.

…að vera á lífi eftir síðasta spinning tíma (og það eru 90 mínútur síðan honum lauk)!!!!

Ég er hreinlega alsæl! Og ég er meira að segja rólfær! Fór út í búð og allt – eldaði og guð má vita hvað eftir tímann…

Ég held reyndar að ég verði að borða fyrir tímann svona rúmlega fimm og svo fá mér eitthvað eftir hann sömuleiðis svo ég lendi ekki í einhverri orkusteypu bara – sem ég er sko svoldið í nákvæmlega núna! Úff þessi drengur sem stjórnaði tímanum er nú vart kominn af barnsaldri og veit áreiðanlega ekkert hvernig það er að vera 42 ára offitusjúklingur – sem betur fer ;-). Og þar sem ég var viss um að hann væri allan tímann að hugsa um hvað ég væri mikill aumingi þá ákvað ég nú að láta ekki deigan síga – mjög mikið….

En frábært að hafa komist í gegnum þessa þolraun -ekki láta NEINN segja ykkur að spinning sé ekkert mál – það er skoho rosalegt og ég var móð leeeeeeeeengi á eftir.

Ragnheiður mín er föst í London, Palli fastur í Borgarfirðinum og heiðin lokuð – alveg kolgeggjað veður sem sagt en voða verður gott þegar hún kemur blessunin og vonandi gengur allt vel.

Ykkar Inga sem fer áreiðanlega einhvern tímann aftur í spinning!

Hvar hefur bloggarinn Ingveldur haldið sig. Þið munið kenninguna um að þegar konan hættir að blogga þá er hún einhvern fj… að syndga og ekki að gera baun af því sem hún ætti að vera að gera ;-). En það er nú ekki aldeilis svo – sú stutta er svona ægilega lífleg og dugleg og síðast en ekki síst dauðfegin að vera laus við þennan leiðinda nóvember sem er by far the worst month of the year! I kid you not!

Það hefur verið svo mikið að gera í jólaskreytingum og tiltekt að það hálfa væri nóg fyrir svo utan ýmis dramaköst sem tengjast því að vera ægilega óskaplega illt í fótunum og þó sú hugsun hefði ekki flögrað að mér þá stakk hún mig illilega þegar Baldur spurði hvort ég væri hreinlega á leið í hjólastól…. Líklega hefur þó hæðnin verið þar við völd hjá þeim góða manni en allt umburðarlyndi og aumingjagæska hefur gufað upp úr hans stuttklippta kolli og harkan ein er eftir. Hann nennir ekkert við mig að tala fyrr en ég hef misst 40 kíló og með sama hraða eru einhver fjögur ár í það eða svo ;-). Meðvirknin entist ekki lengur en þetta hjá honum blessuðum. Híhí…

En svo fattaði ég að ég þarf bara að hvíla mig og slappa af það er smá að skipulegga heilan mánuð í skólanum og hendast svo í þessa og hina hreyfinguna, skreyta hús og þrífa hágt og lágt. Sauma gardínur og rífast í búaliði sínu öllu. Tíhíhí Já að því ógleymdu að mála litla forstofu og jafnlítið salernisherbergi.

Nú mataræði er með ágætum þó ég hafi grun um að ég hafi verið að stinga upp í mig tveimur konfektmolum þó ég minnist þess hvorki að hafa étið þá né hvernig þeir voru á bragðið. Fuss og svei og eitthvað er hér sérkennilega mikið af smákökum sem rata einnig inn fyrir mínar varir! En svona að öðru leyti gengur þetta bærilega. Fáránlegt að halda að maður léttist í desember – verð bara að sætta mig við að halda fengnum hlut og sækja svo í mig veðrið um leið…

Hreyfingin er svona: Sundleikfimi á mánudag og miðvikudag (og föstudag því ég á tvö skipti inni). Spinning á mánudegi og ef ég er góð í fótunum á þriðjudegi sem er hvíldardagur þá fer ég einnig í spinning á miðvikudegi. Nú síðan er einn blaktími eftir fram að jólum – eða þann 13. des (afmælisdagur hans Aðalsteins míns) á föstudag gæti ég farið í styrk eða synt – ég gæti líka gert ekki neitt annað en sundleikfimina…. nú og á sunnudag tek ég síðan 1000 metrana eða svo.

Ég fór og synti í gær og gat notað blöðkurnar sem eru góðar fréttir en ég hef verið svo aum í ristunum lengi að ég hef ekkert getað notað þær – það er smá tilbreyting í því. Í morgun var Sigrún sundleikfimisdrottning veik og ég fór því og synti í 35 mínútur og náði mér vel á strik. Nú og svo á eftir fer ég í spinning.

Ég fór ekkert í Styrk á föstudaginn enda var ég þá á fullu að undirbúa jólaglögg – og ekki sérlega góð í fótunum – var alveg ónýt eftir blakið en á laugardag var ég miklu skárri, enn skárri í gær og bara þokkaleg í dag. Þannig að hjólastóllinn bíður eitthvað enn…

Meira himpigimpið þessi sjúkraþjálfari minn að vera að stríða mér svona – sigh… Hörmungarhyggjudrottningunni.

En nú ætla ég að líta á jólakort og sitthvað föndurtengt – ég á eftir að gera allnokkrar jólagjafir og síðast en ekki síst kemur hún Ragnheiður mín heim í nótt blessuð litla dúllan mín. Herbergið hennar er fullt af föndurdóti en ég er að vona að henni finnist bara notalegt að koma í ruslaríið hennar mömmu sinnar. Mikið hlakka ég til að fá ungu konuna mína heim.

Aðalsteinn fer síðan í verklega prófið á morgun ef hann kemst þá uppeftir en spáin er eitthvað meira en lítið sérkennileg…

Jólaglögg fyrstuársinga í Sunnulæk tókst frábærlega og ég held ég hljóti að endurtaka leikinn á næsta ári – þessi hópur býr yfir einstakri lífsreynslu og upplifunum sem enginn tekur frá okkur.

Kveðja ykkar Inga sem er alveg að reyna að standa sig í ýmsu ;-).

jummi jumm…

Híhí – það er svo mikið að gera að það hálfa væri nóg! Ég er skoho að verða búin að skipuleggja allan desember í skólanum enda veitir ekkert af því – en það tekur líka tímann sinn! En svo á nú líka allt að renna ljúft og vel – huhummm.

Nú svo er verið að taka húsið í gegn, mála og skipta um gólfdúk, henda út skápum, breyta í stofunni og færa alla skápa og þar með allt leirtau hægri vinstri þrífa þarna og þrífa þar, hengja upp seríur og þvo glugga og í kringum þá – já nefndu það bara!

svo þarf maður að vera í líkamsrækt og borða mat og keyra og ég veit ekki hvað og hvað.

Ég fór í sundleikfimi í gær og ætla í fyrramálið líka að sjálfsögðu but the best part is….

Ég fór í spinning í gær og það var svo hroðalega skemmtilegt og erfitt að það er hrein unun. Við vorum alveg að í um 60 mínútur og tókum þá teygjur. Gaman að vera með svona einhvern þjálfara og svo var Sigurlín með og það er náttúrulega bara rjómakokteill að hafa einhvern með sér í líkamsrækt – munaður sem ég var alveg búin að gleyma. Púlsinn hjá mér var á bilinu 125 -160 annars er Polli greyið að verða batteríislaus svo hann á ekki alveg sjö dagana sæla en ég verð náttúrulega að kaupa svollis handa honum.

Nú er ég að safna í mig kjarki að fara í almenn þrif hér í þessu húsi og skreyta stofuna því fyrstu ársingar í Sunnulæk koma á föstudaginn – ja svona eitthvað af þeim! Skemmtilegt….

Dásamlegt – gat eiginlega ekki hugsað mér aðventuna án þeirra.

En nóg í bili – nú verð ég að fara að taka til….

Já og mataræði gengur hreint ekki svo illa þó annir hafi ekki alltaf sem best áhrif en þá fer ekkert nammi inn fyrir mínar varir og ég er að vona að ég hafi minnkað skammtana. Vonandi skilar það sér í áframhaldandi léttingi. Sigh má ekki hugsa of mikið um þá hlið þá verð ég bara vitlaus en ég get þetta vel og held bara áfram á mínum sniglahraða.

…með sín mörgu verkefni, svolítið stress og smá stingi yfir útgjöldum ;-). En þeir verða nú bara með minna móti í ár því ég ætla bara hreint að eyða sem allra minnstu! Alveg ákveðin í því.

Ég er líka alveg ákveðin í því að hafa gríðarlega hreyfiáætlun í gangi – ég hef ekki verið dugleg þessa viku en það var góður dagur í gær og í dag ætla ég í styrk – gera æfingar fyrir efri part – það er svoldið mikið langt síðan ég gerði þær… Það þýðir ekki að liggja yfir fortíðinni heldur bara horfa fram á veginn. Sjálfsvorkunnartímanum er lokið enda síðasti dagur nóvember runninn upp…

Í fyrradag var eins og ég fengi hugljómin og síðan hef ég verið að minna matarskammtana verulega og vonandi tekst mér að minnka í mér magann en ég er hreinlega að borða of mikið þó ég sé að borða á réttum tímum og búin að taka sætindi og óhollustu út – annars væri ég að léttast. Og ég er náttúrulega ekki að hreyfa mig alveg nógu reglulega þó það komi afbragðs vikur inn á milli. Ég ætla líka að vera glöð mataræðið – enginn smá áfangi að fá klígju þegar ég set sætt upp í mig!

Ég þarf að hugsa um hælana mína og því verð ég að taka brennsluna meira á hjóli eða í sundi – spurning hvort ég nenni að fara í sund og svo í styrk – eða hvort ég nenni að fara í styrk og svo í sund? Þarf líka að hafa í huga að ég fæ kvef í hvert sinn sem ég fer í sund og verður kalt…

Smá ókostur…

Ég ætla að hugsa hlýlega til desembers í fyrra og jólanna – ég var ekkert smá dugleg þá að hreyfa mig – synti á hverjum degi og labbaði svolítið í skóginum með Palla og Bjarti. Yndislegur tími. Það verður vonandi leikið eftir – enda þyngdist ég ekki neitt um jólin í fyrra – en ég man að janúar var eitthvað erfiðari 😉

En sem sagt æfingaáætlun í desember:

Mánudagur

Sundleikfimi
Styrkur

Þriðjudagur

Ákjósanlegt: Sund á Borg ellegar um kvöldið með Páli (bara um 2 – 400 metrar en sá hængur er á að þriðjudagar eru langir dagar í vinnunni).

Miðvikudagur

Sundleikfimi

Spinning

Fimmtudagur

Upphitun í sundlaug – blak

Föstudagur

Sundleikfimi ef ég fer ekki á mánudegi eða miðvikudegi (þarf t.d. að fara næstu tvo föstudaga til að bæta mér upp slór í þessari viku og síðustu held ég.

Styrkur

Helgar

Sund amk annan daginn og kannski má hugsa sér að fara í Styrk á laugardegi og hjóla svolítið á Zetornum

Markmiðið er að gera meira en minna í brennslunni, halda fótunum góðum með því að synda og hjóla og því kemur spinning inn – ég er ekki alveg búin að ákveða hvort ég fari á miðvikudögum en líklegra er að ég fari á miðvikudögum því þá hedl ég styrktaræfingunum inni á mánudögum í Styrk sem er mjög mikilvægt.

Breyting frá því sem nú er – áhersla á sund og taka spinning inn.

Hugsa svo um morgunbrennslu – kannski ætti maður að mæta í styrk og hjóla smá áður en maður fer í vinnuna – en ég held að ég ráði varla við svo mikla hreyfingu. Ég verð hins vegar að vera einbeittari í henni en ég hef verið – annars gengur þetta ekkert hjá mér svei mér þá.

Gangi mér vel og ykkur sömuleiðis að halda hreyfinga og mataræðismarkmiðum ykkar í desember.

Ah ég fór í kirkju á Þingvöllum í dag – heima. Komst að því að ég verð að hætta að vera sár og leið yfir því að hafa í raun aldrei flutt þaðan. Hvaða klikkun er það að láta mig ekki vera með í því að flytja frá Þingvöllum? Þvílíkt rugl að skilja unglinginn eftir með enga kveðjustund frá staðnum sem var hún? Sem sagt verkefni að vinna út úr því. Og ég held ég láti það vera að fara í kirkju á næstunni – við Guð verðum bara að hittast annars staðar. Ég var næstum dáin bara af að sitja þarna oh my god. Ég átti meira að segja erfitt þegar ég gifti mig – og börnin voru fermd. Ég bara ræð ekki alveg við þetta – ekki enn amk. Ferðir bernskunnar í kirkju voru líklega of margar og of mikið ákveðnar af öðrum en mér.

Á eftir var kaffi á Valhöll og þetta var dýðarinnar dagur þar sem verið var að afhenda brúðarbekk með langsessu sem hún systir mín Aldís var harla mörg ár að sauma með gamla íslenska krosssauminum. Jamm. Fljúgandi hálda á leiðinni heim.

Ég beint upp á stól og þvoði tvo glugga, setti upp seríur og þreif allt um kring. Ekki nóg með það – byrjaði að mála forstofuna og tæmdi forstofuskápinn. Forstofan verður blágrá – heitir áreiðanlega antikblátt – nokkuð ljós. Fallegt með hvítum húsgöngum sem ég ætla að fá mér þar inn þegar mér hefur áskotnast gamals aðdáenda – eða eitthvað…

Palli er búinn að missa 10 kíló síðan um miðjan september – á þeim tíma hef ég lést um 2 kíló og hef ég hreyft mig 100x meira í skiplagðri hreyfingu, borðað miklu skynsamlegar en samt er allt stopp. Hvað er í gangi? Ég skil ekki afhverju ég léttist ekki – bara skil það ekki. Er að hugsa um að minnka fæðu inntöku verulega næstu viku og gá hvort það sé hægt að koma einhverju efnaskiptum af stað. Borða bara sem mest grænmeti ef hægt er. Ég bara verð að koma mér af stað í léttingi á ný annars verð ég VITLAUS ef ég er þá ekki orðin það nú þegar.

En ég fékk mér kökur í dag og af því tilefni ætla ég ekki að borða neinan kvöldmat heldur dröslast til að ganga á þær kaloríur sem þar voru innbyrgðar.

Í næstu viku er dagskráin svona:

Mánudagur: Sundleikfimi, vinna til fjögur við að hengja upp verkefni í Sesseljuhúsi og koma síðan heim.

Þriðjudagur: Sýning í Sesseljuhúsi kl 14 – 16 fara samstundis heim og föndra og fara síðan að synda með Páli þegar hann er búinn að vinna

Miðvikudagur: Sundleikfimi og vera komin heim kl 16 og sunda svo um kvöldið

Fimmtudagur: Vefsíðuvinna og blak auk sundupphitunar

Föstudagur. Kannski kaupa mér föt í bænum? Hitta Baldur ef hælarnir eru leiðinlegir, fara síðan og huga að jólahlaðborðinu um kvöldið.

Laugardagur og sunnudagur – þrif á stofu og skreyta hana svona svolítið amk. Koma forstofunni í sæmilegt stand og kannski verður Páll búinn að mála klósettið.

Jólagjafavinna gengur vel sem og kortagerð þannig að ég er að mestu á áætlun nema hvað ég léttist ekki – en það hlýtur að koma. Hælarnir með besta móti – kannski ætti ég að fara aftur til Balla – kannski er líka nóg að fara einu sinni í viku í einhverja meðferð við þeim…