Author: ingveldureiriks

…raunveruleikinn kemur vonandi síðar.

Mér finnst ég vera svo ódugleg
Mér finnst ég vera svo feit að ég hafi aldrei á ævinni verið feitari
Hafi ég einhvern tímann lést þá hef ég áreiðanlega bætt því öllu á mig á síðustu viku eða svo.
Ég á svo bágt að mér liggur við köfnun og þyrfti teymi af fjórum til að vera með mér í að koma þeirri sjálfsvorkunn allri í lóg!

Það er líklega kominn tími til að hífa upp um sig brækurnar….

Það er skrítið en stundum þegar maður vaknar þá bara veit maður að manni verður ekkert úr verki. Þó verkin bíði í löngum bunum! Svo eru aðrir dagar þar sem allt liggur marflatt fyrir framan mann og ekkert vex manni í augum. Frá morgni til kvölds er hamast og ekki slegið slöku við. Það er ekki svoleiðis dagur hjá minni í dag!

Ég get í fyrsta lagi sofið að því er virðist endalaust. Ég var heima í gær með þvílíkan hausverk og vitleysu sem svo bráði af mér er leið á daginn en ég er samt með einhvern ókennilegan hnullung ofan á hausnum á mér – vísast er það honum að kenna að ég virðist ekki vera með sprækara móti í augnablikinu!

Ég þarf að taka til í þessu húsi mínu, skúra, straua dúka og upphugsa eitthvað sniðugt handa börnunum mínu stóru í afmælisgjöf! En mér miðar nú ekki mikið í því – og hreint ekki neitt ef ég sit bara hér og blogga!

Dríf mig hér með út og lít í búðir ef það er þá ekki búið að loka þeim öllum! Oh my god

Þar sem ég var ekki sem ánægðust með 12 kílóin mín þá held ég að ég verði að stefna á

350 gr á viku – 1,4 á mánuði 15,5 kg á komandi ári.

Þetta er sem sagt skjalfest.

Hreyfing inni ekki sjaldnar en 5 sinnum í viku. Helst sex sinnum.

Í upphafi árs er ég fótalaus. Að því gefnu ætla ég að synda og hjóla sem allra mest í upphafi og fram á vor.

Taka alvarlega á mataræði – hugsa um að léttast í gegnum mataræði með stuðningi hreyfingarinnar en ekki öfugt. Spurning um hugafar. Leita mér stuðnings – sálfræðings, OA eða hvers annars sem er í boði til þess að ná tökum á þessu.

Hætta að stjórna – heldur hafa stjórn

Hætta að þykjast bera ábyrgð á öðru og öðrum heldur axla ábyrgð á sjálfri mér.

Safna fyrir USA ferð – þurrkar og rúmi!

Gera handavinnu og finna mér farveg í námi.

Þarf að hugsa þetta betur! Meira hmmmm úff erfið þessi markmið.

… eftir jólafríið. Það verður varla betur sloppið en það vænti ég.

Nú er bara að stunda heilsurækt og heilbrigt líferni (lesist mataræði). Blak á morgun og hvur veit hvað.

Engir stórir skandalar átt sér stað síðan ég fór í Styrk (úff erfitt).

Þarf að fara á vigtina…
Þori það ekki
Afber ekki að horfast í augu við átið um jólin!

En það þýðir ekkert annað – það þarf að taka þetta þeim tökum sem vera ber – ekkert væl.

Áramótaheitin eru í fínni mótun og koma inn – og uppgjörið sömuleiðis.

Borðaði lakkrís og nóakropp í morgunmat – og fimm mandarínur – þetta er sem sagt ekki alveg komið í lag en er á leiðinni….

hohoho

Og vinna á morgun og ég er bara alveg tilbúin.

hehehe

ji minn eini hvað er gaman að vera í jólafríi. Úffiti púff bara. Ég hef að vísu borðað óhóflega mikið af sælgæti og á því er ekki nokkur afsökun en vonandi einhver bragarbót. Ég hef hafið mandarínukúrinn að nýju en hann felst í því að hafa mandarínur í öllum hornum, eta þær hvenær sem því verður við komið. Jummi jumm og þá minnkar sælgætisátíð umtalsvert. Páll hefur tekið allt nammi af heimilunu og pakkað því niður til gamlárskvölds en sá galli er að í öðrum húsi er einnig nammi og þar hef ég verið töluvert undanfarið.

Fór í frábært jólaboð hjá Ása og Jónu í gær og þar komum við systininin og afk0mendur saman alls rúmlega 50 manns. Hver kom með kjöt og sumir með meðlæti og aðrir gos og eftirrétti og ég veit ekki hvað og hvað. Úr varð firnagóð veisla og svínabógurinn minn vakti bara lukku enda puran og kjötið alveg alfbragð – ég er sko ótrúlega góð í að elda purusteik skal ég segja ykkur!

Við komum fyrst og fórum síðust – það var svo skemmtilegt og notalegt og allt! Jamm

Af hreyfingu er það að segja að á fimmtudag skundaði mín í sund alveg ákveðin í því að bæta fyrir mataræðið um jólin og ég synti 1000 metra í gær synti ég 600 og í dag synti ég aðra 1000. Á morgun ætla ég svo að synda líka og á gamlársdag sömuleiðis. Svo opnar ekki sundlaugin aftur fyrr en þann þriðja janúar. Ég veit ekki hvort ég fer í Styrk þann annan en það væri náttúruelga afskaplega gáfulegt.

Palli gaf mér inniskó frá Ecco í jólagjöf og viti menn ég er bara öll önnur í fótunum – ótrúlega miklu auðveldara að ganga á mínum aumu iljum og hælum og sundið gerir fótunum mínum frá ökkla og ofar mjög gott. En ég finn aðeins fyrir hálsinum.

Þetta er sem sagt allt á réttir leið. Áramótauppgjörið í farvatninu og áramótaheitin að mótast. Stefni annars á að vera í miklum rólegheitum á gamlárskvöld. Mér finnst það best – verst hvað Palla finnst það firna leiðinlegt… að vera ekki á skralli.

En nú er ég að fara í matarboð þar sem fiskur verður í matinn. Og áðan skúraði ég allt húsið, Páll tók til í eldhúsinu og ég í stofunni og hér er allt ægilega jólalegt og fínt. Aðalsteinn í Borgarfirði og við bara gamla settið að vafra hér um. Ósköp notalegt allt saman.

Bestu kveðjur til ykkar allra frá Ingu sem er bara virkilega að hvílast.

Ég er klárlega að eldast. Og vitkast… Sem er í sjálfu sér sérstakt fagnaðarefni því mér sýnist að ekki veiti af! Nóg er til að betrum bæta og lappa upp á – það get ég svarið ;-).

Ég minnist jólanna á Írafossi – þegar dagarnir á milli jóla og nýárs voru til og nýttust til einhverra verka – já voru í sjálfu sér eftirminnilegir vegna þess hve drjúgir og ljúfir þeir voru. Ég á nefnilega allt í einu svoleiðis daga aftur núna. Er ekki í einhverju óminnistástandi ofurálags úr vinnu og jólaundirbúningi heldur get ég setið og horft út í loftið og notið jólaljósanna og snjósins – og erfiðleikar hvunndagsins ná einhvern veginn ekki að setja mig af standinum – samt er svo margt sem ég vildi að væri öðruvísi.

Ég vildi t.d. að ég gæti farið betur með peninga. Ég hefði líka alveg kosið að Aðalsteinn hefði ekki farið út að keyra á jólanótt og klesst bílinn minn – sem verður áreiðanlega ekki kominn á götuna fyrr en vika er liðin af nýja árinu – sigh. Enginn meiddist og eftir smá flipp á jólanótt þegar drengurinn fannst ekki en msn gaf til kynna að hann hefði komið heim og væri í tjónasjokki eins og hann orðaði það sjálfur… Úff hvað ég var hrædd um litla grjónið mitt. Sum börn gera svo skrítna hluti ef þau eru hrædd en hann fannst og kannski lærir hann eitthvað af þessu.

Ég vildi líka að ég hefði ekki étið sælgæti eins og bestía í allan dag! Ég vildi líka að ég hefði farið og gengið á jóladag en bílleysi og jólaboðsundirbúningur sem gekk vel að merkja undurvel, kom í veg fyrir það – því ég lét það koma í veg fyrir það.

Ekki var opið í sundlauginni í gær og ekki nennti ég í styrk – jukk ekki nógu eitthvað kræsilegt en ég fór í morgun og synti 11oo metrana og ég ætla aftur að synda í fyrramálið áður en ég fer í minnar fjölskyldujólaboðið.

Það verður barasta að horfast í augu við mistökin og bregðast við þeim sem best maður kann. Um annað er ekki að ræða.

Mig langar að skrifa – kannski ég fari á riunarnámskeið – svona hvar maður ætti að byrja. Mikið langar mig það. Kannski það ætti að vera nýársheitið mitt á andlega sviðinu og halda svo áfram með hin líkamlegu sem virðast skila mér heilmiklu á því andlega líka – surprise.

Vonandi hafið þið haft það gott.

Ég mæli með sundi um jól og áramót og alveg út janúar. Það er sérlega góð líkamsrækt í myrkrinu að paufast svolítið úti í súrefninu.

…þá fékk ég þessa fínu magapest í gær. Héld ég myndi drepast. Ég og magakveisur – en ég er sárri núna þó ég sé eins og draugur upp úr öðrum draug. Úff púff

En ég ætla nú að ná að halda jólin og svona þrátt fyrir smá hick up

Híhí

En líkamsrækt er ekki með ágætum þessa vikuna – en svona er þetta bara. Æfingaprógramm jólanna er alveg að fæðast og mikið skipulag í gangi 😉

Lof jú

Ings

…fyrir flækjufót eins og mig en þetta er allt voða ljúft! Maður fær bara svoldið skrítnar hugmyndir – sem væri vel hægt að gera t.d. í mars en ekki desember en svona er þetta. Þetta ljúfa jólaamstur.

Ég fattaði að ég er orðin gömul – amk eldri en þeir sem eru 35! Það er ekkert að marka Ástu Björk hún er svo gömul sál blessunin þannig að ég hef haft svolítið ranga viðmiðun í nokkurn tíma. Svo er náttúrulega Hlín svo extreme í þessu þannig að ég hef aldrei REYNT að miða mig við hana hún er svo ýkt mikil pæja :-).

Nú jæja

En sem sagt ég er ekki alveg nógu hrifin af nýjustu jólaóróunum frá Georg Jensen en unga fólkið sem ég umgengst núna er alveg dauðhrifið af þeim og finnst mínir uppáhalds púkó…

Sem þýðir bara það – ég er out of date og það er alveg hreint nýtt fyrir mér… Verð að endurskoða þetta svoldið.

En ég er nú amk komin með svart hár, svartar augabrúnir og búin að kaupa mér BRÚNKUKREM – eða sko amk brúnkuvatn! Já þetta átti ég eftir! Ég er ógeðsslega mikil pæja skal ég segja ykkur – var með maskara í dag og í gær – sem er náttúrulega MET!

Beware born 72 – 75 sko ég er að átta mig á þessu ;-).

En já – allt í voða og vitleysu með jólagjafir – er of sein með allt en það er ekkert verra en vant er en það sem meira er ég er að verða búin með öll jólakortin oh yeah. Og ekki Þorláksmessa eða neitt ;-).

Litlu jólin í skólanum á morgun, jólanudd og svo bara frí – föndur og handagangur. Húsi dásemdar fínt og maður er ekki nokkra stund að koma því í stand!

Er þetta ekki bara í lagi?

Ings