Author: ingveldureiriks

…hið sama verður nú ekki sagt um þessa borgarstjórn. Vitið þið það – það er bara komið nóg af þessu rugli. Þetta er bara fyrir neðan virðingu Sjálfstæðismanna – ég segi það satt!

En ég fór í spinning í gær – og ég er alveg að verða búin að kortleggja þetta. Það er hins vegar svo að þetta er álag. Ég verð að finna rétta stellingu á hjólinu – ég er einhvern veginn að drepast úr hliðarverkunum – illt í rassinum, stýrið of langt í burtu, meiði mig í iljunum – já og í gærkveldi fékk ég alveg dásemdar áminningu um það að kálfarnir geta sprungið og það yrði mjög sárt. Mér tókst þó að taka eftir álaginu í tíma – létta á hjólinu og gefa aðeins eftir – en þetta er heilmikið álag fyrir hana Ingu þungu.

Nú mataræði gengur vel – með smá slaufum sem verða klipptar af eftir helgina þegar ég mæti í skólann með fullt af nesti og góðum áformum og hér heima verður ekkert til nema hollustan ein. Og ég er ekki að tala út í loftið því ég kann og get þetta ágætlega. Stundaskrá er líka að myndast in the back of my head. Oh yeah – ég sé ég þarf að breyta ýmsi í hreyfingaáætlun því ég fer t.d. ekki í Bónus ef ég er í blaki og svo framvegis. Já og ég held varla að ég fari í blak daginn eftir spinning þó það geti kannski verið þegar ég hef náð enn betri tökum á þessu. Það er samt meira álag en ég gerði mér grein fyrir að fara í spinning fyrir skrokkinn – skrítið því mér finnst ekki erfitt að sitja lengi á venjulegu hjóli – og ég get auðveldlega hjólað í nokkurn tíma – tvo tíma til dæmis. En það er eitthvað við þessi spinning hjól sem ég þarf að læra. Og þá geri ég það bara.

Það var frábært á námskeiði í dag. Jeeeee og ég fer aftur á morgun.

En ég fer líka í jarðarför. Afskaplega sorglegt. Ung kona dáin frá fjórum börnum á aldreinum 2 – 16 ára. Hann er ekkert grín þessi krabbi.

Reynum að gleðjast yfir okkar hversdagslega lífi. Það er ekki svo slæmt eftir allt saman.

Ykkar Inga

Art er klart í Svíþjóð. Ég er á ART námskeiði og oh my god hvað það er skemmtilegt. Þetta er skemmtilegasta námskeið sem ég hef á ævinni farið á! Við erum 9 – já eða 8 og það er svo skemmtilegar konur að það er yndislegt. Kennararnir eru líka dásamlegir.

Og ég hlakka ótrúlega til að mæta á morgun.

Ég var að borða svolítið sem ég átti alls ekki að borða.

Þarf að laga það. Það verður að vera eitthvað gáfulegt til í þessu húsi. Beware – mataráætlun kemur innan skamms með áætlun um hvenær ég elda og hvenær ég versla – ekki ,,bara“hvað ég borða.

En annars bara gott. Leiðinlegt að standast ekki freistingarnar en miðað við brennslu dagsins er þetta enginn stórskaði. En óþverrinn verður að fara út. Það er ekki annað í boði – nema þá til spari. 4 kg fyrir USA og helst sex.

Markmið eru yndisleg ekki satt?

…að því viðbættu að ég er algjörlega miður mín útaf þessum handbolta. Og rétt eins og alltaf þegar illa lætur þá bara hugsa ég ekki meira um það! Nema í undirmeðvitundinni sem svo aftur gerir mig alveg galna. En sem sagt ekki meira um handbolta.

Ég bara blogga ekki neitt. En það þýðir nú ekki að sú stutta sé ekki að sýsla eitt og annað. Það er búið að vera svolítið tölvuvesen á mér undanfarna daga þannig að ég hef ekki alveg náð mér á strik þar en það kemur. Bíðið þið bara.

Já og hvað er með þennan fíflagang í borginni. Mér bara verður óglatt og ég held satt að segja að nú sé nóg komið af ruglinu og fíflaganginum og mér finnst að sjálfstæðismenn ættu að skammast sín að bjóða manni upp á þann málflutning sem hafður er í frammi núna. Nei nei ekkert veikur meirihluti. Og afhverju er ekki talað um það upphátt hvað var að Ólafi? Það skyldi þó ekki vera að maðurinn hafi orðið þunglyndur, manískur eða geðveikur á einhvern hátt? Það gæti amk útskýrt afhverju ekkert er talað um sjúkdóminn. Það veit sá sem allt veit að hann hefði borið á góma væri hann tengdur hjarta eða verið krabbi. Það fer ekki fram hjá manni en geðsjúkdóma má ekki ræða og væntanlega þá alls ekki ef sá sem þjáist af honum hefur verið dubbaður upp sem borgarstjóri – sem ég svo veit svo sem ekkert um! En sá grunur læðist að manni.

En sem sagt. Polli gaf mér bikar fyrir síðustu viku – sveik mig um eina sundferð – stendur til bóta því ég fór óvænt í Styrk í dag og hjólaði þar af mér 1000 kaloríur eða svo. Það var nefnilega ekki skóli vegna veðurs og færðar. Ég hef verið að sýsla hér heima og ná áttum. ÉG nefnilega týni þeim við og við og þá er gott að vera í rólegheitum að finna þær ;-).

Á morgun er það svo sundleikfimi og spinning – auk ART námskeiðs – en þá rætist ósk sumra drengja í Sunnulæk sem fannst ég ætti að fara á slíkt námskeið – en þetta er námskeið í því að vinna með nemendum varðandi reiðistjórnun og tilfinningar.

Þetta er þriggja daga námskeið svo ég verð ekki í upp á Ljósuborg næstu daga.

Vona bara að það verði skemmtilegt og ekki mjög erfitt.

Þykist vera byrjuð að halda matardagbók – og miiiiiiiklar pælingar í gangi við matarhliðina á lífsstílsbreytingunni minni. Nánari fréttir af því koma síðar ;-).

Áfram Ísland.

…eða þannig sko…

Ég man eftir móti í Japan einu sinni. Ætli ég hafi ekki verið 13-14 ára. Það var ekki ferð til fjár. Og ekki sóttum við fé í greipar Svía í kvöld. En þessi leikur er að minnsta kosti búinn og mér er til efs að annar lélegri verði leikinn í bráð. Það þyrfti amk alveg einstakt tilfelli af andleysi í hópnum til þess arna. Úff

En Áfram Ísland samt….

Og fyrir þennan leik fórnaði ég sundsprettiinum mínum í dag!

Úff

En það eru líka góðar fréttir:

Ég er komin á Súbbann minn. Mikið er nú auðveldara að vera á fjórhjóladrifnu í því færi sem nú er þó á low profile dekkjum sé (sem er náttúrulega absúrd hér á þessu Ísa kalda landi).

Nú og ég fór í Spinning í gær – á sandölunum mínum frá ecco og Palla og ég komst bara vel frá því en er þó þreytt í fótunum mínum og helaum í hælunum.

Ég er búin að komast að því að fínu skórnir mínir sem ég keypti í haust henta mér alls ekki. Skemmtilegt. En ég get áreiðanlega notað þá þegar ég verð orðin betri í fótunum.

Mataræði er ágætt – nema hvað ég borða of mikið. Þarf að kippa því í liðinn. Minnka líka smjörát en allt í einu er mér farið að finnast það svona ægilega gott.

Ég borða annars vel af grænmeti flesta daga og ácextir eru ágætlega inni líka. En þarf að minnka matarskammtana og bæta enn við grænmetið.

Svo þarf ég að hugsa hvernig ég bæti fyrir það að hafa ekki farið í sund í kvöld. En það finnst einhver botn í það.

Bless elskurnar og reynið að vera ekki eins leið og ég yfir þessum handbolta…

….hélt það myndi rigna yfir mig hryggðarpóstunum yfir því hve lítið ég blogga! En þá er bara eins og allir séu fegnir 😉 Híhí – svona eru nú skipsbrotin margvísleg.

Nú er þriðji dagur nýja æfingaprógrammisins að kvöldi kominn – en þó er einn veigamikill þáttur eftir – SPINNING. Ég er annars mjög ánægð með hvernig hefur tekist til – staðið við allt – fór meira að segja að hjóla eftir vinnu á mánudaginn.

Og ég ÆTLA í spinning núna á eftir sko…

….eftir klukkutíma.

Ég veit ekki afhverju mér finnst það svona mikið mál en einhvern veginn hef ég algjörlega gengið fram af mér síðast – var illt í úlnliðum, hælum, ristum og hnjám og hreint alls staðar í tímanum sjálfum – en nú ætla ég á hina tegundina af hjólum og sjá hvort ekki verður auðveldara að eiga við þetta.

Ég ætla líka að fara í sandölunum og sjá hvort það er betra – þeir eru opnir og tærnar rekast þá ekki í eitthvað – það er nú meira hvað maður getur verið aumur alls staðar.

Fyrst og fremst ætla ég þó að láta drenginn vita að ég verði þarna bara upp á punt og hann megi ekki senda mér nein svona augnaráð sem fela í sér að ég eigi að gera meira eða betur ;-). Málið er að ganga ekki svo fram af sér að maður þori ekki aftur.

Þð er afskaplega mikill snjór og ég setti persónulegt met í snjóakstri í gær en ég er á ágætum bílaleigubíl – Toyotu með skriðvörn og firna góðum dekkjum – en ég hef aldrei á minni lífsfæddri æfi keyrt í eins miklum snjó- svona ein og sjálf . En við Toyotan komumst þetta nú – en það var nú meira fyrir heppni – nú eða undraverða aksturshæfileika en eitthvað annað. Það var t.d. eins gott að ég stoppaði hvergi á leiðinni – þá hefði ég aldrei komist af stað aftur. Mæta bílum og hleypa fram hjá var heldur ekki sérlega auðvelt – úff púff enda fór ég bara snemma heim í dag og hef verið að vinna hér heima. Já og undirbúið mig andlega fyrir þennan spinning tíma ;-).

Annars er ég bara góð. Ægilega mikið að kenna og vera gáfuleg auk þess sem fæturnir á mér eru allir aðrir og ég finn ekki svona viðbjóðslega til í vöðvunum mínum eins og áður. Þannig að so far so gúdd.

Hvort það eru gigtarlyfin (sem þó klárlega virka á helv… ristarverkina það er klárt), magnesíumið, eða eitthvað breytt áætlun – nú eða allt þetta þá er ljóst að eitthvað er að gerast í átt að því að ég losni út úr þessari sturlun sem ég var föst í. Ég get bara sagt ykkur það að ég afber ekki að finna til – það bara gerir mig brjálaða. Hálsverkir í fyrra í marga mánuði og svo fótaverkirnir núna – úffiti púff.

MUNA: Ekki keyra mig inn í svo svæsna verki að ég veit ekki hvort ég er appelsína eða hneta.

Hér er ágæt grein um að við eigum að þykja vænt um líkamann okkar.

Fjögurra barna móðir fyrrum nemenda minna lést nú í vikunni – varla orðin fertug. Mikið er lífið ósanngjarnt. Ég hitti manninn hennar á fimmtudaginn var og spurði hvernig konan hefði það og fékk þá fréttirnar að stutt væri eftir. Og fjórum dögum síðar er hún dáin blessunin.

Elskuleg fjölskylda þarf að kljást við ósanngjörn úrlausnarefni. Þau eru ekki öll jafn kræsileg spilin sem við fáum að spila úr. En ótrúlegt er hve vörnin skilar miklu.

…og helgin þín!

Hvað tíminn líður hratt. Ég var að vinna í vefsíðumálum í dag og í gær – náði ansi góðu sambandi við mig þar. Komin á skrið verð ég að segja og vona. Þetta er náttúrulega áhugamennska og vitið ekki meira en guð gaf. Og klárt er að allt verkar tvímælis þá gert er.

Svo er náttúrulega búið að gera þessi venjulegu heimilisverk. Skúra, þvo þvotta – ganga frá jólaskrauti – ohyeah (það er nú svolítið afrek eins og er til af því hér í þessu húsi mínu ;-)).

Síðast en ekki sýst fór ég í sund bæði í gær og í dag og þó ekki væru teknir langir sprettir þá var nú samt verið að í 25 mínútur eða svo. Og það er töluvert betra en ekki neitt.

Hreyfing á morgun? Ekki gott að segja…..

Það er þó alveg víst að ég fer í sundleikfimi í fyrramálið – bolurinn og handklæðin komn á ofninn og taskan tilbúin.

Það er meiri spurning með spinningið… Ég held ég ákveði að fara í spinning á miðvikudögum þar til ég byrja aftur í blaki…

Mánudagur – sundleikfimi. Heim um 16:00. Bónus – 25 mín hjólasprettur eftir vinnu í Styrk eða úti eftir því hvernig veðrið og hálkumál standa. Hafa íþróttaföt tilbúin í bílnum – best að fara STRAX eftir vinnu.

Þriðjudagur – langur vinnudagur og engin hreyfing.

Miðvikudagur – sundleikfimi og spinning. Heim strax kl. 16

Fimmtudagur – langur vinnudagur og sund um kvöldið

Föstudagur – Sundleikfimi – stuttur vinnudagur. Hjólað í Styrk í 50 – 60 mínútur.

Laugardagur – hjólatúr hvort heldur er í Styrk eða úti (það fer að vora) – varaplan stuttur sundsprettur.

Sunnudagur – hvernig væri að fara í Styrk kl 10 að hjóla í smá morgunbrennslu (eða útihjól ef veðrið er gott??) slökun í lauginni og örstuttur sundsprettur.

Ekki veit ég hvernig þetta spilast og vísast er þetta nú eitthvað sérkennilega mikið eða lítið eða eitthvað….

Fór í sundleikfimi í morgun -búin að skrá mig í þrjá tíma á viku

Fór samt ekki að synda í 10 mín í lokin – get það líklega vel ef ég fer ekki pottinn…

Fór svo í Styrk því ég gat ekki hugsað mér að fara inn í helgina án þess. Hjólaði í 24 mín í fínum spretti og svo í Zetornum (sethjól ;-)) í 30. En ég fór ekkert að lyfta. Sjáum hvort það hefur auðveldað vöðvunum mínum svolítið.

Þarf að hugsa um stundaskrána mína í hreyfingunni svoldið lengur…. Þetta er svoldið flókið.

Þarf að sætta mig við að þurfa að breyta….

Allar buxur eru að verða of litlar á mig – ég hef fitnað svo. Fer svo á vigtina í dag og er 400 gr léttari en 2. janúar.

Ég held það sé bara ekkert að marka mig varðandi svona eitthvað ;-).

Ég er alveg að fara að verða rosa dugleg. Fyrst er bara að finna svolítið minna til í fótunum mínum. Það er á góðri leið.

fór ekki í blak í dag – oh my god.

Mánarðarfrí hófst sem sagt 10 janúar og stendur til 8. febrúar. Stefni á að vera orðin góð í fótunum þá!

Hjól og sund:

Ég á víst að koma mér í sundleikfimi 3 x í viku.

Spinning 1 x í viku – á morgnana ef það byrjar á næstunni – annars bara á kvöldin (þarf að safna í mig kjarki – það var ógeðslega erfitt síðast!)

Sund 2 – 3 sinnum í viku

hmmm svoldið mörg ef og kannski í þessu hjá mér…

Já og hjóla í Styrk 2o + mínútur… nokkrum sinnnum 2 sinnum…

Hmmm ég þarf að setja þetta upp í eitthvað kerfi dugir – ekki að hafa þetta svona laust í reipunum..

Gengur ekki að synda of mikið það fer víst bara í hálsinn á mér…

Fer svo ekki bara að rigna og ég út að hjóla ótt og títt…?

já og eitt enn:

Í fjölskylduferð. Pælið í því! Ég held ég sé farin í að safna flöskum á næturna ;-).

Nánar um það síðar. Kannski get ég sett mér einhver markmið þar að lútandi. Koma sér í gott form og umbuna sér með ferðinni – kannski að komast niður um eina stærði í buxum svo maður geti keypt sér eins og einar brækur. Amk kaupi ég mér Asics skó það er klárt.

Amk eitt par….

En ég fór nú ekki að synda í dag en í sundleikfimi á morgun.

Sigh…

Þetta er allt að koma