Author: ingveldureiriks

Ég sem tel mig andsk… ekkert vera að gera er gjörsamlega búin að vera. Helmingurinn af hausnum á mér er eins og deyfður – augnalokið gerir svona ekki meira en það að hýða mér og hausverkurinn eftir því. Held þetta sé vöðvabólga…

Búin að sitja við og ljúka við námsmatið – eins og mér finnst þetta skemmtilegt þá get ég verið ótrúlega lengi að koma mér að þessu.

Átakið – Inga er hætt að borða mat gengur vel. Hef einungis notað 8 línur í matardagbókinni minni í dag – og þar af er ein lína notuð í vatn en því miður slæddist nammi inn fyrir mínar varir í 400 hitaeininga-magni.

Ég er farin að fá stressköstin mín aftur – held ég sé að deyja úr þessu eða hinu á næturnar og ligg í dauðans angist yfir öllu saman. Róast svo þegar ég átta mig á því að það sé allt í lagi að deyja. Það sé ekki svo slæmt 😉 og sofna voða rótt þar til ég þarf að fara næst á klósettið!

Fór ekki út að labba í morgun því það rigndi svo mikið og ég er búin að vera svo mikið að vinna og lítið að sofa og ég svo aum í fótunum og ég ætlaði að hjóla í kvöld og bla bla bla bla. Ekkert nema afsakanir – meistari í þeim. Og flestar góðar.

Stefni á Styrk á morgun ef ég verð ekki örmagna sem ég á reyndar allt eins von á en þá hjóla ég líka seinni partinn þegar ég kem heim. Jamm.

Námsmat er líklega erfiðasti tíminn minn.

fyrir því að ég fer í Styrkj amm…

En sem sagt þar sem ég varð svona ægilega móðguð yfir því að fyrrum að verða sjúkraþjálfaranum mínum DYTTI í hug að ég nennti ekki almennt séð að vera í hreyfingu sendi ég harðort móðgunarbréf til hans og sagðist nú frekar hafa meint að mig vantaði upprifun á því HVERS VEGNA ég þyrfti að fara þangað þó ég nennti því ekki. Þeir sem sem sagt þekkja mig vita að ég geri eiginlega aldrei neitt sem ég nenni ekki. Og þar sem ég er farin að átta mig á því að flest það sem mér dettur í hug virkar ekki nema miðlungi vel eða ekki neitt (ja svona í sumu amk t.d. f1) þá er gott að kallast á við einhvern annan en ruglustampinn mann sjálfan.

Sem sagt fékk þá þessa punkta frá sjúkra:

Svoldið góðir punktar í þessari grein. (hlekkur) Rámar meira að segja í það hafa heyrt um sumt af þessu og jafnvel reynt það á eigin skinni.

Ég kaupi þetta nú alveg og fer því ægilega glöð í styrk á miðvikudaginn eftir foreldraviðtöl og svo aftur á föstudag, syngjandi sæl og glöð með lífið og tilveruna!

Annars er það að frétta að ég geng á hverjum morgni – hef ekki farið í styrk í viku, en hef hjólað heilmikið og mörgum sinnum á síðustu dögum. Náði hreyfimarkmiðum mínum tvöfalt í síðustu viku – líklega helst vegna þrekraunarinnar sem ég reyndi á föstudaginn.

Og enn eigið þið eftir að heyra söguna um ástina mína fyrstu og hvernig ég ,,fann“ hana á ný. Segi ykkur hana í góðu tómi. Svoldið fyndið

…eða Toppsport. Finn mér allar afsaknir í heiminum til að fara ekki og allar ótrúlega góðar. Námsmat er t.d. frábær afsökun. Þið megið alveg nota hana! Svínvirkar.

Sendi þá fyrrverandi sjúkraþjálfanum mínum beiðni um að rifja upp fyrir mér hví ég skyldi fara tvisvar í viku á þann stað (meinti þá náttúrulega auk annars sem ég geri af miklum móð í hreyfingunni). Fékk ég þá ekki frá mínum pistil um gildi hreyfingar! Varð mjög móðguð og efaðist um að mínum kæra fyrrum sjúkraþjálfari væri sérlega mikið um mig gefið ;-). Ja amk að hann treysti því alls ekki að ég entist í líkamsræktarlífsstílnum mínum! Fuss og svei varð mjög móðguð!

Læt nú punktana fylgja mér með ykkur og mér til upprifjunar ef einhver okkar – einhvern tímann skyldi nú efast! Og minn hafið heimildaskrá og allt með – líklega vegna þess að einhvern tímann heimtaði ég slíkt – fannst það vissara ;-).

Um gildi hreyfingar
Hvers vegna skyldi fólk hreyfa sig reglulega?

Er það ekki bara erfitt, tímafrekt og leiðinlegt
(nema rétt á sumrin)
eða hangir eitthvað annað á spýtunni?

12 atriði er varða fyrrgreindar spurningar
sem vert er að íhuga:

Reynslan hefur sýnt að reglubundin hreyfing skilar eftirfarandi árangri:

1. Hjartað dælir betur.
Hjartað vinnur betur og þarf ekki að slá eins oft til að dæla reglubundnum skammti af blóði um líkamann. Hætta á hjartasjúkdómum minnkar. Of hár blóðþrýstingur getur lagast.

2. Góða kólesterólið vex.
Við reglubundna hreyfingu myndast af “slæma” kólesterólinu LDL sem getur leitt til kransæðasjúkdóma en framleiðsla á hinu “góða” HDL kólesteróli eykst. “Góða” kólesterólið flytur það “slæma” úr blóðinu yfir til lifrarinnar þar sem það eyðist.

3. Líkamlegur kraftur eykst.
Úthald batnar við alla líkamlega vinnu þar sem púlsinn lækkar. Þú verður ekki eins þreyttur á daginn.

4. Þú verðr sterkari og liðugari.
Vöðvarnir stækka og verða sterkari við þjálfun. Þeir vernda liðina betur þannig að líkur á bakeymslum minnka. Hreyfigeta og jafnvægi batnar, þú stjórnar líkamanum betur.

5. Kynorkan styrkist.
Röskur göngutúr eða önnur góð hreyfing á hverjum degi gerir að verkum að líkur á getuleysi minnkar um helming.

6. Lífslíkur aukast.
Sá sem hreyfir sig reglulega eykur lífslíkur sínar. Lífsgæðin aukast og vellíðan eykst.

7. Þú verður frískari.
Líkaminn verður úthaldsbetri og jafnar sig fljótar ef hann verður fyrir skaða. Ónæmiskerfið batnar og líkur minnka á kvefi.

8. Líkur á beinbroti minnka.
Reglubundin hreyfing hefur þau áhrif á beinin að þau verða sterkari. Niðurbrot á beinvefnum minnkar sem dregur úr beinþynningu.

9. Andlega hliðin verður sterkari.
Rannsóknir sýna að sá sem æfir sig reglulega tvisvar til þrisvar í viku er í betra andlegra jafnvægi og líkur á stressálagi minnkar.

10. Þú yngist.
Ekki er hægt að breyta staðreyndum um líkamlegan aldur. Andlegur aldur lækkar aftur á móti með því að sinna líkamanum vel.

11. Líkaminn brennir meira.
Útlit líkamans batnar og hann nýtir sér betur alla næringu í fæðunni. Líkamsfita minnkar, sykurbrennsla eykst og líkur minnka á að sykursýki 2.

12. Svefninn batnar.
Göngutúr, sund eða hjólreiðar í hálftíma seinni part dagsins gerir það að verkum að fólk sefur betur og hvílist þannig betur fyrir komandi dag. Varst skal þó að þjálfa stíft á kvöldin því erfitt getur verið að ná sér niður.

Heimildaskrá

http://hlaup.malbein.net/blog/?page_id=291

Gengur vel þakka ykkur fyrir! Hef þó þurft að láta undan því að borða hádegismat, appelsínu og seríosdisk en annað hefur ekki inn fyrir mínar varir farið nema 1 kaffibolli og 1,5 l vatn. Og svo skal enn um sinn.

Grænmeti verður næsti fæðuflokkur sem fer inn fyrir mínar varir.

Smá setback – var að lesa að neysla engrar fæðu hægir á brennslu – svoldið leiðinlegt að heyra! verra þó að ég þarf að vera komin á Selfoss eftir nokkrar mínútur og ég eftir að gera allt þetta sem ég á eftir að gera!

Sigh- pigh og hallelúja er rokin.

P.s: Fann fyrstu árstína mína í sjönvarspfréttum í gær – mjög skemmtileg saga. Segi frá henni síðar – brosi að henni á heimleiðinni.

Hef komist að þéirri niðurstöðu að flest það sem ég tek mér fyrir hendur og hef skoðun á skilar litlu sem engu. Kimi klúðrar formúlunni, ég léttist ekki neitt, drasla endalaust til í kringum mig, nenni ekki að taka til í garðinum og gleymi svo snúrinni að videovélinni sem þó átti að vera lykillinn að helgarvinnunni!

Sem sagt algjör!

Mitt í þessu raunsæiskasti hef ég því ákveðið að hætta að éta. Jamm. Þetta er hvort sem er allt spurning um ákvörðun. Og ákvörðunin er sem sagt þessi. HÆTTA AÐ BORÐA.

Það held ég að hljóti að vera leikur einn miðað við hitt sem ég hef tekið mér fyrir hendur í mataræði. Þetta er svo miklu einfaldara. Borða bara ekki neitt.

Drekka vatn. Drekka svo meira vatn og eftir því sem örmögnunin nálgast, fá sér þá grænmeti. En það skal gjört í algjörri neyð.

Annað neyðarfæði verður skyr – er ekki til einhver svona skyrkúr? og svo ávextir. Að öðru leyti ætla ég að ganga út frá því að éta bara alls ekki neitt.

Drekka vatn!

Hið óumflýanlega mun þó gerast – matur fer inn fyrir mínar varir. En það verður hart barist á móti fæðuinntöku og henni frestað algjörlega út í hið endalausa.

Þetta á að skila einhvers konar meðvitund um það hvort ég sé að éta mér til dægrastyttingar eða jafnvel til þess að fresta því fjölmarga sem ég ætti að vera að gera – taka til – vinna í garðinu – sauma gardínur – já hvað sem er bara – nú eða hvort ég sé raunverulega glorsoltin.

Glorsoltin skal ég verða og kannski ég fái mér svona hnapp um hálsinn sem ég get þrýst í þann mund sem ég fell í yfirlið af hungri sulti og seyru. Ummmm það væri yndislegt. Og mér finnst danska eurovision lagið æði – og það er ekki bara af því þeir eru nágrannar og mér finnst það gott á Svía að hafa komist inn á dómaraatkvæðum og vera svo bara neðar en við! Og þó eru þeir líka nágrannar!

Og mér finnst russ-ÍA ekkert svo leiðinlegt lag.

…hvursu mörg eru eiginlega þessi -ía lönd? Úff! Fleiri en Danmörk og Noregur amk og á meðan svo er þá náum við ekki langt í þessari keppni! Við svona rétt slefuðum inn úr undankeppninni – vorum 8. inn – Svíþjóð og plastið þeirra var 10. Sigh…

En þetta var nú svo sem ekki sérlega gott lag – það var gert bókstaflega allt úr því sem hægt var og þessir flytjendur eru náttúrulega bara algjört æði. Þeim verður því ekki um kennt. Það gengur bara betur næst!

Ég er búin að borða vel af sælgæti þessa vikuna – jamm. Það svona bíður svoldið betri tíma að taka á því og að minnka matarskammtinn… Hann er óhóflega stór held ég. Borða oftar og minna í einu og bla bla bla – kann þetta allt. Geri þetta þegar námsmatið er búið. Og iss piss ég get alveg hætt að borða nammi sinkt og heilagt. Ég get eiginlega allt held ég eftir hjólatúrinn frá Ormsstöðum og ég hjólaði svo hratt svo ég héldi virðingu fisléttra og barnungra nemenda minna – vildi svona síður hægja mikið á þeim ;-). Ég tek hjólið með á Borg einu sinni í næstu viku og hjóla þetta aftur – það er alveg klárt og svo ætla ég að hjóla með Önnu Margréti einhvern morguninn í vinnuna. Það verður nú svei mér skemmtilegt.

Mér finnst frekar skemmtilegt að hjóla ég verð að segja það. Ekki er ég enn farin að taka fram golfkylurnar – verð að koma því að – en það er nú búið að vera svoldið mikið að gera undanfarið – og ég missi víst vitið í námsmati segja mér kunnigir…

Sigh…

Ég er smááááá þreytt á því að vera ég. Ég vildi að ég væri öðruvísi og gæti bara lést um 50 kíló á ári… já þó ekki væri nema 20. En það er víst ekki mín leið og því verð ég að vera glöð að þyngjast ekki – því það eru víst ekki margir sem halda því sem þeir hafa lést þegar þeir eru svona ægilega ægilega ægilega miklar fitubollur eins og ég… Reyna að horfa á björtu hliðarnar og vinna sig áfram með þær að vopni en ekki svipuna vondu – þú ert aumingi. Makalaust hvað mér finnst ég samt vera mikill auli, lin við sjálfa mig og svindlari af guðs náð.

En jamm Nokkur próf sem ég þarf að gera á morgun í enskunni og klippa eins og eina ART mynd frá nemendum mínum (Anger Replacement Thearapy). Sem sagt nóg að gera – og ég verð lengi í vinnunni á mánudag svo ekki fer ég í Styrk þá. Ég þarf að hafa tilbúin námsmatblöðin svo þau geti farið heim þann dag en obbinn fór nú heim í möppunni í gær. Svo er þetta nú bara að verða búið – vordagar á fimmtudag og föstudag, foreldradagur á miðvikudag, vorhátíð á mánudag, skólaslit á þriðjudag í næstu viku og svo 3 starfsdagar. Þeir fara í námskrárgerð, pakka niður drasli og rykverja það því það eru einhverjar framkvæmdir í skólanum í sumar vænti ég. Ég tek svo bara til í haust.

Ég þarf að muna að panta enskuefni…

En nú er ég hætt þessu masi! Góða nótt

Það er nú svei mér mikið að gera hjá minni. En nú fer þessu nú að verða lokið. Það eru alls konar ferðir, uppákomur og stúss í skólanum og við þetta bætist að maður er á kafi í námsmati.

En það er nánast alveg að verða búið.

Um helgina þarf ég að læra á hvernig maður kemur vitinu fyrir jvc digital myndavél sem vill ekki hafa filana sína einfalda og fyrir microsoft – en skítt með það 😉

Svo þarf ég að drekka í mig Eurovison – ég er svo FEGIN að við erum komin áfram að ég ætla ekki að segja ykkur það!

Ég fór í rosalegasta hjólreiðatúr sem ég hef farið í á ævinni held ég bara – það er sem sagt ekki alveg flatt Grímsnesið og það er nánast brekka frá Ormsstöðum að Borg – bara svo þið vitið það. Í 2 tíma var meðalpúls 130 – og það var með nokkrum stoppum og einni kaffipásu þannig að þið sjáið fyrir ykkur hvað konan hefur rembst – enda er ég farin í heita pottinn að dást að því hve ég sé dugleg og hreint ekki af baki dottin því ég er bara þrælgóð í löppunum og skrokknum og GET ÞETTA BARA VEL!

En hællinn er að hrekkja mig og líklega hásinin.

Blessi ykkur – Inga

…ég hef ýmislegt að gera skal ég segja ykkur. Er meira að segja að hugsa um að gera það…

þegar ég nenni…

ef til vill.

En mín hjólaði ógó mikið í gær – því henni tókst að bíða af sér styrkferðina 😉 – það kom sko svoldið uppá! Satt! Ef maður hjólar í 50 mínútur þá er maður búinn að hjóla um ALLT Selfoss og nærsveitir. Þannig að næst þegar ég þarf að brenna miklu þá bara fer ég í langan túr eitthvað út í buskann – það er bara svolítið takmarkandi þegar maður þorir ekki yfir brúnna, þorir ekki Eyrabakkaveginn vegna umferðar og rokið í Hraungerðishreppnum er nú ekki skemmtilegt. En ég er svo sem ekki búin að fá leið á Votmúlahringnum enn. Hann stendur alltaf fyrir sínu ;-).

…já og eitt dönskupróf!

Það er náttúrulega með algjörum ólíkindum að fólki skuli yfirleitt detta það í hug að láta mig kenna dönsku. En vonandi hafa krakkarnir lært eitthvað eins og ég… Það kemur svo vonandi betri kennari næsta vetur. Úff. En mín er sem sagt að búa til dönskupróf. Þetta er náttúrulega ekki normalt. En skítt með það.

Hvað svo sem má segja um bloggara þennan sem hér ritar þá hefur hann borðað grænmeti þessa helgi – að vísu með 200 kal af ídýfu, eitthvað af sósu og salti en það hefur áreiðanlega farið 1500 gr af grænmeti niður minn háls og ofaní maga þessa helgina. Enda var það markmiðið – sama hversu vitleysisleg ég verð í mataræði, sykuráti og vitleysu þá SKAL ég éta grænmetii 600 gr á dag hið minnsta. Mér er það engin vorkunn.

ÉG var að lesa Óreiðu á striga – sigh hvað þetta er góð bók. Ég hlakka mjög mikið til að lesa Karitas aftur og svo aftur Óreiðuna. Jamm þetta eru held ég bara næstum bestu bækur sem ég hef lesið.

Ég hvíldi mig svo mikið í gær að ég varð held ég hálf lasin af því! Og svo horfði ég á einhverja glæpó mynd á RUV í gærkveldi og nótt – Eiturlyf held ég hún hafi heitið – OMG hún var rosaleg. Úff…

Annars held ég að mér hafi kannski ekki veitt af hvíldinni fyrst ég var svona góð í henni… Svoldið þreytt í fótunum eftir firna merkilega sportiðdkun liðinnar viku ;-). Styrk (bara einu sinni samt – verður tvisvar í næstu viku – það er klárt – hefur nú reyndar oftar verið þannig en á hinn veginn síðan ég kom frá usa). Göngur fimm sinnum í vikunni, hjólreiðar – víhíkomin með hjólið mitt – geðveikt. Ég finn svo sem alveg fyrir því að hafa hjólað enda þarf ég að hafa sem mestu mótspyrnu í gírunum og hjóla sem allra mest á móti vindi – það er ekkert hægt að taka þetta neitt rólega – nei það verður að kremja alla orku útúr kálf og lærvöðvum. Annað er náttúrulega bara prump- Ingveldur mín prófaðu að fara stundum aðeins léttari leið.

Eftir því sem stressið eykst og vinnuálagið þá verður hálsinn kýttari, herðarnar harðari og hausverkunn gerir vart við sig. Ibufenið tekið upp…

Enn sleppur þetta nú til – ekki orðin nógu slæm til að eignast sjúkraþjálfara upp á nýtt.

Mikið sakna ég þess nú samt að eiga ekki minn eiginn sjúkraþjálfara. Svoldið leiðinlegt að vera orðin svona hraust upp á það að gera ;-).

Annars var ég að hugsa um það í sundlauginni áðan þar sem ég færði mig á milli heitu pottanna að ég væri nú bara næstum alveg óhölt – kannski að hvíldin hafi raunverulega skipt máli ;-). Ja það væri það – enda eins gott að vera að í standi, hjólatúr, fjallganga og fótboltaleikur framunan í skólanum.

Ég held ég láti nú fjallgönguna vera… verð að fara svoleiðis í góðu tómi bara!

Ragnheiður mín og Jósep komu í heimsókn áðan – Palli eldaði ótrúlega fínan mat fyrir þau og okkur Aðalstein og við drukkum meira að segja malt og appelsín – og þá er nú hátíð í bæ! Litla grjónið mitt ósköp sem ég sakna hennar, hún svona langt í burtu alltaf hreint.

Ég veit nú ekki hvort þið kannist við það – en stundum nær maður sér alveg á strik í því að hugsa gáfulega og selja sjálfum sér þessar brilliant hugmyndir. En maður veit samt einhvers staðar að eitthvað er bogið við málatilbúnaðinn ;-). Ég ætla að deila með ykkur pælingunum mínum um Styrk en eins og þið vitið þá á ég svoldið bágt vegna breytinga í Toppsport – i. Engir að þjálfa með mér af skjólstæðingum sjúkraþjálfaranna – enginn til að brosa til eða bjóða góðan daginn. Ja nema hún Sigrún á Bíldsfelli hefur aðeins litið við um svipað leiti og ég – guði sé lof fyrir hana.

En sem sagt eiginlega alltaf alveg alein nema kannski með sveittum körlum sem grýta lyftingagræjum í gólfið með miklu skralli og tilheyrandi karlabauli. Stundum kemst ég ekki einu sinni í lóðin fyrir karlastóði – já og svo er eiginlega ekki hægt að ganga á milli tækjanna því einhverjir lyftingabekkir og hvað þetta heitir þetta lóðadót færist alltaf nær og nær tækjunum ,,mínum“ Þetta er sem sagt orðin svolítil karlastöð. Sigh

Nú jæja við þetta allt saman bætist að ég svo sem nenni ekkert sérstaklega að lyfta. Finnst ég aum og léleg, og fæ ekki mikið út úr því.

Ég ætti kannski bara að hvíla mig svolítið á því – kannski bara orðin þreytt á því. hef nú samt ekki lyft minna en ég geri núna síðustu tvö árin – stundum fer ég ekki nema einu sinni í viku í styrk allt í einu og skyndilega því ég hef svo óskaplega mikið að gera. Það er einhvern vegin nauðveldara að sannfæra mig um að ég hafi ekki tíma til að fara núna en fyrrum…

Það er líka bara gott að labba 5 sinnum í viku og hjóla svolítið – það þjálfar nú aldeilis fótavöðvana – og svo fer ég nú í golf og þá fær nú efri hluti líkamans aldeilis æfinguna…. Það væri bara fínt að byrja að lyft í haust – ekkert gaman að hanga inni í stöðinni í sumar, maður er líka svo mikið á ferðalögum og allt hvað eina. það er nú svo sem ekki alveg víst hvað verður um morgungöngurnar þegar ég fer í sumarfrí og ekki er ég nú byrjuð í golfinu – og ekki þjálfar hjólið efri partinn. Í raun veitir mér ekkert af því áð styrkja mig og hafa einhverja vöðvadruslur innan um alla þessa fljótandi fitu sem liggur utan á mér. Og víst gera þeir gagn við að halda mér uppi yfirleitt.

Á föstudaginn fór ég svo og mátaði þetta við svona ýmsa í vinnunni. Ekki get ég nú sagt að þessar ,,fínu“ hugmyndir mínar hafi slegið í gegn… Neibb. En ég var nú svoldið að hugsa um halda þessu til streitu og nenna alls ekki í Styrk (vitandi að hvergi annars staðar ætti ég þó að vera). Ég ákvað því að drepa tímann með því að líta til þeirra í Mætti. Huhummm Baldri fannst þetta sem sagt ekki sérlega góð hugmynd og nennti nú eiginlega ekkert að hlusta á rökin mín – enda frekar lek… tæp jafnvel.

Ég sem sagt verð að halda áfram í þessum Styrk…

Af fúsum og frjálsum vilja