Author: ingveldureiriks

Uncategorized

Magapína …yfir æðruleysi og auðmýkt ;-)

Það er svo langt síðan ég hef fengið almennilega magapínu en nú hef ég fengið tvær slíkar á bara svona eins og hálfum mánuði eða svo. Núna er ég hreinlega að drepast í maganum. Áreiðanlega vegna allrar hollostunnar sem ég hef etið undanfarið, skorti á sykri og óþverra. Ég bind þó ákveðnar vonir við að þetta létti kílóafjöldanum á fætur mínar ;-). Það er svo margt gott við svona magapínur.

Ég hugsa það sé tilhugsunin um æðruleysi og …. já auðmýkt sem valdi mér þessari magapínu. Hvaðan fékk ég líka þessa hugmynd. Líklega frá 12 spora kerfinu og oa – sem ég held ég verði að hætta að tala um því að gilda einhverjar nafnleyndar reglur þar og ég veit ekki hvort ég má yfirhöfuð vera að tala um oa – en ég má segja að ég fari á oa fundi… það yrði nú svolítið leiðinlegt fyrir mig ef ég mætti ekki segja frá því sem tengdist starfinu innra með mér vegna þessa(leiðinlegt fyrir mig þeas). En hvað um það ég get sem sagt hætt að tala um oa og haldið bara áfram að tala um lífsstílsbreytinguna mína :-).

Annars var ég að lesa blogg frá konu sem hætti að blogga því henni fanst hún festast í þráhyggjuhugsunum þegar hún bloggaði – jamm – það er klárlega hægt. Ég er farin að átta mig á að ég fæ stundum hluti á heilann og fabulera svo út í rauðan dauðann um þá – mér til hins mesta böls. Ég held samt að sjúkraþjálfarinn minn blessaður hafi lent verr í því en þið hér á blogginu. En hann var nógu snjall til þess að cutta á það áður við urðum bæði galin ;-).

Auðmýkt er að vera líttillátur – en svo þarf ég að gá að hvað fleira felstí orðinu …. eftirlátur og hlýðinn. Úff… ég meina á maður að vera eftirlátur og hlýðinn? Svarið er já stundum – þegar maður er að vinna með þeim sem maður treystir og veit að gerir manni gott en þá þarf að vera til traust og vitið þið af hvaða orðið trú er dregin? Trausti. There you are. Trúa og treysta á æðri mátt.

Hvað var nú aftur hitt sem ég átti að æfa… Sigh svei mér erfitt…. já alveg rétt æðruleysið. Óttast eigi – það kannski kemur þegar traustið kemur… ekki vera kvíðinn. Enga hörumungarhyggju líklega. Hún er klárlega ekki með í þessum breytingapakka sem ég er að kíkja í. Neibb.

Sykurfráhald gengur afbragðsvel. Mataræði gengur líka vel. Það er ekki mikil brekka í því að vera Ingveldur í lífsstílsbreytingunni hvað það varðar. Hvað það var sem gerðist – ja það veit ég ekki en ég er að reyna að sleppa stjórnunarþörfinni, samviskubitinu og sjálfsásökunum um að vera aldrei nógu góð og ég geri allt meira og minna vitlaust. Ef ég svo geri vitlaust þá þarf æðruleysi og auðmýkt til að breyta því í þann farveg sem er talinn réttari þá stundina. Jamm.

Ég held mér veiti ekkert af svona smá námskeiði í æðruleysi og auðmýkt. Gæti vel borið meira af því í mínum kistlum.

Í dag verður allt í miklum rólegheitum. Ég jafna mig í maganum. Tek svolítið til og horfi vísast á Friends. Kveiki á kertum úti á palli í kvöld og horfi inn á við og leita æðruleysis og já jafnvel einhverrar auðmýktar líka. Víhí og ég þurfti ekki að gá að orðunum yfir þetta í þetta sinn – ég læri þetta á endanum – amk hugtökin þó inntakið taki lengri tíma ;-).

Such a Princess heitir skór dagsins og ég hugsa að margir geti tekið undir það að ég hef vissulega ákveðna prinsessutendensa…

Uncategorized

Ætli ég eigi auðveldara með æðruleysið?

Love and Cherish

Auðmýktin er næstum alveg glötuð mér í nánustu framtíð enda man ég ekki orðið stundinni lengur…

Sjáum hvort ég komi til með að eiga betra með æðruleysið:

Æðruleysi – það að vera æðrulaus

Æðrulaus – óttalaus, óhræddur, ókvíðinn.

Ja hérna – æðrist eigi…

Ég held kannski að það sé ekki alveg jafn vonlaust að ég nái þessu – fyrir utan svona eins og lofthræðslu, töluverða hörmungarhyggju, pínu morgunkvíða já og ýmsa flækjustuðla.

Jamm ég held ég þurfi að finna mér minn æðri mátt. Hann getur verið hvað sem er, Guð væri fínt, sponsor í oa kerfinu, Baldur var það – hann leiddi mig áfram fyrstu skrefin, einkaþjálfari gæti orðið það…. Bara ekki ég sjálf.

Ég held ég þurfi að fara að slaka á…

Vera …. oh hvað var orðið aftur, AUÐMÝKT INGVELDUR get it into your head!

Sem sagt vera auðmjúk og æðrulaus. Jamm

Yeah right! En látum eigi hugfallast fyrri hlutann þekkjum við flest en sá síðari hefur ekki hljómað eins oft í mínum eyrum enda er alltaf ákveðinn ótti eða feimni við að nefna Guð og hans einkason oft á nafn – fólk verður svolítið berskjaldað gagnvart okkur hinum vantrúuðu… Eða hvað það er sem ég er – amk er ég ekki virk í trúnni þó ég fari nú með faðir vorið nokkuð reglulega…

Guð – gef mér æðruleysi til að sætta mig við það sem ég fæ ekki breytt,
kjark til að breyta því sem ég get breytt
og visku til að greina þar á milli.

Að lifa einn dag í einu,njóta hvers andartaks fyrir sig,
viðurkenna mótlæti sem friðarveg,
með því að taka syndugum heimi eins og hann er,
eins og Jesús gerði en ekki eins og ég vil hafa hann
og treysta því að þú munir færa allt á réttan veg
ef ég gef mig undir vilja þinn
svo að ég megi vera hæfilega hamingjusamur í þessu lífi
og yfirmáta hamingjusamur með þér
þegar að eilífðinni kemur.

Amen
Reinhold Niebuhr

Uncategorized

Snjall lesandi!

Einhver leitaði að Baldur Bjartur Hamilton hjá honum Googla vini okkar – og viti menn allt menn sem svo sem koma með einum eða öðrum hætti að mínu lífi ;-). Fyrr eða nú- mismikið og vissulega með mjög mismundandi hætti.

En ég reikna með að þessi hafi verið að leita að mér og dottið þessi þrjú nöfn í hug ha ha ha – nú eða þetta hafi bara verið tilviljun og hann eða hún litið inn hjá mér.

Það er svo margt sniðugt í þessari veröld!

Uncategorized

Hvunndagurinn

Sabrina er skór dagsins.

Alskýjaður himinn, miðvikdudagur, verkefnin eru næg en einhvern veginn er getan til þess að framkvæma þau engin…

Mér leiðast húsverk. Ég er meira að segja komin með svolitla leið á þvotti sem hefur nú verið mitt helsta yndi í þeim pakka fram að þessu … og ég á eftir að búa um rúmin sem hefur nú eiginlega verið skylda mín áður en full meðvitund hefur náðst.

Vegna misskilnings fór ég ekki á oa fundi í gær og ég hélt ég kæmist í kvöld en þá er ég búin að lofa mér í annað verkefni sem ég nenni ekki heldur að gera. Hverning er hægt að vera svona neikvæð og löt þegar maður vaknar? Kannski af því ég sef of lengi frameftir. Hrmpf!

En það er ekki um annað að gera en taka til, þurrka af borðum, ryksuga, setja í þvottavél og hvað þetta heitir allt saman – já og gera þetta leiðinlega sem ég veit ég verð að gera og því fyrr sem ég geri það því betra.

Og svo þarf ég að fara til tannlæknis og því þori ég ALLS ekki….

Ykkar Inga sem er ENGIN hvunndagshetja

Uncategorized

Allt í Goody :-)

Goody Two Shoes er skór dagsins.
Er ekki bara allt í gúddí – það liggur við þó heimilislífið gangi nú svona upp og ofan og satt að segja svoldið mikið ofan – en hún Ingveldur fer nú að verða sjóuð í því.
Í dag er mikill rólegheitadagur – sykurfráhaldið gengur afbragðsvel og ekki snerti ég coke light – sem ég er viss um að á sinn þátt í því að það gengur þó þetta vel.
Merkilegt hvað þetta getur legið marflatt fyrir manni á stundum og svo er maður í tómu tjóni í annan tíma. Flækjustuðullinn óbærilega hár og þungur. En svo bara einföld bein lína í annan tima. Gjörsamlega stórmerkilegt.
Í dag er það fundur í bænum, letilíf og mataræði, reyna að verða ekki vitlaus yfir öllum lausu þráðunum sem hanga allt í kringum mig!
Ég fór í fínan hjólatúr í gær í nýrri regnslá sem snillingurinn hún dóttir mín gaf mér og hennar kærasti. Hún liggur yfir stýrkið og lærin þannig að í regni haldast þau þurr – í meira lagi þægilegt – eina sem er e.t.v. vandamálið er þegar ég er með bakpoka eða körfuna það aflagar svolítið seglið ;-). Kemur í ljós. Ég hlakka mjög til að nota hana í mikilli rigningu því ég er ekki alveg komin í regnbuxnastærðina og satt að segja held ég það taki mig einhver árþúsund að komast þangað með sama áframhaldi. Málið er hins vegar að núna ætla ég að takast á við að það æðruleysi og …einhverju öðru sem er mér greinilega ekki alveg orðið eiginlegt …. hmmmm hvert var nú aftur orðið?! já það er þarna þetta að vera undirgefin eða sko ekki stjórnsöm (er nema von að ég þekki ekki orðið ;-)) – ………. ……….. ……….. ……… Auðmýkt – það var orðið!
Auðmýkt gagnvart mínum æðra mætti – sem ég á svolítið eftir að finna en er viss um að það verður hann Guð karlinn ;-).
Hafið það gott í hörmungum hvunndagsins sem peningamálastefna þessa lands hefur ánafnað okkur í arf síðustu ára.
Jammm
Uncategorized

Munið þið þegar

…það rigndi kannski heilu og hálfu sumrin og það var kannski einn og einn sæmilegur dagur inn á milli – og veröldin fékk á sig nýjan blæ? Nú er bara alltaf blíða – nema hvað spáin segir að það eigi eftir að rigna í heila vikur héðan í frá!!! Bregður nú nýrra við!

Það er eins gott að vera í stígvélunum hennar Helenar með öllum lykkugripunum (Helen’s Charms heitir skór dagsins) svo maður blotni ekki í tærnar – já eða missi þetta í rigningu fram að jólum.

Annars er svo bara almennt að halda haus og reyna að koma auga á lausnir en ekki bara vandamál. Það væri mjög ákjósanlegt.
Uncategorized

Hamgragarðar og sykurfráhald

Girls gone styled – er skór dagsins.
Enda er ég svo mikil pæja þegar ég stússast ein í því að taka saman – annars var ég nú ekki ein í því – þar sem Þórunn vina mín var með en af einhverjum undarlegum ástæðum komst Páll hjá því að vera á staðnum ;-). Merkilegt. Híhí.
Var sem sagt á Hamragörðum um helgina í alveg frábæru veðri og hafði það mjög gott.
Sykurfráhald gekk MJÖG vel nema hvað ég fékk mér hálfan kakóbolla í gærkveldi – ætli það teljist ekki sem svindl: Ég skilgreini samt sykurinn sem sælgæti, sætt kex, kökur og slíkt. Finnst nú ekkert varið í kakó hvort sem er.
Annað efni sem ég vil ekki neyta er coke light – þegar ég drekk það þá vil ég fá eitthvað sætt.
Annað markmið hef ég svo sem ekki – bara að halda mig frá light og sykri í hans svæsnustu mynd. Og það gekk vel um helgina sem og mataræðið í heild sinni. Það er þakkarvert. Maður á að muna eftir því sem er gott og tekst.
En ég finn að mig langar að eta stanslaust þegar ég kem heim – það þarf að halda í við sig í þeim efnum. Passa að drekka vatn og borða eitthvað sem maður má borða. Jamm ekki flókið 😉
En ég virðist vera á sæmilega beinni braut í augnablikinu varðandi mataræðið. Hreyfingin er ekki sérlega skipulögð en allnokkur – fór t.d. í gönguna miklu á fimmtudaginn, tjaldaði vagninum á föstudaginn, för í göngu í gær og tók vagninn saman í dag. Það þýðir hjólatúr á morgun ;-). Nú eða kannski sund. Mig langar að synda það er ósköp ljúft og gott.
….og ég hugsa að ég fari ekki endilega margar útilegur í viðbót – nú þarf að huga að því að undirbúa húsið fyrir veturinn og svoleiðis nokkuð. Já og ég verð að finna út úr því hvort ég ætti að gera eitthvað í kennó á haustönn eða nota tímann til að undirbúa og ljúka því sem er í farvatninu. Jamm margt að hugsa….
Uncategorized

Mosfell í annað sinn

…eða í öðru veldi jafnvel ;-). Hún Þórunn hringdi í mig í morgun og bamm sagði mér að koma með sér á Mosfell. Ahhh svoldið erfitt svona með stýrur í augunum en ég hafði mig af stað með Bjart minn í eftirdragi.

Við fórum upp Bótarskarðið og niður ætluðum við hjá Dúddu á Seli eða Hakaskarðið en við vorum nú heldur sunnar en það og lentum ekki alveg á réttum stað og fórum nokkurt klöngur 😉 híhíhí. En þetta var 4 tíma ganga þvers og kruss yfir Mosfell svossum ekkert strembið þannig lagað. Virkilega skemmtilegt.

Ég er að hugsa um að fara í sykurfráhald. Klárt ekki satt 🙂

Sjáum til.

Kveðja Inga fjallakiðlingur
Uncategorized

Oh yeah garðurinn massaður


…ja eða þannig sko. Mér líður amk eins og nafn skósins í dag – Swept Away. Sko einu sinni fannst mér nú gaman að því að rækta garð – var nú ekki sérlega stórvirk í því en gerði það þó… Hef alltaf átt í basli með að eiga sláttuvél samt af einhverjum sérkennilegum ástæðum. Mamma og Ási voru náttúrulega með snilldargarð hér í Heimahaganum – skynsamlegan og fínan. Ekkert of mikið…

En Inga litla hefur nú alveg látið þennan litla garð fara í hundana og í sumar hefur mest verið um það að moka upp úr beðum grasi, njóla og arfa alls kyns. Beðið út við götu hefur verið sérlega erfitt.

En í dag var sá stóri dagur að Ingveldur mokaði upp úr sínum háu safnkössum 4 hlössum af eðal mold heimagerðri í beðið og nú er það svona ægilega fínt og verður enn fínna þegar við verðum búin að raða hellum þannig að moldin leki ekki öll úr því út á götu. Það er hreinlega allt annað að sjá heim Heimahagann eftir að þetta kláraðist að mestu. Aumingja nágrannarnir að þurfa að þola þetta ráðslag en sem sagt svona er þetta nú – allt hefur þetta sinn tíma. Nú..

Svo potaði ég niður stjúpum og hádegisblómum tilviljakennt og ekki nema hæfilega fallega – en niður fór það og nú get ég horft á það þegar ég fer á pallinn minn að drekka kaffisopa :-). Það verður að segjast eins og er að garðurinn hefur hvílt á mér eins og mara og vissulega er mikið eftir enn – en það er samt á góðum rekspöl. Þrjú ár hef ég ekkert gert í þessu og þetta hefur allt verið í vooða og vitleysu. Næsta vor verður þetta miklu einfaldara.

Nú þarf ég ,,bara“ að fá trjáklippur lánaðar til að massa viðjuna hér í garðinum svo þetta líti nú enn betur út og svo þarf fíflabardaga a la extreme einhvern tímann á flatirnar sem eru vel að merkja að skrælna held ég…

Nú í morgun fór ég í fullt af fyrirtækjum að biðja um vinninga fyrir tombóluna og það gekk mjög vel og mér var alls staðar vel tekið. Þannig að ég stóð mig bara vel í markmiðum dagsins og mataræði stóráfallalaust og æðruleysi og auðmýkt æfð nokkuð.

Ég fór í heimsókn í Eyvík í kvöld – laaaaaangt síðan ég hef komið þangað maður minn! Í gærkveldi eftir fundinn í bænum fór ég til Hlífar og Tómasar og átti þar yndislega stund sömuleiðs þannig að ég er bara á góðu róli.

Ég hef lést um 30 kíló og auðvitað get ég haldið áfram að léttast. Hætta bara að erfiða svona mikið og láta hlutina koma eðlilega. Öðlast einhverja sálarró. – Með því að temja mér æðruleysi og auðmýkt ;-).