Author: ingveldureiriks

Það er ekkert annað!

en ég er búin að fatta ÞETTA!

Hvorki meira né minna!

Ég hef verið í afneitun!

Ég þarf að horfast í augu við það að ég borða of MIKIÐ! 



Jamm – svoldið mikið fatt.

Er svona frekar búin að halda að það hafi verið einhverjar sérkennilegar ástæður fyrir því að ég bara held áfram að vera sú fitubolla sem ég er!

En nú verður sem sagt tekið á mataræðinu af sama krafti og skipulagi og hreyfingunni. 

 Polli sér um að telja hreyfingarmegin. 

 

Nú verð ég með vigt við hliðina á matardisknum dag hvern og oft á dag!

Inga the master of denial!

Skrifað þann 22. sept. þegar fattið var næstum orðið hinum nýja sannleika lífs míns.

Jæja dagur 3 að kveldi kominn.

Þetta gengur svona líka vel nema hvað ég var svo ótrúlega svöng í morgun að ég fékk mér allbran kex eða hvað það heitir – og 2 ostsneiðar. Hefði viljað láta ávöxt duga. En þá er ég búin að borða þá nokkra í dag. Held reyndar að þeir séu orðnir 4… amk ef maður telur banana sem einn.

Mér gengur ekki vel með matrdagbókina – það er svo ótrúlega mikið að gera og hún er einhvern veginn aldrei þar sem ég er. En ég reyni nú að halda þessu vakandi – og það er auðvelt að skrifa það sem ég hef borðað síðan á mánudag – það er svo lítið ;-).

Það er klikkað að gera hjá manni, kennaraþing (matur), stærðfræðinámstefna (matur) og allt þetta sem ég þarf að gera þýðir að það er afskaplega lítill tími til þess að stunda líkamsrækt. Ég held t.d. að það sé ekki blak hjá mér á morgun og ekki syndi ég á föstudaginn. Svo inn á milli funda og þessa alls þá þarf ég að lita á mér augabrúnirnar og hárið! Já og fara í sjúkraþjálfun. Ég hef eiginlega bara engan tíma í þetta. Líklega ætti ég að afpanta tímann í sjúkraþjálfun á föstudag…. varla að ég tími því samt.

Jæja þá er það saltfiskur, rófur og grænmeti. Þetta er bara í lagi ;-).

Ég fór með vigtina – matar þeas í skólann í dag og vigtaði matinn. Það sem ég hélt að væri 300 gr af grænmeti voru 200.

Nú þar sem polli telur kaloríurnar sem fara út er það vigtin sem telur grömmin sem fer inn (þarf að finna nafn á hana!). Nú er ég hætt öllu kjaftæði – ég held það sé fullreynt að ég nái að breyta náttúrulögmálum. Ég borða of mikið – ég hreyfi mig nóg og virðist vera búin að finna fínan takt í því nema ég á erfitt með þriðjudagshreyfinguna. Ég fór t.d. heim í dag um 15 og var komin heim um hálf fjögur og þvílíkur munur að vera komin heim þá – en ekki klukkan átta! Ég er eiginlega aldrei komin heim á skikkanlegum tíma – maður verður geðveikur á þessu!

En sem sagt. Nú stendur nakinn sannleikurinn fyrir framan mig. Maður má bara ekkert borða :-).

Ég lagði á mig heilu fjallgarðana þegar ég byrjaði að æfa – og því get ég það og mun gera varðandi mataræðið. Ég hef breytt svo miklu – borða reglulega. Borða hollari mat, borða ekki á kvöldin, ekki nammi, ekkert sætt og svo framvegis og framvegis (ja nema svona á vondu dögunum ;-)).

Það þarf smá einbeitni til að neita sér um mat svona næstum alltaf þegar manni dettur hann í hug. Og ég ætla að gera það – Gengur svona svaka vel í dag.

Og Sigurlín og Hrafnkell fæddist stúlka í gær – hvað ætli sé að frétta af Ástu Björk?

Iss þú ert bara að skáka í einhverju skálkaskjóli!

Hreyfingarskálkaskjóli!

Nú þarf að horfa á staðreyndirnar.

Nú skal sem sagt hugsað um mat.

Það þarf sem sagt að leggja sömu áherslu á hann og hreyfinguna því – það skilar 80%.

Jamm nú er tími til að vakna Ingveldur mín.

Your 15 min of fame are over híhíhí

Sem sagt – nú þarf að æfa réttu hugsunina.

Þylja einhvers konar möntrur.

Over and out

Ég er sem sagt búin að fatta eitt og annað. Ég þarf að hætta að slá um mig með hreyfingu. Hún er svo sem ekki neitt neitt, nema mataræðið sé í lagi líka. Þeas tekið af sömu einbeitingu og hreyfingin.

Nokkrir punktar sem þarf að GERA:

• Minnka matarskammtinn – hafa vigt við hendina hreinlega – líka í skólanum.
• Borað fyrr á kvöldin
• Ekki borða nammi – stendur vel um þessar mundir, komnar fjórar vikur.
• Ekki borða smjör – komnir nokkir dagar
• Taka brauð út sem allra allra mest.
• Taka húðina af kjúklingnum
• Ekki borða djúpsteiktan mat

Svo náttúrulega allt þetta sem ég geri – borða hollt, reglulega og grænmeti – það er nú allt saman inni. Nú þarf ég að fara að léttast á ný – og ég finn að ég geri það sem þarf til þess.

Over and out

Er það ekki það sem mig hefur alltaf langað til þess að vera!

Haldið þið ekki að ég hafi synt – þó ekki væri nema 200 metra eftir blakæfingu upp á 2200 kal – ójá góan mín.

Og ég get gengið. Vonandi eitthvað áfram.

Vondu fréttirnar eru að ég borðaði franskar. Ég þarf sem sagt að ákveða að borða ekki franskar. ÉG er búin að ákveða að borða ekki sykur og smjör. Sykurinn hefur haldið í næstum mánuð og smjörið 2 daga. Híhí!

?????

Ég er alveg að verða búin að selja mér að blaðburðurinn sé næg líkamsrækt.

Hvað ætli maður þurfi að vera í sundi 2 – 3 sinnum í viku í viðbót eða fara í ræktina?

Hef grun um að ég sé betri sölumaður en mér sé hollt.

Sofa, vakna, bera út blöð, vinna, borða, vinna, borða, sofa.

That’s life!

…hann vinnur bara næst!

Ég er ekkert klikkuð þó ég sé búin að eyða 2 klukkutímum eða guð má vita hvað á Facebook – hva ég bakaði á meðan – eða amk brauðvélin híhí.

Svo er ég búin að kveikja á kerti og koma mér í smá vinnugír – þá verður morgundagurinn svo miklu auðveldari það er alveg klárt.

Já og ég veit bara ekkert hvað Aðalsteinn minn er – hann er kannski bara á Húsavík á kvennafari :D. Híhí Held það geti meira en verið.

Jæja – hvíldardagur í dag -gengur bara vel með það. ætti að hjóla í 20 mín á eftir og fá smá blóðrennsli í fæturnar – en fyrst af öllu ætti ég að gera stöðvaspjöld fyrir morgundaginn.

Ég hugsa stundum svolítið. Mér finnst reyndar það vera að aukast – og afköstin minnka í samræmi við magn hugsananna. Um gæðin á hvoru um sig veit ég ekki. En dembum nokkrum hugsanablöðrum fram:

Verkfall ljósmæðra – hvað er málið afhverju er ekki bara greidd laun jafnt samkvæmt menntun – varla er hægt að tala um skort á ábyrgð hér?

Trúnaðarmaður – trúnaðarmaður á vinnustað getur spilað stórt hlutverk og ætti að gera það. Ég hef hagað mér í viku sem trúnaðarmaður. Ég held ég fari batnandi – það var gott að fara á trúnaðarmannanámskeiðið. Það var heldur ekkert svo leiðinlegt!

Blaðburðarhverfið mitt er eins og sérsniðið fyrir okkur Palla – mjög þægilegt hverfi og ég vona að ég geti borið út í vetur!

Það er frábært að vera byrjuð í sjúkraþjálfun á nýjan leik.

Mér líður betur í fótunum eftir að hafa synt eða hjólað.

Ég er að hugsa um að hætta í blakinu… en það þætti mér mjög leiðinlegt!

Ég er næstum ákveðin að hætta við að fara í bæinn á þriðjudögum og reyna ,,bara“ að vinna heimavinnuna mína ein og óstudd og kannski með sjúkraþjálfaranum.

Ég hef sótt um á Reykjalundi – ég veit ekki hvenær kemur svar þaðan eða í hvaða formi sú vist verður – ef hún verður. Skyldi ég bara enda í magaaðgerð?

Ég er með 10 atriða lista yfir verkefni sem ég ætti að vera að vinna en blogga bara í staðinn!

Ég elska kertaljós og það loga ekki færri en tvö kerti hér hjá mér núna í rigningarsuddanum.

Ég er konan sem trúi því að Kimi Räikkönen vinni á Monza á morgun.

Ég trúi því ekki að ég geti losnað við 40 kíló.

Ég þarf að æfa mig í því að segja og hugsa:

Ég er konan sem hefur losnað við 70 kíló með hreyfingu og breyttum lífsstíl
Ég er konan sem fer í sund með alla húðpokana sína og er bara stolt af því að þeir eru tómir en ekki fullir af fitu. Minnisvarði um dugnaðinn sem í mér býr.
Ég er konan sem borða ekki sælgæti, held mig frá öðrum sykri, drekk ekki coke light og nota hveiti í hófi.

Ég er þannig kona. Ég er nefnilega ekki bara kennari. Ég er fullt annað gott líka :-).

Jamm þetta þarf að æfa vel og lengi.

En nú er ég farin að vinna – tölvan búin að synca og gera fínt hjá sér. Kveðja úr suddanum