Author: ingveldureiriks

best að rifja upp tóninn og ÞÁ!

en sem sagt eftir að vera nokkuð þyngri en 1 kg planið í mínus fyrir þessa viku gerði ráð fyrir þá er rétt að bíta í skjaldarrendur og herða sultarólina.

Í dag hef ég borðað hafragraut 3 hrökkbrauðssneiðar, 1 bruðu, ost 1 sneið, 1 msk 6% léttost, 1 frú tínu, 1 gúrku rúmlega, 1 appelsínu, 1 epli. Jamm…

Það verður óhollt í matnum hjá mér í kvöld íslenskur heimilismatur en það verður mikið grænmeti svo það bætir það upp og mér sýnist ég eiga nokkur stig. Er líklega ekki búin að borða nema svona 10 stig eða svo

Nenni ekki að læra og gera verkefnið sem ég á að skrifa í dag enda kemst ég ekki í nein skjöl og kann ekki lykiorðið mitt eða neitt og tölvan mín með öllu mínu viti ekki alveg með sjálfri sér. En ég stefni á að redda þessu!

Nú svo er það leikritið ekki gengur nú mikið betur með það – en ég skal nú koma því af mér einhvern veginn…

Og svo þarf ég að fara á handboltaleik á morgun landsleik.

Mataræðið gengur illa. Ég borða of mikið fimmtudag og föstudag og ég veit ekki alveg hvernig dagurinn í dag lítur út – vonandi bara sæmilega! En þá er bara að vinda ofan af sér og skella sér í slaginn á ný.

Ég svaf ekkert í nótt og því ákaflega syfjuð …

En góðu fréttirnar eru þær að ég er búin að útbúa mér þessa líka fínu vinnuaðstöðu í geymslunni, með ljós fyrir ofan skrifborðið, hillur fullar af mínu dóti og tvær kommóður með handavinnunni. Á veggjum er alls konar dóterí sem er til þess ætlað að láta mér líða vel og ég er ekki frá því að það virki auk þess sem hér eru myndir af honum Nóna – ég held hann hafi nóg að sýsla þar sem hann er… Það er einhvern veginn tilfinningin…

En sem sagt – er það koddinn?

Maður verður að horfast í augu við þetta!  Ferlegur dagur!  Og í gær var það nú ekki mikið betra, ég borðaði 41 af þeim 42 stigum sem ég mátti borða.  Ég átti að borða 32 stig sem sagt til að léttast um 800 gr pr viku – og hreyfa mig í 40  mínútur.  Eina huggunin er að ég hreyfði mig í 120 mínútur í massa aktion – því blakæfingin var alveg stórskostlega skemmtileg og mikil hreyfing.  Ég er orðin miklu liprar en ég var.

Nú svo kemur dagurinn í dag og ég svo sem er ekki byrjuð að skandilisera en mikið langar mig að fá mér nammi, smjör, osta já nefndu það bara.  Og það getur vel verið að ég geri það – enda gerist þetta stundum en ég ætla að reyna að takmarka tjónið og fá mér allra síst nammi!

Svona er þetta stundum – og þá er að minnka skaðann sem allra mest.

…og svona er þetta með úthaldið – það dugir í svona eins og 10 daga og þá bamm – en nú er þetta ekki svoleiðis.  Ég finn hvatningu um allt og sé markmiðið koma út úr myrkrinu – og ég hef trú á því.

Ég fór í heilun í dag – eða eitthvað svei mér þá….  Mjööööööööög merkilegt.  Er enn með þessa einkennulegu tilfinningu hægra megin í höfðinu…

Ég held þetta séu galdrar svei mér þá!

…nema hvað ég sá rottu-unga í morgun auj…. Blaðuburður er sko ekkert kid stuff! Hroll hroll hroll…

sko:

Kea skyrdrykkur
finn crisp 1 stk
1 msk 6% smurostur
Gulrætur

í hádegismat hljómar nú ekki svo illa er það? Frekar svona bara heilsusamlegt! Nei nei í þessum krílaskammti sem dugir manni svona í 2 klst í mesta lagi eru 7 stig! Í öllum kvöldmatnum mínum voru svona 7 stig! Fuss og svei

meira hvað ekki neitt getur talið mikið!

Eins gott að halda þessu til haga ég segi nú ekki annað!

Og þegar ég verð búin að fá mér orkubitann sem ég er að fara að borða þá er ég búin að borða 17 stig í dag! En það er svo bara eins og það á að vera þannig lagað – en bara mér finnst einhvern veginn eins og hádegismaturinn hafi ekki verið neitt neitt!

En sem sagt – ég er farin í blak – ég var skotfljót í blaðburðinum í morgun en ég á erfitt með að vakna – er ferlega syfjuð enda fer ég aðeins of seint að sofa miðað við að vakna klukkan 5:30 og vera sífellt á salerninu um nætur.

Ég þarf að finna lúsakambinn minn! Það er lús í skólanum. Nú svo þarf ég að skrifa matardagbókina í dag og sjá hve stigin eru! Hef nú góða tilfinningu fyrir því – aðeins of lítið grænmeti en annað í lagi – og stigin örugglega líka!

En ég á alveg eftir að gera þetta leikrit sem ég hefði þurft að gera í dag.

… en góður fréttirnar eru þær að ég fór í

Jæja nú er lífsstílsbreytingin mín orðin 3 ára og hreyfingarafmælið verður sömuleiðis þriggja ára í lok apríl. Spurning um að halda partý ;-). Á þessum þremur árum hefur margt gerst og margt hef ég upplifað og reynt. Og loksins loksins er mér að skiljast að já í raun og veru er 80% af því sem gerist í lífsstílsbreytingu tengt mataræði. Og reyndar held ég að það sé þannig hjá mér að annað hvort verður mataræðið að vera í 95% lagi eða ég bara hreinlega léttist ekki. Ég verð að hafa hlutina í mjög föstum skortum en það er í lagi að gera eitthvað af sér í 1 – 2 í viku – það hefur svo sem ekki úrslitaráhrif. Hins vegar hefur daglegt ráðslag það – algjör úrslitaráhrif.

Um leið og þetta allt saman er sagt þá er það klárt að ekkert myndi gerast hjá mér – hvað þá haldast ef ég ekki væri í hreyfingunni. Líkami minn er í býsna góðu standi miðað við kílóin mín og verki hér og þar því ég hef hreyft mig linnulítið í þrjú ár. Ég held ég sé líka öðruvísi í laginu en ef ég hefði ekki æft – beinni í baki og slíkt.

Það gengur mjög vel að borða skynsamlega og síðan á föstudag hef ég ekki borðað fleiri stig en ég má – 32 stig sem er um 1600 hitaeiningar. Orkuþörf mín er 42 stig sem eru um 2100 hitaeiningar. Með því að borða þessi 32 stig og hreyfa mig 5 daga vikunnar í 40 – 60 mínútur þá á ég að léttast um 800 grömm. Ég sá tölu á vigtinni í gærmorgun – sem er hinn opinberi vigtunardagur – þriðjudagur, fyrir morgunmat – sem ég minnist þess ekki að hafa séð – ég stefni óðum að því að vera svipað þung og þegar Ragnheiður mín kom til sögunnar.

Ég á 3 kíló eftir í það að ná markmiði mínu sem ég átti að ná í júlí. Ég hef sem sagt lést um 2 kíló síðan á Reykjalundi klárlega upp á punkt og prik vona ég ;-). Og finnst ykkur þá ekki bara að mín eigi að losna við önnur tvö næstu fimm vikurnar? Júmm það finnst mér og ekkert kjaftæði með það – því! VÍST GET ÉG LÉST ÞVÍ ÉG BORÐA RÉTT OG HREYFI MIG. Og mín er sko ekkert að borða rétt svona næstum því – ó nei hún svoleiðis massar þetta – matardagbókin eltir mig í skólann og stigabókin með – og allt reiknað út eftir kúnstarinnar reglum. Niðurstaðan hefur verið hagstæð og ég hef verið undir stigafjöldanum mínum nema í gær – þá var ég mjög nálægt þeim. Á kvöldin er síðan dagurinn gerður upp og ég fyllist þvílíkri sælu yfir dugnaðinum – alveg eins og ég hef fyllst sælu yfir því þegar ég tek vel á hreyfingunni.

Fiskur í kvöld og ég veit meira að segja hvernig ég ætla að elda hann!

Það er gaman að vera á beinu brautinni – en það koma beygjur, hallar og þverhnípi – maður bara prílar aftur upp ef maður dettur út af þessu eingirni 😀

Orð vikunnar er ÞÁ?!? með hæfilegum þunga, hneykslan og fordæmingu – Þá er sem sagt ao í þessu tilfelli – Dásamlegt hvað eitt orð og hljóð sem fylgja því geta vakið mikil viðbröð.

Samtal í sjúkraþjálfun:

,,Hvenær ferður á Reykjalund næst?“
,,Hmmmm…. 29 mai held ég… Oh my god ég verð að vera búin að léttast eitthvað þá!“
Og kemur þá ekki gullkornið!
,,ÞÁ!!!???!!! „ Með öllum þeim þunga sem sjúkraþjálfarinn mis-geðgóði átti í sinni þind… Hneykslan, fordæmingu og undrun!

Og viti menn, ég barasta skildi að líklega væri það núna sem aðgerðir ættu að eiga sér stað – ekki þá! Ekki eftir neinu að bíða. Og viti menn mín farin að léttast og þessi fína tala komin á vigtina. Nú er bara að springa ekki á limminu að viku liðinni eins og stundum og halda út mánuðum saman! Því þetta snýst ekki um það sem maður borðar einstaka sinnum heldur það sem maður setur ofan í sig alltaf hreint- venjulega heimilshaldið.

En ég á sem sagt stjörnuleik í hreyfingu og mataræði og er alsæl.

Mánudagur – æfing fyrir axlir og brennsla í 30 mín, auk 30 mín í blaðburði.
Þriðjudagur – ég fer í badminton hér á eftir í amk klst – blaðburður í erfiðu færi.
miðvikudagur – hvíld nema blaðburður
Fimmtudagur – mössuð blakæfing og 200 m stund
Föstudagur – lyfta og brennsla auk blaðburðar ef ég er ekki of slæm í fótunum – alltaf svoldið mikið slæm eftir blak og vikuna.
Laugardagur – blaðburður tvisvar
Sunnudagur – sund ef vill.

Ég segi ykkur það satt! Allt fært til bókar upp á punkt og prik – eldað eftir kúnstarinnar reglum! Og borðað eins og engill heilgri en allt – Reykjalundur hvað!?!

Rústa þessu oh yeah

Er ógeðslega ánægð með einbeitinguna og Páll er með mér í þessu – ekki af lífi og sál en svona amk með einhverju lífsmarki! Tíhíhí! Þá gengur þetta. – Hvetja hvert annað, veita aðhald og styðja í þessu öllu saman. Tala jákvætt og svona um þetta. Því þetta er nú sannarlega svo sem ekkert eymdarlíf. Onei bara fínt.

Það eru komnar tvær kommóður inn í geymslu undir alls kyns dót og nú fer skrifborðið að fara þangað inn líka – og það er nú ekkert smá því þá fæðist nú bara næstum því vinnuaðstaðan mín skal ég segja ykkur!

Og þá er ekkert annað eftir en að skrifa leikrit fyrir árshátíðina og gera eins og eitt verkefni fyrir kennó – huhummm… fyrir næstu helgi og ekki seinna. Þannig að næsta vika verður erilsöm í meira lagi. Þarf að passa mig að ofgera mér ekki.

Já nú er það mataræðið – hreyfingin hefur tekið of mikið af plássi hér á þessu bloggi – nú þarf að horfast í augu við það sem að er í augnablikinu.

Áherslurnar eru þessar:

Ákveða skammt – hóflegan, borða svo grænmeti upp í það sem upp á vantar í seddu! Ekkert japl juml og fuður með það. Aldrei fá sér tvisvar á diskinn og VERA BÚIN AÐ ÁKVARÐA SKAMMTINN áður en borðað er!

Í dag hef ég borðað 10 stig – öll holl. Er að borða 6 frosin jarðarber og markmiðið er að drekka a.m.k. hálfan lítra af vatni. -Helst meira.

Over and out