Author: ingveldureiriks

Er ekki kerlingarkornið bara búið að vera í garðinum í allan dag!  Bjartur og Skotta með – Bjartur komst ekki sérlega frá þessu fannst honum – hann fékk alltaf á sig vatnsgusu þegar hann gelti – auj honum finnst það ógeðslegt!  Og hættir að gelta meira að segja!  Ég keypti hádegisblóm og stjúpur og er búin að setja þær niður – frábært afrek að gera það nánast samdægurs ;-).  Planta hangir við innganginn og beðin hreinsuð – mold mokað og hvur veit hvað!  Alveg uppgefin barasta – mig langar svolítið að hjóla í kvöld,  góðan túr – hver veit nema ég fari ekki bara Votmúlann – er ekki Jónsmessan svona eða þar um bil – ég þarf að taka þetta allt föstum tökum – helst að hreyfa mig heldur meira en ég nenni! 

 til þess að Inga litli léttist þá þarf hún að borða kórrétt og hreyfa sig fullt! Sem sagt gera allt rétt.  Það er ekkert öðruvísi.  Og nú er ég að horfa á Englendinga gera úrslitatilraun til þess að komast áfram á hm!

Í dag er dagurinn sem ég fer á vigtina hugsaði ég um leið og ég opnaði augun.  Ég hef ekki farið á vigtina lengi lengi lengi -bara látið vigta mig hjá Baldri svo ég eigi hörmungarferlið skráð einhvers staðar.  Ég hef nefnt tölur í huganum sem mig grunaði að ég væri komin í…. og hryllt mig um leið.  Og mínar verstu martraðir hafa sem sagt orðið að veruleika.

 Það var sem sagt engin tilviljun að mér finnst eitthvað svo erfitt að fara í sundbolinn… Og skokkurinn minn jafnvel heldur að þrengjast…

 Það er sem sagt komið að þeirri stundu sem allir sögðu að væri eðlilegt að myndi renna upp -Ég hef þyngst umtalsvert.  

 Það er ekki af neinu sem mér datt það í hug um daginn að gefast upp.  Viðurkenna bara ósigur og horfa fram á þá tíð að segja, já ég missti nú einu sinni 40 kíló en ég bætti þeim nú öllum á mig aftur á ekki svo löngum tíma…

 Skrifa sjúkraþjálfaranum bara og segjast vera hætt – búin að gefast upp.  Gæti þetta ekki.

 Mér fannst það svo þegar til kom ekkert ofsalega smart mynd þannig að ég ákvað að spýta í lófana og takast á við þetta allt saman alveg upp á nýtt.  Finna ljóstýru til að vinna út frá.  Lesa Reykjalundargögnin.  Greina hlutina. Þetta er í sjálfu sér ekki flókið. 

Þetta er það sem gerist:

Erfitt nám
Próf
Sælgætisát
Snakk át
Versnandi magi á ný
Þróunarstarf í skólanum
Kennslan fær aukið rými í mínu lífi – fer að vesenast í mörgu þar og hef gaman af
 Kosningabarátta
Námsmat í skólanum
Miklir verkir í fótum og mjöðmum
Svefnleysi
Makinn í miklu sukki
Álag heima fyrir vegna atvinnu, fjármála og hunda – og draslið maður minn!

Sussususs – fínar afsakanir ekki satt?

Til eru ráð:

Hreyfimarkmið
Matardagbók
Iðjuþjálfun fyrst og fremst.
Skilgreina markmið, vilja og langanir.
Skilgreina sig út frá breyttum forsendum – ekki að léttast heldur þyngjast…

Og í þessu hef ég verið undanfarið, reynt að taka nammi út og borða skynsamlega.  Tekist á köflum ágætlega.  Miðar sannarlega í rétta átt þó ég sé ekki farin að borða nemasíðustu daga nógu lítið til að léttast.  En það eru ákveðnir plúsar sýnirlegir:

Hreyfingin er orðin skipulögð og ekki tilviljanakennd og þar með lagast á mér fæturnar hægt og bítandi.  Verkir í mjöðmum eru mjög tengdir setum.
Ég hef unnið mér í haginn og ætti að mestu að vera laus við stórskostleg vinnuköst í sumar
Mataræði er komið í fastari skorður – hefur ekki gengið vel að skrifa matardagbók í vor þó ég hafi reynt en nú mun ég taka það föstum tökum
Ég er farin að vinna í því að koma heimilinu mínu í lag og þá batnar líðanin. 


Ég verð að nýta mér bjargirnar sem ég kann.  Er ekki viss um að ég hafi sjúkraþjálfarann þarna inni því líklega er þetta í mínum höndum og meðferðin hjá honum myndi þá snúast um að laga auma vöðva og halda skrokknum gangandi…  En Reykjalundur er inni – 28. júní á ég að hitta Ludvig lækni og hópinn minn og ég verð bara að segja stöðuna eins og hún er… Ég verð að þora það…  og í haust er svaka mælingar – þrek og alles og ætla ég ekki að vera búin að koma mér í stand þá?  


Nú hefur konan sofið og hvílt sig í æði marga daga og því hlýtur henni að vaxa ásmegin – lykilatriði er að koma kotinu í stand svo ég geti mér um frjálst höfuð strokið.  Og að því sögðu held ég af stað út í daginn og vona það besta.  Stolt af því að hafa stigið á vigtina.  Stolt af því að hafa ekki orðið vitlaus við það og stolt af því að vita og trúa að staðan í dag er enginn heimsendur – heldur skref á leið minni til einhvers þroska 🙂
 

Inga litla setti met í gær í dugnaði.  Hún bar út blöðin, fór í kvennahlaup á Sólheimum- bara 2 km samt, svo fór ég við opnun á hönnunarsýningu í Ljóssafossvirkjun – frábæra sýningu, sem Hlín Helga frænka mín setti upp, þaðan fór ég í fermingarveislu hjá Rut nemanda mínum og svo í heimsókn til Hildar í hjólhýsið á Írafossi, Svei mér margt sem var aðhafst!  En ekki samt tókst mér að hafa þennan dag nammilausan en ég held áfram að reyna.

Núna horfi ég á fótbolta og skiplegg sundferð.  Þarf að synda smá í dag – nú eða hjóla.  En veðja frekar á sundið.  Það fer alveg svakaleg vel með lappirnar á mér.

Brjálað að gera – sé að ég get verið í þessu vefsíðustússi í 100 daga minnst – en læt nú ekki deigan síga og held áfram eftir helgi.  Þetta kemur allt með kalda vatninu.

Eg fór og synti og hjólaði smá hér um bæinn – bæti við 100 metrum núna á viku – eða kannski svona tæplega það.þannig að ég verði komin í 800 metrana í byrjun júlí.

Á morgun er það kvennahlaupið, einhver meiri selskapur og vesen á morgun.  Ég á eftir að hugsa hvort ég fari í 2 km eða 5 er svoldið efins um að ég komist 5 km útaf hnénu…

Hí og hó 17. júní og allt – til hamingju með daginn elskurnar!
Smá bæjarmálapólitík – það þarf að halda umræðunni vakandi

Ég er annars að sækja í mig veðrið – það gengur ekki að gefast bara upp – maður verður að horfast í augu vð sjálfa sig, staðreyndir og vandamálið – face the music og það allt saman….

Ekki sérlega skemmtilegt en ég er með fullt af bjargráðum – ég kann fullt.  Matardagbók, leiftrandi lipurð og vilja til hreyfingar ;-), veit hvað ég þarf að borða til að léttast – veit að ég get og vil og ætla… oftast nær ;-)…

Ég veit líka að ég þarf að gera þetta sjálf…

Ég er ferlega slæm í maganum en á móti er ég ekki svo slæm í löppunum – ég er farin að hafa hnéhlífina þegar ég labba með moggann og þvílíkur munur  – það er eiginlega lýgilegt.  Ég hjólaði smá í gær – það var frekar mikið vesen því hnéð er aumt – sárt að kreppa… en það er nú dagamunur á því.  En það besta er að ég fór og synti smá þó ég nennti því ekki – væri ógeðslega þreytt eftir vinnudaginn og væri á leið í partý.Stolt af því ;ö

Annars er þetta nú bara streð en ég er líka að fara í frí og þá verður þetta í lagi allt saman.  Því ég kann

 Er þetta ekki fínt pepp talk hjá mér bara 🙂

En jæja nóg í bili – best að horfa á fótbolta og taka til – hjólatúr svo er það ekki bara 

Þetta er svolítil varnarbarátta hér….
Fótaverkir dauðans

Iðjuþjálfunargleymska – kom mér í alltof mörg verkefni!

Dugleysi….

En nú er ég komin á skrið því ég ætla ekki að gefast upp og reka upp ramakvein og leggjast niður með allar lappir upp í loft – þvert á móti.

Skítt með þó kíló hafi bæst við – þau er hægt að missa  -sund er hægt að stunda og hjóla er sömuleiðis vel hægt – þó það hafi ekki verið gert suma daga – nú er að sjá hvort minni sé ekki raunverulega nóg boðið!

Garðurinn hefur nú fengið heimsókn frá okkur hjónunum í dag – það er frískandi tilbreyting!  Hann er bara að verða þokkalegur ég segi það satt!  það verður hins vegar ekki náð í tjaldvagninn alveg strax hér rignir ösku sem aldrei fyrr – þetta er nú meira ógeðið – uss fuss.

Já og svo setti ég sjónvarpsfjarstýringuna í þvottavélina – mjög leiðinlegt verð ég að segja… sigh

Flottur dagur í mataræði í dag – nema ég fékk mér nammi og kvöldið verður ekki gott – nenni ekki að elda þessar fínar kjúklingabringur – kemur reyndar til af því að ég get hvorki gengið né staðið mér er svo illt í löppunum – hver salernisferð krefst verulegra átaka og stuna – þeas á leiðinni þangað ;-).  Svo þvældi bjartur bandinu um ökklana á mér og hljóp af stað – afskaplega marin þar undan – akkúrat fín viðbót 🙂

En ég er bara ánægð með þetta – búin að skrifa matardagbók og ég verð í 42 stigum eftir daginn eða svo – en það er grunnorkuþörfin mín svo ég fitna ekki í dag.  Rétt að vera glaður með að vera farin að skrifa dagbókina – hún skiptir mig mjög miklu máli og hjálpar mér mikið.

Jæja nu er dagurinn runninn upp þar sem meðvitaðar ákvarðanir verða teknar um það sem sett er ofan í minn stóra maga!  Og svo verður líka sett hreyfiáætlun í gang – skipulögð hreyfing sjáiði til 🙂  frábært orð – takk fyrir það Baldur minn!  sem vel að merkja er búinn að fá leið  á skjólstæðing sínum og finnst hann lítið hafa lært :-S  en nú er Reykjalundarmappin komin upp á borð, matardagbókin líka og ALLT að gerast.

Annars er ástandið á minni alveg ferlegt því miður – ég er alveg fótalaus finn svona sirka allst staðar til- vinstra hnénu, ristinni hægra megin og ökklum auk blessaðrar beinhimnubólgunnar sem lúrir alltaf þarna undir eða yfir.  Maginn er hins vegar fínn, hælarnir ágætir og bluesinn ekki svo slæmur.  Já og garðurinn bara góður líka!  Námsmatið gekk vel og allt í himna standi með það :-).

En ég hef unnið alltof mikið og það kemur niður á hreyfingu og mataræði, innkaupum og húshaldi – og þessi kosningabarátta hún svona kom eiginlega inn af  fullmiklum krafti – það verður nú bara að segjast.  Aðeins of mikil viðbót við allt og allt :-).

En jæja – nú ætla ég líka að vera duglegri að blogga – þá er ég á betri stað en ef ég geri það ekki.  Það verður tal um mat, æfingar og daglegt líf.  Einbeita mér að þessu einfalda – reyna að geyma það bara að bjarga heiminum þangað til í haust – :-). 

..er að baki að sjaldan hefur annað eins sést og það þó sé litið til fyrri starfa Ingveldar.  Flóaskólaheimsókn á mánudag til 22 eða svo, síðan kom nú nokkuð rólegur dagur – bara komin heim um 19 ef ég man rétt, svo kom annar 22 dagur, í gær uppstigningadag fór ég í skólann og tók til í draslinu mínu – og reyndi að glíma við cleverboardið – sem er enn töluvert meira clever en ég!  Kom heim um 20 – búin að vera.  Og í dag kom Grunnskóli Borgarfjarðar í heimsókn – frábærlega skemmtilegt.  Kom heim um 20.  Jamm bara búin að skila mínu í dag, og að mogganum viðbættum þá er þetta baaaaaaaara ágætt ;-).

Ég er heilt yfir að drepast úr hitakófi, verkjum í fótum,mjöðmum, hné og ristum –  aumri hægri hendi og annarri óáran – já og magasárs bakterían er ekki dauð þannig að ég þarf líklega að kaupa annan skammt af fokdýrum lyfjum og sjá hvort hún drepist helvítið á henni – gengur bara ekki sérlega vel að ná sambandi við lækni.

Nú svo er púlsinn minn mjög lágur, mig svimar og er öll hin undarlegasta.  Þaarf endilega að komast til læknis eftir helgina – ef ég man 😉 

Annars er ég bara góð – alveg að drepast og vinnuálagið sem aldrei fyrr – hreyfingin og mataræði aftur komið í rusl og rúss eins og alltaf þegar mikið er um að vera!  Diísuss ég verð að fara að koma þessu í stand.

Eða það segir Polli amk – enda er nú eiginlega líðanin þannig – mig roksvimar og get mig eiginlega ekki hreyft nema örmagnast – úff púff.  Fór nú samt að hjóla, og svo synti ég 400 metra í dag.  Voða gott og mjaðmir ekki nema hæfilega slæmar.

Er samt ekki sammála Baldri að það sé ekkert að mér í þeim lengur 😉  Ef maður sefur ekki fyrir verkjum þá er eitthvað ekki í lagi – segi og skrifa.

Það var svo frábært veður í dag að ég ætla ekki að segja ykkur það – eða jú sem sagt er að segja það ;-).  Frábært veður í dag – frábært veður í gær og Aðalsteinn minn kom heim í dag litla grjónið og það var óumræðilega dýrmætt að borða saman góðan grillmat í kvöld.  Ljúft og gott – lífið sjálft.

En á morgun er langur dagur þannig að ég hjóla ekki í vinnuna þann daginn – en heilmikið ætla ég að hjóla næstu viku samt 🙂

Ég er sem sagt alsæl með hreyfinguna mína – vona að mataræðið dugi til að ég léttist og batni í áframhaldinu enn.