Author: ingveldureiriks

hjól, Skór, Sund

Ógeðslega mikil hjólapæja!!!!

Og þá byrja hjólreiðarnar

Jæja – ég er komin með lás og hjálm. Nú er ekkert að gera annað en muna leyniorðið á lásnum og vona það besta. Annars fann ég síðu á netinu sem finnst að of mikið sé gert úr gildi hjálma – kannski hefði ég bara ekkert þurft að fá mér hjálm! Þetta er svolítið merkileg síða verð ég að segja – sérstaklega fyrir mig öryggisfíkilinn. Sigh…


En í dag hef ég hjólað og hjólað 😉 Verð áreiðanlega með harðsperrur á viðkvæmum stöðum á morgun – þ.e.a.s. þó er það ekki víst því ég er búin að lengja tímann á hjólinu út í Styrk og ekki fæ ég harðsperrur af því… hmmm vonum það besta enn.


Ég var eiginlega búin að gleyma hvað mér finnst gaman að hjóla. Ég hjólaði og hjólaði í nokkur ár þegar ég var unglingur – en svo einhvern veginn lagðist það af – maður átti einhvern veginn aldrei hjól – og ef maður átti hjól þá var því stolið – svo það kemur á sama stað niður.

En sem sagt þetta eru hjólreiðar dagsins: Hjólaði út í Sunnulæk með því að fara Fossheiðina, Tryggvagötuna og svo Erlurimann og Langholtið út í Bónus.

Þar verslaði ég mér laugardagsnammi og svo var nú komið fyrir mér að ég vissi ekki einu sinni hvar nammið var í Bónus lengur. Ja það er af sem áður var. Nú þar keypti ég þvottaefni upp á 2 kg og snaraði því í bakbokann (ég ætla ekki að segja ykkur hvað ég er mikil pæja, með hjálm og bakpoka!). Þá og þar komst ég að því að það munar um 2 kg. Og varð hugsað til þeirra 15 sem eru farin hjá mér. Það hefði nú verið svei mér erfitt að hjóla með þau öll því nóg fannst mér um þetta þvottaefni sem var að dingla þarna á bakinu á mér.

Nú heimleiðis fór ég Langholtið og Fossheiðina – hrikalega mikil pæja. Ekki var nú nóg með þetta heldur fór ég svo hjólandi í sund því mig langaði svo í pottana (synti sko 1000 m í gær og fannst nóg að gert í þeim efnum). Þaðan fór ég svo hjólandi til Gerðar í Dverghólana og át brauðrétt og spjallaði við hana um nema hvað – breytt lífsform. Og svo heim. Og ef þetta er ekki dugnaður þá veit ég ekki hvað. Ég hef því hjólað í um klst í dag en ekki nema 20 mín í samfelldu. Veit ekki alveg hvernig það virkar. Að vera að þessu svona við og við upp á brennsluna – maður verður líklega að hjóla svoldið stíft svo þetta geri eitthvað fyrir mann. Enda fann ég svo sem ekki fyrir neinu á fer minni í sund og til Gerðar – það var langi spottinn í Bónus sem kostaði einhverja svitadropa.

Pönnukökur í morgunsárið

Þetta hefur annars verð ágætur dagur -bakaði 100 pönnukökur í morgun fyrir kvenfélagið í Grímsnesinu – það er úr næstum 3 l af mjólk og 1 kg af hveiti – það er sem nemur einni og hálfri hræriskál hjá Kitchen Aid – allnokkuð bara. Fór svo með það að Borg og tralala fór svo að hjóla 🙂 Mér finnst mjög gaman að hjóla og ef ég næ nú aukinni færi að koma mér á milli sætis og stýris og svo þaðan aftur þá er ég viss um að ég eigi eftir að snara hjólinu í ýmis smærri viðvik. Ég þarf að hafa hnakkinn aðeins hærri því ég finn pínu oggu oggu pons fyrir hnjánum en ég ætla að verða svoldið klárari fyrst :D.

Ein

Ég er hér ein að rolast eina ferðina enn – Ragnheiður með Jobba og Aðalsteinn hjá Fúsa og Dísu í Borgó. Við Bjartur erum því hér bara tvö. Ég reikna með að ég fari með hann í Þrastarlund á morgun í smá göngu – við höfum bæði gott af því.

Ég hef komist að því að ég elska þvottavélina mína. Kurrið í henni er vinalegt verst að mér þykir ekki alveg eins vænt um að eiga engan þurrkara lengur – því verður bara að kippa í liðinn sem fyrst.

Matar-æði

Ég er nú eiginlega ekki hægt…

Nú er ég á þeim stað að borða helst ekki neitt. Og finnst það frekar fínt. Mátti náttúrulega ekkert vera að því að borða í morgun því ég var að baka pönnukökur í einu hendingskasti.

Ekki gat ég heldur borðað hádegismat því ég varð að fara með pönnsurnar og þá ætla ég nú ekki að tala um vesenið á minni í gær. Fuss og svei.

Grænmeti? Hvað er nú það? Heitur matur? Kannast ekki við hann…

Brauð -já, skyndimatur passar fínt og svo jafnvel ekki neitt bara. Það er líka fínn möguleiki.

Sigh…. Mér er ekki viðbjargandi. Nú þegar allt hefur gengið svo vel í því að léttast þá náttúrulega er um að gera að haga sér eins og idiot – maður á það jú inni.

Stóra játningin: Ég verðlauna mig með mat.

Lengra er ég nú ekki komin.

En ég er nú samt hjólapæja…

Uncategorized

listi af óáran

Þetta hefst uppúr líkamsrækt í tímaröð:

  • Magakveisa – apríl – maí

  • Ógnarinnar þreyta – örmögnun – apríl – júní

  • Sjálfskoðun a la tremendousíni – lok apríl – maí

  • Liðverkir dauðans – úní – júlí

  • Hálsverkir – júlí (eru að koma aftur)

  • Fótaverkir almennir – september – a la grande

  • Beinhimnubólga – september

  • Hælspori – september

Og allt er þetta alveg dásamlegt og myndar ALLT ANNAÐ LÍF !

Þetta sem sagt þýðir að ágúst hefur verið nokkuð góður mánuður!

Aldur, tiltekt

Meira blogg

´…ég meina ég komst ekkert á netið í gær – og verð að bæta mér það upp :-). Svoldið ljótur og kerlingalegur skór – sem passar vel því ég er komin í kerlingahópinn. Sigh… Gömul og grá, og ekki við hæfi ungra barna sem rétt hafa lokið námi á háskólastigi.

Ég var að horfa á mig í spegli og það er sama hvað ég gái – ég sé engan mun á mér nú og fyrir 10 árum – skil ekki að þessi ár hafi bæst við. Svo tók ég nú eftir að ég er með svona þarna og svoldið af lausri húð þarna og eitthvað er þetta nú orðið hrukkulegt þarna í kringum augun og svona en ég er nú eiginlega viss um að þetta var allt þarna í gær – og jafnvel fyrir 10 árum líka ;-). Ég sko held ég verði aldrei gömul þó árin rúlli – þau geta bara gert það – en ég þarf ekkert að hafa áhyggjur af því held ég. Þarf bara að verða heimsfræg bráðum. Langar það svo mikið. Ja svona svoldið fræg – kannski ekki heimsfræg… af góðu kunn ;-).

Ég gat lagað þvottavélina – í henni var panni sem virtist valda henni miklum vandræðum – þurfti að nota tvo hnífa, krafta og útsjónarsemi til þess að fjarlægja kvikindið en það hafðist. Vonandi lætur hún sér þetta vel líka og þvær eins og sú sem hún er það sem eftir er – eða amk enn um sinn.

Nú… búin að taka svoldið til og losa mig við mjög mikið af hundahárum. Það var svei mér sniðugt hjá mér. Svoldið af ryki er komið í fljótandi form líka – en ég á nú ýmislegt eftir samt. En engu að síður er þetta bara fínt hjá mér.

hjól, Sund

Áform dagsins

Föstudagur og ég komin af kennaraþingi. Ég var ekki í nokkru stuði – var ómannblendnari en zebra-hestur og áreiðanlega allt að því leiðinleg ;-). Ég fór nú samt í pottinn eftir matinn sem var vel að merkja stórkostlegur – og ég borðaði ekkert fitandi, ekki fyrr en í nótt þeas en það var nú ekki í kvöldmat.

En potturinn fékk að finna fyrir okkur Sigurlín í 3 tíma og þegar ég vaknaði í morgun fann ég nánast ekkert fyrir hælnum en hafði verið algjörlega ógöngufær eftir sprikl dagsins í Styrk.

Ég hef því ákveðið að fara í sund í dag og verja verulegum tíma dagsins í pottunum – en synda svolítið fyrst samt – prófa að nota blöðkurnar og gá hvort mér verði nokkuð illt af því – þ að er svo dj… leiðinlegt að synda bara fyrir eigin vélarafli – næ heldur engri ferð þannig.

(ég verð að muna að baka pönnukökurnar í fyrramálið fyrir hann Kjartan heitinn í Vaðnesi. Ég er svo hrædd um að gleyma því að það er óskaplegt.)

Nú sem sagt. Fyrst – áður en sundið hefst langar mig að taka hér svolítið til svo ég geti notið lífsins því föstudagar eru heimsins bestu dagar. Ég er búin að færa nammi dagana yfir á þá – það er að vísu slæmt því þá er ég ekki að borða nammi fyrripartinn en ég reyni að borða ekkert nammi eftir 8 á kvöldin á föstudögum og labba svolítið um kvöldið – en það geri ég nú ekki í kvöld. Ég gæti kannski hjólað – þarf ekki lás ef ég er bara að hjóla heiman frá mér og heim. En hjálm þyrfti ég… Lýst ekkert á lýsingar af hjólreiðaóhöppum sem ég hef fengið að heyra um uppá síðkastið.

En talandi um hjólreiðar – … nei ég held ég bíði með að tala um það. Enda kannski gufar það bara upp.

Kveðja Ykkar arfaleiðinlega, andfélagslega sinnaða og uppgefna (því það er ég svo sannarlega) Inga pinga pikkaló

p.s það er ótrúlega gott veður eins og myndin sýnir

og já – þvottavélin er biluð… Er þetta bara að gera sig svei mér þá alla mína daga – argh pargh

Uncategorized

Juuuuuuu…. hælspori

Nú er ég orðin merkilegur íþróttastrumpur! Það getur bara ekki annað verið. Ég er klárlega með einhverja beinhimnubólgu sem legghlífarnar og hvíld í einhvern tíma lagaði – en ekki nóg með það – þá er ég með eitthvað sem heitir hælspori.
Ég var nú að rifja það upp að ég hef fengið svona verk áður – hélt það væri glerbrot í hælnum á mér hér í den þegar ég byrjaði að synda en þetta er þá hælspori!
Eru sko álagsmeiðls… Juuuuuuu ég er sko orðin merkileg finnst mér. Sigh… Gæti samt hugsað mér að sleppa við þetta en það er of seint. Það verður náttúrulega eitthvað undan að láta :-).
Þetta er hælspori:
Hvað er hælspori?
Spurning: Hvað er hælspori? Hvað veldur þessum sjúkdómi og hver er meðferðin við honum?
Svar: Fóturinn er eins og spenntur bogi þannig að maður stendur aðallega í hæl og tær. Það sem heldur boganum uppi er sinabreiða sem festist í tærnar að framan og hælbeinið að aftan. Í hvert skipti sem maður stígur í fótinn kemur álag á hælinn sem getur verið allt að því tuttuguföld líkamsþyngdin. Þetta álag dempast af fitupúða sem er undir hælbeininu og áðurnefndri sinabreiðu. Við langvarandi mikið eða rangt álag á fótinn geta orðið skemmdir á sinabreiðunni og festingu hennar á hælbeinið. Þessar skemmdir geta verið á formi tognunar, smásprungna og að lokum beinmyndunar í sininni þar sem hún festist í hælbeinið. Þarna getur myndast lítið beinhorn sem kallast hælspori. Einstaka sinnum finnst hælspori fyrir tilviljun án þess að hafa valdið óþægindum en oftast veldur hann óþægindum sem geta verið mjög mikil. Þessi óþægindi lagast í hvíld en þau eru vanalega mest á morgnana þegar farið er á fætur. Ef þrýst er undir hælinn er það mjög sárt.Orsakir hælspora eru of mikið álag á fótinn og oftast er um að ræða miðaldra, of þunga einstaklinga eða þá sem stunda erfiðar íþróttir einstaka sinnum, t.d. um helgar. Það eykur einnig áhættuna ef ekki er hitað upp fyrir íþróttaæfingar.Mestu máli skiptir að koma í veg fyrir að hælspori myndist strax og einkenni um óeðlilegt álag á fótinn gera vart við sig með þreytu og verkjum eftir áreynslu. Þá verður að minnka álagið og gera viðeigandi æfingar, einkum teygjuæfingar sem strekkja á kálfavöðvum og sinabreiðunni undir fætinum. Það er mikilvægt að gera sér grein fyrir að það er ekki hælsporinn sem slíkur sem veldur verkjunum heldur er hann afleiðing af langvarandi of miklu álagi á fótinn. Sjúkdómsgreining byggist á sjúkrasögu með lýsingu á verkjunum, skoðun á fætinum og röntgenmynd.Þegar hælspori hefur myndast kann að virðast freistandi að fjarlægja hann með skurðaðgerð. Árangur slíkra aðgerða er slæmur og er reynt að forðast þær í lengstu lög. Í staðinn er ráðlegt að gera viðeigandi æfingar, nota heppilega skó og innlegg, taka bólgueyðandi lyf og stundum er sprautað bólgueyðandi barksterum í hælinn. Þetta ber venjulega einhvern og stundum góðan árangur.
Tekið af vefnum 20. 09. 2006
Nú jæja – ekkert annað skoho.
Og svo eru til leiðir í þessu eins og finna má hér á hlaup.is (juu minn eini – þetta er í 3. sinn á 2 vikum sem ÉG FER INN Á HLAUP.IS – ég meina það – ég er komin í annað sólkerfi… Sigh (meira um fyrirbærið – myndskreytt :-))
Sem sagt ekki að hætta að hreyfa sig – heldur breyta – sem sagt verð að hjóla.
Og hver á þá að hreyfa Bjart? Ekki get ég hjólað með hann svo mikið er víst
Ég ætla að prófa að labba þessar 20 min – þær gera mér þvílíkt gott – og Bjarti ég bara afber ekki að hætta því. Það tók 7 mánuði að koma mér í þær og það var bara svo stór biti að kyngja að byrja að labba að ég afber ekki að hætta því…
Varla nenni ég að drösla hjólinu upp í Hellisskóg fram og til baka alla daga… Enda er allt í lagi að labba þetta smotterí – svo bara hjóla ég í styrk og kannski í skólann og heim og svona.
Ég hlýt að geta komið Ragnheiði í að labba með hann á kvöldin greyið…
En svo var annað sem ég fann – að seturnar gera ekkert gott heldur – ég meina það – það er svei mér flókið að lifa.
En ég fór í nudd í dag og í einhverjar bylgjur sem virtust gera sitt amk er ég búin að vera með hjartslátt í hælnum síðan og fékk nettan verk upp undir hné… Merkilegur þessi líkami.
En á morgun er kennaraþingið – allir í Sunnulæk ætla að gista – gaman gaman.
Og ég sem sagt fór í morgun að labba vel gölluð og hitti þar Finna á ferð (og sá jeppa á sama stað og ég legg súbbanum – og hélt að ég gæti ekki verið með Bjart lausan og hugsaði svo bara what the heck – fólk bara getur tekið því að hitta hund um 7 leytið á morgnana), en hún lyftist öll þegar hún sá kimi húfuna mína – tíhíhí
Nú er bara að verða góð í fætinum og halda sínu striki samt. Verst allt þetta labb í skólanum – en ég á íbúðaverðsskóna og þeir fleyta mér í gegnum daginn. Væri held ég ekkert án þeirra.
I lof jú öll
Þyngd, Bjartur

Geggjað stuð að sprikla

Hörkunagli eins og þessi skór.
Ég get bara sagt ykkur það, að það að ég skuli fara út á morgnana með hundinn er ekkert annað en stórkostlegur dugnaður. Já – og hana nú.
Ég nenni því aldrei, hef aldrei tíma til þess og Bjartur svo óþægur að hann gerir hvern mann vitlausan -rífur í öxlina á mér, hendir hausnum á mér til og ég veit ekki hvað og hvað – fyrir utan geðvonskuna sem hann veldur mér!! Fótafúin.
Samt fer ég á hverjum degi (já já nema í gær) og mér finnst það alveg makalaust. Og verður enn merkilegra í vetur þegar það verður dimmt og kalt.
Nú meira af ræktinni for the record – fór í Styrk í dag og var mjög dugleg. Ég er búin að sjá að ég get ekki unnið í götunum mínum á þriðjudögum í skólanum – enda bara ómögulegt að vera ekki frammi og hjálpa til – þar er fullt af börnum sem vilja læra og næg verkefni. Hef samt bara tíma fyrir 30 mín brennslu en það verður að hafa það – ég líka get ekki mikið meira eins og ég er í fótunum. Lærvöðvarnir voru eiginelga alveg búnir frá því í gær eftir hjólatúrana miklu í Styrk 😀 svo ekki sé minnst á þennan verk undir hælnum sem er nú þannig að það er eins og hnífur fari í gegn ef eitthvað snertir þar – ái bara.
Svo var foreldrafundur – kynning hjá okkur – ekker er nóg með að nemendur okkar séu þeir bestu heldur eru foreldrarnir það líka. Það er gott og gaman að vinna með góðu fólki.
Takk í dag
Inga hörkunagli sem léttist um 400 gr frá því í gær og þar til í dag. Svoldið mikill gangur í þessu – er á meðan er. Rétt að njóta þess á meðan – nóg verður stoppið síðar ef ég þekki taktinn í þessu rétt 🙂
Uncategorized

Fékk póst frá Freyju…

…sem passar bara algjörlega við mig og mitt. Set hann hér inn!

Svo fékk ég líka lítið ljóð…

Cleaning Poem

I asked the Lord to tell me

Why my house is such a mess.

He asked if I’d been ‘putering’,

And I had to answer „yes.“

He told me to get off my fanny

And tidy up the house.

And so I started cleaning up…

The smudges off my mouse.

I wiped and shined the topside.

That really did the trick…

I was just admiring my work…

I didn’t mean to ‘click.’

But click, I did, and oops I found

A real absorbing site

That I got SO way into…

I was into it all night.<>
Nothing’s changed ‘cept my mouse
it’s very, very shiney
I guess my house will stay a mess…

While I sit here on my hiney.

Þyngd, Ganga, hjól, Líkamsrækt

Fótafúin Ingveldur í hjólreiðaham

Halið þið að það sé – þetta er mánaðarskórinn minn! Svei mér ljótur skór og á ekkert skylt við apríl – fuss og svei.
Jæja hjólið búið að vera í húsi í sólarhring. Vantar lás og hjálm – vil ekki hjóla hjálmlaus – fyrirmyndin og það allt saman. Hver veit nema ég fjárfesti í þessu tvennu innan tíðar.
Nú en ég fór í Styrk í dag eftir að ágætan vinnudag – mætti út í skóla kl. 06:00 og kláraði stöðvabækurnar sem ég byrjaði á í gær – vonandi eru þær réttar blessaðar. En sem sagt var komin í Styrkinn um 15 og það var bara ágætur tími en orðið alveg crowded um 17 þegar ég fór heim næstum rænulaus úr hungri – sulti og seyru (ælti það sé Y?) Púff – ég borðaði eitthvað grunsamlega lítið í skólanum í dag og ekkert frá 11:30 – mæli ekki með því – enda orðin algjör undantekning ef slíkt kemur fyrir.
Nú jæja sem sagt – þar sem mér er frekar illt í mínum fúnu fótum eftir göngurnar – sem styður enn þá bjargföstu trú mína að ég hafi EKKI getað farið út að labba fyrr en ég gerði – og ekki heldur þá reyndar., – þá ákvað ég að hjóla bara í dag í brennslunni en láta öll önnur brennslutæki vera. Og ég skemmti mér bara ágætlega. Hjólaði í 2X25 mín – og það var nú bara ekkert sérlega auðvelt – ekki þegar maður velur eitthvað svona fínaríis prógramm og þarf að halda ákveðnum hraða – assgoti gott bara. Ég svitnaði sem aldrei fyrr – með þessari dásemdar vellíðunartilfinningu samfara því- sem er einhvern veginn svoldið kinky.
Ferlega gott og hressandi – eldaði fyrir Ragnheiði og fór svo til Dísu systur að sauma smá en nennti því nú eiginlega ekkert. Talaði bara og talaði – það var ágætt líka. Hef ekki marga að tala við hér heima – Aðalsteinn segir að ég sé ekki viðræðuhæf ég sé svo leiðinleg og mikill tuðari og svo talar maður víst ekki um ákveðin málefni við móður sína – eins og kærustur og svoleiðis. Það takmarkar töluvert umræðuefnin verð ég að segja.
Ragnheiður leit nú hér við í dag – það er voða notalegt að fá hana heim við og við annars er hún mest hjá Jobba sínum.
Þar sem ég sit hér og slæ á lyklaborðið þá horfi ég á æðarnar á handabakinu á mér – ég vissi nú eiginlega ekki að ég hefði svoleiðis. En þær koma svona ægilega vel í ljós orðið.
Eins er það með rifbeinin. Ég var svo sem ekki sérlega vel áttuð á því að ég hefði svoleiðis heldur – var svona bara meira að ganga útfrá því en vita það.
Það var svo eftir sturtu um daginn að ég fékk hálfgert tilfelli því það var eitthvað hart á mér og ókennilegt í laginu sem heldur ónotalegt var að reka hendina uppundir. Var þetta þá ekki neðsta rifbeinið mitt sem er bara komið þarna í ljós. Ja hérna – ég veit það þá er með svoleiðis. Einu áhyggjuefninu færra ;-). Ég á líka orðið svoldið flotta holhönd tíhíhí….
Maður er bara að koma í ljós – í fyrsta sinn í mörg mörg ár – ja eða svona frá því að ég fór í kaf…
En sem sagt – bara ánægð með mig, lífið og tilveruna þannig lagað. Ég er eiginlega búin að sjá það að á meðan ég get labbað um í Þrastarskógi í veðurblíðu sem stormi, með Bjart skoppandi um kjarrið og jafnvel í eðal félagsskap Þórunnar þá er ekki hægt að kvarta undan neinu – heldur bara ástæða til þess að þakka fyrir lífið sjálft, Sogið og kjarrið. Þetta er bara næstum eins og heima enda ég tengd Soginu og vatni þess langt aftur.
En nú er ég farin að sofa – verð að fara að labba í fyrramálið – ekkert múður með það – fór ekki í morgun því ég taldi mig hafa svo mikið að gera – sem reyndist alveg rétt -mátti ekki miklu muna að ég næði ekki að gera það sem ég vildi.
Over and out…
Inga
P.s: Já og ég hafði jafnvel lést enn meira í dag – en ég á nú von á að fá sveiflutölurnar á ný – þannig gengur þetta. Upp og niður – en vonandi alltaf heldur meira niður.
Uncategorized

Komin með hjól

…og búin að fara alla leið til Hildar systur (það er svona kannski 20 sek leið). Allt gekk vel – mér tókst að festa hnakkinn og stíga af áður en ég lenti á bíl og allt!
Nú er ég bara að hugsa hvort ég labbi með Bjart í fyrramálið og hjóli svo í vinnuna.
Nú eða ég labbi með Bjart og fari á bílnum í vinnuna og svo á hjóli í Styrk…
Eða ég labbi ekkert með Bjart og fari á hjóli í skólann…
Já eða ég labbi ekkert með Bjart og fari á bíl í skólann…
Seinni kosturinn hljómar ótrúlega vitlaus en lokandi miðað við hvernig mér líður undir hælnum í dag.
Þórunn fór með mig í labbatúr eftir hringnum sínum og Bjartur var algjörlega kolgeggjaður – sem endar bara á einn veg – ég verð eins geggjuð…
Var með bullandi verk í hægri öxlinni, hálsinum og hausnum eftir þessa göngu þökk sé Bjarti – sem ég bara verð að fara að láta verða stilltari hund – þetta er ekki að gera sig, þó hann hafi haft þá afsökun að vera á nýju svæði. Ég verð að vera harðari – díssussssss
Þórunn dugleg maður – þetta er 30 mín ganga hjá henni upp á hvern dag eftir malarvegi með alls kyns illskeyttum hnullungum sem meiddu minn auma hæl út í eitt….
Og ég á ekki nudd fyrr en á miðvikudag og vittu til það verður allt komið í samafarið.
Nú – ég var mjög dugleg í vinnunni í dag – gerði alveg fullt og ég er bara ánægð með mig. Sem minnir mig á það – ég verð að fara út í skóla alveg extra snemma sem minnkar líkurnar enn á því að ég hreyfi mig í fyrramálið – en þetta er svona neyðartilfelli…
En ég er ekki hrifin af því að svíkjast um að labba á morgnana því ég bara veit hvað þetta er að gera mikið fyrir mig -kannski get ég farið og unnið og ef ég hef tíma farið svo út að labba áður en er hringt – nú eða á meðan krakkarnir lesa 😀 Nei nei bara grín.
Lof jú er farin að sofa í hausinn á mér – er stjörf af þreytu.