Month: janúar 2011

Á því verður tekið í 1830 skrefi lífsstílsbreytingunni.

Þau eru nú þvílík tilþrifin hjá þeirri stuttu að hún hefur nú bara verið í lyfjarússi í á annan sólarhring, og finn hreinlega til þó ég sé ekki að gera neitt. Baldur bjargaði mér náttúrulega eins og alltaf – og meðhöndlaði þetta eitthvað smá og svoldið og það var voða gott að fá smá skýringar á því hvað væri að hrjá mig. Klárlega eitthvað úr blakinu – hið merkilega er að ég fór ekki að finna fyrir því fyrr en næstum sólarhring eftir æfingu – Palli minn segir sko að þannig sé það með alvöru íþróttamenn, þeir finni oft ekki til fyrr en daginn eftir oh yeah. En hvað ég gerði veit ég ekki – held helst að ég þurfi að hita upp mínar axlir og hendur betur – þó maður hjóli þá hitna þeir ekki endilega!

En annars er það að frétta að við erum farin að borða léttari mat á kvöldin – ég hef samt ekkert lést sem er náttúurlega afar leiðinlegt – en ég er að gera margt rétt. Það eru örugglega bara komið vel á aðra viku þar sem hlutirnir hafa gengið þokkalega. Ég veit að þegar ég hef náð jafnvægi í matarmálunum þá mun ég léttast hratt og vel – næg uppbyggingin hefur verið í vöðvum nú undanfarið í öllum æfingunum.

Ég er því bara bjartsýn og alls ekki á því að gefast upp, hreint ekkert á neinum þunglyndisbuxum.

Nú þarf ég bara að ganga frá ýmsum lausum endum sem vekja smá kvíða hjá mér. En annars er þetta nú bara á góðu róli og skemmti mér ótrúlega vel í blaki og lyftingum með Alice…

Life is good

Jæja það ætlar að ganga seint að slá í gegn í mataræðinu – og þar með að léttast. Kannski það sé bara kominn tími á matardagbók? Líklega – byrjum á því á morgun – öðruvísi gengur þetta ekki. Eitt jákvætt er þó í þessu – ég er ekki að lemja á mér fyrir bresti mína á kvöldin heldur heiti mér því að gera lágmarka skaðann og gera betur á morgun. Það dugir hins vegar ekki að gera það endalaust – heldur verður að skipta um verkfæri ef morgundagurinn verður aldrei betri en gærdagurinn. Því eru það bjargirnar sem gilda – nefnilega matardagbókin.

Hreyfingin er hins vegar í fínu lagi og ég er í mikilli framför líkamlega. Ég er sterkari, verkjaminni og minni um mig. Ég lyfti af krafti og brenni 2x í viku og tek svo 2 skverlegar blakæfingar þar sem ég hita vel upp fyrir þær. Ég þarf að vísu að skella í mig tveimur treo en skítt með það! Mjaðmirnar kvarta ekki á meðan.

Ég er aðeins farin að finna til í bakinu – það gæti verið vegna óhoflegrar notkunar á Lazy boy stól þeim er ég fékk lánaðan fyrir jólin – ;-). Ætla að skoða það líka að gera meira heima hjá mér þegar ég kem heim á kvöldin og helgarnar gæti ég vissulega nýtt betur en til þess að hvíla mig voða mikið í þeim góða stól:-)

En nú er ég í Grímsnesinu góða að hita upp fyrir vinnutörn sem hefst einmitt núna klukkan 12:00 svo over and out 🙂

Jæja nóg að sýsla í minni heittelskuðu vinnu… Svei mér mikið um verkefni 🙂 Gaman að því…

Þá er ekkert annað en gera þau híhíhí

Annars er þetta bara í lagi – frábær æfing í gær – gjörsamlega geggjaðslega skemmtilegt!

Mataræði ekki í lagi – nokkrir lakkrísmolar og kvöldmaturinn ekki við hæfi megrunarfræðinga 🙂 en ég er ekki af baki dottin.

…úff svaka mikið af kílóum…

En hvað um það frá öðrum degi jóla hafa bæst við 3 kg en miðað við tölum í byrjun des hef ég staðið í stað – en ég veit að 3 kg talan er nær sannleikanum. Maður er útþaninn, bólginn og vatnaður í hel eftir letilíf og át. Það er engin spurning þó það hafi verið betra en oft áður – mikið um vínber og mandarínur þessi jólin og nokkur hreyfing – ekki næg og alls ekki þær göngur sem mig langaði í – en engu að síður allt á réttri leið. Maður biður ekki um meira :-).

Nú er að finna til allar græjurnar í töskuna og hypja sig af stað í blakið – nýársteiti hvað sem það nú er þegar blak er annars vegar!

Ah jæja ég var að skoða kílóin mín  – ég ætlaði að léttast um 6 kg í ár en mér hefur nú fundist ég bæta við mig svona eins og 15 en það er nú orðum aukið – ég hef bætt á mig nákvæmlega 3 kílóum, þegar upp er staðið – og ég ætla að setja mér 9 kg markmið þetta árið. Sjálfstjórnin hlýtur að hjálpa mér við það!

Ah það tókst nú – svona næstum því 😉