Month: október 2009

Mín hefur nú ekki verið alveg ómöguleg þessa viku…. nú er áherslan á hreyfingu og ná henni upp í einhverjar hæðir sem passa fínnir frú eins og mér :-).

Nú það hefur verið Nautilíus 2x í vikunni með fínni hreyfingu, mogginn náttúrulega og svo massa blak áðan.  Gat ekkert en reyndi.

Áframhaldandi þjálfun framundan.  Vandinn er að hafa tíma fyrir námið, – vinnan hangir inni en mataræði ekki nógu gott og tiltekt ekki mikil enda ætti ekki mikið að þurfa að gera mikið af því – tvær manneskjur hér sem aldrei eru heima hvort sem er…

Ég fór í krabbameinsleit í vikunni – mjög ánægð með mig.  Fékk svínaflenslusprautu í dag og dey því vonandi ekki úr því en af því hef ég þungar áhyggjur…

Það þarf að læra vel um helgina.  Ég bara geri það þá – eins og ég á eftir að hreyfa mig. 

Ég er með mjólkuróþol held ég alveg klárlega.  Hef lagast nokkuð eftir að hafa tekið hana alla út og svo fæ ég mér shake á morgnana – það virðist ætla að koma vel út.

Ef ég ætla að nota þau rök að ég hafi ekki tíma, sé of þreytt, hafi of mikið að gera – já komi því ekki við með nokkru móti að fara í hreyfingu þá get ég eins hætt að reyna það.  Því þannig verður það alltaf.  Þess vegna fór mín í ræktina í kvöld að verða átta algjörlega búin að vera – en samt voða glöð því ég er komin með tölvuna aftur – sem er afar ánægjulegt.  – En ég hef sko verið tölvulaus meira og minna í viku.

Nú en sem sagt – þetta tekur 2 tíma svona ræktarferð – með potti og öllu.  Á morgun ætla ég aftur og þá bara að hjóla og synda smávegis  – það tekur styttri tíma.  Ég ætla að virkilega að reyna að vera dugleg að læra eftir vinnu – elda og fara svo smá í salinn…..  passa bara að gaufa ekki of mikið en það er nú svoldið minn stíll.

Og svo ætla ég að muna – það er alveg sama hvað ég er þreytt, illt og illa upplögð mér líður alltaf betur eftir salarferð – það er bara hreinlega tilfellið.

Það ætla ég sem sagt að muna….

Verkefnin eru ótalmörg og ég gæti bloggað um mjög margt 🙂
T.d. hvað ég lærði ótrúlega mikið í Félagsfræði og heimspeki menntunar – ég bara er ekki söm manneskja svei mér þá!  Og litlu minna lærði ég þó annars slags væri hjá honum Þorsteini Helgasyni.  Þar var hver snillingurinn upp af öðrum með mjög ólíka menntun og bakgrunn.  Ég var í hóp með stúlkum sem voru svona bara rétt fermdar en svo svakalega skemmtilegar og klárar og kenndu mér svo margt.  Meiri snilldin – ég veit ekki hvort ég er tilbúnari til að læra nú en áður – eða hvað en amk lærði ég ótrúlega mikið í vor á að gera verkefnið í námsmatinu – og stend sterkari fótum í ýmis konar ritgerðar og verkefnavinnu en áður.  En boy oh boy hvað verður mikið að gera næstu vikur. 

En ég skal komast í gegnum þetta.

Nú er ég farin að hugsa um að fara bara á einhver fæðubótarefni – herbalife eða eitthvað útaf maganum á mér – ég get illa verið eins og ég hef verið undanfarið.  Ég þoli klárlega ekki fleiri sjálfsvorkunnarköst ;-).

Nú svo er markmiðið mitt þessa viku að komast í líkamsrækt – það verður í algjörum forgangi – ásamt vinnunni, og námninu – en svona heimalagað séð þá þarf það að bíða…. Sem sagt Nautilíus, badminton – kannski eða í það minnsta Nautilíus.  Svo er það Blakið og ein góð stafganga í einhverjum skóginum :-).

En nú er að huga að afmælinu hans Skafta.

Illt í maga af öllu mögulegu….
Frábær blakæfing í dag
Rosalegt að gera í staðlotum – ekki neitt venjulegt hvað ég er að læra mikið 🙂
Góð í fótum verri í baki 😉
Langar til að hætta að vera illt í maga…

Er mjög uppgefin á því satt að segja…

Góða nótt

Sko þessi vika er ekki alvond.
Og sú síðasta ekki heldur – ég fékk bikar frá Polla þá og allt – svo þá er hreyfingin í lagi.

Í þessari viku er hún enn betri:  Mánudagur – læra rosa mikið, þriðjudagur læra enn þá meira og fór í fyrsta sinn í Nautilíus og fór bara á hjólið og stigvélina í 20 mínútur en glímdi samt við stigann og allt og svona – gott að fara í fyrsta sinn og það allt saman.  Líka því það var ógó mikið að gera þennan dag!  Og ég alveg að missa tökin á öllu í hreyfingunni.

Miðvikudagur held ég að ég hafi nú ekki gert neitt….  nema bara hvílt mig…
Fimmtudag var alveg massív vinna og svo frábær blakæfing (er nefnilega farin að geta hlaupið í átt að boltanum þó ég nái honum ekki….), föstudagur alveg svakalega mikil vinna, laugardagur stigvél dauðans og svo synti ég smá.  Flott æfing, sunnudagur massa ganga með stafi í Þrastarskógi – svo ég er bara góð sko!

1/8 af matnum samt ekki farinn út – hann fer út í næstu viku vonandi.  Þá er námslota í bænum og nám og nám og nám.  Og hreyfing náttúrulega.

Jamm ég er sáttari við mig þegar ég næ að fylgja hreyfingaprógramminu…

já og svo er náttúrulega mogginn alltaf á morgnana – það er nú þó alltaf það.

Þarf að rifja mjög margt upp:

afhverju ætla ég ekki að láta undan?
Hvert er markmiðið mitt – afhverju?
Hvernig ætla ég að ná því?

Hugsa um þetta í dag um leið og ég geri hitt og þetta – vísast ekkert af því sem kemur málinu við 😉

Verður ekki málið!  Allt að komast í sant lag – er farin að sofa – rosalegt hvað maður er syfjaður maður – erfið vika – nóg að gera

Nám gengur vel
Vinna gengur vel – er ekki í nokkurri skuld vinnulega séð og hef skilað af mér öllum tímum og rúmlega það.   Kann að vísu ekki nægilega mikið í stærðfræði til að ráða við þá úkraínsku en það kemur….
Já var ég búin að segja að nám gengi vel 😉

annað er svo aftur verra…
Er samt búin að kaupa mér kort í Nautilíus í sundlauginni og þorði niður hringstigann – var ekki einu sinni smeik – hjólaði smá og fór á stigvélina fór svo í pottinn og geystist heim til þess að læra og ljúka verkefni númer 4 þetta misserið og ég gerði það – var ekki nema 5 mín of sein!  Hef því skilað öllu mínu og aldrei beðið um frest og er óstjórnlega stolt af því.
Mataræði í hönk svona að mestu, hreyfing of lítil en horfir til betri vegar.

Nú er mín nú bara búin að borða eins og svín í gær og í dag.  Hlýtur að gera mig voða glaða á þriðjudag á vigtinni…  Því ég ætla svo voða mikið að léttast…  Veit greinilega ekkert hvað þarf til þess – amk alveg búin að gleyma því!

Ferleg…

Ein lausn væri að hreyfa sig rosa mikið um helgina – svona eins og 1000 kal meira en vant er – það er svo sem vel viðráðanlegt…

En svei mér þá ég ætla að kaupa mér kort í Nautilíus – ég hlýt að komast niður þennan hringstiga….

Það verður svaka gaman að byrja að lyfta aftur.  Hreyfingin er að koma inn – Blak badminton sund ganga með blöðin og smá hlaup þar á meðal.  Æfingaáætlun tekur fullt gildi í næstu viku vænti ég. 

Mér gengur vel í kennslunni og halda áætlun þar – eldamennska er svakalega lítið í lagi.  Það kemur í næstu viku vonandi eins og allt annað – því þá þarf ég bara að æfa fullt og elda mikið og gera fullt af verkefnum í skólanum….

Já ég verð áreiðanlega með allt á tæru þá…

En það var svaka gaman í blaki

Ég er svaka slæm í maganum

og það er svaka mikill skítur í húsinu.

Og Dísa systir á sko afmæli og bráðum verður Ási 50 ára – svei mér þá…