Month: maí 2009

þó ég hafi ekki náð markmiði mínu – 2,5 kg frá því satt að segja. Hef síðan – til þess að leggja áherslu á ósigurinn etið það sem mér sýnist nú um helgina í skjóli þess að vera að læra og vinna ógurlega mikið! Á móti kemur að hreyfingin hefur algjörlega komið inn – meira að segja golf í gærkveldi – heillengi oh yeah. Sund og ganga og allt!

Mogginn er kominn í frí til 15. ágúst hjá okkur og því verður að endurskipuleggja morgunhreyfinguna alveg upp á nýtt.

En nú sit ég úti í skóla og er að byrja á námsmatinu – þe að koma því af mér – því litla sem ég gat gert og hef gert í þessum forfalla vetri mínum.

Ég vann mjög vel við verkefnið í náminu mínu í gær en á um 8 klst hugsa ég eftir + yfirlestur frá einhverjum góðum.

Ég bað um aukafrest – er orðin svo ábyrg að það er rosalegt.

En nú er ég farin að demba mér í vinnu – verð hér til sjö eða í sex klst og svo á morgun allan daginn.

Bestu kveðjur úr Grímsnesinu 🙂

…er að verða svooooldið stressuð út af þessu markmiði þeas að ég er hreint ekki að ná því…..

omg hvað gerir maður þegar maður nær ekki markmiðum…

og hvað gerir maður þegar það á að vera skyr í hádeginu – en hviss bamm maður borðar bara eitthvað allt annað?

Ítrekað…

Sigh – reynir að bæta sig það er víst ekki annað að gera – og horfast í augu við raunveruleikann. Þeir drepa mig vísast ekki þarna á Reykjalundi…. en ég fæ áreiðanlega eitthvað svona augnaráð… eða comment… omg ég er alveg að flippa

og ekki bætir úr skák að ég er latari en allt sem latt er! Nú eða bara svo þreytt…

Og ég er sko ekki að hreyfa mig 90 mín á dag – enda eiginlega svoldið lasin ennþá…

OMG

Það var frábært hjá mér um helgina – við hittumst bekkjarsysturnar frá Ljósafossi – það var nú meira æðið. Ég hafði vit á því að fara ekki í pottinn og ekki fór ég heldur í göngu enda hálflasin enn. Ég fór síðan í vinnuna í dag en það var starfsdagur. Þetta verður allt í damage control stíl enda svakalegt að missa af tveimur síðustu vikunum. En það er ekkert sem hægt er að gera við því að maður verður hundlasin…

Ég ætla að fara aftur á safakúrinn þó ég hafi nú eyðilagt hann núna um helgina – það getur ekki skaðað að fá sér safa í 3-4 daga, svona eins og ég get. Ég er líka bara að hugsa um að forðast það sem er óhollt og halda mér á strikinu. Ég þarf síðan að taka vel á hreyfingunni á næstu þrjá dagana. Þarf enn að losna við 3 kíló eða svo ;-). Meira hvað maður getur lést lítið og ekki neitt – 2008 stíll að komast á þetta? Nei nei – ég léttist á skyrkúrnum um daginn og nú þegar ég fer aftur að geta hreyft mig þá verður þetta alveg í lagi allt saman. Full bjartsýni – gengur ekkert annað.

Ég verð samt ekki eldri ef ég vigta enn það sama á föstudaginn þegar ég fer á Reykjalund og þegar ég fór þaðan – það væri svakalega leiðinlegt… en það þýðir víst ekki að halda að maður léttist hviss bang… þá væri ég búin að því hugsa ég ;-).

Það eru þrír kennsludagar eftir af skólanum, ég þarf að klára verkefnið í HÍ – en það er löng helgi næst þannig að vonandi næ ég að gera eitt og annað…

Annað er ekki í boði Ingveldur.

Nú eitthvað er lítið til í ísskápnum af því sem á að fara í drykki dagsins og sumir hugnast konunni lítt þar að auki – hún fékk sér því endurtekinn jógúrtdrykk frá því í gærmorgun og í gærkveldi fékk hún sér melónu kennda við vatn. Gott ef ein kleina slæddist ekki inn fyrir mínar varir líka en hún var mjöööög lítil. Miðað við ástandið á minni þá stundina má teljast algjör heppni að ekki fór stærri biti ofaní blessaða konuna.

Annars eru áhrifin að koma í ljós – ég fer reglulega á klósettið – nokkuð títt meira að segja og skila af mér ýmsum efnum – ég hins vegar léttist nú ekki neitt sem eru algjör undur miðað við hvað ég er að setja ofan í mig en á móti kemur að ég hreyfi mig ekki neitt. Nú er bara að undirbúa helgina vel og borða skynsamlega þá og koma sér í léttar göngur helst tvisvar yfir daginn. Svona ef það verður ekki kalt. Þessi veikindi verða bara að ganga sinn gang og svo hef ég fjóra daga í næstu viku til þess að vera á skyrkúrnum mínum:

Hafragrautur – bláber

ávöxtur og vatn

skyr, banani og jafnvel annar ávöxtur eða gúrka

ávöxtur – eða orkubar eftir aðstæðum

kvöldmatur 300 gr grænmeti og léttmeti eitthvert

Svefn

Þetta skilar mér ótrúlegum árangri – ég reif af mér kíló á viku með þessu eftir páskana – minnst að vísu með mjög mikilli hreyfingu. Það er námsmatsvinna í næstu viku – ég þarf að vinna upp ýmislegt þegar maður er ekki 2 vikur í skólanum eða svo… en ég verð að halda hreyfingunni yfir mér – vigtin á Reykjalundi vomir yfir eins og refsinorn 🙂 og er ég maður eða mús – ætla ég að standa mig – ætla ég að keppast að markmiðinu sem ég hét mér – eða ætla ég bara að gefast upp afþví ég nenni ekki og er viss um að ég geti ekki?

Nei ég ætla að berjast þar til klukkan 10 á föstudag og sætta mig svo við að hafa ekki misst 5,1 kg – því maður vinnur ekki alltaf en hálf ánægjan er að hafa reynt og ekki gefist upp ;-).

Ég er meira að segja búin að virkja og vekja keppnismanneskjuna í mér þannig að þegar Ísland var síðasta umslagið í undanúrslitinum í eurovison þá gat ég glaðst ómumræðilega yfir því – þar sem það var svo gaman að upplifa spennuna og svo ánægjuna af þessu öllu saman – gerði þetta hálfu skemmtilegra!

En ég er miklu skárri af kvefinu -en með dúndrandi hausverk, hósta og endalaust nefrennsli. Svitna ef ég hreyfi mig á milli herbergja þannig að ekki er ég nú orðin góð – en þetta er á réttri leið og mikið er ég fegin.

Ég vonast til þess að geta sest við verkefnið á eftir í smá tíma.

En ég drakk nú samt hálft glas og rúmlega það af því! En svo gat ég líka ekki hugsað mér meira af þessum grænmetis ávaxta söfum…. Ég fékk mér því skyr með banana og vatnsmelónu…. en enginn ávöxtur í veröldinn er meira hreinsandi en vatnsmelóna… Það verður bara að hafa það að mig langaði ekki í einhvern kryddaðan epla, engifers, eitthvað drykk…

En þar sem ég get rifist svona yfir mataræði þá má sjá að ég er að lagast af kvefinu – ekki seinna vænna reyndar… varð lasin 9. maí – meira vesenið. 11 dagar come on – ammm jæja þá er bara að fara vel með sig og láta sér batna algjörlega. Ég svaf mikið í dag svo það er batamerki að maður nái dúr án þess að hósta sig og snýta í kaf ;-).

En það eru fleiri safar á morgun og svo er ég að gera matseðil fyrir helgina en þá verð ég í bústað og ferð ekki á neinum söfum sko – það er klárt. Ég þarf að halda vel á spöðunum svo ég léttist og sé klárlega eitthvað töluvert léttari en í febrúar þegar ég fór frá Reykjlaundi. Helst 5 kílóum en það svo sem hrynur ekki heimurinn en svona sjálfsvirðingar minnar vegna þarf ég helst að ná því.

Ég var að hugsa um að hjóla áleiðis í vinnuna í næstu viku ef það verður sæmilegt veður – og svo myndi sá sem fær alltaf far með mér í vinnuna koma á eftir mér á bílnum og húkka mig upp 🙂 Svona til þess að fá aðeins meiri áreynslu en rétt væri nú líklega að geyma þetta í viku og hjóla frekar innan bæjar á meðan maður jafnar sig. En uppbygging þarf að eiga sér stað eftir að liggja í rúminu í 12 daga eða svo… But I can do it 😉

ja eða eiginlega 1 og hálft en ég læt sem ekkert sé enda borðaði ég bara kál í hádeginu í gær þannig að DAGUR 2 á sjö daga safakúrnum sem ég hugsa nú að verði ekki nema 3 – 4 dagar´hjá mér.

Ég er búin að fá mér gulrótar, appelsínu banana apríkósu drykk í morgun – er að fara að borða graskersfræ og eitthvað þarf ég að drekka af tei líka – ég er nú þegar orðin mjög svöng – 30 mínútum eftir að ég drakk híhí þannig að þetta lítur vel út -eldhúsið er á hvolfi – það fer mjög mikið fyrir einni safapressu og einum blandara sem svona hálf er búið að þrífa.

Hún sem skrifaði bókina mælti með því að maður gerði alla safa dagsins í einu og ég held að það sé hárrétt hjá henni – maður verður geðveikur að gera þetta á 90 mínútna fresti eða svo yfir daginn – fyrir nú utan að þrífa þessa ósköp öll! En ég á engar almennilegar flöskur- ætla að biðja RP um að athuga hvort hún finni eitthvað i Europris – einhverja brúsa en auðvitað væri hægt að demba þessu í hálfslítra flöskur -… já kaupi mér frekar bara trekt – spara og það allt saman…

En sem sagt – þarf að fara að útbúa næsta skammt svo ég verði ekki geðveik úr hungri og deyi kannski bara…

Sama blíðan úti og undanfarna daga – ég hef samt ákveðið að hugsa ekki um það enda ekki í neinu standi til þess að vera úti eða hafa áhuga á því sem gerist fyrir utan mitt nef og háls og haus ;-). Er með hausverk dauðans núna og svo stífluð og ómöguleg að það er ekki fyndið en góðu fréttirnar eru samt þær að ég er að lagast… en það er einingis í mjög smáum skrefum… Ég hlýt að verða fær um að gera eitthvað á morgun… kannski á eftir en nú sé ég eiginlega bara tvöfalt 😉

Nú jæja ég ákvað að byrja bara á þessu safa dóti í dag. Já já svei mér spennandi dagar framundan . Ég sé sem sagt ekki alveg fram á að litla ofætan sé að meika þetta en – nú ég byrjaði nú eiginlega bara á miðjum degi – en í morgun fékk ég mér salat og skinku og svo 3 finn crisp braut.

Ég er búin að drekka 3 drykki af 4 sem áttu að fara inn í dag. Nú þegar er ég

mjög leið á að þrífa safapressuna
búin að fatta að ég er ekki góð í þessu að lesa uppskriftir út í gegn…
fegin að ég á kitchen aid blandara
góð í að þrífa kitchen aid blandara
veit ég að pera, sellerí og engifer bragðast illa jafnvel án bragðsskyn
veit ég að klaki er alveg ómissandi með þessu…
veit ég að 20 grömm af hörfræði er mjööööög spes nasl…
veit ég að það verður sMÁ brekka í þessum…

Nú til þess að bregðast við þessari vitneskju allri saman þarf að rifja upp afhverju ég er að þessu…

Í fyrsta lagi fær heilarinn minn alltaf vitrun um að ég sé fuuuuuull af einverju sem ekki á að vera … Nýrun svoldið aum og ristillinn svoldið spes, drekk ekki nægilegt vatn og hreinsast því ekki nægilega vel út og svona – og ég finn að þetta er rétt hjá henni.

í öðru lagi veit ég að ég þarf að hætta þessu lite drasli

Svo vil ég endilega ná 130 kg markinu þegar ég fer á Reykjalund og þar sem ég hef etið ís, drukkið kók og legið í bælinu í 8 daga samfellt þá hef ég nú ekki brennt miklu – og því hef ég ekki lést neitt í þessu kvefi mínu… vantar enn amk 2 ef ekki þrjú kg í þetta….

Nú en allt sem er undir 135 kg er sigur því það var það sem ég var þegar ég útskrifaðist en stefnum á nýjan tug…

Nú svo fæ ég mat einhvern tímann þó það verði ekki alveg á næstu 3 – 4 dögum. Ég er að fara í bústað með fermingarsystrunum mínum á laugardaginn og þá ætla ég bara að borða kjúkling og grænmeti og sjá svo til hvorg ég byrja á skyrkúrnum aftur því ég er ekki að borða nema um 1000 kal á dag í þessu safa dæmi og ég þarf 1600 kaloríur svo þess er varla að vænta að maður geti stundað vinnu eða hreyft sig á þessu fæði….

Við skulum fyrst komast í gegnum daginn í dag, og svo einn dag í einu. Gaman að prófa þetta – og enn meira gaman væri nú ef ég léttist og gæti þetta…

Sem ég bara get. Er hvort sem er ekki að fara út að hreyfa mig á miðvikudag né fimmtudag og ekki viss um vinnu á föstudag – svo ég læt lítið fyrir mér fara en vonandi get ég farið og lesið og einbeitt mér í smá tíma við verkefnið á morgun – mig langar svo ótrúlega að klára það sem fyrst.

Hættum að sjá drauga í hverju horni og gleðjumst heldur yfir því að losna við eitthvað af eitrinu.

Eftir safapressun gærdagsins hef ég ekki séð til sólar en er held ég aðeins að lagast 🙂

Mikið verður gaman að vera batnað! Ég er alveg ákveðin í því að fara vel með mig – þetta er allt komið í voða þarna í skólanum af minni hendi hvort sem er – maður kennir lítið þegar maður er í burtu…

…sem eru helteknir af skoðun veraldarinna á þeim! Ég er að horfa á DR og þar snýst fréttatíminn að mestu um það sem Danir gera erlendis 😉 og hvað erlendum þessum finnst um baukið.

Ég er komin með í láni þessa líka fínu safapressu – búin að stinga tveimur eplum í hana og fá út safa! Þannig að nú þarf ekkert annað en heilsu til þess að kaupa inn í kúrinn og byrja! Það skiptir engu máli hvernig hlutirnir bragðast enn sem komið er og þá ekki hvernig þeir lykta :-). Afar mikill kostur sérstaklega ef þetta er vont – sem það lítur nú ekki út fyrir að vera.

Fékk pencilín í dag við skulum sjá hvort ég lagist – hefur heldur hrakað eftir því sem liðið hefur á daginn – fer ekki í vinnu á morgun. Sjáum til með miðvikudaginn!

Spennandi tímar framundan hvort sem það er kvef eður ei – safapressa, ávextir og annað dóterí sett í fljótandi form og dreypt á. Bókin lítur frábærlega út – 7 daga safakúrinn og ég hreinlega sleiki útum þegar ég les sumar uppskriftirnar. Fyrir utan að ég hef svolitlar áhyggjur af hitaeiningunum – þarf að passa að fá nógu margar svoleiðis – en kvefið hefur skilað mér því að ég er með lítinn maga innra með mér – en hef eiginlega bara borðað óhollt 😉

Finn hvorki bragð né lykt þannig að nú snýst þetta allt um texture – merkilegt! Veit samt ef eitthvað er salt – og sæki því mjög í það en það verða safar að einhverju leyti á morgun – ef ég kem einhverjum í búðina fyrir mig 😉