Month: mars 2009

að gera nokkurn skapaðan hlut í dag.

Og ALLS ekki neitt gáfulegt!

Þarf að rifja upp þetta með að borða ekki nammi – ekki heldur í veislum

Aldrei!

Jamm! Er ótrúlega þreytt og eitthvað lerkuð. Er sko að jafna mig á íþróttameiðslunum en er annars bara aum og þreytt – fór samt með moggann seinni partann en ekki í morgun.

Ég er samt ótrúlega þrekmeiri en ég var – sem sagt – þetta fer að verða voða mikill munur!

Tala nú ekki um þegar ég verð búin að hvíla mig svoldið!

Það ætlar nú ekki að ganga vel hjá Ingveldi að halda sér í lagi. Ég verð að væla svolítið og svo er ég hætt því í bili – en ég þrífst á væli en svo stend ég nú vanalega upp aftur svona ef skrokkurinn leyfir 😉

Síðast þegar ég fór í blak þá gáfu ristarnar sig.

Nú svo er ég nú búin að synda þessa vikuna og halda út í badminton og hvíla í gær – allt eftir kerfinu og voða fínt! Öll að lagast í löppunum jafnvel og bara farin að finna þennan fræga mun!

Þá meiði ég mig í öxlinni í blaki í dag og er gjörsamlega að drepast.
Hnén eru eins og þau hafi verið lamin með baseball kylfu – svo aum og vitlaus eitthvað.

Já og ekki má gleyma bakinu – það er svona skemmtilegt og til vandræða – ekki búin að vera það í 3 ár!

Það er svo frábært að geta fundið til á nýjum og nýjum stað nú þegar hællinn er að lagast – ristarnar hanga ef ég er í réttum skóm, já og svona almennt bara góð…

Nei þá bætast nýir staðir við. Ég er alveg ægilega leið því ég finn virkilega mun á mér allri við að léttast um þau 9 kíló sem eru farin síðan um áramót – var bara að vona að nú myndi þetta lagast. Nú væri ég að komast á beinu brautina og ekki margs nýs að vænta í því að finna til….

Þetta er náttúrulega allt alveg ótrúlega lítið merkilegt – en dugir mér fínt til að vera hundfúl yfir þessu!

100 pönnsur á morgun fyrir erfi og partý hjá Sls – ég kemst áreiðanlega í gegnum þetta…

Og hann át ég með skilum í dag en á móti þá fékk ég mér enga köku sem var í boði – hvað hálfur mexíkóostur – iss piss :-).

Annars er ég góð – mataræði í lagi, hreyfing í meira en í lagi og svefn fínn. Næ engan veginn að gera allt sem ég þarf að gera í vinnunni en reyni og reyni og reyni.

Held áfram að reyna og sætta mig svo við að meira fái ég ekki aðgert.

Er annars nokkuð fers í kennslunni og veit nokkuð hvað ég þarf að gera. Ég þarf t.d. að læra dönsku tölustafina heima svona til þess að líta betur út í kennslunni :-).

Svo er bara ekki langt í helgi og þá er ROSA partý!

Blaðburður
Sund
Ótrúlega gott mataræði

Kennsla frá 8:30 -15:30

Ég er skoho ánægð með daginn

Nú eru sko stórir hlutir að gerast – Ingveldur fór að synda – sem er afar mikilvægt því ég ætlaði að gera það! Ég synti í alveg í 45 mínútur sem er vel af sér vikið barasta – eina vandamálið við þetta sund mitt er að eftir 30 mínútur þá verður mér svo ógeðslega kalt – þetta gerðist líka um daginn í Borgarnesi þegar ég synti þar – það er eiginlega hrykalegt að synda svo hægt að maður nær ekki að halda á sér hita! Eiginlega skammarlegt – og ætli það sé y í hrikalegt – hmmmmm….

nú og svo er hirsluinnkaupaskylda á þessu heimili – ég hef ákveðið að það gengur bara ekki að ég eigi ekkert undir dótið mitt og hafi enga vinnuaðstöðu – nú er því verið að setja saman kommóðu sem konan keypti sér fyrir heilar 8 þúsund krónur – skrítið að hafa beðið með þetta í 20 ár eða svo! Næsta mánuð verður síðan keypt hvít Billy hilla með hurðum. Það er sko alveg ákveðið

Svoldið leiðinlegt – ég þarf að fara til tannlæknis og ég get sagt ykkur að ekkert óttast ég meira en fara til tannlæknis! Ekkert – ekki einu sinni Vattanesskriðu…

En sem sagt bara svo það sé til á blaði – er að drepast í ristinni hægra megin – ofar en vanalega og get mig ekki hrært nema á parkódin forte – en ég gat alveg synt það er bara þunginn af sjálfri mér sem ég þoli ekki…. híhí – þarf sem sagt að léttast!

Annars var ég að hugsa ég er búin að vera 140 – 144 kíló endalaust – í ár eða svo – og svo allt í einu skyndilega stendur á vigtinni 133 kíló og hversu gasaleg sem sú tala er þá er hún mjög ókunnugleg og þegar ég er að skrá þetta í motionsdagbog.dk þá er ég alltaf að skrá vitlausa tölu því ég er svo óvön að skrifa 13 og eitthvað ;-). Gasalega tala og allt það en engu að síður annað en 16 og eitthvað…

Mér finnst eins og ég sé komin 2 skref eftir einstiginu…

Og ég fór í Bónus og keypti fullt af hollu og góðu – og mat handa mér í hádeginu líka. Nú er lífið að komast í fastar skorður – vona ég….