Month: október 2008

Jæja nú held ég að það sé bara eitt að gera – tala svolítið um sjálfan sig ha ha ha!

Ég fór í nálar í dag við beinhimnubólgu og ég get svarið ykkur það að þetta er alveg magical. Nú er eins og litlir maurar séu að trítla upp og niður sköflunginn. Og svo finn ég til í öllum aumu stöðunum í fótunum mínum. Mjög skemmtilegt að vita af þeim öllum.

hægri löppin á mér er alls ekki nógu góð og hreint ekki að batna. En læknirinn sagði að þetta tæki 2-3 vikur að lagast.

Það verða engar 24 stundir í fyrramálið – líklega ekki meira í mánuðinum en talaið er að Pósthúsið verði lagt niður og þá fáum við kannski fréttablaðið með í burðinum. Jamm annars er ekki að vita. Það þarf þá að lengja gönguna einhvern veginn. Kannski löbbum við bara út í hverfi og fáum þannig okkar göngu. Gæti skeið.

Þetta er nú það helsta af mér ;-). Þjóðfélagið er sem sagt allt á öðrum endanum og líklega er Ragnheiður bara að koma heim.

það er mjög margt sem mér finnst alveg ómögulegt. Ég ber t.d. ekki traust til stjórnenda landsins og bankamála. En ég ætla að gleðjast yfir því að Aðalsteinn og Páll hafi vinnu. Tala nú ekki um ef þeir fá útborgað.

Ég hef líka vinnu. Ég vona svo sannarlega að sveitarfélögin fari ekki yfir um.

Svo er bara að vona að greiðslukjörin batni eitthvað og maður ráði við þetta en ef ekki þá bara er það í lagi.

En þetta er ekki bjart.

Það brotnaði tönn í gær.
Ég komst ekki í blak því ég er svo hölt.

En þetta er nú allt smámunir!

Davíð Oddsson segðu af þér Petition

Svona ef þið viljið fá útrás!

Hún Ragnheiður mín er svo meðvituð – en hún er svo sem á hálgerðum bömmer í sínum lýðháskóla. Verður líklega að koma heim – eini staðurinn sem hægt er að eyða krónum er á Íslandi svo það er eins og að brenna þær ef maður er erlendis. Sigh En hún er svolítið kúnstug. Þetta var á msninu mínu í morgun:

Ragnheiður i Lydhaskola says:
Hei fólk er að segja, hvað hafa Samfylkingarmenn eiginlega gert núna á þessum tímum, mér finnst Björgvin og Jóhanna vera dýrðlingar og spyr ég því bara á móti, ég hef ekki séð Árna Matt síðan við opnun Vatnajökulsþjóðgarðar og þar var hann bara uppá punt…. sjálfstæðismenn sjá ekki neitt nema það sem þeim sýnist…Guðni með Alzheimer og segir að það eigi alltaf undir öllum kringumstæðum að ráða lærðan og hæfan mann í eins mikilvæga stöðu og Davíð gegnir núna…

Síðan þetta var sagt þá hefur Árni Matt komið sterkur inn

Annars var ég að heyra að Árni ætti Byr svo það er ekki nema von að hann sé látinn vera bakatil. Meira vesenið á þessu landi okkar.

Mest svíður mér hæðnin og vanvirðing sem okkur er sýnd. En við eigum líklega ekki annað skilið – andlit okkar útá við var fégráðugt græðgisþjóðfélag. Við súpum af því seyðið núna…

Hvernig þetta endar er ekki víst! En það endar ekki vel í allra næstu framtíð.

Haldið þið ekki að ég hafi meitt mig í sininni undir hælnum alveg upp á nýtt í morgun. Gjörsamlega ógöngufær. Sigmar samkennari minn þurfti að færa mér matinn hvað þá annað!

fer til læknis á eftir til að athuga hvort ég hafi rifið eitthvað.

Skemmtilegt að hugsa um eitthvað annað en gjaldþrot bankanna!

Jamm

…en ég veit að sólin kemur upp á morgun. Hún kom upp í morgun og í dag hugsaði ég um börnin. Gekk vel.

Það er ekki úr háum söðli að falla hjá mér í peningamálunum, er gjörsamlega á kúbunni hvort sem er. Kann ekkert með peninga að fara – að minnsta kosti fram að fertugu svo mikið er víst.

En vont er að vita af umtalinu sem þessir menn hafa skapað Íslandi. Við þurfum að standa okkur og reisa okkur öll við – þessir drengir hafa farið dálaglega með okkur. En við snúum vörn í sókn. Ég held samt einhvern veginn að það þurfi að skipta út ansi mörgum – víða.

eða hvað. Maður er gjörsamlega eftir sig að hafa hlustað á Silfur Egils. Palli svaf ekki í nótt hann hefur svo miklar áhyggjur af lífeyrissjóðunum og því að ríkið ljúgi út úr okkur það litla sem við þó eigum! Enda er það ekki vaninn – láta alla bera ábyrgð svo enginn beri ábyrgð?

Ég er nú bara sammála því að bankarnir losi fé sjálfir til þess að verða sér út um gjaldeyri. Ekki á ég neinn… Nema ríkissjóð og einhvern lífeyrissjóð – kannski hefði ég þá bara viljað greiða upp þær skuldir sem hvíla þyngst á mér – frekar en borga fyrir Kbbanka sem vill ekkert borga fyrir mig.

Þetta er ekki einfalt. En ég er amk afskaplega löt.

Ég er bara búin að sofa frá því klukkan átta í gærkveldi – vaknaði í 2 klst til að bera út blöðin og svo bara bamm sofið til 11:00 pælið í því! Mér veitti líka ekki af því þar sem ég vaknaði þreyttari en þegar ég fór að sofa alla síðustu viku – ég var eiginlega alveg búin á því bara.

Ég ætlaði að vinna í dag – en ég nenni því ekki – ég fer á morgun – early. Kem svo snemma heima og held áfram að hvíla mig. Ég þarf líka að synda á morgun – eða ganga á bretti/hjóla á Borg því við hjólum ekki í dag – allt í klaka og snjó – stórhættulegt færi í morgun en allt gekk vel. Ég held að ecco standi sig bara vel í hálkunni.

Ég fór á vigtina í gær – horfði ekki – onei og langar það ekki einu sinni. Samt er ég nú að velta viðbrögðum Baldurs en hann var alveg eins og pókerfés – enda hafði ég sagt honum að hann mætti ekki undir nokkrum kringumstæðum segja neitt – sýna neitt – heldur bara láta eins og ekkert sé. Ég reyni að gera það sem ég get mín megin en ég ætla ekki að missa vitið yfir einhverjum helv… tölum á vigt eins og ég hef verið að gera allt þetta ár.

En talandi um minn enda – gera það sem ég get, þá gengur það ekki alveg nógu vel. Matardagbókin er ,,óhreinni“ en t.d. í síðustu viku farið að sjást brauð og vigtin gleymis oft heima! Og ég hreinlega finn að dagurinn í dag verður erfiður. Ég er búin að vara Palla við og segja honum að hann megi ekki láta nokkurn hlut eftir mér sama hvað ég skræki og skræmti! Nú er bara að rifja upp hvað maður gerir þegar maður nennti ekki að fara í Styrk fór samt – æfði og leið svo bara betur eftir allt saman! Mér Á eftir að líða betur þegar ég léttist með reglulegum hætti! Mér líður betur þegar ég finn fötin víkka og pokana minnka. Þetta er bara eitthvað sem verður að halda út. Stundum er erfitt að komast í allar æfingarnar, stundum gleymist vigtin og stundum fær maður sér eitthvað sem hentar ekki til léttings en svoleiðis er lífið. En staðreyndin er samt sú að matardagbókin verður að vera hrein – hreyfingin 9 – 10 sinnum í viku.

Blaðuburður 6 sinnum (þar af 2 x hjól – og þegar ekki er hægt að hjóla þarf að fara á brennslutæki í Íþróttamiðstöðinni eða bæta við sundið)

Blak – risaæfing og rosabrennsla. Mín farin að hreyfa sig mar!
Sund – sund er alltaf inni á föstudögum. Ég á erfiðara með þriðjudags-sundið. Er einhvern veginn alltaf að vinna…. þarf að bæta mig þar.

Sem sagt eilífðarverkefni.

annars er ég bara góð 😉

Hef svolitlar áhyggur af þessu öllu í þjóðfélaginu – en hver hefur það ekki! Við sjáum hvað gerist á mánudag…

Og stóru fréttirnar eru nú þær að ég ætla að snúa á skammdegisbluesinn – en í fyrra bað ég alla um að minna mig á að vera farin til sálfræðings fyrir 20. október því það virðist bara vera þannig að ég sigli inn í einhvern blues alveg sama þó mér finnist ég ekki gera það – ég fer alltaf í eitthvað rugl ástand frá nóv til mars! Gengur náttúrulega ekki. Svo ég er bara búin að panta mér hjá sála. Og ég ætla að mæta með umræðulista svo ég nýti tímann sem best!