Kominn tími á blogg?

Gæti verið – nóg hefur að minnsta kosti gerst á síðustu tveimur vikum eða svo. Frá því ég bloggaði síðast greip um sig Grímsævintýrsæði mikið – klikkuð vinna frá 6. ágúst að telja við að safna saman og ganga frá vinningum á tombóluna viðfrægu, vinna á Borg og hvur veit hvað ;-). Nú til þess að spara akstur tjölduðum við Palli á Borg og vorum þar fram á sunnudag þegar Þórunn vina mín greip mig með sér vestur í Vatnsfjörð (sofið á Barðaströnd) að tína ber í 5 daga.

Með nokkuð slæmt astma og ofnæmiskvef sem ég var að ná mér af alla helgina – með aðstoð Ól – og alls kyns pústa og pillna. (Þess ber að geta að þegar ég var fyrir vestan var ég ekki í sjónvarpssambandi sem var á köflum bagalegt en ég fékk að hlusta á Ísl-Þýskaland í gegnum gsm-inn stödd í berjalandi Vatnsfirðinga. Dásamlegt náttúrulega – ótrúlegt reyndar.

Nú svo bara er ég mætt í vinnu – í handbolta siguralsælu vímu. Ég fór til Baldurs í gær og ætlaði að biðja hann um að laga á mér hnéð snöggnvast en hann sagði nú að það væri bara á færi lækna að líta á það og hélt helst að það væri að gefa sig liðþófi – stundum er nú hægt að laga það. Það er bara vonandi svoleiðis hjá mér líka. Ég fór svo á þriðjudagsfundinn minn í bænum og hafði gott af. Reyndi svo að fara snemma að sofa svo ég gæti nú vaknað í Pólverjaleikinn í morgun – sem ég að sjálfsögðu gerði og þó ég hafi ekki verið jafn lyriísk og heimspekileg og Ólafur Stefáns í lok leiksins sat ég nú bara og þurrkaði tár af hvörmum. Og þá er það bara næsti leikur huhumm. Spánverjar.

Svo er skólasetning á morgun – bekkurinn með hefur vaxið úr 8 í 16 frá því síðasta haust – góð viðbót það og ég er í frábærri stofu -hreinni snilld og ég hlakka bara til að fást við verkefni vetrarins – vonandi verða bara stöðvar grín og glens hér út í eitt – sem minnir mig á það – hvar ættu börnin að geyma töskurnar sínar….

Hreyfing og mataræði? Ekki skipulagt en þokkalegt. Fullur áhugi á skipulagi og tjasli í sprungur 😉