Month: júní 2008

Jæja mikið hugsað og velt sér upp úr sjálsvorkunn – hreinlega marenerað mig í henni. Nú þarf að fara að skipta út verkfæri – hamarinn sem ég hef notað til þess að byggja húsið mitt dugir ekki lengur og spurning um að finna sér kannski skrúfjárn eða jafnvel sög….

Smá vandræði í heimilislífinu, sem ég er algjörlega að reyna að vera ekki mjög meðvirk vegna – í eða hvernig sem maður orðar það. MJÖG ERFITT

En í dag fór ég á hjólinu í útréttingar. Hjólaði í ,,miðbænum“ og allt. þvers og kruss og hingað og þangað um allan bæ – og svo í sund og synti smávegis og svo aftur að hjóla svoldið. Svo var nú eldað og hvílt sig dálítið og að lokum fórum við Páll í það að slá sem er afskaplega sjaldgæft að gerist hér en skal nú gert vikulega. Mér líður miklu betur eftir að það var gert. Þetta var ekki nokkur hemja orðið.

Á morgun er það svo fundur í bænum, og 2 júlí fer ég í alls konar litun á ýmsum hárum á kolli mínum – mikið hlakka ég til að fá augabrúnir. Svo þarf ég að slá svolítið með orfinu – það hefur nú mjakast smá vegis í garðinum með ýmis beð og gaman væri nú að klára þetta – eða svona gera þetta sæmilegt.

En nóg í bili – Inga pinga pikkaló

…vitjar heimahaganna. Bærinn í Einholti er horfinn en minningar þeirra sem eldri eru lifa enn og Sigtryggur Einarsson deildi þeim með okkur á laugardaginn. Skafti bróðir hans fylgist með og man nú sitt hvað líka.

Þetta var yndislegur dagur og sagan heillar….

eða hitt þó heldur.

Nú tekur við djúp íhugun og hátt flækjustig. Í tvo sólarhringa. Svo verður því lokið.

Maður er bara svo upptekinn í þessu sumarfríi að þetta er eins og harðasta vinna. Vinna smá fyrir kvenfélagið, vinna smá fyrir gogg, hreyfa sig, tjalda tjaldvagni, taka saman tjaldvagn, vesenast hægri vinstri. Þetta er ægilegt álag allt saman.

Ég fór í gær og tjaldaði vagninum og fortjaldinu við Þingborg en þar er föðurleggurinn hans Páls með ættarmót um helgina. Það gekk bara ljómandi vel hjá mér að tjalda einni og heldur betur en í fyrra þannig að maður verður sterkari ár frá ári – surprise ;-). Svo er nú annað – það er eins og að vera með smákrakka með ofvirkni og athyglisbrest og gott ef ekki svolitla einhverju líka að vera með hann Bjart í útilegu. Meira vesenið á þessum hundi. Hann er ekkert venjulegur ég meina það.

Hann slítur vírkeðjur sem eru sérstaklega búnar til fyrir hunda og eiga að halda þeim en nei hann bara kubbar þær í sundur þegar hann sér kött. Hann krafsar af sér múl sem á ekki að vera hægt, hann plokkar sig úr belti sem er svo margsett utan um hann, undir framlappir, upp á bak og fyrir framan framlappir – en nei nei úr þessu getur hann losað sig bara ef hann einbeitir sér að því. Það var keypt svo fínt búr handa honum sem á að halda hverju sem er innan dyra en minn bara braut í því rimlana – spennir það upp og fer úr því þegar og þá honum sýnist best henta. O svo horfir hann bara á mann með fallegustu hundaaugum í heimi og skilur ekkert í því að veröldin skulu ekki bara umbera allt sem frá honum kemur. Ef ég man rétt þá var eitthvað smá einfaldara að ala hana Trítlu mína upp þó hún hafi verið föst á sínu blessunin.

En jæja nú þarf ég að einbeita mér að því að koma mér í styrk – fór bara á mánudaginn. Lét þrif á kvenfélagsbústaðnum duga sem kaloríurspreðsla á miðvikudag – ætlaði að bæta mér það upp í gær en fann mig þá í því að tjalda vagninum og samkvæmt mælingum í fyrra þá jafngildir tjöldun á vagninum og fortjaldinu ein alveg góðri Styrkferð. En ég ætla endilega að fara í dag – kortið mitt er að renna út – kannski kaupi ég mér 10 skipta kort en ramminn sem heldur utanum mann við að fara 3sinnum í styrk í viku er góður. Stýrandi.

Góðan daginn. Hér sjáið þið Bjart hinn fagra ;-). Hann er að bíða eftir að fá send dót í háloftunum – væntir þess að það gerist innan tíðar enda allt látið eftir honum ;-). Svo sjáið þið fallega rauða litinn á húsinu mínu híhí.

Ég fór í fínan hjólatúr áðan sem upphitun fyrir Styrkferð en hann reyndist svo langur og fínn að hann dugði sem brennsla dagsins í Styrk. Ég fór síðan í Styrk og gerði smá fótaæfingar. Fínt og flott barasta.

Í hjólatúrnum fór ég í Bónus að kaupa mér Íþróttaþrennu sem ég veit nú svo sem ekkert hvort virkar eða ekki – en ætla ekki að afskrifa hana strax. Amk er omega 3 í henni og það verður aldrei minna en það. Svo keypti ég mér vatn og banana – hvursu heilsusamleg getur ein bónusferð verið? Ekki mikið meira en þetta I tell you.

Það er svolítið leiðinlegt hvað er alltaf gott veður – þá á maður að vera duglegur og gera eitthvað voða merkilegt í garðinum til dæmis…… en ég nenni því sem sagt ekki. Er svo upptekin af því að gera eitthvað annað.

Átakið – Inga borðar ekki mat gengur ekki sérlega vel og þó – fínt bara í dag nema ég er rosalega svöng – þá er að drekka vatn út í eitt…

Nú í kvöld er það síðan Mosfell og á morgun á morgun fer ég á OA fund í bænum.

Allt að gerast bara ekki satt ;-).

…ekki svo lipur á hjólum þó. Datt í fyrradag og ég er alveg að drepast í tönninni þar sem stýrið lenti… Held ég verði að líta á þetta ef eitthvað hefur nú skemmst. Ég er svo lappastutt – og með þykkan rass að ég næ ekki niður á jörð nema með meiriháttar tilfæringum svo ég er svolítið stirðbusaleg en það stoppar mig nú ekki hætishót. Hjóla hér um allan bæ og hef bara gaman að.

Gott sem þeir sögðu íslensku olíufurstarnir – það er ágætt að spara með því að dæla sjálfur eða skipta við orkuna eða Atlantsolíu – en mesti sparnaðurinn er að spara lítrann – 170 krónur.

Voða gott að vera hjólapæja híhí – meðan maður dettur ekki….

Annars er mín nokkuð einbeitt í vatnskúrnum. Það eru lausakíló farin í þessari viku og ég er aaaaaaalveg að verða komin niður í lægstu töluna mína! Það er því um að gera að standa sig vel um helgina og ekki bæta þeim á sig á ný. Uss nei nei.

Ég gerði góða ferð í Toppsport í dag oh yeah tvisvar þessa vikuna – þrisvar í þeirri næstu og ekkert múður með það.

Það er spurning hvort maður ætti að fara í útilegu…

Það er amk veðrið í það