…og þegar það hefur snúist heilan hring þá verður það orðið Jólahús! Og þetta hús er húsið mitt. Það er meira að segja verið hengja utan á það jólaseríu! Og það er 1. desember. Ohyeah fyrirhyggjan eykst með hverju árinu – og svo breytir það smá að Páll er heima en ekki í Færeyjum, á sjó eða uppi á fjöllum – já eða meiddur á einhvern hátt!!
En það verður að segjast að húsgagnaröðun hér í þessu húsi er með sérkennilegra móti um þessar mundir ;-). En það eru seríur komnar í alla glugga nema vaskahús og eldhús – sem minnir mig á það – ætli það sé til 20 ljósa útisería? Langar að setja svoleiðis inn á bað ;-). Og ég er búin að fatta ráð til þess að losa veggfóðursborðann inni á klósetti – bara rennbleyta hann góðan daginn og skafa svo af – ekki málið. Oh yeah – þá er hægt að mála það. Svona þegar forstofan er búin – híhí. Ys og þys útaf engu á vel við hér!
Ég fór á jólahlaðborð með Grímsnes og Grafningshreppi í gær í Valhöll – voða fínt og góður matur. Fékk blómvönd frá hreppnum – óverðskuldað verð ég nú að segja – ekki hefur vefumsjón mín verið það stórfengleg satt að segja – en ég svo sem tók það að mér sem er meira en margur hefur gert ;-). En það vinnst hægt – þessi klukkutími dugir skammt, ó my god. En blómin eru falleg og fólkið gott. Og ég fékk mér enga eftirrétti og gaf öðrum borðum nammið sem fylgdi blómunum :D. Borðaði ekki einn sjálf – svona er ég nú þessa dagana. Enda hef ég lést um 1 kíló síðan síðast og fer alveg að nálgast nýjan tug. En ég hugsa nú að ég nái ekki fimm kílóum af mér fyrir jól en hey – afhverju ekki að stefna að því – það var jú markmiðið og ég verð að léttast til að losna við þessa aukabyrði alla saman. Þá kannski fer mér að líða betur í líkamsræktinni.
Annars átti ég þvílíkan stjörnuleik í Styrk á föstudag – 60 mín í brennslu og lyfti eins og brjálæðingur – ekki leiðinlegt. Mjög góður tími – og nú er bara að endurtaka leikinn. Ég ætla síðan í spinning á mánudaginn því ég ætla að vera lengur í vinnunni og undirbúa jólaverkefni næstu vikna. Dásamlegt náttúrulega. Sé svo til hvort ég verð á lífi eftir spinningtímann – verður gaman að sjá hvað ég brenni þar – hvort það nálgist blakið – en þar er langmesta brennslan hjá mér. Nú þá ég inni tíma og gæti verið komin heim rúmlega hádegi á þriðjudag og ef ég verð göngufær þá get ég nú ýmislegt gert. Annars er prógrammið – styrkur á mánudegi og spinning á miðvikudegi…. Líklega er bara of snemmt að segja hvernig þetta verður – verð að finna hvernig ég verð eftir spinningtímana.
En nú held ég, ég líti á bólið og vakni svo bara snemma í fyrramálið og geri eitthvað gáfulegt þá – er eiginlega orðin of þreytt í að gera eitthvað sneðugt.
Og hún Ragnheiður mín kemur heim eftir eins og 10 daga! Ekki leiðinlegt.
Þörf - Vani - Líðan 