Month: nóvember 2007

…með sín mörgu verkefni, svolítið stress og smá stingi yfir útgjöldum ;-). En þeir verða nú bara með minna móti í ár því ég ætla bara hreint að eyða sem allra minnstu! Alveg ákveðin í því.

Ég er líka alveg ákveðin í því að hafa gríðarlega hreyfiáætlun í gangi – ég hef ekki verið dugleg þessa viku en það var góður dagur í gær og í dag ætla ég í styrk – gera æfingar fyrir efri part – það er svoldið mikið langt síðan ég gerði þær… Það þýðir ekki að liggja yfir fortíðinni heldur bara horfa fram á veginn. Sjálfsvorkunnartímanum er lokið enda síðasti dagur nóvember runninn upp…

Í fyrradag var eins og ég fengi hugljómin og síðan hef ég verið að minna matarskammtana verulega og vonandi tekst mér að minnka í mér magann en ég er hreinlega að borða of mikið þó ég sé að borða á réttum tímum og búin að taka sætindi og óhollustu út – annars væri ég að léttast. Og ég er náttúrulega ekki að hreyfa mig alveg nógu reglulega þó það komi afbragðs vikur inn á milli. Ég ætla líka að vera glöð mataræðið – enginn smá áfangi að fá klígju þegar ég set sætt upp í mig!

Ég þarf að hugsa um hælana mína og því verð ég að taka brennsluna meira á hjóli eða í sundi – spurning hvort ég nenni að fara í sund og svo í styrk – eða hvort ég nenni að fara í styrk og svo í sund? Þarf líka að hafa í huga að ég fæ kvef í hvert sinn sem ég fer í sund og verður kalt…

Smá ókostur…

Ég ætla að hugsa hlýlega til desembers í fyrra og jólanna – ég var ekkert smá dugleg þá að hreyfa mig – synti á hverjum degi og labbaði svolítið í skóginum með Palla og Bjarti. Yndislegur tími. Það verður vonandi leikið eftir – enda þyngdist ég ekki neitt um jólin í fyrra – en ég man að janúar var eitthvað erfiðari 😉

En sem sagt æfingaáætlun í desember:

Mánudagur

Sundleikfimi
Styrkur

Þriðjudagur

Ákjósanlegt: Sund á Borg ellegar um kvöldið með Páli (bara um 2 – 400 metrar en sá hængur er á að þriðjudagar eru langir dagar í vinnunni).

Miðvikudagur

Sundleikfimi

Spinning

Fimmtudagur

Upphitun í sundlaug – blak

Föstudagur

Sundleikfimi ef ég fer ekki á mánudegi eða miðvikudegi (þarf t.d. að fara næstu tvo föstudaga til að bæta mér upp slór í þessari viku og síðustu held ég.

Styrkur

Helgar

Sund amk annan daginn og kannski má hugsa sér að fara í Styrk á laugardegi og hjóla svolítið á Zetornum

Markmiðið er að gera meira en minna í brennslunni, halda fótunum góðum með því að synda og hjóla og því kemur spinning inn – ég er ekki alveg búin að ákveða hvort ég fari á miðvikudögum en líklegra er að ég fari á miðvikudögum því þá hedl ég styrktaræfingunum inni á mánudögum í Styrk sem er mjög mikilvægt.

Breyting frá því sem nú er – áhersla á sund og taka spinning inn.

Hugsa svo um morgunbrennslu – kannski ætti maður að mæta í styrk og hjóla smá áður en maður fer í vinnuna – en ég held að ég ráði varla við svo mikla hreyfingu. Ég verð hins vegar að vera einbeittari í henni en ég hef verið – annars gengur þetta ekkert hjá mér svei mér þá.

Gangi mér vel og ykkur sömuleiðis að halda hreyfinga og mataræðismarkmiðum ykkar í desember.

Ah ég fór í kirkju á Þingvöllum í dag – heima. Komst að því að ég verð að hætta að vera sár og leið yfir því að hafa í raun aldrei flutt þaðan. Hvaða klikkun er það að láta mig ekki vera með í því að flytja frá Þingvöllum? Þvílíkt rugl að skilja unglinginn eftir með enga kveðjustund frá staðnum sem var hún? Sem sagt verkefni að vinna út úr því. Og ég held ég láti það vera að fara í kirkju á næstunni – við Guð verðum bara að hittast annars staðar. Ég var næstum dáin bara af að sitja þarna oh my god. Ég átti meira að segja erfitt þegar ég gifti mig – og börnin voru fermd. Ég bara ræð ekki alveg við þetta – ekki enn amk. Ferðir bernskunnar í kirkju voru líklega of margar og of mikið ákveðnar af öðrum en mér.

Á eftir var kaffi á Valhöll og þetta var dýðarinnar dagur þar sem verið var að afhenda brúðarbekk með langsessu sem hún systir mín Aldís var harla mörg ár að sauma með gamla íslenska krosssauminum. Jamm. Fljúgandi hálda á leiðinni heim.

Ég beint upp á stól og þvoði tvo glugga, setti upp seríur og þreif allt um kring. Ekki nóg með það – byrjaði að mála forstofuna og tæmdi forstofuskápinn. Forstofan verður blágrá – heitir áreiðanlega antikblátt – nokkuð ljós. Fallegt með hvítum húsgöngum sem ég ætla að fá mér þar inn þegar mér hefur áskotnast gamals aðdáenda – eða eitthvað…

Palli er búinn að missa 10 kíló síðan um miðjan september – á þeim tíma hef ég lést um 2 kíló og hef ég hreyft mig 100x meira í skiplagðri hreyfingu, borðað miklu skynsamlegar en samt er allt stopp. Hvað er í gangi? Ég skil ekki afhverju ég léttist ekki – bara skil það ekki. Er að hugsa um að minnka fæðu inntöku verulega næstu viku og gá hvort það sé hægt að koma einhverju efnaskiptum af stað. Borða bara sem mest grænmeti ef hægt er. Ég bara verð að koma mér af stað í léttingi á ný annars verð ég VITLAUS ef ég er þá ekki orðin það nú þegar.

En ég fékk mér kökur í dag og af því tilefni ætla ég ekki að borða neinan kvöldmat heldur dröslast til að ganga á þær kaloríur sem þar voru innbyrgðar.

Í næstu viku er dagskráin svona:

Mánudagur: Sundleikfimi, vinna til fjögur við að hengja upp verkefni í Sesseljuhúsi og koma síðan heim.

Þriðjudagur: Sýning í Sesseljuhúsi kl 14 – 16 fara samstundis heim og föndra og fara síðan að synda með Páli þegar hann er búinn að vinna

Miðvikudagur: Sundleikfimi og vera komin heim kl 16 og sunda svo um kvöldið

Fimmtudagur: Vefsíðuvinna og blak auk sundupphitunar

Föstudagur. Kannski kaupa mér föt í bænum? Hitta Baldur ef hælarnir eru leiðinlegir, fara síðan og huga að jólahlaðborðinu um kvöldið.

Laugardagur og sunnudagur – þrif á stofu og skreyta hana svona svolítið amk. Koma forstofunni í sæmilegt stand og kannski verður Páll búinn að mála klósettið.

Jólagjafavinna gengur vel sem og kortagerð þannig að ég er að mestu á áætlun nema hvað ég léttist ekki – en það hlýtur að koma. Hælarnir með besta móti – kannski ætti ég að fara aftur til Balla – kannski er líka nóg að fara einu sinni í viku í einhverja meðferð við þeim…

Ungmennafélagið Hvöt hélt upp á 100 ára afmælið sitt í kvöld og mér var gerður sá heiður að vera veislustjóri þar. Það var mjög skemmtilegt og margar merkar ræður fluttar. Mér er náttúrulega ungmennafélagsandinn í blóð borinn þó ég hafi reynt mitt ítrasta til þess að gera sem minnst úr honum hin síðari ár.

Þetta var hin notalegasta veisla, borðhald og ég náði alveg að hafa stjórn á mér í mataræðinu sem er náttúrulega frábært – sé svo á morgun hvernig mér gengur í kaffinu í Valhöll þegar hún Aldís systir mín afhendir langsessuna sína handsaumaða (til margra ára).

Ég er fegin ég sagði já við veislustjórninni þó ég sé náttúrulega ekkert nema flumbrugangurinn og bullið. Maður á að leggja rækt við sjálfa sig og fara út á meðal fólks og reyna að gera eitthvað gagn. Öðruvísi þroskast maður lítt. Ég er að lesa stórmerkilega bók – man ekkert hvað hún heitir but beware þið eigið eftir að fá helling að frétta af þeim lestri öllum saman ;-).

Góða nótt elskurnar – jólastúss á morgun og Þingvallaferð. Nett þrif og tiltekt í sálinni.

Og svo er bara að taka sýninguna á vegum Sesseljuhúss með ró og maður gerir bara það sem maður getur Ingveldur – innan skynsamlegra marka takk 😉

I tend to overdo things I guess…

Ekkert svar við fádæma skemmtilega útfærðu bréfi til USA…

Stundum skil ég ekkert í því hvað getur verið mikið að sýsla. Það er eins og dagarnir fyllist af öllu mögulegu bara ef maður svo mikið sem lítur við. Og svo eru nú jólin alltaf svolítið annasöm – amk aðdragandi þeirra.

Í gær var samverusíðdegi hjá okkur starfsfólki Ljósuborgar. Við leigðum okkur bústað hjá þeim frábæru aðiljum sem reka Minni-Borgir. Hvert og eitt okkar kom með eitthvað af matföngum og föndur ef vildi. Ég mætti á staðinn aðeins á undan og skreytti lítillega með seríum og dúkum í anda jólanna – því við kennararnir erum nú svolítið farin að hugsa um þau – þó kannski sumir meira en aðrir ;-).

Þetta var mjög ljúft og mjög mikilvægt fyrir starfsfólk að hittast og fara aðeins út fyrir rammann – hvort heldur sem vinnustaðurinn er lítill eða stór. Í gærkveldi og í fyrrakvöld fór ég í sund og synti smávegis – allt betra en ekki neitt því ekki fór ég í Styrk á mánudag né þriðjudag og ekki heldur fór ég í sundleikfimi á miðvikudaginn – var hálf svefnlaus þarna í þessum hristingi sem jarðskjálftar óhjákvæmilega hafa í för með sér. En ég ætla nú í sundleikfimina á morgun og stefni á styrk á morgun ef blakið fer ekki mjög illa með mig.

Ég er búin að gera tvær jólagjafir – tralalalalala – nei þrjár. Ógó ánægð með það. Um helgina ætlum við að líta á málningarvinnu og förum til Þingvalla þar sem hún Aldís systir mín afhendir kirkjunni útsaumaða brúðarsessu sem hún var ótrúlega lengi að sauma – allt með gamla íslenska krosssauminum – vóhó geðveikt flott eins og krakkarnir segja.

Nú og svo þarf ég náttúrulega að föndra líka og hreyfa mig eitthvað. Verð vonandi eitthvað líka á floti því mér finnst eins og sundið sé að koma inn og það væri frábært því það er lúmskt mikil hreyfing og hjálpaði mér t.d. mjög mikið í desember og janúar í fyrra að halda mínu.

Sem sagt allt í góðum gír – margt að hugsa um; opnir dagar í skólanum og náttúrufyrirbæravinna algjörlega á fullu.

Ykkar Inga sem er að fara í blak þó henni sé ótrúlega sérkennilega illt í hælnum og hælunum! En eitthvað skárri samt sem er nú harla gott.

Ég segi ykkur það satt að allt frá því að ég steig öðrum fætinum á pallinn fyrir utan dyrnar hjá mér klukkan 6:30 í gærmorgun og skautaði þar um með ekki færri en þrjár töskur í hendinni í glæra hálku sem þar var sem annars staðar og allt þar til ég settist upp í bílinn kl 20:30 var ég á fullu á fundum, kennslu og pælingum – I kid you not!

Og ég þarf að muna eftir því að kaupa vínber á eftir… fyrir kennarasíðdegi í kósíheitum á morgun!

Ég er svo aum í hælunum (bara aum ekki svona eins og um daginn – en það er samt eiginlega ekki bara – því það er ógeðslega sárt) og ristunum að ég er að drepast. Hringdi fékk gigtarlyf – ætla að athuga hvort þau hjálpi mér eitthvað við þessa ristarverki eins og í vor.

Dagurinn í gær var nú ekki snilld í mataræði og grænmetið fer minnkandi en þá er bara að taka á því hið snarasta – en amk er nammi og óhollusta af því taginu alveg úti og það er gott og reglan á hvenær borðað er, er sömuleiðis ágæt.

Svo er ég farin að finna fyrir þessari góðu tilfinningu að finnast sykur hið versta viðbót og þoli lítið sætt – beit í vínarbrauð fyrir helgina og þótti það ekki sérlega gott. Jukk 😉

En best að drífa sig heim og líta á föndur og láta eins og manni komi Styrkur ekki við.

Ég veit ekki hvort hann Al les þessa síðu- og alls ekki hvort hann skilur það sem ég skrif en hann talar enn svolitla íslensku – þó það séu rúmlega 80 ár síðan hann gerði það síðast! En ég veit að ef hann lítur hingað inn þá veit ég að afmæliskveðja á íslensku gleður hann!

Til hamingju með 90 ára afmælið!