Vinna og matur

Hó hó og hæ hó

Er búin að vera úti í skóla eftir að hafa sofið vel og lengi alveg til 11 held ég bara svei mér þá. Fór þá að huga að því að fara út í skóla að vinna en var ógnarinnar lengi að bæði koma mér þangað og svo að byrja að vinna – en ég var nú svona að hugsa um ýmislegt á meðan :-).

Samdi yfirferðarreglur fyrir stærðfræðina, undirbjó enskuprófið hjá 5. bekk og vesenaðist svona í ýmsu. Og borðaði. Það er svo mikilvægt að borða vel. Sigh

En nú fer hreyfingin að koma aftur inn – ganga á morgun með skólanum og óvissuferð með starfsfólkinu síðar um daginn. Svoldið vín þar reikna ég með… Ég ætla ekki að geta losnað frá þessu víni öllu saman.

Búin að borða 6 kexkökur í dag og heilmikið brauð og rækjusalat. En ég er líka búin að borða 400 gr grænmeti…

Ég er aum í fótunum – hefði átt að fara í sund bara og eins er hálsinn hálf þreyttur. Ætti að fara í nudd aftur í næstu viku svei mér þá. Líka þegar maður er orðinn svona duglegur að vinna á ný ;-).

Æ þetta er allt í góðu. ÉG veit hvar vegurinn liggur. Og ég veit ég þarf að vera upp á honum. Ég veit líka nokk hverjir geta hjálpað mér við það. Svo þetta er í lagi.

Palli er búinn að bjóða mér til Þórshafnar um hvítasunnuna. Ég ætla að drífa mig. Kannski fæ ég mér gönguskó áður…