mars 2007 – Þörf – Vani

Slugs og vitleysa

Kannski vil ég ekkert hætta að vera kennari – eða kannski vil ég ekki hætt að vera í vinnu þar sem ég get hagrætt vinnutímanum mínum! Klárlega ekki.

Það er þemavika í skólanum í dag og það er eins og meðalvertíð. Segi það satt. Í tilefni á þvi hvernig mér leið í lok dags í gær gær þá ákvað ég að hætta ekki á neitt og fara ekki í sundleikfimina í morgun fyrir utan það að ég hefði varla náð að skera pappír og borða morgunmat áður en ballið byrjaði.

Ég fór því í Styrk eftir kennslu, því það er svo mikill kaloríubúskapur hjá okkur Polla að það má ekki detta út æfing. Og þar sem ég er orðinn svona merkilegur áskrifandi þá þarf maður ekki að vera að hugsa um hvenær maður er í sjúkraþjálfun(sem ég er hætt í skoho- nuddþættinum amk! – Alveg þangað til næst!) eða eyða stökum skiptum. Ég skuldaði sem sagt 600 frá því um morguninn og svo át ég kökusneið þó hún væri ekki mjög mikil þá var hún þess sætari og með meiri rjóma, Þannig að ég ákvað að brenna 1000 – hm einhver fugl sagði mér nú að kaka sem þessi væri 730 hitaeiningavirði og ég skulda því einn 330 en ég brenndi nú svolitlu að elta Bjart hér úti sem var uppi með áform um að drepa svartan kött – og það liggur við að ég skilji hann. Mikið er mér farið að leiðast kettir eins og ég var hrifin af þeim hér í den.

Annars eyddi ég seinni partinum í sundi og þótti það ekki slæmt í sólinni og blíðunni. Fór í heita pottinn í gærkveldi – ég er að rembast við að teygja og mýkja upp sinina undir fótunum svo ég verði nú göngufær einn daginn. Það gengur ekki afleitlega.

Gengur annars vel í danska fyrir utan kökuna sem jafnast bara út í brennslunni. Híhí.

Og páskafríið nálgast óðum og ég þarf ekki að læra í því – hóhíhí.

Einn munur á mér frá því fyrir ári síðan: Ég borða ótrúlega mikið fyrir kl 14 á daginn!

Þyngd

Er komið vor?

Ja amk í augnablikinu þó það hafi ekki verið vorlegt í morgun!

Ég massaði Styrk – sem ég er með áskrift í – munið þið ;-).

Var í 20 mín alls á stigvélinni 2×10 mín.

Ég tók 15 – 12 – 10 í Smith – í fyrsta skipti ever. Mest getað 12-10-8 ojá rassinn á mér er svolítið þungur en lærin eru farin að ráða við hann 😉

Palli kemur heim á föstudaginn!

Ég er að fara að elda.

Ásta fór í ræktina í dag – til hamingju með það ÁSTA! Hún á Polla junior

Ég hef ekki borðað neina vitleysu í dag og stefni á að láta það vera í dag.

Ég stefni á að borða ekki neitt eftir 8 í kvöld nema þá í besta falli grænmeti!

Ég stefni á að vera 400 gr léttari á föstudaginn en ég er núna og hana nú er það orðið opinbert og ég get illa svikið það!

Ég bara verð að fara að breyta tölunni á vigtinni eitthvað smá;-)

En munið – ég er ánægð með að léttast um 20 kg á ári. Það er bara mín leið.

Hæstánægð.

Og ég er hætt í nuddi – fór ekki í dag og ekki á föstudaginn – jamm.

Alveg þangað til næst híhí.

Í þessu bloggi eru allnokkur markmið – tókuð þið eftir því!?!

hælspori, Púls, tiltekt

Hið daglega líf

hva

Það er merkilegt með veröldina – hviss bang helgin bara búin og hún sem bauð upp á svo marga klukkutíma til ýmissa verka nýttist ekki til neins annars en þess að vera einfaldlega til. Já finnast það ágætt 😉

Í sundi í gær var ég næstum drukknuð en ég ákvað að fara í sund frekar en ganga vegna veðurs. Ég held að niðurstaðan hefði orðið sú sama í hvoru tilfelli fyrir sig – ég hefði nærri drukknað á hvorn veginn sem var. Flúði inn vegna ágjafar og hljóp í innilauginni til þess að ná brennslunni fyrir þann daginn. Komst að því í morgun að það er ekki átakalaust fyrir vöðvana í fótunum að hlaupa í vatni. Var mjöööööööööööööög þreytt í þeim og hreint að drepast á köflum. Lá því lengi morgun í rúminu – hafði kannski eitthvað með Blushið sem ég og Dísa drukkum í gærkveld. Allt saman mjög skemmtilegt. Hringdi í hinn og þennan og sendi afgangnum sms held ég svei mér þá ;-). Jamm Blush er gott.

Í dag fór ég svo í styrk og varð áskrifandi í ræktinni – mæ god hefðuð þið trúað því? Ekki ég aldrei. Áskrifandi í líkamsræktarstöð. Sigh… Nú þar sem ég er ,,hætt“ í nuddi þá er þetta áreiðanlega hagkvæmast. Kaloríureikningur var hins vegar ekki sérlega hagstæður í dag. Það var saman hvað ég remdist og djöflaðist aldrei fór púlsinn upp – þetta hefur eitthvað með þessi helv.. lyf að gera. þarf að fara að mæla þennan blóðþrýsting – vil heldur vera með minn eigin púls en einhvern frá einhverju atanólóli. Í febrúar fyrir ári síðan var púlsinn hjá mér um 90, í sumar var hann 65 og nú er hann 48 og þá er ég ekki að tala um hvíldarpúls heldur bara svona læknisheimsóknar púls ;-). Hjartað mitt þarf því að dæla helmingi sjaldnar í dag en fyrir ári síðan. Það er nú dágóður sparnaður á vöðvahreyfingum. Vonandi endist það betur fyrir vikið.

En sem sagt mjög lélegur dagur í ræktinni en ég reyndi mitt besta. Fór svo í massíve þrif sem skiluðu nánast engu í dag nema 300 hitaeiningum ;-). Mældi að gamni. Meðalpúls í nettum þrifum og tiltekt er 72. Fór svo í pottinn og reyndi að ná þreytunni úr kroppnum. Hef svo setið síðan með mína hælspora (góð síða um kvikindið!)að ibba sig, staulast um og hugsa enn, er þetta þess virði að djöflast svona – já er þetta nokkuð vit?

Svarið er enn já og áskriftin gott dæmi um það!

En engu að síður – dj… er ég að verða þreytt á þessum sporum, eymslum hér og þar og því öllu saman. En það var svo sem ekki af engu sem þessu var líkt við ferð á Olympíuleikana hér um árið – þessu líkamsræktarferðalagi mínu. En ég er ekki að væla – bara að kvarta ;-), því ég held áfram og hef gaman af. Svo bara verður maður að hvíla sig ef ekki vill betur. Já og kaupa sér nýjan kælipoka – sá sem ég átti er einhvern veginn algjörlega horfinn! Ég held að frystikistan hafi étið hann!!!!

Ég vild að ég væri stuttorður og hnitmiðaður penni en það er víst alveg tómt mál að tala um…

lífsstílsbreyting, Nudd

Dagur fullur af fyrirheitum

Það er svo merkilegt að stundum er bara hreinlega eins og það eigi fyrir manni að liggja að gera a. ekki neitt eða b. eitthvað.

Í dag er svona eitthvað dagur. Mér finnst einhvern veginn eins og það sé ár og dagur síðan ég hafi haft heila helgi fyrir framan mig og ég geti gert það sem mér sýnist við hana. Sú er þó auðvitað ekki raunin. Ég geri svo sem aldrei neitt um helgar og hef unun af því.

Ætli léttirinn felist ekki í því að stormviðri heilabúsins míns sé um garð gengið – um tíma amk. Ég hef verið að hugsa svo margt.

vinnuna mína
Launin mín
Nám eða ekki nám
Verkir
Fyrirkomulag æfinga
Skómál
Mataræði
Börnin mín
Heimilið
Sjúkraþjálfun/nudd

Sem sagt allt sem við öll erum með á okkar könnu – mér er bara lagið að gera svolítið vesen úr þessu

Vinnan. Á ég að kenna áfram? Hvað á ég að kenna? Verð ég ánægð ef ég a. hætti að kenna b. hætti umsjón? Er ég ánægð að kenna?

Finnst mér ásættanlegt að fá í laun fyrir fulla vinnu um 160 þús kr. næstu árin? Liggur minn metnaður þar?

Til hvers að læra eitthvað meira sem tengist kennslu? Í skólum er engin goggunarröð, annað hvort ertu bara kennari eða kennari. Þú getur líka orðið deildarstjóri en langar mig eitthvað að vera deildarstjóri? Og ekki langar mig að vera skólastjóri þannig að…

Fyrir mastersnám fær maður 12 þús kr launahækkun. Skólagjöldin kosta 45 þús krónur hvern vetur. Þetta tæki mann með vinnu um 6 ár. Maður er bara allnokkurn tíma að vinna sér upp í skólagjöldin. Fyrir masterinn fengi ég svo sem ekki neitt, mig langar helst að vera kennsluráðgjafi starfandi innan skóla eða semja námsefni og það er hreint ekki á vísan að róa í þeim efnum. Mér sýnist ekki að kennsluráðgjöf sé á leið inn í skólanum og námsefnisgerð er í besta falli ókönnuð lönd.

Verkir eru slítandi. Sá sem finnur alltaf til verður alltaf lélegri og lélegri að þola þá – alveg öfugt við það sem mætti ætla. Hálsinn er skaplegur en býsna snúinn oft og úthaldið ekki sérlega mikið í herðum og hálsi. Þar býr spennan mín og af henni á ég víst nóg. Hælsporarnir eru orðnir tveir eða amk eru þeir orðnir einn og hálfur. Vöðvakerfin í fótunum eru að ibba sig – sundfimin ýtir við þeim og þreytan liðir við mig. Verkir stundum, teygjur og tog virðist duga upp að ákveðnu marki en svo tekur bara stirðleikinn við. Nenni ég þessu? Er þetta það sem ég vil? Já var og er svarið nokkuð einarðlega.

Er ég að æfa of mikið? Er ég að æfa rétt? Er ég að gera æfingar sem mér finnast skemmtilegar? Er ég á réttu róli í þessu öllu? Svarið var já – með áherslu á að fara að hjóla þegar veðrið batnar. Ég hlakka til þess.

Skórnir blandast svo inn í þetta alls staðar og allt um kring – ekkert verður úr neinu nema vera í góðum skóm og þeir kosta sitt. Hvernig skóm á ég að vera í, inniskór kosta líka ógó mikið 😉 og óþarflega langt í mánaðarmót en ég fann nú lausn á þessu sem betur fer. Vonandi líður mér betur í fótunum fljótlega.

Mataræði er klassískt. Ég verð að taka það fastari tökum til að ég verði ánægðari með mig. Ég verð að vera einbeittari – það er kannski helst spurning um það. Það gekk ágætlega þessa viku en betur má ef duga skal. Ég lít þó á það með stóískri ró að það er vel ásættanlegt að hafa lést um 2o kg eða svo á ári. Það er minn hraði og sá hraði sem ég ætla að halda mér við. Það væri amk allnokkuð í mínum huga ef það hefði bæst á mig á liðnu ári. Á þessum hraða lifi ég því lífi sem ég vil og hef ánægju af. Matur skiptir jú máli og gefur mér gleði. Fjölbreytnin mætti hins vegar aukast og einbeitnin varðandi sumt sömuleiðis. Enda hver er fullkominn en to tre?

Börnin mín og börnin mín. Hver hugsar ekki um börnin sín?

Heimilið er allt í voða og vitleysu og nú þarf ég að fara að gera eitthvað í því. Ég geri það kannski í dag og svo í páskafríinu 😉 – ásamt því að fara í allnokkrar fermingar.

Sjúkraþjálfun og nudd? Þarf ég á því að halda? Ég þarf amk á sjúkraþjálfaranum mínum að halda. Enginn í veröldinni hjálpar mér að halda kúrsi eins vel og hann og ég veit nú ekki alveg hve góð ég væri í því að halda honum óstudd. Ég er alveg orðin sannfærð um að þessu verkefni dugir ekki að vera einn. Samspilið er svo kannski eitthvað sem maður bara lætur þróast. Rétt eins og það hefur þróast. Stundum þarf svo kannski að koma til nudd og eitthvað til að laga það sem fer úr lagi. Kannski hjálpar það bara ekki neitt, hreyfingin dugar. En nú er ég sem sagt að minnka nuddið og þar með fækkar fundunum með sjúkra þó Baldur sé ótrúlega duglegur að tala við mig þegar ég er í salnum að bauka. Eftir ár er líklega kominn tími til að standa á eigin fótum og horfast í augu við það að vöðvabólgan þarfnast ekki nudds við heldur hreyfingar, slökunar og skynsemi. Ég verð líklega að skríða upp úr vasanum á honum og standa á eigin fótum 😉

Annars var ég að reyna eina æfingu í gær sem Valgerður kenndi mér úr jóganu – halla höfðinu og láta það hvílast á milli herðablaðanna (sem ég veit núna hvar eru á mér ;-)), hún sagði að það væri svo ægilega gott og ég horfði á hana gera þetta – virtist ekki vera mikið eða merkilegt en afskaplega afslappandi og fínt. Prófaði þetta svo í gær og ég kom höfðinu varla hálfhring án þess að hálf drepa mig. Púff það er sem sagt ekki alveg farið vesenið í herðunum og klárlega ekki í hálsinum en það er ekkert víst að neitt nudd bjargi því. Einhver sagði mér að nudd væri hvort sem er alveg tilgangslaust ;-). Ég gæti hugsað mér að trúa því næstu dagana meðan ég er í afnuddeitrun ;-))

Og nú ætla ég annað hvort í sund eða taka til í einhverjum skápum hér á heimilinu. Nóg er af draslinu í þeim.

Þá er bókhaldi yfir líf Ingveldar lokið að sinni. Helgin bíður ekki lengur og ég þarf að nýta tímann vel ef ég ætla að brenna 600 hitaeiningum í dag, taka til, hugsa um þvottinn, hundinn, börnin og sjálfa mig :-). Á morgun eru það 1400 hitaeiningar, vinna og kannski meiri tiltekt og í kringum þetta allt er svo eldamennskan ljúfa.

Og ég held ég sakni hans Palla bara svolítið. Já mikið verð ég fegin þegar ég fer í páskafrí það segi ég satt.

Uncategorized

Föstudagur ummmmm

Ég er svo heppin að það eru til föstudagar. Ég bara elska föstudaga.

Ég er svo heppin að vera í sundfimi. Ég bara elska sundfimi.

Ég er svo heppin að það er bara vika í páskafrí.

Ég er heppin að hafa áttað mig á því að framhaldsnám í kennslu er ekki fyrir mig!

Ég er svo heppin að eiga svo dásamlega systur. (gæti meira að segja sagt dásamlegar systur).

Ég er svo heppin að ég vinn með svo góðu fólki.

Ég er svo heppin að ég kemst í Styrk í dag og ég hlakka svo til að ég er alveg að springa!

Ég er svo heppin að bíllinn minn er alveg tandurhreinn!

Ég er svo heppin að ég gat föndrað, útbúið námsefni og hugsað helling í morgun!

Ég er svo heppin að ég gæti haldið lengi áfram enn!

Svona er ég nú heppin kona.

sundleikfimi

Ástandsskýrsla

Það að hætta í líkamsrækt hefur ekki gefið sérlega góða raun. -Þess ber þó að geta að ég fór í sundleikfimi í gær þrátt fyrir gríðarlega syfju og vesaldóm.

En sem sagt mér er illt í ristunum, hælunum báðum, í hnésbótunum og mjöðmunum og ég veit ekki hvar og hvar. Þetta hreyfingarleysi mitt sóðan á föstudaginn var hefur því ekki skilað mér neinni alsælu nema síður væri. Spurning er hvort önnur aðgerðarlaus vika myndi gera það. Ég ætla ekki að láta reyna á það að sinni.

Ég keypti mér nýja Asics skó – appelsínugula meira að segja – sumarlega og fína því hinir gömlu eru sprungnir enda ekki nema von ég hef verið í þeim alla daga utan aðfangadag held ég að ég megi segja. Ég fékk mér líka klossa til að reyna að nota hér í skólanum, þeir eru líka býsna mjúkir en ég reikna nú með að Asics og hælsporapúðarnir þurfi að koma nokkuð við sögu einnig.

Ég var að hugsa hvort það væri sundleikfimin sem þreytti mig svona í fótunum því ég hef ekki fundið svona til í þeim áður og ég hef nú verið í 2 mánuði eða svo í sundfiminni. Ég djöflast þar náttúrulega eins og óð manneskja og auðvitað er það álag fyrir fæturnar þó vatnið létti undir? Mér eiginlega létti þegar mér datt það í hug því ég var svo fúl að vera búin að vera í æfingum í heilt ár og finna aldrei til í fótunum fyrir en á 11. mánuði. En auðvitað er þetta bara álag að koma þessum skrokki mínum úr stað.

En hvað um það – ekkert að frétta – allt hið sama. Gott að færa ástandið til bókar við og við þá man ég það frekar og held þessu öllul til haga. 🙂

hælspori, Kimi, lífsstílsbreyting

Mín að átta sig

Jæja nú er ég búin að prófa að vera ekki í ræktinni í 4 daga – sleppa tveimur skiptum sem sagt. Svo er ég búin að bera þessi ,,sinnaskipti“ mín undir ýmsa og fengið mjög einsleit viðbrögð ;-).

Ja að vísu er eins og sumir taki ekki alveg mark á mér en hinum finnst þetta arfavitlaus hugmynd og eru ekki til í að ræða hana á nokkurn hátt. Henni er svona ýtt til hliða með orðum eins og Inga sem fer ekki í heilsuræktina sé ekki nein kona sem þau þekki, eða já það er nú ekki í boði að hætta að hreyfa sig og svona nokkuð!

Mótrþróaþrjóskuröskunin rjátlaðist af mér eftir því sem leið á gærdaginn (en hún stóð nú samt í fjóra daga sem er nú met held ég – nema hvað Baldri finnst ég alltaf vera illa haldin af henni sem ég skil ekki því ég geri bókstaflega allt sem maðurinn segir mér að gera – utan einu sinni!).

En sem sagt Björk og Baldur náðu nú eiginlega í sameiningu að stilla kúrsinn hjá mér – auk mín náttúrulega en ég tel það reyndar mjög mikilvægt að skoða hug sinn vel og íhuga afhverju maður gerir hlutina og ekki síður – hvernig maður geri þá. Nú og ég var sem sagt að því. Og nú er komið nokkuð nýtt plan.

Ég er sko hundleið á því að vera alltaf illt í fótunum en ég ætla að hvíla mig þessa viku nokkuð vel – bara fara í sundleikfimina. Á móti ætla ég að passa mataræðið sérlega vel og borða vel af grænmeti og skyri – skyr er ógeðslega sniðugut megrunafæði ef maður kemur því niður á annað borð!

Ég ætla að kaupa mér nýja skó því dempararnir eru búnir í þeim gömlu og því held ég að mér sé svona illt í ristunum og ökklunum og finn svona fyrir hælsporanum mínum nýja hægra megin! Sá eldri í vinstri hælnum lætur lítið fyrir sér fara flesta daga orðið.

En sem sagt ég ætla bara að vera aum í fótunum áfram því það er eiginlega alveg jafn slæmt að hreyfa sig ekki því seturnar og það helv… er alveg eitur fyrir mig svo ég get allt eins verið heilsufrík eins og sófa og stóladýr.

Ég ætla að reyna nei ég ætla að borða mikið grænmeti og sleppa frönskum og djúpsteiktum mat sem ég hef stundum laumað inn fyrir mínar varir. Hugsa svolítið meira um annars gjörbreytt mataræði.

Svo ætla ég að reyna að vera ánægð með 22 kg mín sem eru farin frá því í endaðan apríl í fyrra. Annað er náttúrulega bara bilun. Ég hef lifað sældarlífi, borða bara flest og hef gaman af. Já í raun hefur líf mitt bara batnað síðasta árið á ýmsan hátt og ég er betur áttuð á sjálfri mér. Ég samt ekkert betri manneskja eða gjörbreytt en svolítið öðruvísi er mér þó sagt ;-). Ég hef svo sem ekki skoðun á því hvernig ég hef breyst. Ég veit þó að ég sit beinni í baki í stólnum við tölvuna. Þvílíkt sem ég er komin með fína bakvöðva til þess að ná því. Svo vagga ég minna í göngulagi – vonandi er hálsinn ekki eins framsettur og því minni ég minna á gæs… Ja ég vona það amk. Baldur vill meina að ég sé rólegri og yfirvegaðri – skil nú ekkert hvað hann hefur fyrir sér í því! Og svo veit ég að ég er ógó sterk – sá það í kassaburðinu hjá Ástu.

Sem sagt áfram með smjörið. Hjól, sund, ganga, Styrkur, og hvað þetta heitir allt. Já og vitið þið hvað – ég þarf að fá mér nýja sundboli – þeir gömlu eru bara eiginlega ekki hægt lengur. Skemmtilegt ekki satt 😉

Og ég ætla að vinna fram á kvöld – og lífið er bara harla gott þrátt fyrir allskonar blankheit og bölmóð inn á milli. Peningamálin reddast fyrr eða síðar, tekur því ekki að vera á bömmer yfir þeim lengi eða ítrekað.

Engu nær um hverjum ég eigi að halda með í Formúlunni – er ekki bara fínt að geta skipt á milli Kimi og McLaren? Jamm held það bara að sinni ;-).

Formúla

Ég verð áreiðanlega bráðum fræg :-)

Ég er sko nákvæmlega núna efst á mbl.is í Formúlunni 🙂 Yeah!

http://www.mbl.is/mm/sport/frett.html?nid=1259672

Þar kemur nú eiginlega allt fram sem ég hef að segja um fyrstu keppni ársins.

Ég hjálpaði til við kassaburð í dag. Fór ekki í Styrk og ætla ekki á morgun heldur – kannski vegna þess að ég vil það ekki eða kannski vegna þess að ég er þreytt í fótunum já eða vegna þess að ég þarf að fara á fund.

Jamm svona er nú komið fyrir mér – og ég borðaði nammi í dag.

Jamm svona er nú komið fyrir mér.

Sjáum hvort ég geri eitthvað fleira sniðugt.

Ings

Uncategorized

Ég er búin að komast að

…hvað þetta er á húfunni hans Kimis. Ja hérna hér. Þið getið smellt á fyrirsögnina og komist að því líka 😉

Yes right – pr maðurinn þeirra þekkir Kimi illa því hann gæti aldrei nokkurn tímann sagt svona mikið á svona fínni ensku!

„It’s a real honor for us to be representing the Scuderia Ferrari team here in the UAE. You can see how passionate our fans are and spending time with them is a real pleasure,“ said Kimi Raikkonen.

HA HA HA – representing… real pleasure ha ha ha

gúdd fönn væri nær lagi

híhíhí

F1, heilsa

Kimi á ráspól og er ég glöð?

Ég veit það satt að segja ekki… Það er bara eitthvað við þennan strák sem mér finnst algjört æði. Hann rennir sér í hlutina og maður getur ekki annað en haldið að einmitt svona eigi að gera þetta – algjörlega eins og bráðið smér. Og manni finnst það jafn eðlilegt þegar hann hviss bamm bang sprengir vélina – auðvitað gat vélin ekki þolað þetta áreynsluleysi ökumannsins sem náttúrulega var nákvæmlega ekki það heldur ofurkraftur þess sem hefur ekkert gert og um ekkert annað hugsað annað en að keyra þar til druslan springur – eða þar til hann stendur á miðpallinum. Hvort heldur sem gerist fyrst.

BMW Sauber gengur vel – rétt eins og Palli var búinn að spá. Ég lét hann nú samt hafa all Ferrari line up í liðssstjóranum en sjálf fékk ég mér Sauber bíl – svona getur maður nú látið :-S.

Baldur þverskallast hins vegar að sýna mér liðið sitt – og hann er ekki búinn að bíta úr nálinni með það!

Og ég nenni ekki enn að hugsa um mataræðið (alveg síðan kl 20 í gærkveldi) Ætla sko ekki að fá mér hollan morgunmat – onei. Ég bara ét það sem mér sýnist. Ég trúi því nú ekki að ég ætli að þverskallast við og detta í það matarlega séð en mér finnst það alveg koma til greina…

Ég þykist vera að hugsa um mataræðið en léttist ekki neitt. Horfi bara í andakt á vöðva sem eru að kíkja undan fitulaginu – heilu sinfoníunum reyndar… Ég held ég vilji ekkert endilega gera það sem þarf til að léttast. Ég vil bara hreyfa mig og skemmta mér við það – og þessi aðdáun annarra sem fylgir er bara ágæt.

Ég hef ekki tíma til þess að elda allan þann mat sem þarf í danska – fyrir nú utan að ég hef ekki efni á þeim ósköpum öllum! Ég hef ekki einu sinni ráð og rænu til að taka með mér nesti í skólann – er alltaf í einhverjum reddingum þar því matarlaus get ég ekki verið nú orðið framan af degi sem er náttúrulega framför.

Ef ég nenni ekki að stússast í þessum matarmálum ætti ég þá ekki bara að vera heiðarleg og segja það og hætta að þykjast – detta bara á rassgatið og sprikla svo í Styrk eins og mér sýnist best henta?

Þetta er hvort sem bara hundlélegur árangur að léttast um 20 kg á ári eða svo miðað við öll ósköpin sem ég er búin að leggja á mig í ræktinni – ég get sagt ykkur það að engin fitubolla í mínum þyngdarflokki hefur hreyft sig meira eða oftar en ég á liðnu ári. Svo fer fólk í danska og léttist um það sama og ég á hálfu ári. Það er allt í lagi að léttast um 1 kg á viku en ég geri það nú ekki neitt – læt mér nægja þetta hálfa kíló!!!!

Æ ég er svo dauðþreytt á þessu lífi. Og vil ég eitthvað vera með umsjón á næsta ári? Nei! En vertu viss ég tek hana að mér og einhverja fleiri vitleysu líka! Og fer ég að hugsa um eitthvað nám og breyta lífsmynstrinu sem ýtir mér oftar og oftar í einhverja þunglyndisdýfu – nefnilega því mynstri að kennslan gefur mér ekki það sem hún gerði! Nei örugglega ekki því ég breyti aldrei neinu – ég er svo stöðnuð manneskja að ég líkist helst volvo föstum í skafli!

Og ég get ekki einu sinni verið glöð yfir því að Kimi var á ráspól!

Og ég er að drepast í hálsinum! Og ég er ekki í fýlu eða þunglyndisblús – bara almennt hunduppgefin á því að vera sú sem ég er 😉