Month: nóvember 2006

Líkamsrækt, markmið

Magavöðvar og leti

Sko – það er ekki hægt að skilja þetta mannslíkamadót og alls ekki þá minn. Ég vil bara fá svona einhverja einfalda mynd af vöðvum mannslíkamans en það er eins og það sé verið að drepa þetta internet með því að biðja um það!

Hvað er að þessum íslensku heilsufríkum að hafa ekki almennilega síðu um þetta einhvers staðar. Nú sem sagt þarf ég að fara að læra um þessa vöðva all by myself og það er ekki eins og ég skilji eitthvað í þessu! Veit ekki einu sinni að ég er með vöðva nema þá í kálfunum og ekki veit ég hvernig þeir liggja eða hvers vegna! Dj…

Svo bara allt í einu og skyndilega er ég með einhverja ,,verki“ í maganum og kemst ekki að neinni annarri niðurstöðu en að þetta séu harðsperrur eftir gríðarlegar magaæfingar á sunnudaginn og þennan líka litla spinningtíma dauðans á þriðjudag!

En veit ég og trúi að það sé til vöðvi innan í mér sem liggur þvert á kviðinn og inn í mig einhvern veginn! Vissi ég að það væru vöðvar þversum í mér inn að … einhverju? 1 cm breiður eða svo? Nei það vissi ég ekki! OG VEIT EKKI ENN því þetta internet getur ekki sýnt mér neitt um þetta þannig að ég skilji það! Sigurlín segir að það sé til svoleiðis harðsperrur og þá líklega vöðvi! Trúi henni nú ekki alveg – vil sjá almennilega mynd af þessu svo ég haldi ekki að ég sé með samgróninga ;-).

Ég geri áreiðanlega aldrei nóg – ég fæ svo sjaldan harðsperrur – en ég vil nú meina að það sé vegna þess að ég sé svo dugleg að teygja!
´
Afrekaskráin mín í dag:

nennti ekki í búð
Fór ekki í morgunbrennslu
alls ekki í spinning
ekki í afternoon brennslu
ekki út með hundinn sem er í stofufangelsi
Mataræði – eplakaka með rjóma,kjúklingabitar, franskar, hmmmm já og nammi á kennarafundi! Borðið fulla lúku af súkkulaðirúsínum í gær – já og svolítið af piparkökum í dag!

Brilliant og ég get ekki einu sinni sagt með sæmilegri festu að mér þyki það miður. Ég er búin að missa alla einurð og einbeitingu – fer í Styrk ef ég man eftir því – hmm hvar eru íþróttabuxurnar? Já eða skórnir – iss piss geri bara það sem mér sýnist. Lífið er hvort sem er svo snúið um þessar mundir ha hu hummm

OG ÉG VAR AÐ FREGNA AÐ STYRKUR ER LOKAÐUR FRÁ 20 DES TIL GUÐ MÁ VITA HVAÐ! Christ og ég sem ætlaði að vera svo dugleg um jólin!

shit

Og svo get ég ekki einu sinni sagt að afköstin í vinnunni séu svo mjög gasaleg!

Lengi lifi Coke lite – vatn er vont og nammi gott! Elda er óþarfi og Bónus er óvinur númer 1 – 100. Jább hún Inga litla er á góðri leið með bros á vör og kampakát. Ætlar í bólið snemma og láta sem ekkert sé því það koma hvort sem er alltaf svona tímabil þar sem hlutirnir ganga ekki vel – og það er bara eðlilegt og ekki er hægt að halda sama tempói alltaf og það er bara í lagi að slaka aðeins á – Maður má nú ekki ofgera sér. Já og nóvember er nú erfiðasti mánuðurinn í kennslu!

oh í svona niðursveiflu er svo mikilvægt að halda haus og vera umburðarlyndur og þolinmóður!

Oh yeah

Er ekki bara kaffi krús eftir skóla á morgun og enginn Styrkur? Tjú tjú trallalala

Life is a wonderful thing

Fíkn, offita, þunglyndi, móðursýki, orkuleysi, búseta í skýjaborgum, kenna öðrum um, allt eru þetta gjafir sem svo gaman er að vinna með – styrkja persónuleikann, auka manni umburðarlyndi og þroska. þetta er allt lífsreynsla.

En kvíðn er konan ekki og það er nú fyrir mestu!

Ég hef samt eiginlega engan áhuga á því að verða umburðarlynd og þolinmóð – ég meina hver yrði ég þá? Ekki hún Inga og ég hef svo sem engan áhuga á að segja skilið við hana.

En nú er ég farin í bólið að leas bók um óþolinmæði!

Og ég bara verð að fara að setja hann Bjart ofar í forgangsröðina – þetta er ekki að gera sig!

Og auðvitað fer ég í Styrk og eitthvað fleira sem ég man ekki í augnablikinu af markmiðslistanum – en mig rámar í að mér hafi verið bent á að bæta svefninn. Nú fer ég í það.

Lof jú still

Inga

Uncategorized

Nýtt msn

Halló elskurnar!

Ég varð að fá mér nýtt msn af skelfingarótta því það var einhver búin að hakka msn accountið mitt og vissi bæði notendanafn og leyniorðið – og því barasta bjó ég til nýtt. Það er salurinn@hotmail.com. Þau ykkar sem hafið ekki fært mig yfir gerið það þá hið snarasta 🙂

Uncategorized

ÉG fer sko EKKI í spinning í dag!

Vitið þið – ég var í svona ljómandi góðu skapi í dag. Það var ekki einu sinni út í loftið heldur var ég bara svo vel upplögð, umburðarlynd og dásamlega létt í lund að það var alveg met – og fólk segir mér meira að segja að ég hafi verið eins í gær! Og ekki nokkur ástæða fyrir þessari geðprýði önnur en sú að lífið er gott. Þó er það nákvæmlega eins og það var í síðustu viku og ég ætla ekki einu sinni að segja ykkur frá því hvernig mér leið á miðvikudag og svo aftur seinni part á föstudag. Allt svart ég aumingi, allir vondir við mig og fádæma erfitt að lifa! Svona getur þetta verið á Klikkvöllum!

En svo bara allt í einu og skyndilega þá var alveg búið á tönkunum og rúmlega þrjú þá bara átti ég ekki dropa eftir. Fékk mér skyr – er jú í skyrátaki þið munið, og gaf það út að ég færi sko ekki í spinning í dag – þótti það ægilega leiðinlegt en sá að það var óðsmanns æði þegar ég nennti ekki einu sinni inn á svæði frá kaffistofunni að ná mér í úlpuna mína þó það væri hellidemba úti!

Dísa mín elskulega systir spurði hvort ég væri að fara heim að sofa en ég var nú ekki á þeim buxunum heldur að fara í nudd til Baldurs – sem ég held vel að merkja… ja ekkert um það núan. Þá stundi nú Dísa – ,,þá held ég þú farir nú í spinning góða mín, hvort sem þú getur það eða ekki!“ Ég hélt nú að það myndu aukast við það líkurnar en ég væri bara svo þreytt að meira að segja Baldur myndi sjá aumur á mér og sleppa mér við allt röfl um það!

Nú þar sem ég kom í Styrk, settist ég í stólinn og hviss bang búmm – steinsofnaði ég! Og svaf bara áreiðanlega í hátt í 10 mínútur án þess að svo mikið sem rumska við alls kyns tilfæringar og umferð. Og það er ekki hægt að sofna í anddyri Styrks – það er bara ekki hægt!

Eftir alveg glataðar umræður greidarfarslega við mig var Baldur mér sammála og ég myndi bara fara í spinning á fimmtudaginn í staðinn. Mér er hins vegar ekki sérlega vel við að fresta hlutum – hef þá verulega tilhneigingu til þess að sleppa þeim þannig að það fóru að renna á mig tvær grímur en niðustaðan hélst. Ég var einfaldlega of þreytt.

En einhvern veginn á leiðinni út tókst Baldri með ,,röfli“ (það geta nefnilega fleiri röflað en ég góurinn!) sem ég heyrði náttúrulega ekki nema að hluta að sannfæra mig um að það væri náttúrulega miklu gáfulegra að fara í spinning en vinna eins og áform voru uppi um og þar gat ég nú eiginlega verið sammála honum því útúr svona þreyttri konu eins og mér kemur ekkert af viti!

Ég fór því heim lagði mig í góða stund og hentist svo í spinning. það var svo sem enginn glæsibragur á þeim tíma- kálfar from hell! Hélt ég myndi drepast – en ég reyndi og reyndi og víst varð ég þreytt og allt það – og iljarnar fínar :-). En helv… kálfarnir maður – það var eins og þeir væru on fire! Og hælsporinn svona líka sprækur núna – en já

Ég er hetja að hafa farið í spinning í dag!

Fer ekki ofan af því. Og ég er ekki búin að borða neina vitleysu í dag. Og þó ég hafi ekki farið í morgunbrennslu í gær þá var góð ástæða fyrir því og þannig er það bara stundum!
markmið

Margt um að hugsa

Fór til sála í dag. Það var svei mér áhugavert. Fannst hann ekki segja orð umfram það sem ég vissi. Talaði þessi ógn um einhverja fíkn og fíkla ;-). Voða margt sem ég þarf að kyngja ekki nóg með að ég þurfi að segja það endurtekið og horfast í augu við að vera offitusjúklingur og byrgði á þjóðfélaginu sem slík en ekki bara feit kona heldur er ég víst fíkill líka. Sigh…

En ok ég skal gera það. Svo var nú eitt og annað sem þið fáið kannski að vita – og kannski ekki. sumt var klárt – annað minna klárt en þegar upp var staðið þá hef ég bara heilmikið að hugsa um þar til næst – já og hefti til að lesa um óþolinmæði – hvernig í ósköpunum sem manninum datt í hug að ég væri svoleiðis.

Svaf lítið í nótt – aldrei þessu vant – fór ekki í Styrk kl sex eins og ég ætlaði og fór ekki út í skóla að vinna eftir styrkferð (liggur í hlutarins eðli kannski) og dagurinn bara hálfundirbúinn einhvern veginn.

Ég bara ræð ekki við að vera kennari nema vinna í 70 tíma á viku – svoldið sorglegt verð ég að segja!

Ég er mjög svekkt með að hafa ekki farið í Styrk en svona er þetta – þriggja tíma svefn er bara ekki nóg og maður bara verður að vera umburðarlyndur – (ég á að temja mér það víst!) Ef ég verð umburðarlynd þá fer ég í sama farið og ég var í febrúar. I shit you not!

Spinning á morgun og ég bara verð að undirbúa mig eitthvað en ég get það áreiðanlega lítið því ég þarf að vera heima til að vekja Aðalstein og koma honum í vinnu. Og ekki verð ég lengi í skólanum á morgun – ég er bara ekki alveg að ráða við þessar annir allar saman svei mér þá!

En ég er miklu hressari – amk á yfirborðinu en það gengur ekki vel með markmiðin maður. Þetta kemst ekki í lag fyrr en með matardagbók held ég…

Voða er margt sem ég þarf að laga – ég hef bara ekki áttað mig á því hvað ég er ófullkomin mannvera fyrr – sem betur fer verð ég að segja! Púff

markmið

Sigur á sjálfri mér

Ég þarf sko að gera afmælisgjöf handa einstakri manneskju – og náttúrulega og að sjálfsögðu er ég að gera það á síðasta degi – síðustu mínútu – og á allra allra síðasta snúningi.

Ég sá mér því kost vænstan að fara ekki í Styrk í dag því ég væri svo önnum kafin við að gera gjöfina handa kærri vinkonu. Neyðin brýtur lög og það allt saman. Sem sagt ég gaf það út við Pál að ég færi ekki í Styrk ég yrði að klára gjöfina.

Páli fannst það góð ástæða og sagði það vera í lagi. Hann benti mér á að hann væri líka önnum kafinn (en hann grunaði að ég ætlaðist til að hann kæmi með!).

,,Nei Páll það er ekki í lagi“ sagði Ingveldur hin skelegga hringsnúandi umskoðunskiptandi kona. ,,Það er bara alls ekki í lagi. Markmið mitt er að fara í Styrk í dag og þessi dagur kemur aldrei aftur (því ég gæti ekki bætt mér það upp á morgun því ég þarf að fara í bæinn eftir hádegið þar að auki). ,,Ég verð að fara í Styrk!“

,,Nú þá förum við bara Inga mín!“ sagði þessi elska og af stað fórum við og þó brennslan hafi nú ekki verið nema í 30 mín þá var þetta bara fín ferð!

Þannig vann ég sigur í dag! og afmælisgjöfin klárast vísast fyrir fjögur 🙂 en þá verð ég líka að halda áfram! (hmmmm í hvaða fötum ætti ég að fara?) Ha hu hummmmmm))

Lof jú ol

kveðja Inga sigurvegari!
Uncategorized

Aðeins meira um Árna Johnsen

Stjörnuspáin mín í dag – ferlega fín 🙂

Embrace the jovial feeling of the day, and relax as the masculine and feminine parts of your personality come together on the same page, Inga. You will find that relationships with others go especially well today, as long as you don’t get too reactive towards the situation. This is a day to have fun. Enjoy the company around you and don’t worry about yesterday or tomorrow. Your job is to live.

–00–
En ég þarf aðeins að tala um hann Árna og okkur hin.
Ég er nú reyndar farin að hallast að því að vandamálið sé ekki Árni Jónsen heldur við hin. Ég er svo mikið að hugsa um þetta – og var að því áður en ummælin umtæknilegu mistökin hans komu til.
Sko:
Fólk vill borga öðru fólki 400 – endalausar kr. fyrir að passa peninga og sýsla með þá.
Kennarar og leikskólakennarar eru með um 200 þús kr.. Það vill enginn hafa dæmdan perra í vinnu á leikskóla eða í skóla. Eðlilega. Það er hreinlega ekki forsvaranlegt að láta nokkurn þann vinna þar sem ekki hefur óflekkað mannorð í þeim efnum – og svo sem í fleiru líka, því börnin skipta svo miklu máli. Þau eru það dýrmætasta sem við eigum. það þarf sem allra best fólk til að hugsa um þau. Rétt.
Ef laun segja eitthvað til um ábyrg’ í starfi þá eru peningar okkur þó mikilvægari en börnin. Þeir sem sýsla með þá, útdeila og verna þá og hjálpa þeim að vaxa fá betur greitt en þeir sem hugsa um börnin. En þar mega vera þjófar þó vera að störfum. Þar mega menn vinna sem hafa fengið dóm um að vera ekki traustsins verðir.
Eftir að afplánun lýkur vegna þjófnaðarins er syndaregistrið horfið – hviss búmm. Dæmdur barnaníðingur á og ætti aldrei að vinna með börnum en það er víst annað með peningaþjófinn – hann er hvítþveginn eftir steinaútskruð á Kvíabryggju. Nú má treysta honum fyrir fjárhag íslenska ríkisins – og stundum heyrir maður meira að segja að hann sé ekki verri en aðrir og megi því alveg hreint fara á þing, í ráðherrastól og gott ef ekki forsætisráðherra á góðum degi (í Eyjum).
Hvað er í gangi hér? Er fólk algjörlega búið að tapa sér? Er engin skynsemisglæta orðin eftir í kollinum á okkur?
Hver er forgangsröðunin? Hvar er siðfræðin? Hvar er það að vera samkvæmur sjálfum sér? Er þetta þjóðfélagið sem við viljum, er þetta það birtingaform sem við viljum sjá af lýðræðinu? Er þetta lýðræði -er það lýðræði að múgsefjun Eyjamanna og misundarlega áttaðra Sunnlendinga skuli færa okkur þjóf sem vörð í fjárhirslum okkar?
Svari hver fyrir sig
Ég þekki Árna ekki neitt, hann hefur ekki gert mér neinn greiða, mér finnst hann ekki einu sinni sérlega skemmtilegur í Frægir í formm, finnst Berglind mín þar vera miklu frambærilegri – og meira að segja ég heyri að hann getur ekki sungið fyrir fimm aura. Þess vegna valdi ég hann ekki í prófkjöri og þess vegna kem ég aldrei til með að skjósa Sjálfstæðismenn til valda hvorki nú né síðar – þó fleira spili nú þar inn í.
markmið, Palli

oh yeah – hvernig gengur með markmiðin?

Það er nú eitt og annað búð að gerast hér í þessu húsi í dag skal ég segja ykkur. Seríur komnar í alla glugga nema tvo. Búin að taka til í eldhúsinu og losa mig við ýmislegt torkennilegt dót þaðan sem hefur safnast þar upp í gegnum tíðina.

Fór í pottinn í lauginni því ég er aum í fótunum eftir skóna og labbið, dansinn og fjörið í gær (þó ég hafi nú lítið dansað) og svo er ég bara svona almennt aum í fótunum. Mikið álag á þeim greyjunum :-). Þeir standa sig nú vel stólparnir atarna þó þeir verði ekki næstu árin notaðir í sokkabuxna-auglýsingar :-).

Svoldið snemmt að hafa kveikt á seríunum en ég ákvað nú bara að gera það samt. Æ það er eitthvað svo dimmt og svo finnst manni þær alltaf hana of stutt þegar maður tekur þær niður eftir jólin. Gaman að sjá líka glampandi gluggana – þeir eru bara svolítið óhreinir að utan – þyrfti að koma hlýindi svo ég gæti gert eitthvað í því.

Já og svo er ég ekki með neinn óhreinan þvott í vaskahúsinu!

ÉG þarf að fá mér svona, það er bara ekki hægt að þvo hér og þurrka í þessu húsi. Onei. Þetta er efst á óskalistanum. þegar ég verð búin að grafa mig niður úr skuldafeninu þá fæ ég mér svona :-).

Það er eiginlega sáluhjálparatriði. Kannski kemur einhvern tímann eitthvað út úr augnslysinu hjá Páli – hver veit.

Afhverju ætli maður verði aumur í fingurgómunum og svo sár ofan á fingrunum að hárið á manni sker í mann sár? Já og svo þurr á kálfunum að það nálgast klikkun? Hef nú bara ekki lent í svonalöguðu fyrr ég verð að segja það og kalla ég nú ekki allt ömmu mína í þurrk á kálfunum málum!

En nóg um þetta og nú að erindinu – meta hvernig gengur með markmiðin mín sem ég man eiginlega aldrei alveg hver eru!

Markmið:
Skammtímamarkmið sem yrðu nú fín lífstiðarmarkmið fyir kaos-istann Ingveldi

Rautt gekk vel
Blátt gekk verr

Matur
Versla reglulega inn (það fer um mig hrollur)
Palli hefur séð um það – allt í góðu!
Elda (er einfaldara ef maturinn er til – þá er ég ekki svo slæm í því sko)
Fæ fínan mat hjá Palla nema einu sinni einhvern skyndimat, feitan og ógeðslegan!
Vera komin heim ekki seinna en 18 til að elda
Var nú annasöm vika og þar að auki Páll heima en ég var oftast komin heim um sex 🙂 eða aðeins seinna!
Borða skyr – jukk
Heyrðu eitthvað borðaði ég af skyri en ekki nóg
Útbúa nesti og eiga eitthvað gáfulegt í skólanum
Ekki einu sinni vísir að því – borðaði nammi og drakk kaffi í staðinn
Endurskoða nammidagana – eitthvað annað en nammi!
Sbr hér að ofan þá náttúrulega var þetta ekki alveg að gera sig en… það var nú leynivinivika og ég fékk mér enga sæta köku í erfinu í gær og ekki heldur í asíska kennarapartíinu í gærkveldi! Á ég þá ekki eiginlega inni nammidag?
Hreyfing
Fara í Styrk alla sunnudaga
Fór síðast og fer á morgun!
Fara í morgunbrennslu/göngu með Bjart á mánudögum
Done – brennsla
Spinning á þriðjudögum
Done
Hvíld á miðvikudegi
zzzzzzzz
Morgunbrennsla á fimmtudegi (og mig langar gasalega prófa að fara tvisvar í viku í spinning við og við en það verður nú svoldið í það – miðtímamarkmið kannski ;-))
Done
Föstudagur er uppáhaldið í Styrk.
Jarðaför þannig að ég tók 40 samfellda brennslu áður en kennsla hófst – æði!
Og svo er kominn sunnudagur enn á ný.
Jebb!
Ganga með Bjart á laugardegi og helst á sunnudegi líka.
Ekkert labbað með Bjart í dag en ég labbaði í nótt 😉 telst það ekki með? en við förum aðeins í skóginn á morgun
Þarf ekki endilega að vera mjög langt en amk 20 – 40 mín.

Það er meira blátt matarmegin – ha hu humm – skrítið

Hreyfingin er alveg að gera sig samkvæmt markmiðum. Best að halda sama tempói næstu viku. Kannski má lengja morgunbrennsluna þegar því er við komið og maður er í stuði!

Þarf að halda matardagbók – þá kannski held ég betur utanum þetta og segi ekki bara að þetta sé í lagi. Hef þá ákveðna sönnun 😉

Uncategorized

Tæknileg mistök

Það er gaman að vera kennari þó það sé stundum svolítið erfitt. Maður þarf að rífast svolítið og vera samkvæmur sjálfum sér og svona. Í gær var ég að rekast í nemanda sem vildi ekki gera ákveðinn hlut og sagði að ég væri bara að búa til ákveðna vinnureglu þar og þá og hann hefði nú ekki séð aðra nemendur þurfa að gera þetta sem ég vildi að hann gerði.

Ég sagði að það gæti svo sem vel verið – ég vissi ekki hvað aðrir þyrftu að gera en þessi regla væri til og eftir henni ætti viðkomandi að fara, ef það væri ekki alltaf svo þá væru það slæmt. Ekki þótti nemandanum það gott nema þá sagði annar nemandi: ,,Það eru þá bara tæknileg mistök ef það hafa ekki allir þurft að gera þetta!“ Og þar með var málið útrætt. Nemandi hlýddi mér orðalaust og öllum var ljóst að tæknileg mistök gætu allir gert og þau væru af því tagi að ekki þyrfti neitt að amast við þeim heldur bara eðlilegur hlutur sem ekkert væri heldur hægt að gera við.

Já það er dásamlegt hvað sjálfstæðismenn hér á Suðurlandi hafa kosið yfir okkur hin – og bragð er þá barnið finnur.

Ég á sem betur fer plaggið sem Árni sendi með nöfnum stuðningsmanna sinna – það er bara ágætt að hafa það við höndina svo maður geti varað sig á því fólki því í alvöru þá held ég bara að það geti ekki verið í lagi að láta dæmdan þjóf – og það engan Robin Hood heldur stal hann frá almúganum, vera þingmann okkar – já og kannski bara í ríkisstjórn sem ráðherra.

Það er nú annað en þeir sem þurfa að vinna hjá KÓK eða á leikskóla eða hvar sem er bara – þar þarf nánast að afhenda dna, sakavottorð og hvur veit hvað áður en umsóknin er svo mikið sem móttekin en á þing getur hver sem er komist og farið þar um eins og honum sýnist því Íslendingum finnst það bara fyndið!

og svo syngur maðurinn ekki einu sinni vel!

Frægir í form hvað –

hrmpf

tiltekt

Nú skal gefið í

Eftir sms nótt, spjall og leynivinahjal – já og göngu heim úr partýinu (afþakkaði meira að segja far sem mér var boðið Páli til mikillar armæðu og undrunar, hryggðar og kuldahrolls) þá er komið að því að fara að gera eitthvað á þessu heimilaði.

Komin í svitagallann og nú skal gefið í. Ekkert væl, ekkert þunglyndi ekkert djö… kílótal – Það sagði við mig maður í gær að ég liti stórvel út og það væri sko greinilegt að æfingarnar skiluðu mér miklu og ég ætla bara að hugsa um það – enda myndi hann aldrei hafa sagt það nema meina það – og finnast það.

Meira um leynivininn síðar – en það var mjög óvænt skal ég segja ykkur!

Taka til taka til – nota síðustu stundir Páls heima fram að jólum.